ROMEMIKO 1
1
Kelü kesüjü
1Paul Jisu Khrista yitho-o, acüpü apostle mipü kethi, Jihova jüyikeve la akelakre keyi. 2Thajü saju keseko ketholesilü popü kemütako. 3Jüyikeve pü Nuo David thilü vori keto. 4Jihova Nu thitole kekulü po mese kesü, rüpü kemesa zholü, kesalü rhüla keyi yono. 5Püyo ngokemezhe ngoyi m apostle tho (mhatho) sheri, kemelü jüzü püvo Israelmi kemoko metü metso keti, püza-o lano. 6Nrisa Jisu Khrista cükeyi krolü bate. 7Jihova ngokemezhe kroko Rome lü keba kemesako. Ngokemezhe po neko zübayi thenyü kezükeve Therü uko Po celü kevori m Niepo Jisu Khrista celü. 8(Kecholü kemüza kha kesü). Theralü neko metüla I Jisu Khrita zalü Jihova meza kekrelamori neko kemelü po cejü metülü vo ketala. 9Kekrelamori Jihova azhopozo, I arüpü züde pü Nuo jüyikeve choyi thi keta I relü mozode akecholü neko va rü kra tayozo. 10Jihova medo lize apo thelalü arevü nvekeyithi de nekoce vori thenyü. 11Kekrelamori I neko pesünyü bayo de rüpü mhaphrü neko zü keza kesü neko thi kethepu ketola. 12Hunehu kemelü thi kemetü yiketo ala sheri m nekola sheri. 13I nekopo semo banyümo, alipüneko m asazüjürako, I tsükenu nekoce vori nyü süyo, vele kemecu ketala kevezo, I neko dolu use hungoyi ketola; Israelmi kemoko dolu thi kebabi. 14I Greekmi, mhakeseko, Barbarian m mhasekemomiko pori pü tate. 15Hila I jüyikeve po keto Romelü kebako ceri m neko cesheri ponyüde dojüpü tazo. (Jüyikeve keku) 16I Khrista Jüyikeve la menga ta yomo, kekrelamori süosü Jihova keku pü kelakeyi jü melü ketako metü tsüsü; Judahmiko ra süsa Greekmila sheri. 17Süsü kemelüyo Jihova kemezi thapü ka kesü kemelü, süo thopü kemüta hibi, “Kejüthomi kemelüla rhüyito.”
Thüma vajo keta
18Kekrelamori Jihova lekhu tüyo thasu keta thüma mesa kemomi m thüma kesumi kejütho thi mesu ketako m kethoo pü mezikemolü sü ketako metsu. 19Kekrelamori Jihova ju seyi keve sü thipü uko mesesü, Jihova sükopü uko mengove 20Cejü thiyiculü semo m ngomo ketiko kha mese mengo süte. Jihova keku kechothe keta pü mengosüte, süla umezi poyi keto ba mo. 21Kekrelamori uko Jihova sezori pürhopü Jihova le zimozo, mori pü mezale siri mozo; vele uko kemüdokolü kemechüko lü: uco kedilü uko melü thi mezü pütate. 22Kesemi le sizi tayo, vele uko kenyomi thite. 23Uko zapozale Jihova ka m dita (celire) kehoo khi thüma, mera, khonu, m guketa tenhiko marhe thisüyo. 24Süla Jihova ri uko khapü uko melü kemenyü mesakemolu süve, ukopo uthiuphori jü merho tate. 25Kekrelamori uko kemedapü Therü kethoo valede khonuko reshü, mhametü thikesüo reshü keti sülü: kechothe thejo kepüo, Amen. 26Uco hihila Jihova uko khapü zhoshülü kesuko kemenyülu süve, kekrelamori uko nopuko kedepü zhokrezhongako khi süculü zhoko metsu 27Kemenyü meketo thi thepumi keho kekhrükezü; thenomi kemenyü sülü: Uko khapü süculü zhokemo kethengalü süva de sazhori uko kejola ngo zoto. 28Uko Jihova khapü uko kelü thinyümo ketala Jihova uko khapü kerevolü süve, thizükemoko thite. 29Mhakesuko pü chu: kesu dolini kethi, mesakemo, mehomenyü, minümo kethi, mhameho shuti, kedokhri, kejüzükemo, kemeli, kedokeche, udorüshuti, salisalü meso, 30Mishemeli kethi, Jihova ngokemu, mimelükrü, (retsüketi), kemeha, kemeko, mhakesu kesa kephu, ukrü jü zü kemo, 31Mhasetho keti, jükeve (thezhokeve) vaphro keti, kemelü kedi, kenyo, ukhrü umelü kedi, mikhrü kemo (mehomeroti), 32Jihova zhoko uko sezori somi zümo sheri sükopo sazüzo, sizo sheri uko nüde kethi lebi mori; mipori thinode mice po meto tayo.
Currently Selected:
ROMEMIKO 1: NAG5BSI
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.
ROMEMIKO 1
1
Kelü kesüjü
1Paul Jisu Khrista yitho-o, acüpü apostle mipü kethi, Jihova jüyikeve la akelakre keyi. 2Thajü saju keseko ketholesilü popü kemütako. 3Jüyikeve pü Nuo David thilü vori keto. 4Jihova Nu thitole kekulü po mese kesü, rüpü kemesa zholü, kesalü rhüla keyi yono. 5Püyo ngokemezhe ngoyi m apostle tho (mhatho) sheri, kemelü jüzü püvo Israelmi kemoko metü metso keti, püza-o lano. 6Nrisa Jisu Khrista cükeyi krolü bate. 7Jihova ngokemezhe kroko Rome lü keba kemesako. Ngokemezhe po neko zübayi thenyü kezükeve Therü uko Po celü kevori m Niepo Jisu Khrista celü. 8(Kecholü kemüza kha kesü). Theralü neko metüla I Jisu Khrita zalü Jihova meza kekrelamori neko kemelü po cejü metülü vo ketala. 9Kekrelamori Jihova azhopozo, I arüpü züde pü Nuo jüyikeve choyi thi keta I relü mozode akecholü neko va rü kra tayozo. 10Jihova medo lize apo thelalü arevü nvekeyithi de nekoce vori thenyü. 11Kekrelamori I neko pesünyü bayo de rüpü mhaphrü neko zü keza kesü neko thi kethepu ketola. 12Hunehu kemelü thi kemetü yiketo ala sheri m nekola sheri. 13I nekopo semo banyümo, alipüneko m asazüjürako, I tsükenu nekoce vori nyü süyo, vele kemecu ketala kevezo, I neko dolu use hungoyi ketola; Israelmi kemoko dolu thi kebabi. 14I Greekmi, mhakeseko, Barbarian m mhasekemomiko pori pü tate. 15Hila I jüyikeve po keto Romelü kebako ceri m neko cesheri ponyüde dojüpü tazo. (Jüyikeve keku) 16I Khrista Jüyikeve la menga ta yomo, kekrelamori süosü Jihova keku pü kelakeyi jü melü ketako metü tsüsü; Judahmiko ra süsa Greekmila sheri. 17Süsü kemelüyo Jihova kemezi thapü ka kesü kemelü, süo thopü kemüta hibi, “Kejüthomi kemelüla rhüyito.”
Thüma vajo keta
18Kekrelamori Jihova lekhu tüyo thasu keta thüma mesa kemomi m thüma kesumi kejütho thi mesu ketako m kethoo pü mezikemolü sü ketako metsu. 19Kekrelamori Jihova ju seyi keve sü thipü uko mesesü, Jihova sükopü uko mengove 20Cejü thiyiculü semo m ngomo ketiko kha mese mengo süte. Jihova keku kechothe keta pü mengosüte, süla umezi poyi keto ba mo. 21Kekrelamori uko Jihova sezori pürhopü Jihova le zimozo, mori pü mezale siri mozo; vele uko kemüdokolü kemechüko lü: uco kedilü uko melü thi mezü pütate. 22Kesemi le sizi tayo, vele uko kenyomi thite. 23Uko zapozale Jihova ka m dita (celire) kehoo khi thüma, mera, khonu, m guketa tenhiko marhe thisüyo. 24Süla Jihova ri uko khapü uko melü kemenyü mesakemolu süve, ukopo uthiuphori jü merho tate. 25Kekrelamori uko kemedapü Therü kethoo valede khonuko reshü, mhametü thikesüo reshü keti sülü: kechothe thejo kepüo, Amen. 26Uco hihila Jihova uko khapü zhoshülü kesuko kemenyülu süve, kekrelamori uko nopuko kedepü zhokrezhongako khi süculü zhoko metsu 27Kemenyü meketo thi thepumi keho kekhrükezü; thenomi kemenyü sülü: Uko khapü süculü zhokemo kethengalü süva de sazhori uko kejola ngo zoto. 28Uko Jihova khapü uko kelü thinyümo ketala Jihova uko khapü kerevolü süve, thizükemoko thite. 29Mhakesuko pü chu: kesu dolini kethi, mesakemo, mehomenyü, minümo kethi, mhameho shuti, kedokhri, kejüzükemo, kemeli, kedokeche, udorüshuti, salisalü meso, 30Mishemeli kethi, Jihova ngokemu, mimelükrü, (retsüketi), kemeha, kemeko, mhakesu kesa kephu, ukrü jü zü kemo, 31Mhasetho keti, jükeve (thezhokeve) vaphro keti, kemelü kedi, kenyo, ukhrü umelü kedi, mikhrü kemo (mehomeroti), 32Jihova zhoko uko sezori somi zümo sheri sükopo sazüzo, sizo sheri uko nüde kethi lebi mori; mipori thinode mice po meto tayo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.