Xekhaliyas 14
14
Yeluxalees Thiab Txhua Haivneeg
1Hnub uas tus TSWV yuav los nyob ntawm lub rooj txiavtxim twb los ze lawm. Lub nroog Yeluxalees yuav raug luag huab, thiab tej khoom uas luag huab tau ntawd yuav muab faib tabmeeg nej. 2Tus TSWV yuav coj txhua haivneeg tuaj uake uarog rau lub nroog Yeluxalees. Luag yuav txeeb tau lub nroog thiab huab tej vajtse, thiab tej pojniam yuav raug luag yuam. Cov neeg ibnrab yuav raug luag ntes coj mus rau lwm tebchaws, tiamsis cov uas seem tuag yuav tsis raug coj tawm hauv lub nroog mus. 3Ces tus TSWV yuav tawm mus uarog rau txhua haivneeg ntawd, ib yam li Nws tau ua yav tas los lawm. 4Thaum txog lub sijhawm ntawd, Nws yuav sawv saum lub Roob Txiv Ntoo-Roj uas nyob ntawm lub nroog Yeluxalees sab hnubtuaj. Ces lub Roob Txiv Ntoo-Roj yuav raug faib ua ob sab, txij ntua sab hnubtuaj mus rau sab hnubpoob, los ntawm ib lub kwjha loj heev. Lub roob ntawd ib sab yuav txav nce toj mus rau sab qaumteb, thiab ib sab yuav txav nqis mus rau sab qabteb. 5Nej yuav khiav dim hauv lub hav uas muab lub roob faib ua ob sab ntawd mus.#14:5: Nqe no sau hais tias Nej yuav khiav … ntawd mus paub tsis meej tias lolus Henplais yog txhais licas tiag txog qhov no. Nej yuav khiav dim ib yam li nej cov yawgkoob khiav thaum av qeeg tiam uas Vajntxwv Uxiyas kav tebchaws Yudas. Tus TSWV uas yog kuv tus Vajtswv yuav los, thiab coj tagnrho cov timtswv ceebtsheej uas dawbhuv nrog Nws los.
6Thaum txog lub sijhawm ntawd, yuav tsis muaj duab tshavntuj lossis yuav tsis no thiab dej yuav tsis nkoog,#14:6: Nqe no sau hais tias duab tshavntuj … tsis nkoog; paub tsis meej tias lolus Henplais yog txhais licas tiag txog qhov no. 7lossis tsis muaj qhov tsausntuj li. Txawm yog hmontuj los yuav pomkev kajnrig. Tsuas yog tus TSWV tibleeg xwb thiaj paub tias thaum twg lub sijhawm no mamli los txog.
8Thaum txog hnub ntawd, yuav muaj ib tug dej txhawv hauv lub nroog Yeluxalees los, ib ceg yuav ntws mus rau nram Hiavtxwv Tuag thiab ib ceg yuav ntws mus rau tom Hiavtxwv Meditelanees. Tus dej ntawd yuav ntws thawm niaj thawm xyoo, tsis hais lub caij ntuj qhua lossis lub caij ntuj nag. #Exek 47:1; Yauh 7:38; Tshwm 21:1 9Tus TSWV yuav ua Vajntxwv kav tagnrho lub ntiajteb; hnub ntawd yuav muaj tibtug Vajtswv xwb, thiab sawvdaws yuav pehawm Nws lub npe nkaus xwb.
10Tagnrho cheebtsam, txij ntua ntawm Nkenpas uas nyob sab qaumteb los txog rau ntawm Limoos uas nyob sab qabteb, mas yuav muab txhub kom tiaj sibtxig. Tiamsis lub nroog Yeluxalees yuav raug tsa rau lub chaw siab pib kiag ntawm lub Roojloog Npeeyamees mus txog ntua ntawm lub Roojloog Cegkaum uas yeej yog ib lub roojloog thaum ub los lawm, thiab txij ntua ntawm lub chaw Tsomfaj Hananees mus rau ntawm vajntxwv lub chaw tsuam txivhmab. 11Cov neeg yuav nyob kajsiab lug hauv qhov chaw ntawd, yuav tsis muaj kev puastsuaj los raug lawv ib zaug ntxiv li lawm. #Tshwm 22:3
12Tus TSWV yuav tso ib yam kab mob uas txaus ntshai heev los rau txhua haivneeg uas tuaj uarog tawmtsam lub nroog Yeluxalees. Lawv tej nqaij yuav lwj thaum lawv tseem ciajsia; lawv lub qhovmuag thiab tus nplaig yuav lwj tag huv tibsi.
13Lub sijhawm ntawd tus TSWV yuav ua kom lawv feeb tsis meej thiab ntshai heev, lawv ib leeg yuav ntes ib leeg thiab ib leeg yuav ntaus ib leeg. 14Cov Yudais yuav tivthaiv lub nroog Yeluxalees. Lawv yuav huab txhua haivneeg tej khoom muajnqis: kub, nyiaj, thiab tsoostsho ntau heev.
15Tej kab mob phem uas txaus ntshai no yuav raug tej nees, tej nees zag, tej ntxhuav, tej neesluav, thiab raug txhua yam tsiaj uas nyob hauv cov yeebncuab tej yeej.
16Mas cov neeg uas seem tuag ntawm txhua haivneeg uas tuaj tua lub nroog Yeluxalees, yuav niaj xyoo tuaj pehawm Vajntxwv, uas yog tus TSWV tus muaj Hwjchim Loj Kawg Nkaus, thiab ua kevcai nyob Tsev Pheebsuab hauv lub nroog Yeluxalees. #Levi 23:39-43 17Yog tias ib haivneeg twg tsis kam mus pehawm tus TSWV, uas yog tus Vajntxwv uas muaj Hwjchim Loj Kawg Nkaus, mas yuav tsis muaj nag los rau hauv lawv lub tebchaws. 18Yog cov Iziv tsis kam tuaj ua kevcai nyob Tsev Pheebsuab, mas lawv yuav raug yam kab mob phem uas tus TSWV tso los rau txhua lub tebchaws uas tsis kam mus pehawm Nws ntawd. 19Tej no yog txoj kev rautxim uas yuav raug cov neeg Iziv thiab txhua haivneeg uas tsis kam mus ua kevcai nyob Tsev Pheebsuab.
20Lub sijhawm ntawd txawm yog tej nyuag tswb nees los yuav sau ntawv rau hais tias, “Raug muab fij rau tus TSWV lawm.” Tej laujkaub uas siv ua noj hauv lub Tuamtsev los yuav dawbhuv yam nkaus li tej tais uas txawb rau ntawm lub thaj hauvntej. 21Txhua lub laujkaub uas siv ua noj hauv Yeluxalees thiab hauv tebchaws Yudas dawbhuv rau tus TSWV uas muaj Hwjchim Loj Kawg Nkaus. Cov neeg uas tuaj fij khoom yuav siv tej laujkaub ntawd los hau tej nqaij uas coj tuaj tua ua khoom fij. Thaum txog lub sijhawm ntawd, yuav tsis muaj tublag tubluam nyob hauv tus TSWV tus uas muaj Hwjchim Loj Kawg Nkaus lub Tuamtsev lawm.
Currently Selected:
Xekhaliyas 14: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Xekhaliyas 14
14
Yeluxalees Thiab Txhua Haivneeg
1Hnub uas tus TSWV yuav los nyob ntawm lub rooj txiavtxim twb los ze lawm. Lub nroog Yeluxalees yuav raug luag huab, thiab tej khoom uas luag huab tau ntawd yuav muab faib tabmeeg nej. 2Tus TSWV yuav coj txhua haivneeg tuaj uake uarog rau lub nroog Yeluxalees. Luag yuav txeeb tau lub nroog thiab huab tej vajtse, thiab tej pojniam yuav raug luag yuam. Cov neeg ibnrab yuav raug luag ntes coj mus rau lwm tebchaws, tiamsis cov uas seem tuag yuav tsis raug coj tawm hauv lub nroog mus. 3Ces tus TSWV yuav tawm mus uarog rau txhua haivneeg ntawd, ib yam li Nws tau ua yav tas los lawm. 4Thaum txog lub sijhawm ntawd, Nws yuav sawv saum lub Roob Txiv Ntoo-Roj uas nyob ntawm lub nroog Yeluxalees sab hnubtuaj. Ces lub Roob Txiv Ntoo-Roj yuav raug faib ua ob sab, txij ntua sab hnubtuaj mus rau sab hnubpoob, los ntawm ib lub kwjha loj heev. Lub roob ntawd ib sab yuav txav nce toj mus rau sab qaumteb, thiab ib sab yuav txav nqis mus rau sab qabteb. 5Nej yuav khiav dim hauv lub hav uas muab lub roob faib ua ob sab ntawd mus.#14:5: Nqe no sau hais tias Nej yuav khiav … ntawd mus paub tsis meej tias lolus Henplais yog txhais licas tiag txog qhov no. Nej yuav khiav dim ib yam li nej cov yawgkoob khiav thaum av qeeg tiam uas Vajntxwv Uxiyas kav tebchaws Yudas. Tus TSWV uas yog kuv tus Vajtswv yuav los, thiab coj tagnrho cov timtswv ceebtsheej uas dawbhuv nrog Nws los.
6Thaum txog lub sijhawm ntawd, yuav tsis muaj duab tshavntuj lossis yuav tsis no thiab dej yuav tsis nkoog,#14:6: Nqe no sau hais tias duab tshavntuj … tsis nkoog; paub tsis meej tias lolus Henplais yog txhais licas tiag txog qhov no. 7lossis tsis muaj qhov tsausntuj li. Txawm yog hmontuj los yuav pomkev kajnrig. Tsuas yog tus TSWV tibleeg xwb thiaj paub tias thaum twg lub sijhawm no mamli los txog.
8Thaum txog hnub ntawd, yuav muaj ib tug dej txhawv hauv lub nroog Yeluxalees los, ib ceg yuav ntws mus rau nram Hiavtxwv Tuag thiab ib ceg yuav ntws mus rau tom Hiavtxwv Meditelanees. Tus dej ntawd yuav ntws thawm niaj thawm xyoo, tsis hais lub caij ntuj qhua lossis lub caij ntuj nag. #Exek 47:1; Yauh 7:38; Tshwm 21:1 9Tus TSWV yuav ua Vajntxwv kav tagnrho lub ntiajteb; hnub ntawd yuav muaj tibtug Vajtswv xwb, thiab sawvdaws yuav pehawm Nws lub npe nkaus xwb.
10Tagnrho cheebtsam, txij ntua ntawm Nkenpas uas nyob sab qaumteb los txog rau ntawm Limoos uas nyob sab qabteb, mas yuav muab txhub kom tiaj sibtxig. Tiamsis lub nroog Yeluxalees yuav raug tsa rau lub chaw siab pib kiag ntawm lub Roojloog Npeeyamees mus txog ntua ntawm lub Roojloog Cegkaum uas yeej yog ib lub roojloog thaum ub los lawm, thiab txij ntua ntawm lub chaw Tsomfaj Hananees mus rau ntawm vajntxwv lub chaw tsuam txivhmab. 11Cov neeg yuav nyob kajsiab lug hauv qhov chaw ntawd, yuav tsis muaj kev puastsuaj los raug lawv ib zaug ntxiv li lawm. #Tshwm 22:3
12Tus TSWV yuav tso ib yam kab mob uas txaus ntshai heev los rau txhua haivneeg uas tuaj uarog tawmtsam lub nroog Yeluxalees. Lawv tej nqaij yuav lwj thaum lawv tseem ciajsia; lawv lub qhovmuag thiab tus nplaig yuav lwj tag huv tibsi.
13Lub sijhawm ntawd tus TSWV yuav ua kom lawv feeb tsis meej thiab ntshai heev, lawv ib leeg yuav ntes ib leeg thiab ib leeg yuav ntaus ib leeg. 14Cov Yudais yuav tivthaiv lub nroog Yeluxalees. Lawv yuav huab txhua haivneeg tej khoom muajnqis: kub, nyiaj, thiab tsoostsho ntau heev.
15Tej kab mob phem uas txaus ntshai no yuav raug tej nees, tej nees zag, tej ntxhuav, tej neesluav, thiab raug txhua yam tsiaj uas nyob hauv cov yeebncuab tej yeej.
16Mas cov neeg uas seem tuag ntawm txhua haivneeg uas tuaj tua lub nroog Yeluxalees, yuav niaj xyoo tuaj pehawm Vajntxwv, uas yog tus TSWV tus muaj Hwjchim Loj Kawg Nkaus, thiab ua kevcai nyob Tsev Pheebsuab hauv lub nroog Yeluxalees. #Levi 23:39-43 17Yog tias ib haivneeg twg tsis kam mus pehawm tus TSWV, uas yog tus Vajntxwv uas muaj Hwjchim Loj Kawg Nkaus, mas yuav tsis muaj nag los rau hauv lawv lub tebchaws. 18Yog cov Iziv tsis kam tuaj ua kevcai nyob Tsev Pheebsuab, mas lawv yuav raug yam kab mob phem uas tus TSWV tso los rau txhua lub tebchaws uas tsis kam mus pehawm Nws ntawd. 19Tej no yog txoj kev rautxim uas yuav raug cov neeg Iziv thiab txhua haivneeg uas tsis kam mus ua kevcai nyob Tsev Pheebsuab.
20Lub sijhawm ntawd txawm yog tej nyuag tswb nees los yuav sau ntawv rau hais tias, “Raug muab fij rau tus TSWV lawm.” Tej laujkaub uas siv ua noj hauv lub Tuamtsev los yuav dawbhuv yam nkaus li tej tais uas txawb rau ntawm lub thaj hauvntej. 21Txhua lub laujkaub uas siv ua noj hauv Yeluxalees thiab hauv tebchaws Yudas dawbhuv rau tus TSWV uas muaj Hwjchim Loj Kawg Nkaus. Cov neeg uas tuaj fij khoom yuav siv tej laujkaub ntawd los hau tej nqaij uas coj tuaj tua ua khoom fij. Thaum txog lub sijhawm ntawd, yuav tsis muaj tublag tubluam nyob hauv tus TSWV tus uas muaj Hwjchim Loj Kawg Nkaus lub Tuamtsev lawm.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.