JOAN KANGKÉNNANE
KANGKÉNNANE
Joanke Atnam Tatpona Dooying si Jisume Shédíke turyarna Agom, agíe “Tanipe ila ngoluke gooralo duunakope” lengkantung. Sim Dooying sim porina kídíe Jisu bímin pébisunam mopítkuna Ruutume, Shédíke Ue, delokke tani kídíe míngke sukolok bíkkíng bulu turyar namem paadung emla kéndope attung, dem kitab agísi poyin subidung. (20:31)
Jisume Shédíke turyarna agome emla lengkan rongem kerangke Dooying delo Jisu bí Mopítkuna pébisunam Ruutume, Shédíke Ue emla kangkén nape atí atí irisinyuem lengkan bitung. Delokrongem irisinyo ikannam legangem lupo sukuname. So kitab orekso kape kísa Jisume ayokon amie arope mííla delokke bíkkelo luyilsunape ila, dekepe idola ayokon amie bím akla arope míímape inam legangem attung. Gomle 13-17 lo Jisume umdí yumelo bíkkelo luyilsuna kídíem Jisuke duubosunam emlang bím pansaado kerangope bíkke luer puer ludíng podíng agom kídarem bojépe attung. Atyin nana gomle delo Jisume umla, gusor mola, bí pansaanam delokke gerep kunam delokke gerep rongkuem bíkkelo luyilsuna kídílo lengkan sukunam legangem attung. Abír ina mimekonem umnam dooying (8:1-11) dem gídot aralo metung kapeila kerangke agome delokke atyon sukuname bojéko dem mepakdung, idola ayokone itak sudung.
Kristo kelok turyarna amanem, supaklokke ila lenna aman Jisumin bedange, arue delokke turname emla toríksuna kídíem binam aman legangem Joan bí sépekyape lutung. Joanke atnam agom sim míngge penam akonde idung aid atoem luyilnape loodíke kaayar sunam atí-sirí asi eme, ettíng, angun, mér kaabomna delokke mérkídi onggur ane delokke ayé takamsok luna ponatung.
Kitab Sokke Orege
Políknape ponam agome 1:1-8
Joan Baptis lang Jisukelo kerayalumpe Luyilsune 1:19-51
Jisuke kebalo agér iname 2:1–12:50
Yéyin longe aaname delokke Jirusalemlo anín name 13:1–19:42
Ruutumke gerep kunam elang lengkan sukuname 20:1-31
Poyine: Galillo lekoteng lengkan subi kuname 21:1-25
Currently Selected:
JOAN KANGKÉNNANE: adiBSI
Highlight
Share
Copy
Want to have your highlights saved across all your devices? Sign up or sign in
Adi (Re-edited) Bible - Deena Baibél
Copyright © Bible Society of India, 2012.
Used by permission. All rights reserved worldwide.