THESSALONIAKO KÜRAO 5
5
1Pütü kekrekre tilü, azüneko, I lesithopü nekoce sümo sheri ve. 2Kekrelamori Niepoo vori keto keregomi tüzülü vori ketobi neko semeve shuba. 3Kekrelamori uko kepo kezükeve mu krü kebaposü, uko rekri keka pü ukoce vori, thenomi nunu vathi bi, uko therüyi ho. 4Vele neko, sazüjürako, kezülü bamote, pütü süo keregomi bi tio po neko pi kuyi ta kemo. 5Neko kevelü nuneko, keheyo nuneko, uko tüzülü thümako mote mori kezülü keta mimo. 6Süla uko zü bata hi khe, kekremi bita hikhe, vele uko coba mu rhorhü pü bakhe. 7Kekrelamori zü kebami sü tüzülü zü bayo, mu mezü ketako sheri tüzülü mezü tayo. 8Vele uko, kehelü mako, rhorhü pü bakhe, kemelü mu kekhrü khipü ukhoroyo süyi, mu kelakeyi pira ukemeri kebao püyi; 9Kekrelamori Jihova ukedapü lekhulü süvamo, vele uko Niepo Jisu Khrista yo kelakeyi ngoyi. 10Pü ukola sasü ukotho coba sheri mori züzüta sheri uko püzü kesa hü keba mesüzo. 11Süla neko kezüde hunehu lü thomelu ba zote, mu mipüpüthi meve, neko thi ba ketabi. 12Mu hako nekoce choyo, sazüjürako, neko zü mhatho thi kebako neko dolü kebako Niepoo lü neko pi kebako neko tarho sü züho. 13Kekhrülü uko kerekrü zote, ukomhathoko la; mu neko dolü kehüko kezüve bazote. 14Tsühi, hako neko tarhosü züho, sazüjürako, mikhrota kemuko (kekhayi keho) kedü süte, kethathimiko lü thomelu süte, umelü kediko khrühi süte, thüma metükoyo sügüsühe yite. 15Thüma kühopüyo sheri kesu kethiko mhakesu thiasala sü hite; vele mhekeve kethi meji yite, nekotho neko dolü sheri mu mi metüko yori. 16Pütü metülü nenü tate, 17Kecho kethi ne lata hi zote. 18Mhakehopülü sheri kethezü khasü zote, nekola hiohi Jisu Khrista la Jihova medo tazo. 19Rüpü themekü va hite; 20Saju kepo mhapüri kemo thi va hite; 21Mhametü kevekesu pete, mha keveko züyi keto lübü zote. 22Mha kesu kethilü kengoko metü ne kethü yito. 23Jihova thozo nethi kemesa tsü kesü, mu I kechothi kesü neko thi upho, nekerhüro mu ne rüpü mejoyi kesu thi Niepo Jisu Khrista kevori ce sü ketola. 24Neko cü keyio jüthozo, pü thisü zoto. 25Sazüjürako hakola kecho thiba zote. 26Sazüjüra kemesalü kemebo kesü khipü metüko kelu süzüho. 27I neko po lesitho kesü hio phripü sazüjürako metüce süno neko kechü sü züho. 28Niepo Jisu Khrista ngokemezhe po neko metü züba keyi thite. Amen.
Currently Selected:
THESSALONIAKO KÜRAO 5: NAG5BSI
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.
THESSALONIAKO KÜRAO 5
5
1Pütü kekrekre tilü, azüneko, I lesithopü nekoce sümo sheri ve. 2Kekrelamori Niepoo vori keto keregomi tüzülü vori ketobi neko semeve shuba. 3Kekrelamori uko kepo kezükeve mu krü kebaposü, uko rekri keka pü ukoce vori, thenomi nunu vathi bi, uko therüyi ho. 4Vele neko, sazüjürako, kezülü bamote, pütü süo keregomi bi tio po neko pi kuyi ta kemo. 5Neko kevelü nuneko, keheyo nuneko, uko tüzülü thümako mote mori kezülü keta mimo. 6Süla uko zü bata hi khe, kekremi bita hikhe, vele uko coba mu rhorhü pü bakhe. 7Kekrelamori zü kebami sü tüzülü zü bayo, mu mezü ketako sheri tüzülü mezü tayo. 8Vele uko, kehelü mako, rhorhü pü bakhe, kemelü mu kekhrü khipü ukhoroyo süyi, mu kelakeyi pira ukemeri kebao püyi; 9Kekrelamori Jihova ukedapü lekhulü süvamo, vele uko Niepo Jisu Khrista yo kelakeyi ngoyi. 10Pü ukola sasü ukotho coba sheri mori züzüta sheri uko püzü kesa hü keba mesüzo. 11Süla neko kezüde hunehu lü thomelu ba zote, mu mipüpüthi meve, neko thi ba ketabi. 12Mu hako nekoce choyo, sazüjürako, neko zü mhatho thi kebako neko dolü kebako Niepoo lü neko pi kebako neko tarho sü züho. 13Kekhrülü uko kerekrü zote, ukomhathoko la; mu neko dolü kehüko kezüve bazote. 14Tsühi, hako neko tarhosü züho, sazüjürako, mikhrota kemuko (kekhayi keho) kedü süte, kethathimiko lü thomelu süte, umelü kediko khrühi süte, thüma metükoyo sügüsühe yite. 15Thüma kühopüyo sheri kesu kethiko mhakesu thiasala sü hite; vele mhekeve kethi meji yite, nekotho neko dolü sheri mu mi metüko yori. 16Pütü metülü nenü tate, 17Kecho kethi ne lata hi zote. 18Mhakehopülü sheri kethezü khasü zote, nekola hiohi Jisu Khrista la Jihova medo tazo. 19Rüpü themekü va hite; 20Saju kepo mhapüri kemo thi va hite; 21Mhametü kevekesu pete, mha keveko züyi keto lübü zote. 22Mha kesu kethilü kengoko metü ne kethü yito. 23Jihova thozo nethi kemesa tsü kesü, mu I kechothi kesü neko thi upho, nekerhüro mu ne rüpü mejoyi kesu thi Niepo Jisu Khrista kevori ce sü ketola. 24Neko cü keyio jüthozo, pü thisü zoto. 25Sazüjürako hakola kecho thiba zote. 26Sazüjüra kemesalü kemebo kesü khipü metüko kelu süzüho. 27I neko po lesitho kesü hio phripü sazüjürako metüce süno neko kechü sü züho. 28Niepo Jisu Khrista ngokemezhe po neko metü züba keyi thite. Amen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.