Filemaus 1
1
1Kuv yog Paulus, tus uas raug kaw vim Yexus Khetos lub npe, thiab ntawm tus kwv Timautes.
Xa rau Filemaus uas yog wb li phoojywg thiab nrog wb ua haujlwm uake, 2thiab xa rau pawg ntseeg uas tuaj mlooglus qhuabqhia hauv koj tsev, thiab rau wb tus muam Afias, thiab rau Akhipaus tus uas ua Yexus Khetos ib tug tubrog ib yam li wb. #Kaulx 4:17
3Thov Vajtswv uas yog peb Leejtxiv thiab peb tus Tswv Yexus Khetos pub txoj hmoovhlub thiab kev nyabxeeb rau nej.
Filemaus Txoj Kev Hlub Thiab Kev Ntseeg
4Tus kwv Filemaus, txhua zaus uas kuv thov Vajtswv kuv ncontsoov koj thiab kuv ua Vajtswv tsaug, 5rauqhov kuv hnov xov txog koj txoj kev ntseeg peb tus Tswv Yexus, thiab koj txoj kev hlub uas koj muaj rau cov ntseeg Vajtswv. 6Kuv thov Vajtswv pab kom wb txoj kev nrog koj ua phoojywg uas zooli cov ntseeg, yuav ua rau peb yimhuab totaub txog txhua yam koobhmoov uas peb muaj hauv peb lub neej los ntawm qhov peb nrog Khetos sib raugzoo. 7Tus kwv, koj txoj kev hlub uas koj muaj rau cov ntseeg ntawd ua rau lawv muaj kev kajsiab ntau heev, qhov ntawd txhawb tau kuv lub zog thiab ua rau kuv zoosiab kawg li.
Paulus Thov Rau Auneximus
8Vimli no, qhov uas wb yog kwvtij nyob rau hauv Khetos, kuv yeej muaj cuabkav yuam kom koj ua yam uas tsimnyog koj yuav tau ua. 9Txawm kuv twb yog Paulus uas yog Yexus Khetos tus xeebcom thiab tamsim no raug kaw vim Nws lub npe ntag,#9: Txawm kuv twb yog Paulus uas yog Yexus Khetos tus xeebcom thiab tamsim no raug kaw vim Nws lub npe ntag, lossis Txawm kuv twb yog Paulus uas yog ib tug laus uas nimno raug txim vim qhia Yexus Khetos zaj. los vim kuv hlub koj, kuv tsuas ua zoo thov koj xwb. 10Kuv thov koj txog Auneximus, uas yog kuv tus tub hauv Khetos, kuv tau dhau los ua nws txiv ntawm sab kev ntseeg thaum kuv tseem raug kaw hauv tsev lojcuj. #Kaulx 4:9 11Yav tas los nws yog ib tug uas tsis muaj qabhau#11: Cov Kilis lub npe Auneximus txhais hais tias “zoo siv” los yog “muaj qabhau.” dabtsi rau koj, tiamsis nimno nws yog ib tug uas muaj qabhau rau wb heev.
12Nimno kuv xa nws rovqab los rau koj, ces npaum nkaus li kuv xa kuv ib nploojsiab los lawm thiab. 13Kuv xav kom nws nyob ntawm no hloov koj chaw pab kuv rau lub sijhawm uas kuv raug kaw vim Txoj Moo Zoo. 14Txawm yog licas los xij, kuv tsis xav yuam kom koj pab kuv, tiamsis kuv xav kom koj ua los ntawm qhov uas koj txaussiab hlo ua xwb. Kuv yuav tsis ua ib yam dabtsi uas koj tsis txaussiab ua.
15Tejzaum qhov uas Auneximus ncaim koj mus ib ntus ntawd, twb yog ua kom koj tau txais nws rovqab los nrog koj nyob mus li. 16Nimno nws tsis yog ib tug qhev xwb, nws tseem zoo tshaj ib tug qhev lawm thiab, nws yog ib tug kwvtij hauv Yexus Khetos lawm. Kuv pom tias nws muaj qabhau rau kuv heev, kuv xav tias nws tseem muaj qabhau rau koj heev dua, rauqhov nws yeej yog koj ib tug qhev thiab yog ib tug kwvtij uas nyob rau hauv Vajtswv.
17Yog koj suav hais tias kuv yog koj ib tug phoojywg uas wb sib koomtes ua Vajtswv haujlwm, thov koj tostxais nws rovqab ib yam li koj yuav tostxais kuv thiab. 18Yog nws tau ua txhaum rau koj lossis nws tshuav koj nqi, kuv yuav them rau koj. 19No yog kuv txhais tes sau kiag hais tias, “Kuv uas yog Paulus yuav them rau koj,” tiamsis qhov koj tuskheej tshuav kuv nqi ntawd kuv yuav tsis hais txog. 20Yogli ntawd, tus kwv, xav rau ntawm Vajtswv es thov koj pab kuv; koj kuj yog ib tug kwvtij nyob rau hauv Khetos, thov koj pab kom kuv kajsiab thiab.
21Kuv sau tsab ntawv no tuaj rau koj, kuv yeej ciasiab ntsoov hais tias koj yuav ua rawsli kuv thov. Tsis tas li ntawd xwb, kuv ruajsiab hais tias koj tseem yuav ua tshaj qhov kuv thov thiab. 22Ib qho ntxiv, koj pab npaj ib lub chaw tos kuv, rauqhov kuv ciasiab hais tias Vajtswv yeej yuav teb tej lus uas nej thov kom qhib kev rau kuv rov tuaj saib nej dua.
Lus Xa Xov Thaum Kawg
23Epafas tus uas raug kaw nrog kuv vim wb qhia txog Yexus Khetos zaj, nws xa kev nojqab nyobzoo tuaj rau koj thiab. #Kaulx 1:7; 4:12 24Cov uas nrog kuv ua haujlwm uake xwsli Malakaus, Alitakhaus, Demas, thiab Lukas, lawv kuj xa kev nojqab nyobzoo tuaj rau koj thiab. #Teshl 12:12, 25; 13:13; 15:37-39; Kaulx 4:10; Teshl 19:29; 27:2; Kaulx 4:10; Kaulx 4:14; 2Tim 4:10; Kaulx 4:14; 2Tim 4:11 25Thov kom tus Tswv Yexus Khetos txoj hmoovhlub nrog nej txhua tus nyob.
Currently Selected:
Filemaus 1: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Filemaus 1
1
1Kuv yog Paulus, tus uas raug kaw vim Yexus Khetos lub npe, thiab ntawm tus kwv Timautes.
Xa rau Filemaus uas yog wb li phoojywg thiab nrog wb ua haujlwm uake, 2thiab xa rau pawg ntseeg uas tuaj mlooglus qhuabqhia hauv koj tsev, thiab rau wb tus muam Afias, thiab rau Akhipaus tus uas ua Yexus Khetos ib tug tubrog ib yam li wb. #Kaulx 4:17
3Thov Vajtswv uas yog peb Leejtxiv thiab peb tus Tswv Yexus Khetos pub txoj hmoovhlub thiab kev nyabxeeb rau nej.
Filemaus Txoj Kev Hlub Thiab Kev Ntseeg
4Tus kwv Filemaus, txhua zaus uas kuv thov Vajtswv kuv ncontsoov koj thiab kuv ua Vajtswv tsaug, 5rauqhov kuv hnov xov txog koj txoj kev ntseeg peb tus Tswv Yexus, thiab koj txoj kev hlub uas koj muaj rau cov ntseeg Vajtswv. 6Kuv thov Vajtswv pab kom wb txoj kev nrog koj ua phoojywg uas zooli cov ntseeg, yuav ua rau peb yimhuab totaub txog txhua yam koobhmoov uas peb muaj hauv peb lub neej los ntawm qhov peb nrog Khetos sib raugzoo. 7Tus kwv, koj txoj kev hlub uas koj muaj rau cov ntseeg ntawd ua rau lawv muaj kev kajsiab ntau heev, qhov ntawd txhawb tau kuv lub zog thiab ua rau kuv zoosiab kawg li.
Paulus Thov Rau Auneximus
8Vimli no, qhov uas wb yog kwvtij nyob rau hauv Khetos, kuv yeej muaj cuabkav yuam kom koj ua yam uas tsimnyog koj yuav tau ua. 9Txawm kuv twb yog Paulus uas yog Yexus Khetos tus xeebcom thiab tamsim no raug kaw vim Nws lub npe ntag,#9: Txawm kuv twb yog Paulus uas yog Yexus Khetos tus xeebcom thiab tamsim no raug kaw vim Nws lub npe ntag, lossis Txawm kuv twb yog Paulus uas yog ib tug laus uas nimno raug txim vim qhia Yexus Khetos zaj. los vim kuv hlub koj, kuv tsuas ua zoo thov koj xwb. 10Kuv thov koj txog Auneximus, uas yog kuv tus tub hauv Khetos, kuv tau dhau los ua nws txiv ntawm sab kev ntseeg thaum kuv tseem raug kaw hauv tsev lojcuj. #Kaulx 4:9 11Yav tas los nws yog ib tug uas tsis muaj qabhau#11: Cov Kilis lub npe Auneximus txhais hais tias “zoo siv” los yog “muaj qabhau.” dabtsi rau koj, tiamsis nimno nws yog ib tug uas muaj qabhau rau wb heev.
12Nimno kuv xa nws rovqab los rau koj, ces npaum nkaus li kuv xa kuv ib nploojsiab los lawm thiab. 13Kuv xav kom nws nyob ntawm no hloov koj chaw pab kuv rau lub sijhawm uas kuv raug kaw vim Txoj Moo Zoo. 14Txawm yog licas los xij, kuv tsis xav yuam kom koj pab kuv, tiamsis kuv xav kom koj ua los ntawm qhov uas koj txaussiab hlo ua xwb. Kuv yuav tsis ua ib yam dabtsi uas koj tsis txaussiab ua.
15Tejzaum qhov uas Auneximus ncaim koj mus ib ntus ntawd, twb yog ua kom koj tau txais nws rovqab los nrog koj nyob mus li. 16Nimno nws tsis yog ib tug qhev xwb, nws tseem zoo tshaj ib tug qhev lawm thiab, nws yog ib tug kwvtij hauv Yexus Khetos lawm. Kuv pom tias nws muaj qabhau rau kuv heev, kuv xav tias nws tseem muaj qabhau rau koj heev dua, rauqhov nws yeej yog koj ib tug qhev thiab yog ib tug kwvtij uas nyob rau hauv Vajtswv.
17Yog koj suav hais tias kuv yog koj ib tug phoojywg uas wb sib koomtes ua Vajtswv haujlwm, thov koj tostxais nws rovqab ib yam li koj yuav tostxais kuv thiab. 18Yog nws tau ua txhaum rau koj lossis nws tshuav koj nqi, kuv yuav them rau koj. 19No yog kuv txhais tes sau kiag hais tias, “Kuv uas yog Paulus yuav them rau koj,” tiamsis qhov koj tuskheej tshuav kuv nqi ntawd kuv yuav tsis hais txog. 20Yogli ntawd, tus kwv, xav rau ntawm Vajtswv es thov koj pab kuv; koj kuj yog ib tug kwvtij nyob rau hauv Khetos, thov koj pab kom kuv kajsiab thiab.
21Kuv sau tsab ntawv no tuaj rau koj, kuv yeej ciasiab ntsoov hais tias koj yuav ua rawsli kuv thov. Tsis tas li ntawd xwb, kuv ruajsiab hais tias koj tseem yuav ua tshaj qhov kuv thov thiab. 22Ib qho ntxiv, koj pab npaj ib lub chaw tos kuv, rauqhov kuv ciasiab hais tias Vajtswv yeej yuav teb tej lus uas nej thov kom qhib kev rau kuv rov tuaj saib nej dua.
Lus Xa Xov Thaum Kawg
23Epafas tus uas raug kaw nrog kuv vim wb qhia txog Yexus Khetos zaj, nws xa kev nojqab nyobzoo tuaj rau koj thiab. #Kaulx 1:7; 4:12 24Cov uas nrog kuv ua haujlwm uake xwsli Malakaus, Alitakhaus, Demas, thiab Lukas, lawv kuj xa kev nojqab nyobzoo tuaj rau koj thiab. #Teshl 12:12, 25; 13:13; 15:37-39; Kaulx 4:10; Teshl 19:29; 27:2; Kaulx 4:10; Kaulx 4:14; 2Tim 4:10; Kaulx 4:14; 2Tim 4:11 25Thov kom tus Tswv Yexus Khetos txoj hmoovhlub nrog nej txhua tus nyob.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.