Teev Npe 24
24
1Tsamno Npala-as paub lawm hais tias Vajtswv xav kom nws foom koobhmoov rau cov Yixalayees, yogli ntawd nws thiaj tsis mus saib sijhawm li yav tas los lawm. Nws tig hlo xubntiag mus rau tim tiaj suabpuam 2thiab pom cov Yixalayees tsa tsevntaub nyob ib xeem quas ib xeem. Vajtswv tus Ntsujplig tshoov nws siab, 3nws thiaj cevlus qhiatshwm hais tias:
“Npe-aus tus tub Npala-as tej lus,
Tej lus ntawm tus txivneej uas pom meej nplhiav,#24:3: pom meej nplhiav; lossis tus uas qimuag lawm.
4Tus uas hnov Vajtswv tej lus,
Tus uas ua yogtoog pom tej uas Vajtswv tus muaj Hwjchim Loj Kawg Nkaus ua rau nws pom.
Tus uas qhau cev hlo rau hauv av, tiamsis tsis qimuag:
5Au Yakhauj, nej tej tsevntaub zoonkauj kawg li,
Au Yixalayees, nej tej chaw nyob zoonkauj heev!
6Zoo ib yam li tej leej toovlaj
Lossis zoo ib yam li tej vaj zaub uas nyob raws ntug dej,
Zoo ib yam li tej ntoo alaus uas tus TSWV tau cog cia
Lossis zooli tej ntoo ciab uas tuaj ntawm ntug dej.
7Lawv yuav muaj dej nag ntws nto
Thiab lawv yuav cog noobqoob rau thaj teb uas av muaj dej zoo.#24:7: Ib phau ntawv qub-qub thaum ub sau hais tias Lawv … muaj dej zoo; paub tsis meej tias lolus Henplais yog txhais licas tiag txog qhov no.
Lawv tus vajntxwv yuav muaj hwjchim loj dua Ankaj,
Thiab nws yuav kav lub tebchaws nthuav mus deb thiab dav.
8Vajtswv tau coj lawv tawm hauv tebchaws Iziv los,
Nws pab lawv ntaus rog ib yam li tus phaw nyuj qus.
Lawv rhuav lawv cov yeebncuab,
Tsoo lawv cov yeebncuab tej pobtxha thiab tua cov yeebncuab los ntawm tej xub hnee.
9Haivneeg no zoo ib yam li tus tsov ntxhuav uas muajzog heev;
Thaum nws pw tsaugzog lawm, tsis muaj leejtwg yuav muaj cuabkav mus tsa nws.
Leejtwg foom koobhmoov rau cov Yixalayees, tus ntawd yuav tau koobhmoov,
Thiab leejtwg uas foom phem rau cov Yixalayees, tus ntawd yuav raug foom phem.” #Chiv 49:9; Chiv 12:3
10Npalaj nyem nrig npautaws vog thiab hais rau Npala-as tias, “Kuv coj koj tuaj yog coj tuaj foom phem rau kuv cov yeebncuab, tiamsis koj tsis foom phem rau lawv, koj ho foom koobhmoov rau lawv peb zaug rau zaum no lawm. 11Koj ciali rov mus tsev tamsim no! Kuv yeej hais tias kuv yuav muab nqizog rau koj, tiamsis tus TSWV txwv tsis pub koj yuav tej nqizog no.”
12Npala-as teb tias, “Kuv twb yeej hais rau cov neeg uas koj txib tuaj hu kuv lawm hais tias 13txawm yog koj yuav muab tagnrho tej nyiaj tej kub hauv koj lub vajloog rau kuv, los kuv yeej tsis muaj cuabkav ua ib yam dabtsi dhau tus TSWV tej lus xaaj. Kuv tsuas hais tej uas tus TSWV kom kuv hais xwb.”
Npala-as Cevlus Zaum Kawg
14Npala-as hais rau Npalaj tias, “Zaumno kuv yuav rov mus rau kuv haivneeg, tiamsis uantej kuv mus, cia kuv ceebtoom rau koj txog tej uas yav tomntej cov Yixalayees yuav ua rau koj haivneeg.” 15Ces nws thiaj cevlus hais tias:
“Npe-aus tus tub Npala-as tej lus,
Tej lus ntawm tus txivneej uas pom meej nplhiav.#24:15: pom meej nplhiav; lossis tus uas qimuag lawm.
16Tus uas hnov Vajtswv tej lus
Thiab tau txais lub tswvyim uas los ntawm tus uas muaj Hwjchim Tshajplaws.
Tus uas ua yogtoog pom tej uas Vajtswv tus uas muaj Hwjchim Loj Kawg Nkaus ua rau nws pom.
Tus uas qhau cev hlo rau hauv av, tiamsis tsis qimuag:
17Kuv pom nws, tiamsis tsis yog tamsim no,
Kuv ntsiantsoov nws, tiamsis tsis nyob ze.
Yuav muaj ib lub hnubqub tshwm hauv Yakhauj los;
Yuav muaj ib tug cwj vajntxwv tshwm hauv cov Yixalayees los.
Nws yuav tsoo cov Mau-am hauvpliaj kom ntsoog,
Thiab yuav ntaus tagnrho Xej cov neeg#24:17: Xej cov neeg; lossis cov neeg khavtheeb thiab nrujtsiv. lub taubhau.
18Nws yuav tua yeej cov Edoos
Thiab txeeb tau Edoos, uas yog nws tus yeebncuab lub tebchaws los ua nws tug;
Cov Yixalayees tsuas muajyeej loj zujzus mus xwb.
19Yuav muaj ib tug thawjcoj sawv hauv cov Yixalayees los;
Thiab yuav tua cov neeg uas seem hauv tej nroog kom tuag tas.”
20Nyob hauv Npala-as zaj yogtoog, nws pom cov Amalej, nws thiaj cevlus qhiatshwm hais tias:
“Cov Amalej yog haivneeg uas muaj hwjchim loj dua ntais huv tibsi,
Tiamsis thaum kawg haivneeg no yuav raug kev puastsuaj mus tag.”
21Nyob hauv nws zaj yogtoog, nws pom cov Kenis, nws thiaj cevlus qhiatshwm hais tias:
“Nej lub chaw nyob ruaj khovkho,
Yam li lub zes noog nyob rau saum tej phab tsua,
22Tiamsis cov Kenis, nej yuav raug kev puastsuaj
Thaum cov Axilias tuaj ntes tau nej lawm.”#24:22: Nqe 22 no paub tsis meej tias lus Henplais yog txhais licas tiag.
23Npala-as rov cevlus qhiatshwm dua hais tias:
“Tuag lau, yog Vajtswv ua tej no, leejtwg thiaj yuav ciajsia taus?#24:23: Nqe no sau hais tias Tuag lau…ciajsia taus paub tsis meej tias lolus Henplais yog txhais licas tiag txog qhov no.
24Yuav muaj yeebncuab tuaj tim Xaipas tuaj;
Lawv yuav tua yeej cov Axilias thiab cov Enpaws,
Tiamsis lawv los kuj yuav raug kev puastsuaj mus ib yam nkaus thiab.”
25Ces Npala-as txawm tunra thiab sawvkev rovqab mus tsev lawm; Npalaj los kuj sawvkev rovqab mus tsev lawm thiab.
Currently Selected:
Teev Npe 24: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Teev Npe 24
24
1Tsamno Npala-as paub lawm hais tias Vajtswv xav kom nws foom koobhmoov rau cov Yixalayees, yogli ntawd nws thiaj tsis mus saib sijhawm li yav tas los lawm. Nws tig hlo xubntiag mus rau tim tiaj suabpuam 2thiab pom cov Yixalayees tsa tsevntaub nyob ib xeem quas ib xeem. Vajtswv tus Ntsujplig tshoov nws siab, 3nws thiaj cevlus qhiatshwm hais tias:
“Npe-aus tus tub Npala-as tej lus,
Tej lus ntawm tus txivneej uas pom meej nplhiav,#24:3: pom meej nplhiav; lossis tus uas qimuag lawm.
4Tus uas hnov Vajtswv tej lus,
Tus uas ua yogtoog pom tej uas Vajtswv tus muaj Hwjchim Loj Kawg Nkaus ua rau nws pom.
Tus uas qhau cev hlo rau hauv av, tiamsis tsis qimuag:
5Au Yakhauj, nej tej tsevntaub zoonkauj kawg li,
Au Yixalayees, nej tej chaw nyob zoonkauj heev!
6Zoo ib yam li tej leej toovlaj
Lossis zoo ib yam li tej vaj zaub uas nyob raws ntug dej,
Zoo ib yam li tej ntoo alaus uas tus TSWV tau cog cia
Lossis zooli tej ntoo ciab uas tuaj ntawm ntug dej.
7Lawv yuav muaj dej nag ntws nto
Thiab lawv yuav cog noobqoob rau thaj teb uas av muaj dej zoo.#24:7: Ib phau ntawv qub-qub thaum ub sau hais tias Lawv … muaj dej zoo; paub tsis meej tias lolus Henplais yog txhais licas tiag txog qhov no.
Lawv tus vajntxwv yuav muaj hwjchim loj dua Ankaj,
Thiab nws yuav kav lub tebchaws nthuav mus deb thiab dav.
8Vajtswv tau coj lawv tawm hauv tebchaws Iziv los,
Nws pab lawv ntaus rog ib yam li tus phaw nyuj qus.
Lawv rhuav lawv cov yeebncuab,
Tsoo lawv cov yeebncuab tej pobtxha thiab tua cov yeebncuab los ntawm tej xub hnee.
9Haivneeg no zoo ib yam li tus tsov ntxhuav uas muajzog heev;
Thaum nws pw tsaugzog lawm, tsis muaj leejtwg yuav muaj cuabkav mus tsa nws.
Leejtwg foom koobhmoov rau cov Yixalayees, tus ntawd yuav tau koobhmoov,
Thiab leejtwg uas foom phem rau cov Yixalayees, tus ntawd yuav raug foom phem.” #Chiv 49:9; Chiv 12:3
10Npalaj nyem nrig npautaws vog thiab hais rau Npala-as tias, “Kuv coj koj tuaj yog coj tuaj foom phem rau kuv cov yeebncuab, tiamsis koj tsis foom phem rau lawv, koj ho foom koobhmoov rau lawv peb zaug rau zaum no lawm. 11Koj ciali rov mus tsev tamsim no! Kuv yeej hais tias kuv yuav muab nqizog rau koj, tiamsis tus TSWV txwv tsis pub koj yuav tej nqizog no.”
12Npala-as teb tias, “Kuv twb yeej hais rau cov neeg uas koj txib tuaj hu kuv lawm hais tias 13txawm yog koj yuav muab tagnrho tej nyiaj tej kub hauv koj lub vajloog rau kuv, los kuv yeej tsis muaj cuabkav ua ib yam dabtsi dhau tus TSWV tej lus xaaj. Kuv tsuas hais tej uas tus TSWV kom kuv hais xwb.”
Npala-as Cevlus Zaum Kawg
14Npala-as hais rau Npalaj tias, “Zaumno kuv yuav rov mus rau kuv haivneeg, tiamsis uantej kuv mus, cia kuv ceebtoom rau koj txog tej uas yav tomntej cov Yixalayees yuav ua rau koj haivneeg.” 15Ces nws thiaj cevlus hais tias:
“Npe-aus tus tub Npala-as tej lus,
Tej lus ntawm tus txivneej uas pom meej nplhiav.#24:15: pom meej nplhiav; lossis tus uas qimuag lawm.
16Tus uas hnov Vajtswv tej lus
Thiab tau txais lub tswvyim uas los ntawm tus uas muaj Hwjchim Tshajplaws.
Tus uas ua yogtoog pom tej uas Vajtswv tus uas muaj Hwjchim Loj Kawg Nkaus ua rau nws pom.
Tus uas qhau cev hlo rau hauv av, tiamsis tsis qimuag:
17Kuv pom nws, tiamsis tsis yog tamsim no,
Kuv ntsiantsoov nws, tiamsis tsis nyob ze.
Yuav muaj ib lub hnubqub tshwm hauv Yakhauj los;
Yuav muaj ib tug cwj vajntxwv tshwm hauv cov Yixalayees los.
Nws yuav tsoo cov Mau-am hauvpliaj kom ntsoog,
Thiab yuav ntaus tagnrho Xej cov neeg#24:17: Xej cov neeg; lossis cov neeg khavtheeb thiab nrujtsiv. lub taubhau.
18Nws yuav tua yeej cov Edoos
Thiab txeeb tau Edoos, uas yog nws tus yeebncuab lub tebchaws los ua nws tug;
Cov Yixalayees tsuas muajyeej loj zujzus mus xwb.
19Yuav muaj ib tug thawjcoj sawv hauv cov Yixalayees los;
Thiab yuav tua cov neeg uas seem hauv tej nroog kom tuag tas.”
20Nyob hauv Npala-as zaj yogtoog, nws pom cov Amalej, nws thiaj cevlus qhiatshwm hais tias:
“Cov Amalej yog haivneeg uas muaj hwjchim loj dua ntais huv tibsi,
Tiamsis thaum kawg haivneeg no yuav raug kev puastsuaj mus tag.”
21Nyob hauv nws zaj yogtoog, nws pom cov Kenis, nws thiaj cevlus qhiatshwm hais tias:
“Nej lub chaw nyob ruaj khovkho,
Yam li lub zes noog nyob rau saum tej phab tsua,
22Tiamsis cov Kenis, nej yuav raug kev puastsuaj
Thaum cov Axilias tuaj ntes tau nej lawm.”#24:22: Nqe 22 no paub tsis meej tias lus Henplais yog txhais licas tiag.
23Npala-as rov cevlus qhiatshwm dua hais tias:
“Tuag lau, yog Vajtswv ua tej no, leejtwg thiaj yuav ciajsia taus?#24:23: Nqe no sau hais tias Tuag lau…ciajsia taus paub tsis meej tias lolus Henplais yog txhais licas tiag txog qhov no.
24Yuav muaj yeebncuab tuaj tim Xaipas tuaj;
Lawv yuav tua yeej cov Axilias thiab cov Enpaws,
Tiamsis lawv los kuj yuav raug kev puastsuaj mus ib yam nkaus thiab.”
25Ces Npala-as txawm tunra thiab sawvkev rovqab mus tsev lawm; Npalaj los kuj sawvkev rovqab mus tsev lawm thiab.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.