PHILIPPIKO 1
1
1Khrista Jisu cetani Paul mo Timothy uni-e khapüh Philppi lü keba Khrista Jisu lü keta kemesako, pethimiko mu dikonko ce kesü: 2U Kemenupü u Poo mu Niepo Jisu Khrista celü kepari ngokemezhe mu thelü kemenüo po nieko züh ba keyio thiyite.
Kemeza kecho
3I nieko rükra kesümetsüh Kemenupü meza bayo zo; 4I nieko la cho kesü metsüh a nüswüdie cho bayo zo; 5Dzüyikeve na thüra lü vo tsüketso a züh kebedu kekhrühi vo tsoküyi na nieko müza ve. 6Silizo nieko yo lü mhakeve thi swüdü kesüko thi zovo Jisu Khrista tüsozhonha thitsüh sü keto I mülüzo. 7Silizo nieko a melü lü baketina nieko ri hiko biyi keto I lüzüzo, kekrelamori I kedzükethi lü ri kesatha kesü, dzüyikeve na tha mütü kesülüri nieko ri azüh ngokemezhe kerhühzo ketina. 8Silizo I Jisu Khrista kekhrü sühdie nieko menyiphi bayo keti Kemenupü tho se ba. 9I nieko po thelüo lüri, mhase lüri nie kekhrü po kro mama keto la cho bayozo. 10Sidie nieko po kevethoo thiyiketo na, mesamezi mu jota mo zovo Khrista kevori tsoyi keto na. 11Khrista kemathosheo püh nie kechu thiyidie mipo Kemenupü chu mu Püza po kemeleyite.
Kedzüce lü Paul kethepu
12A kezühko, hijü a yolü mhakehopühri thikesüko dzüyikeve khavakütao mole po mekrokuyi keto I nieko po süsü shensa. 13Kükrelamori Khrista na I kedzü thi leketi kedeo rifüko mu thüma kükremiko pori seyi kütona. 14Siketio mori Niepoo lüketa uzühmi kekroco a phayi keta na melükechüsayi die methimozo no Kemenupü dzüo po kehüsate. 15Thüma kropüh-e küthüro mo mizüh kümürha küto la Khrista popüh mi mütha, Vele thüma humi lüthilüdo küve süh Khrista zhopo thisü. 16Thüma kropüh-e apo dzüyikeve yopüh sünoo a kedayi keta se die a kekhrü na thisü 17Vele kro kekreo no a phazüh keta apo alü kemezhe tono, mo azüh kelürhüh nyi mo keta la Khrista zhopo thisü. 18Silizo dibia? Küthera zori mori tüthothi ri kehopühbiri Khrista dzu povazo süna I anü. 19Ye, I anüte, nieko kücho na mu Jisu Khrista Ropü kekhrühi lü a kelayi tazo. 20I sari rhühri kehopühthi ri jo kemenga taho, mo thepuzo üno hidzübi tsüri a yolü Khrista po zale thizoto, süosü a kemerio zo. 21I rhühta ri Khrista na zo, Satato ri a la meveku tizo. 22Deri I amo hio rhüh ba no mhakeve thiyi velizo; dipüh keda tosü I semo. 23I süni dolü ba, I tata no vo Khrista züh batanyi, süo vekuzoto keti na. 24Deri sitazori I rhüh keta no nieko na vevü. 25Nieko po mesa bayiketo na mu nieko kemelü lü nienüyi keto na I nieko zühba zovo molizo kesü I lüyi. 26Kükrelamori apo nieko züh küngoladie nieko po ala Khrista Jisu yolü nieko nüsayi keto na.
Khrista Theka
27Nieko Khrista dzüyikeve na nie zhorüle pütüthi bazoyite, I nieko zühbari mori apo nieko ropü lü kezüh püh thi metü keba, lüpüh thi dzüyikeve kemelü lü hütüketi a po seketo na. 28Nie kemetsümi po nie kedüvahi. Hiohi puko na keka zasi pühzo, deri nie na Kemenupü cekevo kelakeyi zasio zo. 29Khrista zalü khapüh nieko tsükesüe nie po melüketo na lübi mo, deri nieko po ri Pü na kemezhe sü keto na. 30Kükrelamori I thadzü a rhathi kevo nieko ngovate mu tsüri süsü kemha bazoketi nieko ri sekeba kemha nieko ri nie rhathiyi keto na.
Currently Selected:
PHILIPPIKO 1: NAG5BSI
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.
PHILIPPIKO 1
1
1Khrista Jisu cetani Paul mo Timothy uni-e khapüh Philppi lü keba Khrista Jisu lü keta kemesako, pethimiko mu dikonko ce kesü: 2U Kemenupü u Poo mu Niepo Jisu Khrista celü kepari ngokemezhe mu thelü kemenüo po nieko züh ba keyio thiyite.
Kemeza kecho
3I nieko rükra kesümetsüh Kemenupü meza bayo zo; 4I nieko la cho kesü metsüh a nüswüdie cho bayo zo; 5Dzüyikeve na thüra lü vo tsüketso a züh kebedu kekhrühi vo tsoküyi na nieko müza ve. 6Silizo nieko yo lü mhakeve thi swüdü kesüko thi zovo Jisu Khrista tüsozhonha thitsüh sü keto I mülüzo. 7Silizo nieko a melü lü baketina nieko ri hiko biyi keto I lüzüzo, kekrelamori I kedzükethi lü ri kesatha kesü, dzüyikeve na tha mütü kesülüri nieko ri azüh ngokemezhe kerhühzo ketina. 8Silizo I Jisu Khrista kekhrü sühdie nieko menyiphi bayo keti Kemenupü tho se ba. 9I nieko po thelüo lüri, mhase lüri nie kekhrü po kro mama keto la cho bayozo. 10Sidie nieko po kevethoo thiyiketo na, mesamezi mu jota mo zovo Khrista kevori tsoyi keto na. 11Khrista kemathosheo püh nie kechu thiyidie mipo Kemenupü chu mu Püza po kemeleyite.
Kedzüce lü Paul kethepu
12A kezühko, hijü a yolü mhakehopühri thikesüko dzüyikeve khavakütao mole po mekrokuyi keto I nieko po süsü shensa. 13Kükrelamori Khrista na I kedzü thi leketi kedeo rifüko mu thüma kükremiko pori seyi kütona. 14Siketio mori Niepoo lüketa uzühmi kekroco a phayi keta na melükechüsayi die methimozo no Kemenupü dzüo po kehüsate. 15Thüma kropüh-e küthüro mo mizüh kümürha küto la Khrista popüh mi mütha, Vele thüma humi lüthilüdo küve süh Khrista zhopo thisü. 16Thüma kropüh-e apo dzüyikeve yopüh sünoo a kedayi keta se die a kekhrü na thisü 17Vele kro kekreo no a phazüh keta apo alü kemezhe tono, mo azüh kelürhüh nyi mo keta la Khrista zhopo thisü. 18Silizo dibia? Küthera zori mori tüthothi ri kehopühbiri Khrista dzu povazo süna I anü. 19Ye, I anüte, nieko kücho na mu Jisu Khrista Ropü kekhrühi lü a kelayi tazo. 20I sari rhühri kehopühthi ri jo kemenga taho, mo thepuzo üno hidzübi tsüri a yolü Khrista po zale thizoto, süosü a kemerio zo. 21I rhühta ri Khrista na zo, Satato ri a la meveku tizo. 22Deri I amo hio rhüh ba no mhakeve thiyi velizo; dipüh keda tosü I semo. 23I süni dolü ba, I tata no vo Khrista züh batanyi, süo vekuzoto keti na. 24Deri sitazori I rhüh keta no nieko na vevü. 25Nieko po mesa bayiketo na mu nieko kemelü lü nienüyi keto na I nieko zühba zovo molizo kesü I lüyi. 26Kükrelamori apo nieko züh küngoladie nieko po ala Khrista Jisu yolü nieko nüsayi keto na.
Khrista Theka
27Nieko Khrista dzüyikeve na nie zhorüle pütüthi bazoyite, I nieko zühbari mori apo nieko ropü lü kezüh püh thi metü keba, lüpüh thi dzüyikeve kemelü lü hütüketi a po seketo na. 28Nie kemetsümi po nie kedüvahi. Hiohi puko na keka zasi pühzo, deri nie na Kemenupü cekevo kelakeyi zasio zo. 29Khrista zalü khapüh nieko tsükesüe nie po melüketo na lübi mo, deri nieko po ri Pü na kemezhe sü keto na. 30Kükrelamori I thadzü a rhathi kevo nieko ngovate mu tsüri süsü kemha bazoketi nieko ri sekeba kemha nieko ri nie rhathiyi keto na.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.