MHATHOKO 22
22
Paul Council mhüjülü kevo
1Pü po kesü, thümako, asazüjürako, uponeko, amezi tsühi nekoce apo po kesü reni süte. 2Uko pü Hebrew jülü po ketala uko kemekre zü zikuta. 3Pü poti, I Jew thüma püzo, Tarsus lü amenuyi, Cilicia lü nadepü, sizori I Gamaliel phece ametha püyi, uponeko zho rele vetsütso ti pü amethasü, Jihova ceco arha thi ketamipü neko tsüdo thi kebako bi. 4I mimethi meni de dokhri mu phapü thejü cekolü sü thepu mi sheri mu thenomi sheri. 5Thevo kezhoo sheri azhopo süo seba, mu mehiko metü sheri; I uko celü lesi kethoko püyi, side ta Damascus lü vo, uko tüphapü Jerusalem lü vori tolezino, uko mejo ketola. 6I revü vo kezüce kehetülu Damascus meno vorita, metha kevepü tüyo ava vekrü akhü metülü. 7I retu cejü kita, mhafüpü ace poti, Saul, Saul, dipüla no (amethimeni) ameshu ta? 8I püfü kelakesü, Niepoo no sopü? Pü ace poti, I Jisu Nazareth mi, no pü methi ketao 9Azü ketako keve süo ngo mu mpe ta, vele uko füphra ace kepoko semo. 10I poti, Niepoo apo kedipü thita? Niepoo ace poti, Tasüte, ta Damascus lü kite, sülü npo thi ketoko metüpü nce posüto. 11I mhapüri ngo mota zapozale keve süola, azü revü ketakopo abe cepü Damascus lü ki. 12Ananias thezholü hümetsü ketamipü, Jews mi sülü kehüko püpo meve yo tipü. 13Ace vori, thayi de acepoti, asazüo Saul, mhangoyi tate. Sütülü I mhangoyi, püpesü. 14Pü poti, upotsa neko Rüo I kedapü pümedo seyi, mu npo Kejutho Kemesa-o ngo mu püfü se süte. 15Kekrelamori npo thüma metüko ce nkese kengo pü zhopo thisü ketola. 16No dipüla thothü bata? Tasü de jülo püyi tate, side nkephomako khrü kemesa vate, Niepoo za cüpü.
Paul ketsüpü Gentiles koce kesü
17I sala ta Jerusalem lü vode kereshücelü kecho thi kebace, I züda rengu ta. 18I Jisu ngosü, pü ace poti, rekri tasüte de tamhazi Jerusalem cupra tate kekrelamori uko no azhopo kethi reni yiho tila. 19Niepoo I Synagogues kolü nkemelü miko vü mu tüpü thejü kethi uko metü seba. 20Stephen dokhri püza mekrü kebace I ri sülü tha, püpo satari ve keti amedo ketala, pü kedokhriko füne khapü ace mezü. 21Pü acepoti, Rede tapra tate, kekrelamori I nketsüpü thethi kemecura Gentiles koce sü ketola.
Paul mu Roman khazhonu kekhrüo
22Jü hiko po keba ketso uko kemekre de püfü reniyi, süsa uko se meto de poti, thüma hio po cejülü tatate, püpo hü keba mesü mote. 23Uko se mu ufüko kelhu, süsa nyopha kelhupü tükhralü sü zita. 24Krapi kezhoo püzü kezhomi celü votano posü, püvü de pü ketso süno posü, sübi kedipüla uko pü metsu bateshi keti seyi ketola. 25Uko thiyi pü kero kethiko khi püpha kebace, Paul krapi kezhoo tha kebaoce poti, Roman thüma mejo kemopü vüde ketso ti thezho me? 26Krapi kezhoo süse kesüce tavo ukopi kezho-oce posü, “Menu yite, no thi kebako, thüma hio Roman mipü tila.” 27Uko pi kezhoo tavori de püce poti, Ace posüte, no Roman mi me? Pü posala sü, Ile. 28Kezhoo puce pode, I presa kekropü ukekha kedi hio khriyi. Paul puce po kesü, Vele I kekha kedilü a menuyi. 29Rekri pükha süva de tata, pü ketso tokebalü, mu kezhoo ri mpeta kekrelamori pü tüpü pha kevala, pü Roman le ziti se keyi sa.
Paul Council mhüjülü ketha
30Süsanha dipüla Jews miko Paul mejo ta sheri seyi ketola pü phrüsü side thevo kezhoo mu Council lü kebako metüpo vorino posü, Paul züvori uko mhüjülü sü.
Currently Selected:
MHATHOKO 22: NAG5BSI
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.
MHATHOKO 22
22
Paul Council mhüjülü kevo
1Pü po kesü, thümako, asazüjürako, uponeko, amezi tsühi nekoce apo po kesü reni süte. 2Uko pü Hebrew jülü po ketala uko kemekre zü zikuta. 3Pü poti, I Jew thüma püzo, Tarsus lü amenuyi, Cilicia lü nadepü, sizori I Gamaliel phece ametha püyi, uponeko zho rele vetsütso ti pü amethasü, Jihova ceco arha thi ketamipü neko tsüdo thi kebako bi. 4I mimethi meni de dokhri mu phapü thejü cekolü sü thepu mi sheri mu thenomi sheri. 5Thevo kezhoo sheri azhopo süo seba, mu mehiko metü sheri; I uko celü lesi kethoko püyi, side ta Damascus lü vo, uko tüphapü Jerusalem lü vori tolezino, uko mejo ketola. 6I revü vo kezüce kehetülu Damascus meno vorita, metha kevepü tüyo ava vekrü akhü metülü. 7I retu cejü kita, mhafüpü ace poti, Saul, Saul, dipüla no (amethimeni) ameshu ta? 8I püfü kelakesü, Niepoo no sopü? Pü ace poti, I Jisu Nazareth mi, no pü methi ketao 9Azü ketako keve süo ngo mu mpe ta, vele uko füphra ace kepoko semo. 10I poti, Niepoo apo kedipü thita? Niepoo ace poti, Tasüte, ta Damascus lü kite, sülü npo thi ketoko metüpü nce posüto. 11I mhapüri ngo mota zapozale keve süola, azü revü ketakopo abe cepü Damascus lü ki. 12Ananias thezholü hümetsü ketamipü, Jews mi sülü kehüko püpo meve yo tipü. 13Ace vori, thayi de acepoti, asazüo Saul, mhangoyi tate. Sütülü I mhangoyi, püpesü. 14Pü poti, upotsa neko Rüo I kedapü pümedo seyi, mu npo Kejutho Kemesa-o ngo mu püfü se süte. 15Kekrelamori npo thüma metüko ce nkese kengo pü zhopo thisü ketola. 16No dipüla thothü bata? Tasü de jülo püyi tate, side nkephomako khrü kemesa vate, Niepoo za cüpü.
Paul ketsüpü Gentiles koce kesü
17I sala ta Jerusalem lü vode kereshücelü kecho thi kebace, I züda rengu ta. 18I Jisu ngosü, pü ace poti, rekri tasüte de tamhazi Jerusalem cupra tate kekrelamori uko no azhopo kethi reni yiho tila. 19Niepoo I Synagogues kolü nkemelü miko vü mu tüpü thejü kethi uko metü seba. 20Stephen dokhri püza mekrü kebace I ri sülü tha, püpo satari ve keti amedo ketala, pü kedokhriko füne khapü ace mezü. 21Pü acepoti, Rede tapra tate, kekrelamori I nketsüpü thethi kemecura Gentiles koce sü ketola.
Paul mu Roman khazhonu kekhrüo
22Jü hiko po keba ketso uko kemekre de püfü reniyi, süsa uko se meto de poti, thüma hio po cejülü tatate, püpo hü keba mesü mote. 23Uko se mu ufüko kelhu, süsa nyopha kelhupü tükhralü sü zita. 24Krapi kezhoo püzü kezhomi celü votano posü, püvü de pü ketso süno posü, sübi kedipüla uko pü metsu bateshi keti seyi ketola. 25Uko thiyi pü kero kethiko khi püpha kebace, Paul krapi kezhoo tha kebaoce poti, Roman thüma mejo kemopü vüde ketso ti thezho me? 26Krapi kezhoo süse kesüce tavo ukopi kezho-oce posü, “Menu yite, no thi kebako, thüma hio Roman mipü tila.” 27Uko pi kezhoo tavori de püce poti, Ace posüte, no Roman mi me? Pü posala sü, Ile. 28Kezhoo puce pode, I presa kekropü ukekha kedi hio khriyi. Paul puce po kesü, Vele I kekha kedilü a menuyi. 29Rekri pükha süva de tata, pü ketso tokebalü, mu kezhoo ri mpeta kekrelamori pü tüpü pha kevala, pü Roman le ziti se keyi sa.
Paul Council mhüjülü ketha
30Süsanha dipüla Jews miko Paul mejo ta sheri seyi ketola pü phrüsü side thevo kezhoo mu Council lü kebako metüpo vorino posü, Paul züvori uko mhüjülü sü.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.