MHATHOKO 25
25
Paul kedeo cecho lesü
1Tsüzo Festus ta State lü vorita, zhosü salü pü Caesarea lü ta Jerusalem lü vori. 2Süsa thevo kezhoo mu Jews dolü kemeleko tavo püce Paul metsu keti posü, mu tüshe chosü. 3Püpo uko nüthisü de Paul metsu ketola, püzü Jerusalem lü kino zisü, size uko cholü pü fü ba pü dokhri va ketola. 4Vele Festus ukoce poti, Paul khapü Caesarea lü metamo zesu, pü rekri ta sülü vo ketola. 5Süla neko dolü humi azü takite pü mejo keto mha kesuhu püyo mhace ba süze. 6Pü tüsozho keri pü uko dolü relüba, süsa pü ta Caesarea lüki, süsanha tavo pü jünyo keti balü bayi de Paul züvorino posü. 7Pü tavori tice Jews miko Jerusalem lü kiri tiko tavo pü metuyi, side Paul yo mha kesu kekropü pümejosü, süko kethozo keti bamozo sheri. 8Pütho pümezi kepolü, Jews mithezho püri varhümo, mori kereshüce sheri thi merhomo, mori Caesar sheri metsu mo, mhapü lüri I kevarhü thimo. 9Vele Festus Jews miko nü thinyüta, de Paul ketso, no Jerusalem lü kho tome? Mha hiko amhüjülü keti ketola? 10Süsa Paul poti, I Caesar sheco bayo tha, sülü ashe keti kesü mesü, I Jews mila mhakesu püri thimo ti no setüba. 11Kekrelamori I mhace kejo hu thiva sakeshü thita süze I sata sheri mumo, vele mhace uko amejo keba ngoyi moze, thüma püri akhapü uko tsü vaho, I Caesar ce choyo. 12Süsa Festus Council zü kevasesü de poti, no Caesar cecho kebabi, no Caesar ce kho tato.
Festus Agrippa kedeo ketso keti
13Tüsozho husa Agrippa kedeo mu Bernice ta Caesarea lü kiri Festus kelü ketola. 14Tüsozho kekro sülü bade Festus Paul ju popü kedeo ce sü, Felix thümapü phapü khametale. 15I Jerusalem lü kebace Jews thevoko mu mehiko ace poti, uko pü mejo va nyü bale. 16I ukoce po kesü, pü mesa va keto mhüjü püpo pümezi pomo de mesa keva sü Roman zhomo, pükemejoko zü mhotsu kesü de mhatho kesu dipü thiva sheri popü mejo sü kemosa. 17Süla I hice kevori sanha thothü mozode sheco balü bayi, de Paul zü vori no posü. 18Pü kemejoko tavo thayi, akelüce uko mhapüri mejo keshü khi vorimo. 19Vele uko sizitari sehomo ziti utho uko dolü mipü Jisu zile tipü, pü sata vele Paul poti rhütazo side pota. 20I mha süpü setü mo tila I pü ketso de püzü Jerusalem lü kho püne keti lize. 21Vele Paul Augustus po reni tole chota, süla I pü khapü Caesar ce sü ketola kha metate. 22Agrippa Festus cepoti, I atho thüma süo reni sü nyüle; Püpoti, sodo no süo reni rive.
Paul zü Agrippa mhüjülü kevo
23Süsanhasü, Agrippa mu Bernice ni keretso shupü lüri, sheco balü, krapi kezhoko, nadelü kemele miko, Festus kepolü Paul zü vori. 24Festus poti, Kedeo Agrippa mu thüma hice hako zü kebako, neko thüma hio ngoba, Jews makro ace (Caesarea) mu Jerusalem lü sheri, hice sheri, thüma hiopo hübasati mesü mole. 25Vele I ngo keyi pü sakeshü mhatho püri thimo, mu pü sheri Augustus cecho ketala I pü khapü püce süvaze. 26I mhapüri thotüpü aniepoo ce kesü bamo. Süla I püzü vorizü, baho sheri nmhüjülü, O Agrippa kedeo, uko pü ketso kevasa I mhahu thosü rive ketola. 27Kekrelamori thejü mipü pükemejo thasü mozo keto sü püco bamo.
Currently Selected:
MHATHOKO 25: NAG5BSI
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.
MHATHOKO 25
25
Paul kedeo cecho lesü
1Tsüzo Festus ta State lü vorita, zhosü salü pü Caesarea lü ta Jerusalem lü vori. 2Süsa thevo kezhoo mu Jews dolü kemeleko tavo püce Paul metsu keti posü, mu tüshe chosü. 3Püpo uko nüthisü de Paul metsu ketola, püzü Jerusalem lü kino zisü, size uko cholü pü fü ba pü dokhri va ketola. 4Vele Festus ukoce poti, Paul khapü Caesarea lü metamo zesu, pü rekri ta sülü vo ketola. 5Süla neko dolü humi azü takite pü mejo keto mha kesuhu püyo mhace ba süze. 6Pü tüsozho keri pü uko dolü relüba, süsa pü ta Caesarea lüki, süsanha tavo pü jünyo keti balü bayi de Paul züvorino posü. 7Pü tavori tice Jews miko Jerusalem lü kiri tiko tavo pü metuyi, side Paul yo mha kesu kekropü pümejosü, süko kethozo keti bamozo sheri. 8Pütho pümezi kepolü, Jews mithezho püri varhümo, mori kereshüce sheri thi merhomo, mori Caesar sheri metsu mo, mhapü lüri I kevarhü thimo. 9Vele Festus Jews miko nü thinyüta, de Paul ketso, no Jerusalem lü kho tome? Mha hiko amhüjülü keti ketola? 10Süsa Paul poti, I Caesar sheco bayo tha, sülü ashe keti kesü mesü, I Jews mila mhakesu püri thimo ti no setüba. 11Kekrelamori I mhace kejo hu thiva sakeshü thita süze I sata sheri mumo, vele mhace uko amejo keba ngoyi moze, thüma püri akhapü uko tsü vaho, I Caesar ce choyo. 12Süsa Festus Council zü kevasesü de poti, no Caesar cecho kebabi, no Caesar ce kho tato.
Festus Agrippa kedeo ketso keti
13Tüsozho husa Agrippa kedeo mu Bernice ta Caesarea lü kiri Festus kelü ketola. 14Tüsozho kekro sülü bade Festus Paul ju popü kedeo ce sü, Felix thümapü phapü khametale. 15I Jerusalem lü kebace Jews thevoko mu mehiko ace poti, uko pü mejo va nyü bale. 16I ukoce po kesü, pü mesa va keto mhüjü püpo pümezi pomo de mesa keva sü Roman zhomo, pükemejoko zü mhotsu kesü de mhatho kesu dipü thiva sheri popü mejo sü kemosa. 17Süla I hice kevori sanha thothü mozode sheco balü bayi, de Paul zü vori no posü. 18Pü kemejoko tavo thayi, akelüce uko mhapüri mejo keshü khi vorimo. 19Vele uko sizitari sehomo ziti utho uko dolü mipü Jisu zile tipü, pü sata vele Paul poti rhütazo side pota. 20I mha süpü setü mo tila I pü ketso de püzü Jerusalem lü kho püne keti lize. 21Vele Paul Augustus po reni tole chota, süla I pü khapü Caesar ce sü ketola kha metate. 22Agrippa Festus cepoti, I atho thüma süo reni sü nyüle; Püpoti, sodo no süo reni rive.
Paul zü Agrippa mhüjülü kevo
23Süsanhasü, Agrippa mu Bernice ni keretso shupü lüri, sheco balü, krapi kezhoko, nadelü kemele miko, Festus kepolü Paul zü vori. 24Festus poti, Kedeo Agrippa mu thüma hice hako zü kebako, neko thüma hio ngoba, Jews makro ace (Caesarea) mu Jerusalem lü sheri, hice sheri, thüma hiopo hübasati mesü mole. 25Vele I ngo keyi pü sakeshü mhatho püri thimo, mu pü sheri Augustus cecho ketala I pü khapü püce süvaze. 26I mhapüri thotüpü aniepoo ce kesü bamo. Süla I püzü vorizü, baho sheri nmhüjülü, O Agrippa kedeo, uko pü ketso kevasa I mhahu thosü rive ketola. 27Kekrelamori thejü mipü pükemejo thasü mozo keto sü püco bamo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.