Xekhaliyas 4
4
Zaj Yogtoog Pom Tus Ncej Txawb Teeb
1Tus timtswv ceebtsheej uas txeev nrog kuv tham rov los rau ntawm kuv thiab tsa kuv li tsa tus tibneeg uas tsaugzog kom tsim. 2Nws nug kuv tias, “Koj pom dabtsi?”
Kuv teb tias, “Kuv pom ib tug ncej txawb teeb uas yog xuas kub ua. Muaj ib lub tais ntim roj txawb rau saud. Saum tus ncej txawb teeb ntawd muaj xya lub teeb uas nyias muaj nyias ib tug teebxeeb. 3Tseem muaj ob tsob txiv ntoo-roj nyob ntawm tus ncej txawb teeb ntawd, ib tsob nyob ib sab.” #Tshwm 11:4 4Ces kuv nug tus timtswv ceebtsheej tias, “Tus tswv, lub ntsiablus ntawm tej no yog dabtsi?”
5Nws nug kuv tias, “Koj tsis paub lov?”
Kuv teb tias, “Tus tswv, kuv tsis paub os.”
6Tus timtswv ceebtsheej kom kuv coj tus TSWV cov lus no mus qhia rau Xelunpanpees tias, “Koj yuav kovyeej, tsis yog los ntawm tubrog lub zog lossis los ntawm koj lub zog, tiamsis yog los ntawm Kuv tus Ntsujplig. #Exala 5:2 7Txawm muaj kev covnyom loj luaj lub hauv roob los yuav yaj ntshis ntawm koj hauvntej mus. Koj yuav rov txhimkho lub Tuamtsev dua; thaum uas koj tso lub pobzeb kawg tomqab rau ntawm nws qhov chaw lawm, cov neeg yuav qw hais tias, ‘Zoo kawg nkaus, zoo kawg nkaus!’ ”
8Tus TSWV rov hais ib co lus rau kuv dua. 9Nws hais tias, “Xelunpanpees twb pua lub plag Tuamtsev tag lawm, thiab nws yuav ua kom tiav. Thaum muaj li no lawm, Kuv haivneeg yuav paub tias Kuv yog tus uas tau txib koj mus cuag lawv. 10Lawv twb tag kev ciasiab lawm, rauqhov pheej ua tsis tiav li. Tiamsis lawv yuav pom Xelunpanpees rausiab ntso ua lub Tuamtsev, thiab lawv yuav zoosiab heev.”
Tus timtswv ceebtsheej hais rau kuv tias, “Xya lub teeb ntawd yog tus TSWV xya lub qhovmuag, uas pom thoobplaws lub ntiajteb no.” #Tshwm 5:6
11Ces kuv nug nws tias, “Ob tsob txiv ntoo-roj uas ib tsob nyob ib sab ntawm tus ncej txawb teeb yog txhais licas? #Tshwm 11:4 12Thiab ob tug ceg ntoo-roj uas ib tug nyob ib sab ntawm tus kais kub uas hliv roj ntawd yog txhais licas?”
13Nws teb kuv tias, “Koj tsis paub lov?”
Kuv teb tias, “Tus tswv, kuv tsis paub os.”
14Ces nws hais tias, “Ntawd yog piv txog ob tug tibneeg uas Vajtswv tau xaiv thiab muab txhawb meejthawj los ua tus TSWV uas kav tagnrho lub ntiajteb no tes haujlwm.”
Currently Selected:
Xekhaliyas 4: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Xekhaliyas 4
4
Zaj Yogtoog Pom Tus Ncej Txawb Teeb
1Tus timtswv ceebtsheej uas txeev nrog kuv tham rov los rau ntawm kuv thiab tsa kuv li tsa tus tibneeg uas tsaugzog kom tsim. 2Nws nug kuv tias, “Koj pom dabtsi?”
Kuv teb tias, “Kuv pom ib tug ncej txawb teeb uas yog xuas kub ua. Muaj ib lub tais ntim roj txawb rau saud. Saum tus ncej txawb teeb ntawd muaj xya lub teeb uas nyias muaj nyias ib tug teebxeeb. 3Tseem muaj ob tsob txiv ntoo-roj nyob ntawm tus ncej txawb teeb ntawd, ib tsob nyob ib sab.” #Tshwm 11:4 4Ces kuv nug tus timtswv ceebtsheej tias, “Tus tswv, lub ntsiablus ntawm tej no yog dabtsi?”
5Nws nug kuv tias, “Koj tsis paub lov?”
Kuv teb tias, “Tus tswv, kuv tsis paub os.”
6Tus timtswv ceebtsheej kom kuv coj tus TSWV cov lus no mus qhia rau Xelunpanpees tias, “Koj yuav kovyeej, tsis yog los ntawm tubrog lub zog lossis los ntawm koj lub zog, tiamsis yog los ntawm Kuv tus Ntsujplig. #Exala 5:2 7Txawm muaj kev covnyom loj luaj lub hauv roob los yuav yaj ntshis ntawm koj hauvntej mus. Koj yuav rov txhimkho lub Tuamtsev dua; thaum uas koj tso lub pobzeb kawg tomqab rau ntawm nws qhov chaw lawm, cov neeg yuav qw hais tias, ‘Zoo kawg nkaus, zoo kawg nkaus!’ ”
8Tus TSWV rov hais ib co lus rau kuv dua. 9Nws hais tias, “Xelunpanpees twb pua lub plag Tuamtsev tag lawm, thiab nws yuav ua kom tiav. Thaum muaj li no lawm, Kuv haivneeg yuav paub tias Kuv yog tus uas tau txib koj mus cuag lawv. 10Lawv twb tag kev ciasiab lawm, rauqhov pheej ua tsis tiav li. Tiamsis lawv yuav pom Xelunpanpees rausiab ntso ua lub Tuamtsev, thiab lawv yuav zoosiab heev.”
Tus timtswv ceebtsheej hais rau kuv tias, “Xya lub teeb ntawd yog tus TSWV xya lub qhovmuag, uas pom thoobplaws lub ntiajteb no.” #Tshwm 5:6
11Ces kuv nug nws tias, “Ob tsob txiv ntoo-roj uas ib tsob nyob ib sab ntawm tus ncej txawb teeb yog txhais licas? #Tshwm 11:4 12Thiab ob tug ceg ntoo-roj uas ib tug nyob ib sab ntawm tus kais kub uas hliv roj ntawd yog txhais licas?”
13Nws teb kuv tias, “Koj tsis paub lov?”
Kuv teb tias, “Tus tswv, kuv tsis paub os.”
14Ces nws hais tias, “Ntawd yog piv txog ob tug tibneeg uas Vajtswv tau xaiv thiab muab txhawb meejthawj los ua tus TSWV uas kav tagnrho lub ntiajteb no tes haujlwm.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.