TIRLON 8
8
Saul Ning biakinn Khodeng Amanthei
1Hale ama anthat hi Saul om anmani le alui kan chel, hiva nikhua sung hin Jerusalem ma a om biakrupngai jiang atam pong khodengthei nai an mujui, hava han tirlonngai ni luia anmani an renga tiko Judia le Samarija ram sunga anthei an changa an kan senjui. 2Adet Pathian oi pasalngai ning Stephan ha an phumma, ama ranga atam tak chajang an lui siar.
3Tak-ha Saul ning inn inna a lut pasal an khat om numeingai a hong kei sua hale ren inna atet han biakrup ha aluinok khai.
Samarija hin chongsat
4An thei an changa an kan khuisenngai ha ning an che an chena mun han asat chong ha an lui ri. 5Philip ning Samarija khopui tiang achum ma anmani jiang Khrista ruia chong alui ri. 6Philip chong ri ha mitamngai ning an jet pha hale a man itho rakip ha an mu karra, a chong ri han an lung khat jak an lui manchang. 7Ajarko thavang satlui ning itho mitamngai sung han thavang thiang lui ha ning a hong khek, an suak, hale a taksa her khat athi, le akekiak ngaiha anmandam. 8Hava khopui han mi atam tak an ning anluisat.
9Tak-ha khopui han a tuan lai mit tarang tho a ming Simon anti, pasal an khat alui om, hale atakin keihi milian khat ka ni tia Samarija mingai ha alui manngak. 10Mitamngain ama jiang lungdo an nei verra an hong ti, “Hiva mihi milianpa Pathian ranaknei hake.” 11A man mit tarang atho a anmani ha a pha sot iluiman ngak jarra, anmanin ama jiang an lung aluingam. 12Tak-ha Philip ning Pathian rengram ruia Jisu Khrista minga asat chong ha alui ri pe ha takngai na an neija pasal le numeingain om baptais an lui tho. 13Hava han Simon innom takngai na aneia baptais a tho jui, hale Philip le alui kan ruai chak, mi ning tho torlui angakpa chuanlian ankhat om jet na angakpa tamtak tho torna inei ha a mu karra a man alui ngak.
14Samariangain Pathian chong hi an luijui tia Jisu tirlonngain an jet pha han, anmanin Pitar le Johon ha anmani jiang an tir jui. 15Anmanin an hong chumma, anmanin Thavang Thiang an mu na ranga an lampe jui. 16Ajarko anmani karra tu khat jiang om Thavang Thiang hi lamu ma u, la hong chummak tak-ha Puma Jisu minga baptais thona jak an man nei ke. 17Hava pha han anmanin anmani chunga an kut an tet, han ke Thavang Thiang ha an luimu,
18Simon ning tirlonngain an chunga an kut a tet pe le Thavang Thiang an mu tihi a jet karra, a man anmani jiang ruphai a pek, 19a hongti, “kein tu ang khat mi jiang ka kut hi ka tet le a man Thavang Thiang amuna ranga, hiva ranak hi kei om na pero.”
20Tak-ha Pitar ning a hongti, na ruphai le mang suamru, ajarko Pathian kutchoi hi ruphaija chok a jot tia na ngaidonjui. 21Hiva chuan ruia nang rang animakle natum rang ite khat kanchelma, ajarko Pathian mai kunga na lung dik mak. 22Hiva jarra na satmakna ngaidon in lang, lung thulna neiro, a jot theinko na lung satmakna ningaidon ha ngaidam om na rang lam na neiro. 23Ajarko nang ko na lung satlui le nun chan dik lui karra na om tihi kein ka mu.
24Simon ning a hong sang, “Nang nin nanti ha khat jak om ka chunga a hong chul mak na rang, kei ranga nang nin Puma jiang na lam peru.”
25Anmanin Puma chong ha asat shakhi an pek, Samariangai khuava asat chong anrija Jerusalem ma an hong kir.
Philip Le Ithopijan Pasal Khat
26Tak-ha Puma thaneithiang ning Philip jiang a hong ti, “Thuiro, hale Jerusalem tenna Gaya tung na rang lam han thuai tiang chero, hivahi ramtonglian lon na khat ani. 27A man a thuaija a che jui, han enru, Ithiopija ngai Rengnu Kandaki aneinun sampar rakip ikanpana chuan tho ha ning Jerusalem ma chubeibuk na ranga a hong. 28Han a man a hong kir han a sakor kari sunga a onga Pathian tashanthei Isaia rabu ha a pa alui om. 29Thavang ning Philip jiang a ti, che in lang Sakor kari sole kan ruai puiro. 30Han Philip ning ama jiang a tanna, a man Pathian tashanthei rabu Isaia ha a pa a jet a hong ti, nang in na ipa na jet mo?
31A man a ti, “Tu ang khat in na ripeluija, kein ija mo ki jet tor rang?” Han a man Philip ha akuija hong chuongro kei le ongsuamrei a ti pe. 32Hale a man iluipa chong thiang rabu mun ha hi ani, “Belramte ha that ranga an tuang ang han, animakle belram ning amul an eppema a ram lui anga; amannom a bai angmak. 33A ma miduk lut theihan chong dik tanna ha ator jui, ama mirual ha tu ning mo anritor rang? Ajarko ama thavang ha hiva simlei tenna ipek jui ke.”
34Tak kan sin pasal ha ning Philip jiang a hong ti, kein nang jiang ka na ti, Pathian tashanthei ning hivahi tu jiang mo iti? “Atak rang mo, animakle a dang khat ranga mo?” 35Hivahi Philipin arija hiva rabu tenna an phut ama jiang Jisu ruia chongsat ha arilai. 36Anmanin lam ma an honglon pha han, tui kolla an hong tung jui, a tak kan sin pasal ha ning a hong ti, tuihin a om jui, baptais nina man nei rang hi aser imo a om? Jot noning mo? 37Han Philip ning a ti, “Natak na lung Pumpuia takngai na nanei inko, han a man a hong ti, Pathian nai Jisu Khrista ha kein takngai na ka nei.”
38Han a man Sakor gari ha khap na ranga chong a pek, Philip le a tak kan sin pasal ha tuija an chumma, baptais a man tho jui. 39Han tuitenna an hong suakpha, Puma thavang in Philip ha a tuang jui, hale a tak kan sin pasal ha ning Philip ha mulaimak ningsat tak a ache jui. 40Han Philip ha Ayotus an mu han, Sijaria kaithiang khosung rakip chongsat chong thiang ha alui ri.
Currently Selected:
TIRLON 8: AIMOLBSI
Highlight
Share
Copy
Want to have your highlights saved across all your devices? Sign up or sign in
Aimol (Re-edited) NT - Rabu Athar
Copyright © The Bible Society of India, 2016.
Used by permission. All rights reserved worldwide.
TIRLON 8
8
Saul Ning biakinn Khodeng Amanthei
1Hale ama anthat hi Saul om anmani le alui kan chel, hiva nikhua sung hin Jerusalem ma a om biakrupngai jiang atam pong khodengthei nai an mujui, hava han tirlonngai ni luia anmani an renga tiko Judia le Samarija ram sunga anthei an changa an kan senjui. 2Adet Pathian oi pasalngai ning Stephan ha an phumma, ama ranga atam tak chajang an lui siar.
3Tak-ha Saul ning inn inna a lut pasal an khat om numeingai a hong kei sua hale ren inna atet han biakrup ha aluinok khai.
Samarija hin chongsat
4An thei an changa an kan khuisenngai ha ning an che an chena mun han asat chong ha an lui ri. 5Philip ning Samarija khopui tiang achum ma anmani jiang Khrista ruia chong alui ri. 6Philip chong ri ha mitamngai ning an jet pha hale a man itho rakip ha an mu karra, a chong ri han an lung khat jak an lui manchang. 7Ajarko thavang satlui ning itho mitamngai sung han thavang thiang lui ha ning a hong khek, an suak, hale a taksa her khat athi, le akekiak ngaiha anmandam. 8Hava khopui han mi atam tak an ning anluisat.
9Tak-ha khopui han a tuan lai mit tarang tho a ming Simon anti, pasal an khat alui om, hale atakin keihi milian khat ka ni tia Samarija mingai ha alui manngak. 10Mitamngain ama jiang lungdo an nei verra an hong ti, “Hiva mihi milianpa Pathian ranaknei hake.” 11A man mit tarang atho a anmani ha a pha sot iluiman ngak jarra, anmanin ama jiang an lung aluingam. 12Tak-ha Philip ning Pathian rengram ruia Jisu Khrista minga asat chong ha alui ri pe ha takngai na an neija pasal le numeingain om baptais an lui tho. 13Hava han Simon innom takngai na aneia baptais a tho jui, hale Philip le alui kan ruai chak, mi ning tho torlui angakpa chuanlian ankhat om jet na angakpa tamtak tho torna inei ha a mu karra a man alui ngak.
14Samariangain Pathian chong hi an luijui tia Jisu tirlonngain an jet pha han, anmanin Pitar le Johon ha anmani jiang an tir jui. 15Anmanin an hong chumma, anmanin Thavang Thiang an mu na ranga an lampe jui. 16Ajarko anmani karra tu khat jiang om Thavang Thiang hi lamu ma u, la hong chummak tak-ha Puma Jisu minga baptais thona jak an man nei ke. 17Hava pha han anmanin anmani chunga an kut an tet, han ke Thavang Thiang ha an luimu,
18Simon ning tirlonngain an chunga an kut a tet pe le Thavang Thiang an mu tihi a jet karra, a man anmani jiang ruphai a pek, 19a hongti, “kein tu ang khat mi jiang ka kut hi ka tet le a man Thavang Thiang amuna ranga, hiva ranak hi kei om na pero.”
20Tak-ha Pitar ning a hongti, na ruphai le mang suamru, ajarko Pathian kutchoi hi ruphaija chok a jot tia na ngaidonjui. 21Hiva chuan ruia nang rang animakle natum rang ite khat kanchelma, ajarko Pathian mai kunga na lung dik mak. 22Hiva jarra na satmakna ngaidon in lang, lung thulna neiro, a jot theinko na lung satmakna ningaidon ha ngaidam om na rang lam na neiro. 23Ajarko nang ko na lung satlui le nun chan dik lui karra na om tihi kein ka mu.
24Simon ning a hong sang, “Nang nin nanti ha khat jak om ka chunga a hong chul mak na rang, kei ranga nang nin Puma jiang na lam peru.”
25Anmanin Puma chong ha asat shakhi an pek, Samariangai khuava asat chong anrija Jerusalem ma an hong kir.
Philip Le Ithopijan Pasal Khat
26Tak-ha Puma thaneithiang ning Philip jiang a hong ti, “Thuiro, hale Jerusalem tenna Gaya tung na rang lam han thuai tiang chero, hivahi ramtonglian lon na khat ani. 27A man a thuaija a che jui, han enru, Ithiopija ngai Rengnu Kandaki aneinun sampar rakip ikanpana chuan tho ha ning Jerusalem ma chubeibuk na ranga a hong. 28Han a man a hong kir han a sakor kari sunga a onga Pathian tashanthei Isaia rabu ha a pa alui om. 29Thavang ning Philip jiang a ti, che in lang Sakor kari sole kan ruai puiro. 30Han Philip ning ama jiang a tanna, a man Pathian tashanthei rabu Isaia ha a pa a jet a hong ti, nang in na ipa na jet mo?
31A man a ti, “Tu ang khat in na ripeluija, kein ija mo ki jet tor rang?” Han a man Philip ha akuija hong chuongro kei le ongsuamrei a ti pe. 32Hale a man iluipa chong thiang rabu mun ha hi ani, “Belramte ha that ranga an tuang ang han, animakle belram ning amul an eppema a ram lui anga; amannom a bai angmak. 33A ma miduk lut theihan chong dik tanna ha ator jui, ama mirual ha tu ning mo anritor rang? Ajarko ama thavang ha hiva simlei tenna ipek jui ke.”
34Tak kan sin pasal ha ning Philip jiang a hong ti, kein nang jiang ka na ti, Pathian tashanthei ning hivahi tu jiang mo iti? “Atak rang mo, animakle a dang khat ranga mo?” 35Hivahi Philipin arija hiva rabu tenna an phut ama jiang Jisu ruia chongsat ha arilai. 36Anmanin lam ma an honglon pha han, tui kolla an hong tung jui, a tak kan sin pasal ha ning a hong ti, tuihin a om jui, baptais nina man nei rang hi aser imo a om? Jot noning mo? 37Han Philip ning a ti, “Natak na lung Pumpuia takngai na nanei inko, han a man a hong ti, Pathian nai Jisu Khrista ha kein takngai na ka nei.”
38Han a man Sakor gari ha khap na ranga chong a pek, Philip le a tak kan sin pasal ha tuija an chumma, baptais a man tho jui. 39Han tuitenna an hong suakpha, Puma thavang in Philip ha a tuang jui, hale a tak kan sin pasal ha ning Philip ha mulaimak ningsat tak a ache jui. 40Han Philip ha Ayotus an mu han, Sijaria kaithiang khosung rakip chongsat chong thiang ha alui ri.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Aimol (Re-edited) NT - Rabu Athar
Copyright © The Bible Society of India, 2016.
Used by permission. All rights reserved worldwide.