PHILIPPIKO 3
3
Paul Thaka Thikesü
1Thelalü, akezühko, Niepoo yolü nienüyite, I ketho sa thori a kebvümo nieko na keveozo. 2Nie tüshiko na nie ceriyite, mhathokeshü kethi mako, yikürühmi do thikütako yolü u ceriyite. 3Uko uyi kürühmi küthoko, mu uko ropü lü Kemenupü rüshüyo, mu Khrista Jisu yolü unü tayo, uthi yolü küthiko mülü ta mo. 4Humi uthi yolü küthi mülüketi mesüh le lizo, I süko ceri mülüku ti mesüh. 5I a menukeyi zho thütha nha ayi rüh keyimi, I Israel swüyiemi, Benjamin yie lü hükevorimi, I Hebrewmi, thezhoo lü lizo I Pheriseemi. 6Kesührhüh co lüsü lizo I kehu kemeswumi, thezhoo lüketako züno mathoyi kezho co lüsülizo mipüh ri a kejo püh ri ngoyi ho. 7Deri thadzü mhakehopüh ri a mhüdzüce ve siketako tsüno süko Khrista na mhapüh ri mote. 8Sizo kütho, mu I Niepo Khrista Jisu mhase kevethoo mede süyo I mhatho püh ri mote, apo pü na mha süko metüko medi tsove, silizo I Khrista ngoyi mu püyolü ngoyi ketoko la I mha süko püh nyorho khakevako bitazo. 9Side thezhoo lü ketako zühkeyina I matho küyi krayi mo deri Khrista yolü ngo küyizo. 10I Khrista züh küseyi die pü rhühlakesü kekuo ri seyi mu pü kemezhe kesüko lü pü züh kemezhe die a zhorüle ri po pü kesace zho züh kemhayi keto na. 11Sidie I ri thiyi veyo kesako dolü rhühlakesümi thiyi keto na.
Kesolü Kemenupü kecü
12I tsü süko tsoyite simo mori vetsühte simolu, vele I süko tsoyiketo la huzüzo. Süsüna Khrista Jisu ri a püh pü thüma thiküyizo. 13Azühko, I süko tsoyi keto atho ri thiyiketo lümozo, deri I mha püh a lüdo lüba, süsü asaco kebako lü mozo die amhüdzüco hu vozüzo. 14U Kemenupü Khrista Jisue mhapühpüh atsü tono kesolü a kecü I mha süo huzüzo. 15Süsüna uko pethi ketako, ulü sükemha lütsoyi tokhe, mu nieko lü mhakekre huri lüba lizo Kemenupü süko ri thapüh nieko meka süto. 16Sizori uko tavo tsokeyi züh, ta sasüyi tokhe. 17Azühko, nieko ri a do zühyite, siyo hako nieko mhüdzü rade tha süko pe n türütüro thiyite. 18Kükrenamori I thüma kükro jü tsükünu niekoce posüh bayo mu tsüri a mhüdzüküto thide nieko ce pova, thüma süko Khrista Cross ngomuko zo. 19Thüma sükosü na thülao sü küka, uko Kemünupü sü uko vade, uko nga sü uko zhopo zhole, mu uko cejü lü mhako lü kütazo. 20Deri uko na cenyie sü tülüta, mu uküla küyio Niepo Jisu Khrista küvo khüba. 21Püthori pü müdo thide mha mütüko thipüh pü khrikhro süyive, mu pü küku süo püh umo mhathokümo hio ri thiküsapüh pümo vezo küzü züh kümhayi tato.
Currently Selected:
PHILIPPIKO 3: NAG5BSI
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.
PHILIPPIKO 3
3
Paul Thaka Thikesü
1Thelalü, akezühko, Niepoo yolü nienüyite, I ketho sa thori a kebvümo nieko na keveozo. 2Nie tüshiko na nie ceriyite, mhathokeshü kethi mako, yikürühmi do thikütako yolü u ceriyite. 3Uko uyi kürühmi küthoko, mu uko ropü lü Kemenupü rüshüyo, mu Khrista Jisu yolü unü tayo, uthi yolü küthiko mülü ta mo. 4Humi uthi yolü küthi mülüketi mesüh le lizo, I süko ceri mülüku ti mesüh. 5I a menukeyi zho thütha nha ayi rüh keyimi, I Israel swüyiemi, Benjamin yie lü hükevorimi, I Hebrewmi, thezhoo lü lizo I Pheriseemi. 6Kesührhüh co lüsü lizo I kehu kemeswumi, thezhoo lüketako züno mathoyi kezho co lüsülizo mipüh ri a kejo püh ri ngoyi ho. 7Deri thadzü mhakehopüh ri a mhüdzüce ve siketako tsüno süko Khrista na mhapüh ri mote. 8Sizo kütho, mu I Niepo Khrista Jisu mhase kevethoo mede süyo I mhatho püh ri mote, apo pü na mha süko metüko medi tsove, silizo I Khrista ngoyi mu püyolü ngoyi ketoko la I mha süko püh nyorho khakevako bitazo. 9Side thezhoo lü ketako zühkeyina I matho küyi krayi mo deri Khrista yolü ngo küyizo. 10I Khrista züh küseyi die pü rhühlakesü kekuo ri seyi mu pü kemezhe kesüko lü pü züh kemezhe die a zhorüle ri po pü kesace zho züh kemhayi keto na. 11Sidie I ri thiyi veyo kesako dolü rhühlakesümi thiyi keto na.
Kesolü Kemenupü kecü
12I tsü süko tsoyite simo mori vetsühte simolu, vele I süko tsoyiketo la huzüzo. Süsüna Khrista Jisu ri a püh pü thüma thiküyizo. 13Azühko, I süko tsoyi keto atho ri thiyiketo lümozo, deri I mha püh a lüdo lüba, süsü asaco kebako lü mozo die amhüdzüco hu vozüzo. 14U Kemenupü Khrista Jisue mhapühpüh atsü tono kesolü a kecü I mha süo huzüzo. 15Süsüna uko pethi ketako, ulü sükemha lütsoyi tokhe, mu nieko lü mhakekre huri lüba lizo Kemenupü süko ri thapüh nieko meka süto. 16Sizori uko tavo tsokeyi züh, ta sasüyi tokhe. 17Azühko, nieko ri a do zühyite, siyo hako nieko mhüdzü rade tha süko pe n türütüro thiyite. 18Kükrenamori I thüma kükro jü tsükünu niekoce posüh bayo mu tsüri a mhüdzüküto thide nieko ce pova, thüma süko Khrista Cross ngomuko zo. 19Thüma sükosü na thülao sü küka, uko Kemünupü sü uko vade, uko nga sü uko zhopo zhole, mu uko cejü lü mhako lü kütazo. 20Deri uko na cenyie sü tülüta, mu uküla küyio Niepo Jisu Khrista küvo khüba. 21Püthori pü müdo thide mha mütüko thipüh pü khrikhro süyive, mu pü küku süo püh umo mhathokümo hio ri thiküsapüh pümo vezo küzü züh kümhayi tato.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.