ROMAN 7
7
Jorme-pachihap Pen Kaparhlan
1Ei korte aro ingjir hel— arleng konbak adinyok hrengsi doman, la-an adin kanong anang aphuthak pangdom man, bangpo nali chithan un-eh ma? Piyok pu tene ne kanong thek-re abangyok pudo. 2Pihan ki-en arloso apihanpo kihreng alengke kanong pen chingnaksi dohlong man, manta anang pihanpo thilo tene, anang apihanpo kanong parake jokman. 3La-anat anang pihan po kihreng alengke, kamprek apenso pen dodun tene, la-amun anang yok kidoner arlosope puye. Manta apihanpo thilo tene, la kanong parake joksi, aphel bang apenso pen dun yongta, anang kidoner arlosope kalek. 4Labadisi, ei kortehel, ili Arnam yok athe pawangot, lasi nalita prek ihutpo, lake kithi hel asitem para kibur adun kachiplang yok, Jisu Khristo abangpo parasi kanong badike akithi chiplango. 5Piyok pu tene konam ili ok-wi arlo kido, la-amun kithiyok athe kapawang, kanong parasi kiwang pap para ajatjat kar-ih hel pensi ili abang arorem long abithang asal patikilo. 6Manta daklongsi ili chibengsi kido, labang aphan akithi chiplangsi, minon ke kanong parake jokngo, la-amun ili kiwi kanong penke kalek, manta ajiulong Ajiuli akimi murkiya asal tikiman.
Kanong Pen Pap
7Laparake ili pot punang? Lake kanong po si pap ma? Ladi ke kalek. Yongta pap ke potsi bangpo ne chithan un-ehsi kido, kanong parasi chithan uno. “Nang alop doyek;” pune kanong along bangpo kithanthe nang tene, alop ke pot te, bangpo chithan un-eh lo hoi. 8Manta pap, awak hlongsi, labang kithan alamthe parasi ne ingthin long alop pen ahuwit ajatjat kar-ih hel tiki tango. Kanong wedet ke pap ke akithi. 9Aporong ke kanong wesi ne hrengsi kido, manta labang kithan alam wangsi, pap yok pahreng phakngo, 10aro ne la-amunsi thihlongo. Kihreng aphan kipi jibak kithan alamthe, bangpo si nephan ke kithi akorom chiplango. 11Piyok pu tene pap ke awak hlongsi, labang kithan alam parasi neyok chobelsi, bangpo pen neyok nemarilo. 12Lasi kanong ke kangthir, kithan alam ta kangthir, abisar kangthir aro akime lo. 13Potsi akime bangpo tikilo, laparake, nephan kithi nepilo? Ladi ke kalek. Pap si, bangpo neyok kapathi parasi bangpo pap pusi pachiklang ngo, aro kithan alam parasi alekha kangwe pho pap nephan honjokngo.
Arleng Adak Kachingbarbe Alam
14Piyok pu tene kanong ke ajiuli do, lake ili chithan un; manta ne ke a-okpen, aro pap yok chijor det hlongo. 15Ne potsi tiki si pachok, ne ke abhu hlonghle. Piyok pu tene ne katiki aneng ateng ne tiki hlonghle, manta ne kisim jong posi ne tiki hlongman. 16Minon ke ne katiki aneng ateng tiki hlonghle, pu tene kanong ke akime, pusi ne hoi chodo. 17Manta bangpo ke nebithang ke tiki ke, nelong kido pap posi bangpo nepatiki do. 18Piyok pu tene nelong, lake ne ok along, akime ke wedung pusi ne than un. Ne potsi kadhorom ne ar-ih, manta ne bangpo tikike. 19Piyok pu tene ne aneng do yongta ne tikiye, manta potsi akangho katiki aneng wepen, bangposi ne tikiman. 20Minon ke ne aneng kido ateng tiki hlonghle, tene bangpo ke nebithang ke bangpo tikike, manta nelong kidojong pap posi bangpo tiki do. 21Lasi, ne konam akime asal katiki yok ne aneng doman, la-amun akanghopo nedung hetsi doman, ladi isi akanong kido ahari hlongdo. 22Piyok pu tene ne nengthin along arlengpo Arnam kanong alongsi nengsam hlongman, 23manta neneng along kanong ayok ado kolsi kachirbu jong, aro nebangpo arorem hel along kido pap akanong arlo nebeng klakdo, ladi prek isi akanong nebangpo arorem along thek hlongman. 24Ne konbak nengsamse pho arleng! Labang akithi abangpo para neyok ingho nepajok nge? 25Ili Hemphu Jisu Khristo pensi ne Arnam yok kardom pajirdo. Lateng, neneng samjin pen Arnam akanong along, manta a-ok pen pap akanong long aturu asal tiki hlongdo.
Currently Selected:
ROMAN 7: AMRI-BSI
Highlight
Share
Copy
Want to have your highlights saved across all your devices? Sign up or sign in
AMRI KARBI N.T. - AKIMI ANGTON N.T.
Copyright © 2014 by The Bible Society of India
Used by permission. All rights reserved worldwide.
ROMAN 7
7
Jorme-pachihap Pen Kaparhlan
1Ei korte aro ingjir hel— arleng konbak adinyok hrengsi doman, la-an adin kanong anang aphuthak pangdom man, bangpo nali chithan un-eh ma? Piyok pu tene ne kanong thek-re abangyok pudo. 2Pihan ki-en arloso apihanpo kihreng alengke kanong pen chingnaksi dohlong man, manta anang pihanpo thilo tene, anang apihanpo kanong parake jokman. 3La-anat anang pihan po kihreng alengke, kamprek apenso pen dodun tene, la-amun anang yok kidoner arlosope puye. Manta apihanpo thilo tene, la kanong parake joksi, aphel bang apenso pen dun yongta, anang kidoner arlosope kalek. 4Labadisi, ei kortehel, ili Arnam yok athe pawangot, lasi nalita prek ihutpo, lake kithi hel asitem para kibur adun kachiplang yok, Jisu Khristo abangpo parasi kanong badike akithi chiplango. 5Piyok pu tene konam ili ok-wi arlo kido, la-amun kithiyok athe kapawang, kanong parasi kiwang pap para ajatjat kar-ih hel pensi ili abang arorem long abithang asal patikilo. 6Manta daklongsi ili chibengsi kido, labang aphan akithi chiplangsi, minon ke kanong parake jokngo, la-amun ili kiwi kanong penke kalek, manta ajiulong Ajiuli akimi murkiya asal tikiman.
Kanong Pen Pap
7Laparake ili pot punang? Lake kanong po si pap ma? Ladi ke kalek. Yongta pap ke potsi bangpo ne chithan un-ehsi kido, kanong parasi chithan uno. “Nang alop doyek;” pune kanong along bangpo kithanthe nang tene, alop ke pot te, bangpo chithan un-eh lo hoi. 8Manta pap, awak hlongsi, labang kithan alamthe parasi ne ingthin long alop pen ahuwit ajatjat kar-ih hel tiki tango. Kanong wedet ke pap ke akithi. 9Aporong ke kanong wesi ne hrengsi kido, manta labang kithan alam wangsi, pap yok pahreng phakngo, 10aro ne la-amunsi thihlongo. Kihreng aphan kipi jibak kithan alamthe, bangpo si nephan ke kithi akorom chiplango. 11Piyok pu tene pap ke awak hlongsi, labang kithan alam parasi neyok chobelsi, bangpo pen neyok nemarilo. 12Lasi kanong ke kangthir, kithan alam ta kangthir, abisar kangthir aro akime lo. 13Potsi akime bangpo tikilo, laparake, nephan kithi nepilo? Ladi ke kalek. Pap si, bangpo neyok kapathi parasi bangpo pap pusi pachiklang ngo, aro kithan alam parasi alekha kangwe pho pap nephan honjokngo.
Arleng Adak Kachingbarbe Alam
14Piyok pu tene kanong ke ajiuli do, lake ili chithan un; manta ne ke a-okpen, aro pap yok chijor det hlongo. 15Ne potsi tiki si pachok, ne ke abhu hlonghle. Piyok pu tene ne katiki aneng ateng ne tiki hlonghle, manta ne kisim jong posi ne tiki hlongman. 16Minon ke ne katiki aneng ateng tiki hlonghle, pu tene kanong ke akime, pusi ne hoi chodo. 17Manta bangpo ke nebithang ke tiki ke, nelong kido pap posi bangpo nepatiki do. 18Piyok pu tene nelong, lake ne ok along, akime ke wedung pusi ne than un. Ne potsi kadhorom ne ar-ih, manta ne bangpo tikike. 19Piyok pu tene ne aneng do yongta ne tikiye, manta potsi akangho katiki aneng wepen, bangposi ne tikiman. 20Minon ke ne aneng kido ateng tiki hlonghle, tene bangpo ke nebithang ke bangpo tikike, manta nelong kidojong pap posi bangpo tiki do. 21Lasi, ne konam akime asal katiki yok ne aneng doman, la-amun akanghopo nedung hetsi doman, ladi isi akanong kido ahari hlongdo. 22Piyok pu tene ne nengthin along arlengpo Arnam kanong alongsi nengsam hlongman, 23manta neneng along kanong ayok ado kolsi kachirbu jong, aro nebangpo arorem hel along kido pap akanong arlo nebeng klakdo, ladi prek isi akanong nebangpo arorem along thek hlongman. 24Ne konbak nengsamse pho arleng! Labang akithi abangpo para neyok ingho nepajok nge? 25Ili Hemphu Jisu Khristo pensi ne Arnam yok kardom pajirdo. Lateng, neneng samjin pen Arnam akanong along, manta a-ok pen pap akanong long aturu asal tiki hlongdo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
AMRI KARBI N.T. - AKIMI ANGTON N.T.
Copyright © 2014 by The Bible Society of India
Used by permission. All rights reserved worldwide.