ADUNHEL 23
23
1Lalong Pol po ason mel abangyok lang etsi pulo, “Ei kortehel, ne ahuwit alam kime angthin pensi Arnam karwal aso badi minihok kengkam-chijorsi do.” 2La-amunsi Ananiyas amen bangthepo, adung arjapne kido abangyok Pol po ayok angho kardepyok thano. 3Latengsi Pol po anangyok pulo, “Ei akiphlan-et arpongpo, Arnam nangyoksi pasojok ayok honjok wendo; nang kanong ateng neyok bisar-kahonthe yok iningsi, labang kanong panghosi, neyok kipapam tolyok thando ma?” 4Pol po adung arjapsi kido arlenghel pulo, “Nang Arnam bor-bangthe yoksi akangho pudo ma?” 5Pol po pu phakngo, “Ei kortehel, anang bor-bangthe puke ne than un-ehsi kido; piyok pu tene lo-kangthir long wido, ‘Nang bithang ajat arleng kilang pon phu-phangyok kangho alam ingjeyek.’ 6Latangsi Pol po anali angkhan Saduki hel aro angkhan ke Pharisi pusi than-unsi, anang mel along hangsi pulo, “Ei kortehel, ne Pharisi aro Pharisi arleng aso; kithi para kiburphak kachiha alamsi neyok hut-bisar chiplangdo.” 7Anang labang alam kithansi, Pharisi pen Sadukihel adak lam ahul wango, aro arleng hel bhak-ni chiplango. 8Piyok pu tene Saduki hel ke kithi-kiburphak, Arnam tharlon aro ajiuli, lamehel ingjong pusi thanman; manta Pharisi helke la kithomta krolman. 9La-apot chihang solo; aro Pharisi hel abak kido kanong kapaklang helke arjapsi lam chitongsi pulo, “Hali labang arlengyok ado hlonghle yong; manta ihut ajiuli lale tharlon anangyok lam thano,” 10La-amun chiprong hlok-hlok ongsi, anali Pol poyok chorhletbo pusi ahajar sonturi aghaipo pheresi, sonturihel yok sunpungsi anali asitem para Pol poyok thidetsi sonturi ahem arloyok kapapon alam thano. 11La-aphel labang anuwe Hemphu anang dung arjapsi pulo, “Phere yek; piyok pu tene nang Jerusalem long ne lamthe hakhi pilo, lasi nang Rom alongri longta ladisi hakhi pihlonge.”
Pol poyok Kamariye Alam
12Adap prango apot, Jihudi hel isi alam chirwal-chirsalsi, Pol poyok marire lengke ili cho-jun nangne pusi, seme-kitang alam chipachipmo. 13Labadi kachirhep abang angkol hini yokta ongchot kido. 14Latangsi anali bangthe helyok aro akisarhel adung damsi pulo, “Hali ke Pol poyok mari un-eh lengke cho-junje ye, seme-tangsi chingnakngo. 15Lasi minon nali ason amel anang lam aro meso karju asolsi, Pol po nalidung kiwanyok Roman hajar sonturi aghaipo angot lo pidam; la-amun Pol po nali dung wang kihlenghle angosi, hali anangyok kamariyok trepsi do.” 16La-amun Pol po aphilipo anali tonsi kidoye alamthe arjusi, sonturi ahem lut damsi Pol poyok thandamo. 17Lasi Pol po aphoro sonturi aghai poyok taramsi pulo, “Labang riso poyok hajar sonturi aghaipo adung ponnot; piyok pu tene anang pene bak alam kaparju aneng do.” 18Lasi anang riso poyok ensi, hajar sonturi aghaipo adung ponsi pulo, “Nang ngo labang risopo penebak alam kipuye do pusi akrol kido Pol po neyok taramsi nang dung anangyok kapawanyok chingdukngo.” 19La-amun ahajar sonturi aghai po anang ari-otsi, ihi aga ponsi jolsi arjulo, “Neyok kithane nang pot alam do?” 20Anang pulo, “Nang Pol po alam aro mesosi karjuyok kachiron badisi, anangyok minap ason amel long kapapon ayok, nang ngot ladi lo wisi hawang kachohang yok Jihudi hel chipachip do. 21La-apot nang anali lam one yek; piyok pu tene lahel angkol hi-niyok ongchot arleng, Pol poyok marire leng ke an-lang cho-junje pusi, seme-tangsi chingnak si tonsi doye; aro minon trepsi do, nang hawang kitho poyok inghongsi do.” 22Latangsi ahajar sonturi aghaipo labang risoyok labang chithan chipadisi pulo, “Nang lamehel alam nengo pachitha-ango, bangpo kaiyok ta thane not.”
Gobornor Pheliks po Adung Pol poyok Kitol
23Lapara anang aphoro sonturi aghai bang hi-niyok adungyok taramsi labang alam thano, “Anuwe baji sirkep apun Sesariya kidamyok phoro hi-ni sonturi, angkol kithomne kep nosel sonturi, aro phoro hi-ni tokan ki-en sonturi honjok; 24aro Pol poyok Pheliks gobornor po adung ayok mesone kapahleng aphan anangyok kapatot nosel honjok pinot.” 25Lalong sonturi aghaipo ladisi lo wisi pilo, 26“Loseng kangsam gobornor aghai Pheliks po yok Klaudiyas Lisiyas po para kardom pajirdo. 27Jihudi hel labang arlengpo yok nepsi kamaribo apot, ne sonturi helpen damsi, anang Roman arleng pusi ne than unsi, anangyok ralo. 28La-aphel pipot anatsi anali labang yok ado koldo, ne kithan un anengsi, anali ason amel ango anangyok pono. 29Ne thekngo, anang kithi nange, lale akrol long kibi nange isi ado tikike yong, anali bithang kanong hel alam kachibisar penebak alam ado ki-ot badisi pahlong do. 30La-parake anangyok ado pisi kamariye kachirhep alam ango chiklano apot, ladi kichokpon theksi, ne songkhansi anangyok nang dungyok tolo, aro anangyok ka-ojor arleng helyok ta nang ngot Pol po yok kilangle ojor kipiyok thano. Kiwi pajutno.” 31Lasi sonturi hel kithan ateng anuwe Pol poyok ensi, Antipatris arongpe yok pono. 32Manta aphel arni nosel sonturi hel anangyok tolsi, angkhanke anali kido athemyok chirulo. 33Anali Sisiriya yok pahlongsi, gobornorpo ayok lopo pisi, anangngot Pol poyok champilo. 34La amun gobornor po lopo chiporhesi ‘Nang daklong alongri arleng?’ Kipu aphel anang Silikiya arleng pusi than unsi, anang pulo, 35“Nang ka-ojor arlengpo wang hleng tangsi ne nang lam oneye.” Aro anangyok Pol poyok Herod po kido ahem long kibiyok thano.
Currently Selected:
ADUNHEL 23: AMRI-BSI
Highlight
Share
Copy
Want to have your highlights saved across all your devices? Sign up or sign in
AMRI KARBI N.T. - AKIMI ANGTON N.T.
Copyright © 2014 by The Bible Society of India
Used by permission. All rights reserved worldwide.
ADUNHEL 23
23
1Lalong Pol po ason mel abangyok lang etsi pulo, “Ei kortehel, ne ahuwit alam kime angthin pensi Arnam karwal aso badi minihok kengkam-chijorsi do.” 2La-amunsi Ananiyas amen bangthepo, adung arjapne kido abangyok Pol po ayok angho kardepyok thano. 3Latengsi Pol po anangyok pulo, “Ei akiphlan-et arpongpo, Arnam nangyoksi pasojok ayok honjok wendo; nang kanong ateng neyok bisar-kahonthe yok iningsi, labang kanong panghosi, neyok kipapam tolyok thando ma?” 4Pol po adung arjapsi kido arlenghel pulo, “Nang Arnam bor-bangthe yoksi akangho pudo ma?” 5Pol po pu phakngo, “Ei kortehel, anang bor-bangthe puke ne than un-ehsi kido; piyok pu tene lo-kangthir long wido, ‘Nang bithang ajat arleng kilang pon phu-phangyok kangho alam ingjeyek.’ 6Latangsi Pol po anali angkhan Saduki hel aro angkhan ke Pharisi pusi than-unsi, anang mel along hangsi pulo, “Ei kortehel, ne Pharisi aro Pharisi arleng aso; kithi para kiburphak kachiha alamsi neyok hut-bisar chiplangdo.” 7Anang labang alam kithansi, Pharisi pen Sadukihel adak lam ahul wango, aro arleng hel bhak-ni chiplango. 8Piyok pu tene Saduki hel ke kithi-kiburphak, Arnam tharlon aro ajiuli, lamehel ingjong pusi thanman; manta Pharisi helke la kithomta krolman. 9La-apot chihang solo; aro Pharisi hel abak kido kanong kapaklang helke arjapsi lam chitongsi pulo, “Hali labang arlengyok ado hlonghle yong; manta ihut ajiuli lale tharlon anangyok lam thano,” 10La-amun chiprong hlok-hlok ongsi, anali Pol poyok chorhletbo pusi ahajar sonturi aghaipo pheresi, sonturihel yok sunpungsi anali asitem para Pol poyok thidetsi sonturi ahem arloyok kapapon alam thano. 11La-aphel labang anuwe Hemphu anang dung arjapsi pulo, “Phere yek; piyok pu tene nang Jerusalem long ne lamthe hakhi pilo, lasi nang Rom alongri longta ladisi hakhi pihlonge.”
Pol poyok Kamariye Alam
12Adap prango apot, Jihudi hel isi alam chirwal-chirsalsi, Pol poyok marire lengke ili cho-jun nangne pusi, seme-kitang alam chipachipmo. 13Labadi kachirhep abang angkol hini yokta ongchot kido. 14Latangsi anali bangthe helyok aro akisarhel adung damsi pulo, “Hali ke Pol poyok mari un-eh lengke cho-junje ye, seme-tangsi chingnakngo. 15Lasi minon nali ason amel anang lam aro meso karju asolsi, Pol po nalidung kiwanyok Roman hajar sonturi aghaipo angot lo pidam; la-amun Pol po nali dung wang kihlenghle angosi, hali anangyok kamariyok trepsi do.” 16La-amun Pol po aphilipo anali tonsi kidoye alamthe arjusi, sonturi ahem lut damsi Pol poyok thandamo. 17Lasi Pol po aphoro sonturi aghai poyok taramsi pulo, “Labang riso poyok hajar sonturi aghaipo adung ponnot; piyok pu tene anang pene bak alam kaparju aneng do.” 18Lasi anang riso poyok ensi, hajar sonturi aghaipo adung ponsi pulo, “Nang ngo labang risopo penebak alam kipuye do pusi akrol kido Pol po neyok taramsi nang dung anangyok kapawanyok chingdukngo.” 19La-amun ahajar sonturi aghai po anang ari-otsi, ihi aga ponsi jolsi arjulo, “Neyok kithane nang pot alam do?” 20Anang pulo, “Nang Pol po alam aro mesosi karjuyok kachiron badisi, anangyok minap ason amel long kapapon ayok, nang ngot ladi lo wisi hawang kachohang yok Jihudi hel chipachip do. 21La-apot nang anali lam one yek; piyok pu tene lahel angkol hi-niyok ongchot arleng, Pol poyok marire leng ke an-lang cho-junje pusi, seme-tangsi chingnak si tonsi doye; aro minon trepsi do, nang hawang kitho poyok inghongsi do.” 22Latangsi ahajar sonturi aghaipo labang risoyok labang chithan chipadisi pulo, “Nang lamehel alam nengo pachitha-ango, bangpo kaiyok ta thane not.”
Gobornor Pheliks po Adung Pol poyok Kitol
23Lapara anang aphoro sonturi aghai bang hi-niyok adungyok taramsi labang alam thano, “Anuwe baji sirkep apun Sesariya kidamyok phoro hi-ni sonturi, angkol kithomne kep nosel sonturi, aro phoro hi-ni tokan ki-en sonturi honjok; 24aro Pol poyok Pheliks gobornor po adung ayok mesone kapahleng aphan anangyok kapatot nosel honjok pinot.” 25Lalong sonturi aghaipo ladisi lo wisi pilo, 26“Loseng kangsam gobornor aghai Pheliks po yok Klaudiyas Lisiyas po para kardom pajirdo. 27Jihudi hel labang arlengpo yok nepsi kamaribo apot, ne sonturi helpen damsi, anang Roman arleng pusi ne than unsi, anangyok ralo. 28La-aphel pipot anatsi anali labang yok ado koldo, ne kithan un anengsi, anali ason amel ango anangyok pono. 29Ne thekngo, anang kithi nange, lale akrol long kibi nange isi ado tikike yong, anali bithang kanong hel alam kachibisar penebak alam ado ki-ot badisi pahlong do. 30La-parake anangyok ado pisi kamariye kachirhep alam ango chiklano apot, ladi kichokpon theksi, ne songkhansi anangyok nang dungyok tolo, aro anangyok ka-ojor arleng helyok ta nang ngot Pol po yok kilangle ojor kipiyok thano. Kiwi pajutno.” 31Lasi sonturi hel kithan ateng anuwe Pol poyok ensi, Antipatris arongpe yok pono. 32Manta aphel arni nosel sonturi hel anangyok tolsi, angkhanke anali kido athemyok chirulo. 33Anali Sisiriya yok pahlongsi, gobornorpo ayok lopo pisi, anangngot Pol poyok champilo. 34La amun gobornor po lopo chiporhesi ‘Nang daklong alongri arleng?’ Kipu aphel anang Silikiya arleng pusi than unsi, anang pulo, 35“Nang ka-ojor arlengpo wang hleng tangsi ne nang lam oneye.” Aro anangyok Pol poyok Herod po kido ahem long kibiyok thano.
Currently Selected:
:
Highlight
Share
Copy
Want to have your highlights saved across all your devices? Sign up or sign in
AMRI KARBI N.T. - AKIMI ANGTON N.T.
Copyright © 2014 by The Bible Society of India
Used by permission. All rights reserved worldwide.