Teev Npe 13
13
Soj Tebchaws Kana-as
(2 Kevcai 1:19-33)
1Tus TSWV hais rau Mauxes tias, 2“Xaiv kaum-ob tug thawjcoj uas yog ib xeem ib tug thiab tso lawv mus soj lub tebchaws Kana-as uas Kuv tabtom muab pub rau cov Yixalayees.”
3-15Mauxes ua rawsli tus TSWV tej lus xaaj, nws thiaj tso cov thawjcoj uas muaj npe rawsli no tawm hauv tiaj mojsab qhua Palas mus:
| Xeem | Thawjcoj |
|---|---|
| Lunpees | Xakus tus tub Samuas |
| Xime-oos | Haulis tus tub Safas |
| Yudas | Yefunes tus tub Kalej |
| Ixakhas | Yauxej tus tub Inkaus |
| Efalayees | Noos tus tub Hauseyas |
| Npeeyamees | Lafus tus tub Patis |
| Xenpuloos | Xaudis tus tub Nkadiyees |
| Manaxes | Xuxis tus tub Nkadis |
| Das | Kemalis tus tub Amiyees |
| Asaws | Mikhayees tus tub Xethus |
| Nathalis | Vausis tus tub Nanpis |
| Nkaj | Makhis tus tub Nkuyees |
16Cov no yog cov uas Mauxes tau tso mus soj lub tebchaws Kana-as. Nws muab Noos tus tub Hauseyas hloov npe hu ua Yausuas.
17Thaum Mauxes tso lawv mus soj lub tebchaws Kana-as, nws hais rau lawv tias, “Nej nce ntawm sab qaumteb no mus rau sab qabteb tebchaws Kana-as,#13:17: qabteb tebchaws Kana-as; lossis Nenkej. thiab mus kom txog pem tej laj roob. 18Mus tshuaj seb lub tebchaws ntawd zoo licas, cov neeg uas nyob rau hauv coob los tsawg, muajzog los tsis muaj. 19Saib seb lub tebchaws ntawd zoo los tsis zoo, thiab cov neeg ntawd nyob ua zej ua zos uas cuab tha lug lossis lawv nyob muaj ntsayeej thaiv khovkho. 20Saib seb av puas zoo qoob thiab puas muaj havzoov los tsis muaj. Thiab ncontsoov de qeeyam txiv nqa nrog nej los.” (Lub caij ntawd yog lub caij uas txivhmab tabtom siav thawj phaum.)
21Yogli ntawd, lawv thiaj nce mus rau yav qaumteb thiab tshuaj lub tebchaws txij ntua ntawm tiaj mojsab qhua Xees uas nyob rau sab qabteb mus ti nkaus rau pem Lehaus uas nyob ze lub Dawm Hamaj sab qaumteb. 22Lawv xub mus rau sab qabteb thiab los txog rau hauv lub nroog Henploos, uas yog cov Ahimas, cov Sesais, thiab cov Talemais, uas yog cajces ntawm cov neeg Anaj, uas yog ib co neeg loj thiab siab heev. (Lub nroog Henploos luag twb xub ua xya xyoo uantej mamli ua lub nroog Xau-as hauv tebchaws Iziv.) 23Lawv los txog hauv lub Hav Esekaus, lawv txiav tau ib tauv txivhmab uas txi ncw heev. Vim hnyav kawg li, thiaj muab pas ntxig rau thiab txaus ob tug txivneej kwv. Lawv tseem de tau qee lub txiv ntsiab pobkws thiab txiv ncuavpias nqa los huv tibsi. ( 24Lub chaw ntawd hu ua lub Hav Esekaus#13:24: Esekaus: Lub npe no lus Henplais txhais hais tias “muaj txivhmab ntau heev.” rauqhov cov Yixalayees txiav tau ib co txivhmab ntau heev nyob rau qhov ntawd.)
Tshabxo Txog Kev Soj Tebchaws
25Tomqab uas tau mus soj tebchaws tau plaubcaug hnub lawm, cov mus soj tebchaws thiaj rov los 26cuag Mauxes, Aloos, thiab cov pejxeem Yixalayees ntawm Kades hauv lub tiaj mojsab qhua Palas. Lawv piav tej uas lawv tau mus pom thiab muab tej txivhmab uas lawv de tau los qhia rau cov pejxeem sawvdaws. 27Lawv hais rau Mauxes tias, “Peb tau mus soj lub tebchaws uas koj txib peb mus, mas peb pom tias lub tebchaws ntawd muaj kua mis thiab zib ntab ntws nto! Nov yog tej txivhmab uas nyob hauv lub tebchaws ntawd. 28Tiamsis cov neeg uas nyob hauv lub tebchaws ntawd muajzog heev, thiab lawv tej nroog loj dav thiab muaj ntsayeej thaiv zoo heev. Heev tshaj ntawd thiab, peb tseem pom cov neeg Anaj cov cajces nyob rau tiv thiab. 29Cov Amalej nyob yav qabteb, cov Hitis, cov Yenpus, thiab cov Amaules nyob pem tej laj roob, thiab cov Kana-as nyob raws ntug hiavtxwv Meditelanees thiab nyob raws ntug dej Yauladees.”
30Kalej thiaj txwv cov pejxeem uas pheej yws#13:30: yws; lossis sibsau puagncig. Mauxes kom lawv nyob twjywm, thiab nws hais tias, “Peb ciali nce kiag mus thiab txeeb kom tau lub tebchaws ntawd; peb yeej muajzog txaus uas yuav kovyeej lub tebchaws ntawd xwb.”
31Tiamsis cov neeg uas nrog Kalej mus soj lub tebchaws hais tias, “Tsis tau, peb tsis muajzog txaus uas yuav mus tua lawv; cov neeg ntawd tseem muajzog tshaj peb.” 32Yogli ntawd lawv thiaj haislus tsis tseeb txog lub tebchaws uas lawv tau mus soj los ntawd nthuav qhia rau cov Yixalayees. Lawv hais tias, “Lub tebchaws ntawd twb ua qoob tsis txaus cov neeg uas nyob hauv noj. Txhua tus neeg uas peb mus pom puavleej yog cov neeg uas loj siab heev. 33Peb pom cov Nefilees nyob rau hauv (Anaj cajces yog los ntawm cov Nefilees los). Peb saib peb mas zooli tej nyuag kooj xwb, lawv los kuj saib peb zooli ntawd thiab!” #Chiv 6:4
Currently Selected:
Teev Npe 13: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Teev Npe 13
13
Soj Tebchaws Kana-as
(2 Kevcai 1:19-33)
1Tus TSWV hais rau Mauxes tias, 2“Xaiv kaum-ob tug thawjcoj uas yog ib xeem ib tug thiab tso lawv mus soj lub tebchaws Kana-as uas Kuv tabtom muab pub rau cov Yixalayees.”
3-15Mauxes ua rawsli tus TSWV tej lus xaaj, nws thiaj tso cov thawjcoj uas muaj npe rawsli no tawm hauv tiaj mojsab qhua Palas mus:
| Xeem | Thawjcoj |
|---|---|
| Lunpees | Xakus tus tub Samuas |
| Xime-oos | Haulis tus tub Safas |
| Yudas | Yefunes tus tub Kalej |
| Ixakhas | Yauxej tus tub Inkaus |
| Efalayees | Noos tus tub Hauseyas |
| Npeeyamees | Lafus tus tub Patis |
| Xenpuloos | Xaudis tus tub Nkadiyees |
| Manaxes | Xuxis tus tub Nkadis |
| Das | Kemalis tus tub Amiyees |
| Asaws | Mikhayees tus tub Xethus |
| Nathalis | Vausis tus tub Nanpis |
| Nkaj | Makhis tus tub Nkuyees |
16Cov no yog cov uas Mauxes tau tso mus soj lub tebchaws Kana-as. Nws muab Noos tus tub Hauseyas hloov npe hu ua Yausuas.
17Thaum Mauxes tso lawv mus soj lub tebchaws Kana-as, nws hais rau lawv tias, “Nej nce ntawm sab qaumteb no mus rau sab qabteb tebchaws Kana-as,#13:17: qabteb tebchaws Kana-as; lossis Nenkej. thiab mus kom txog pem tej laj roob. 18Mus tshuaj seb lub tebchaws ntawd zoo licas, cov neeg uas nyob rau hauv coob los tsawg, muajzog los tsis muaj. 19Saib seb lub tebchaws ntawd zoo los tsis zoo, thiab cov neeg ntawd nyob ua zej ua zos uas cuab tha lug lossis lawv nyob muaj ntsayeej thaiv khovkho. 20Saib seb av puas zoo qoob thiab puas muaj havzoov los tsis muaj. Thiab ncontsoov de qeeyam txiv nqa nrog nej los.” (Lub caij ntawd yog lub caij uas txivhmab tabtom siav thawj phaum.)
21Yogli ntawd, lawv thiaj nce mus rau yav qaumteb thiab tshuaj lub tebchaws txij ntua ntawm tiaj mojsab qhua Xees uas nyob rau sab qabteb mus ti nkaus rau pem Lehaus uas nyob ze lub Dawm Hamaj sab qaumteb. 22Lawv xub mus rau sab qabteb thiab los txog rau hauv lub nroog Henploos, uas yog cov Ahimas, cov Sesais, thiab cov Talemais, uas yog cajces ntawm cov neeg Anaj, uas yog ib co neeg loj thiab siab heev. (Lub nroog Henploos luag twb xub ua xya xyoo uantej mamli ua lub nroog Xau-as hauv tebchaws Iziv.) 23Lawv los txog hauv lub Hav Esekaus, lawv txiav tau ib tauv txivhmab uas txi ncw heev. Vim hnyav kawg li, thiaj muab pas ntxig rau thiab txaus ob tug txivneej kwv. Lawv tseem de tau qee lub txiv ntsiab pobkws thiab txiv ncuavpias nqa los huv tibsi. ( 24Lub chaw ntawd hu ua lub Hav Esekaus#13:24: Esekaus: Lub npe no lus Henplais txhais hais tias “muaj txivhmab ntau heev.” rauqhov cov Yixalayees txiav tau ib co txivhmab ntau heev nyob rau qhov ntawd.)
Tshabxo Txog Kev Soj Tebchaws
25Tomqab uas tau mus soj tebchaws tau plaubcaug hnub lawm, cov mus soj tebchaws thiaj rov los 26cuag Mauxes, Aloos, thiab cov pejxeem Yixalayees ntawm Kades hauv lub tiaj mojsab qhua Palas. Lawv piav tej uas lawv tau mus pom thiab muab tej txivhmab uas lawv de tau los qhia rau cov pejxeem sawvdaws. 27Lawv hais rau Mauxes tias, “Peb tau mus soj lub tebchaws uas koj txib peb mus, mas peb pom tias lub tebchaws ntawd muaj kua mis thiab zib ntab ntws nto! Nov yog tej txivhmab uas nyob hauv lub tebchaws ntawd. 28Tiamsis cov neeg uas nyob hauv lub tebchaws ntawd muajzog heev, thiab lawv tej nroog loj dav thiab muaj ntsayeej thaiv zoo heev. Heev tshaj ntawd thiab, peb tseem pom cov neeg Anaj cov cajces nyob rau tiv thiab. 29Cov Amalej nyob yav qabteb, cov Hitis, cov Yenpus, thiab cov Amaules nyob pem tej laj roob, thiab cov Kana-as nyob raws ntug hiavtxwv Meditelanees thiab nyob raws ntug dej Yauladees.”
30Kalej thiaj txwv cov pejxeem uas pheej yws#13:30: yws; lossis sibsau puagncig. Mauxes kom lawv nyob twjywm, thiab nws hais tias, “Peb ciali nce kiag mus thiab txeeb kom tau lub tebchaws ntawd; peb yeej muajzog txaus uas yuav kovyeej lub tebchaws ntawd xwb.”
31Tiamsis cov neeg uas nrog Kalej mus soj lub tebchaws hais tias, “Tsis tau, peb tsis muajzog txaus uas yuav mus tua lawv; cov neeg ntawd tseem muajzog tshaj peb.” 32Yogli ntawd lawv thiaj haislus tsis tseeb txog lub tebchaws uas lawv tau mus soj los ntawd nthuav qhia rau cov Yixalayees. Lawv hais tias, “Lub tebchaws ntawd twb ua qoob tsis txaus cov neeg uas nyob hauv noj. Txhua tus neeg uas peb mus pom puavleej yog cov neeg uas loj siab heev. 33Peb pom cov Nefilees nyob rau hauv (Anaj cajces yog los ntawm cov Nefilees los). Peb saib peb mas zooli tej nyuag kooj xwb, lawv los kuj saib peb zooli ntawd thiab!” #Chiv 6:4
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.