ADUNHEL 25
25
Pol po Sijar poyok Kachi-ojor
1Phestas po labang alongri wangsi, ni-thom aphel Sisiriya para Jerusalem yok damo. 2Lalong si bangthe hel pen Jihudi kithe-kiding abang anang ngo Pol poyok kilang un-eh ado hel parjulo; 3aro duwar along tonsi Pol poyok kamari asolsi, Phestas po arleng tolsi Pol po yok Jerusalem pawanbo, ladi chironsi anangyok adopisi kajinso kipahlong yok chingduk damo. 4Manta Phistas po angpu duno, “Pol po yok Sisiriya longsi bido, aro bekso aphel ne bithangsi lalong dam dapme. 5Labang arlengpo penebak adodo, tene nali long kithe-kiding hel ne pen dunsi, anangyok ojor pinot.” 6La-aphel anali long hinarkep adinyok ongchot dodesi, anang Sisiriyayok damsi, aphel arni bisar anghol iningsi Pol poyok kipawan ayok thano. 7Polpo ang kihleng amun, Jerusalem para kiwang Jihudi hel anangyok chikomwelsi arjapsi, anangyok kilang un-eh ado wan japmo, manta anali isita aporman paklang un-eh yongot. 8La amun Pol po anang bithangyok chiralsi pulo, “Jihudihel kanong, lale Arnam ahem, lale Roman Sijar poyok kapangho ne isi ado tikike yong.” 9Manta Phestas po Jihudi hel yok aneng kime kapahlong yok ahisasi, Pol po angpulo, “Nang Jerusalem ayok dam si, lalong nengo lamehel alam, nang bisar kachiplang yok aneng do ma?” 10Manta Pol po pulo, “Ne Sijar po bisar ahem angotsi arjapsi do; holeksi bisar donange. Ne Jihudi hel yok akangho tikike yong, pusi nang bithang thek krengdo. 11Tene ne kangho katiki arleng pu tene, aro kithi nange penebak asal tikihlongo tene, ne kithi chipajokje. Manta nali neyok pot si ado nepido, labang hel khanang kalek, tene kajinso aphuthak anali rideng neyok kichampi det ayok kaita apharan ingjong. Ne Sijar poyok chi-ojorsi do.” 12La-amun Phestas po anang montri helpen chirwalsi Pol poyok pulo, “Nang Sijar po yok ojor pilo; Sijar po ango ayok damot.”
Pol poyok Agripa Recho po Pen Bernis pe Ango Kiwan
13Bekso adin kidam aphel Agripa recho aro Bernis pe yok Sesariya long yok wangsi, Phestas po yok kardom pajiro. 14Anali lalong bekso adin kido aphel, Phestas po rechopo angot Pol po ado alam thansi parjulo, “Pheliks po bi si kidam ihut arleng akrol along holek do. 15Ne Jerusalem long kido amun, Jihudi bangthehel pen akisar hel anang lam thansi, anangyok adopisi kamari yok kachingduk. 16Lasi ne analiyok thano, ka-ojor aro ado kido arlengpo pen amahang semsemne pachipochak hlonghle lengke, aro abithang adohel pachithan hlonghle lengke, ihut arleng yok kajinso aphuthak kichampi Roman abi-apun along ingjong; 17lasi anali wangsi, holeksi chingrumsi, apor panghonhesi, aphel arni ne bisar ahem long ining dunsi, arlengpo yok kapawan yok thano. 18La-apor ojor kipi abang anangyok komplengsi arjap solsi, potsi ado anali piye pusi kachiron, labadi akangho ado badike lampo wan un-eh yongo. 19Manta anali abithang dhorom alam aro Pol po inghoyok hreng jongsi do kipu, labang Jisu amen ihut kithi arlengpo alamsi anali chithan dutsi kido. 20Labadi kachithan dut alam, chiphere phaksi ne arjulo, nang Jerusalem damsi, lamehel alam nang bisar kachiplang yok anengdo ma? 21Manta Pol po Sijar po along chi-ojoro; lasi anang Sijar po adung tolte leng ke, anang yok kibiyok thano.” 22La-amun Agripa po Phestas poyok pulo, “Ne bithang labang arlengpo alam karjuye aneng do.” Manta Phestas po pu phakngo, “Minapsi anang lam arju hlonge.” 23La-aphel arni Agripa po aro Bernis pe ajakong pen wangsi, hajar sonturi aghai poyok aro rongpe kapaklang arleng hel recho ahem wango, Phestas po thansi Pol poyok pawano. 24Lajong si Phestas po pulo, “O Agripa recho po, pen O hali pen wang kido arleng hel: Jerusalem long aro holek Jihudi arat labang arleng alam ne ngo chingduksi hangsolsi kithan, te anangyok akihreng ke binangne lo; labang arleng poyok nali theksi do. 25Manta ne than uno, anang kithi nange isi tikike yong; aro anang bithangsi Sijarpo yok ojor pilo apot, ne kitolyok chipachip mo; 26manta ne Sijar po yok anang lam kiwi ayok khanang alamthe pahlonghle yongot. Lasi bisar kido aphel, ne kiwiyok penebak aron hlong tene, lasi nali ngo aro recho Agripa po, ango yok anangyok wano. 27Piyok pu tene akrol arleng kitol amun, anang ayok ojor kipi ado pangthek the ke, ne akime thek the yong.
Currently Selected:
ADUNHEL 25: AMRI-BSI
Highlight
Share
Copy
Want to have your highlights saved across all your devices? Sign up or sign in
AMRI KARBI N.T. - AKIMI ANGTON N.T.
Copyright © 2014 by The Bible Society of India
Used by permission. All rights reserved worldwide.
ADUNHEL 25
25
Pol po Sijar poyok Kachi-ojor
1Phestas po labang alongri wangsi, ni-thom aphel Sisiriya para Jerusalem yok damo. 2Lalong si bangthe hel pen Jihudi kithe-kiding abang anang ngo Pol poyok kilang un-eh ado hel parjulo; 3aro duwar along tonsi Pol poyok kamari asolsi, Phestas po arleng tolsi Pol po yok Jerusalem pawanbo, ladi chironsi anangyok adopisi kajinso kipahlong yok chingduk damo. 4Manta Phistas po angpu duno, “Pol po yok Sisiriya longsi bido, aro bekso aphel ne bithangsi lalong dam dapme. 5Labang arlengpo penebak adodo, tene nali long kithe-kiding hel ne pen dunsi, anangyok ojor pinot.” 6La-aphel anali long hinarkep adinyok ongchot dodesi, anang Sisiriyayok damsi, aphel arni bisar anghol iningsi Pol poyok kipawan ayok thano. 7Polpo ang kihleng amun, Jerusalem para kiwang Jihudi hel anangyok chikomwelsi arjapsi, anangyok kilang un-eh ado wan japmo, manta anali isita aporman paklang un-eh yongot. 8La amun Pol po anang bithangyok chiralsi pulo, “Jihudihel kanong, lale Arnam ahem, lale Roman Sijar poyok kapangho ne isi ado tikike yong.” 9Manta Phestas po Jihudi hel yok aneng kime kapahlong yok ahisasi, Pol po angpulo, “Nang Jerusalem ayok dam si, lalong nengo lamehel alam, nang bisar kachiplang yok aneng do ma?” 10Manta Pol po pulo, “Ne Sijar po bisar ahem angotsi arjapsi do; holeksi bisar donange. Ne Jihudi hel yok akangho tikike yong, pusi nang bithang thek krengdo. 11Tene ne kangho katiki arleng pu tene, aro kithi nange penebak asal tikihlongo tene, ne kithi chipajokje. Manta nali neyok pot si ado nepido, labang hel khanang kalek, tene kajinso aphuthak anali rideng neyok kichampi det ayok kaita apharan ingjong. Ne Sijar poyok chi-ojorsi do.” 12La-amun Phestas po anang montri helpen chirwalsi Pol poyok pulo, “Nang Sijar po yok ojor pilo; Sijar po ango ayok damot.”
Pol poyok Agripa Recho po Pen Bernis pe Ango Kiwan
13Bekso adin kidam aphel Agripa recho aro Bernis pe yok Sesariya long yok wangsi, Phestas po yok kardom pajiro. 14Anali lalong bekso adin kido aphel, Phestas po rechopo angot Pol po ado alam thansi parjulo, “Pheliks po bi si kidam ihut arleng akrol along holek do. 15Ne Jerusalem long kido amun, Jihudi bangthehel pen akisar hel anang lam thansi, anangyok adopisi kamari yok kachingduk. 16Lasi ne analiyok thano, ka-ojor aro ado kido arlengpo pen amahang semsemne pachipochak hlonghle lengke, aro abithang adohel pachithan hlonghle lengke, ihut arleng yok kajinso aphuthak kichampi Roman abi-apun along ingjong; 17lasi anali wangsi, holeksi chingrumsi, apor panghonhesi, aphel arni ne bisar ahem long ining dunsi, arlengpo yok kapawan yok thano. 18La-apor ojor kipi abang anangyok komplengsi arjap solsi, potsi ado anali piye pusi kachiron, labadi akangho ado badike lampo wan un-eh yongo. 19Manta anali abithang dhorom alam aro Pol po inghoyok hreng jongsi do kipu, labang Jisu amen ihut kithi arlengpo alamsi anali chithan dutsi kido. 20Labadi kachithan dut alam, chiphere phaksi ne arjulo, nang Jerusalem damsi, lamehel alam nang bisar kachiplang yok anengdo ma? 21Manta Pol po Sijar po along chi-ojoro; lasi anang Sijar po adung tolte leng ke, anang yok kibiyok thano.” 22La-amun Agripa po Phestas poyok pulo, “Ne bithang labang arlengpo alam karjuye aneng do.” Manta Phestas po pu phakngo, “Minapsi anang lam arju hlonge.” 23La-aphel arni Agripa po aro Bernis pe ajakong pen wangsi, hajar sonturi aghai poyok aro rongpe kapaklang arleng hel recho ahem wango, Phestas po thansi Pol poyok pawano. 24Lajong si Phestas po pulo, “O Agripa recho po, pen O hali pen wang kido arleng hel: Jerusalem long aro holek Jihudi arat labang arleng alam ne ngo chingduksi hangsolsi kithan, te anangyok akihreng ke binangne lo; labang arleng poyok nali theksi do. 25Manta ne than uno, anang kithi nange isi tikike yong; aro anang bithangsi Sijarpo yok ojor pilo apot, ne kitolyok chipachip mo; 26manta ne Sijar po yok anang lam kiwi ayok khanang alamthe pahlonghle yongot. Lasi bisar kido aphel, ne kiwiyok penebak aron hlong tene, lasi nali ngo aro recho Agripa po, ango yok anangyok wano. 27Piyok pu tene akrol arleng kitol amun, anang ayok ojor kipi ado pangthek the ke, ne akime thek the yong.
Currently Selected:
:
Highlight
Share
Copy
Want to have your highlights saved across all your devices? Sign up or sign in
AMRI KARBI N.T. - AKIMI ANGTON N.T.
Copyright © 2014 by The Bible Society of India
Used by permission. All rights reserved worldwide.