ROMAN 4
4
Abraham po Kapaklang Arjan
1Laparake ili Sar-lar hel yok a-ok badik ke Abraham po kapahlong, alam ili pot pubo? 2Piyok pu tene Abraham po anangsal katiki parasi dhorom kangthir alekha dolo, tene kaborai nange alam anang long do, manta Arnam ango ke kalek. 3Piyok pu tene lo-kangthir long pot pudo, “Abraham po Arnam yok kikrol anat, kikrol posi dhorom kangthir alekhot ot no.” 4Minonke ingho sal tiki anang adat banta badi pupe alekhot ot eh, kihlong nange alekhot ot-man. 5Aro inghosi sal tikikesi, sotonga poyok kironpo anat kroldo anangyok dhorom kangthir pusi alekhot hlongman. 6Lasi, ihut arleng ayok sal tikikesi dhorom kangthir alekhot otman, anang yok kardom kapajir alam Dabhit po ta pudo, 7“Ingho kangho katiki apap hel ron pilo, aro ingho apap dipsi bilo, anali bor-eh chok. 8Ingho arleng aphan Hemphu pap hel alekhot ot-eh ye, anang bor-eh chok.” 9Labang bor-eh kichok ke sunnot kachiplang abang yok ma, lale sunnot kachiplangple abang yok ta chokma? Piyok pu tene hali pudo, Abraham po kikrol pensi dhorom kangthir aphan alekhot eno.” 10Laparake pot badi apunsi dhorom kangthir alekhot eno? Sunnot ka-ote apun, lale sunnot kangwe apun ma? Sunnot ka-ote apor kalek, sunnot kangwe apunsi dhorom kangthir alekhot otno. 11Aro sunnot ka-otete apun kikrol ahuwit aphan anangsi apo po, aro dhorom kangthir analiyok ta alekhot otno, aro sunnot ka-ote det yokta kalek, manta ili sar-lar Abraham po sunnot ka-otete apun potsi kikrol kido, labang kikrol khanang long kengkam kachijor, ladi sunnot ka-ote abang aphan ta apo polo, 12Lasi sunnot ka-otete apun ili sar-lar Abraham po kikrol parasi dhorom kangthir chokdo, labang kikrol pensi sunnot badi asin pahlongo.
Kikrol Parasi Arnam Seme Kitang Kapahlong
13Piyok pu tene pot seme kitang Abraham po, lale anang agijing helyok kipi, pirthepe adak bor-eh kihlong aidot chiplango, labangke kanong parake kalek, manta kikrol dhorom kangthir parasi hlongo. 14Piyok pu tene kanong parasi dhorom kangthir kachiplang hel bor-eh kihlong aidot doman, tene kikrolpo akijol, aro labang seme-kitangpo ta akijol chiplango. 15Piyok pu tene kanong ke akang wanman; manta daklong kanong ingjong, lalong kangho ta ingjong. 16Labang anatsi, daklong labang seme-kitang ahuwit agijing yok, lake kanong ki-ot long parasi dhorom kangthir kichok helyok kalek, manta Abraham po kikrol kachithak helyok ta chakdo, la-anat kajinso kihlonge aidot helyok anali kikrol parasi chokman, Abraham po (anang ai ili ahuwit aphan apo po, 17labadi si kiwi alamthe ta do, “Ne nangyok ako-ong ajat hel aporong phi-phu nali pachakngo”) — kithi helyok ajiu kipipo, aro kido badisi kangwe abangyok kithan alamhel kipi Arnam long anang mahang semsemsi anang krol lo. 18“Lasi anang agijing hel alekhot labadi ong-onge,” labang lamthe badi, “Ako-ong ajat hel apo po” kachiplang yok, kachiha weh pho amunta, chihasi krolo; 19kikrol seleplesi, (piyok pu tene anang phoro isi anengkan abo ayok) abithang abangpo kithi apunyok, aro Sarape apok aso kijut apor pusi kithek-er. 20Arnam seme-kitang yok pheresi krolmo lo, ladi kalek, manta Arnam pot seme-kitang along Arnam yok jortang padosi kikrol dopon chotno, 21labang Arnam pachok une pusi khanang than-unsi, anang seme-kitang along Arnam kikrol chipang-tango. 22Lasi, labang kikrolpo “anangphan dhorom kangthir aphan alekhot otno.” 23Minon lamthe hel, “Anangyok alekhot eno” pusi anangyok detsi wilo, ladi kalek, ili phanta wilo, 24manta Hemphu Jisu yok kithi para kapangthur poyok kikrol abang ili yokta alekhot en-ne. 25Labang Jisu ili pap anatsi champilo aro ili dhorom kangthir aphan anangyok pang-thuro.
Currently Selected:
ROMAN 4: AMRI-BSI
Highlight
Share
Copy
Want to have your highlights saved across all your devices? Sign up or sign in
AMRI KARBI N.T. - AKIMI ANGTON N.T.
Copyright © 2014 by The Bible Society of India
Used by permission. All rights reserved worldwide.
ROMAN 4
4
Abraham po Kapaklang Arjan
1Laparake ili Sar-lar hel yok a-ok badik ke Abraham po kapahlong, alam ili pot pubo? 2Piyok pu tene Abraham po anangsal katiki parasi dhorom kangthir alekha dolo, tene kaborai nange alam anang long do, manta Arnam ango ke kalek. 3Piyok pu tene lo-kangthir long pot pudo, “Abraham po Arnam yok kikrol anat, kikrol posi dhorom kangthir alekhot ot no.” 4Minonke ingho sal tiki anang adat banta badi pupe alekhot ot eh, kihlong nange alekhot ot-man. 5Aro inghosi sal tikikesi, sotonga poyok kironpo anat kroldo anangyok dhorom kangthir pusi alekhot hlongman. 6Lasi, ihut arleng ayok sal tikikesi dhorom kangthir alekhot otman, anang yok kardom kapajir alam Dabhit po ta pudo, 7“Ingho kangho katiki apap hel ron pilo, aro ingho apap dipsi bilo, anali bor-eh chok. 8Ingho arleng aphan Hemphu pap hel alekhot ot-eh ye, anang bor-eh chok.” 9Labang bor-eh kichok ke sunnot kachiplang abang yok ma, lale sunnot kachiplangple abang yok ta chokma? Piyok pu tene hali pudo, Abraham po kikrol pensi dhorom kangthir aphan alekhot eno.” 10Laparake pot badi apunsi dhorom kangthir alekhot eno? Sunnot ka-ote apun, lale sunnot kangwe apun ma? Sunnot ka-ote apor kalek, sunnot kangwe apunsi dhorom kangthir alekhot otno. 11Aro sunnot ka-otete apun kikrol ahuwit aphan anangsi apo po, aro dhorom kangthir analiyok ta alekhot otno, aro sunnot ka-ote det yokta kalek, manta ili sar-lar Abraham po sunnot ka-otete apun potsi kikrol kido, labang kikrol khanang long kengkam kachijor, ladi sunnot ka-ote abang aphan ta apo polo, 12Lasi sunnot ka-otete apun ili sar-lar Abraham po kikrol parasi dhorom kangthir chokdo, labang kikrol pensi sunnot badi asin pahlongo.
Kikrol Parasi Arnam Seme Kitang Kapahlong
13Piyok pu tene pot seme kitang Abraham po, lale anang agijing helyok kipi, pirthepe adak bor-eh kihlong aidot chiplango, labangke kanong parake kalek, manta kikrol dhorom kangthir parasi hlongo. 14Piyok pu tene kanong parasi dhorom kangthir kachiplang hel bor-eh kihlong aidot doman, tene kikrolpo akijol, aro labang seme-kitangpo ta akijol chiplango. 15Piyok pu tene kanong ke akang wanman; manta daklong kanong ingjong, lalong kangho ta ingjong. 16Labang anatsi, daklong labang seme-kitang ahuwit agijing yok, lake kanong ki-ot long parasi dhorom kangthir kichok helyok kalek, manta Abraham po kikrol kachithak helyok ta chakdo, la-anat kajinso kihlonge aidot helyok anali kikrol parasi chokman, Abraham po (anang ai ili ahuwit aphan apo po, 17labadi si kiwi alamthe ta do, “Ne nangyok ako-ong ajat hel aporong phi-phu nali pachakngo”) — kithi helyok ajiu kipipo, aro kido badisi kangwe abangyok kithan alamhel kipi Arnam long anang mahang semsemsi anang krol lo. 18“Lasi anang agijing hel alekhot labadi ong-onge,” labang lamthe badi, “Ako-ong ajat hel apo po” kachiplang yok, kachiha weh pho amunta, chihasi krolo; 19kikrol seleplesi, (piyok pu tene anang phoro isi anengkan abo ayok) abithang abangpo kithi apunyok, aro Sarape apok aso kijut apor pusi kithek-er. 20Arnam seme-kitang yok pheresi krolmo lo, ladi kalek, manta Arnam pot seme-kitang along Arnam yok jortang padosi kikrol dopon chotno, 21labang Arnam pachok une pusi khanang than-unsi, anang seme-kitang along Arnam kikrol chipang-tango. 22Lasi, labang kikrolpo “anangphan dhorom kangthir aphan alekhot otno.” 23Minon lamthe hel, “Anangyok alekhot eno” pusi anangyok detsi wilo, ladi kalek, ili phanta wilo, 24manta Hemphu Jisu yok kithi para kapangthur poyok kikrol abang ili yokta alekhot en-ne. 25Labang Jisu ili pap anatsi champilo aro ili dhorom kangthir aphan anangyok pang-thuro.
Currently Selected:
:
Highlight
Share
Copy
Want to have your highlights saved across all your devices? Sign up or sign in
AMRI KARBI N.T. - AKIMI ANGTON N.T.
Copyright © 2014 by The Bible Society of India
Used by permission. All rights reserved worldwide.