Mikhas 4
4
Vajtswv Kav Ntiajteb Nyabxeeb Lug
(Yaxayas 2:2-4)
1Muaj ib hnub tomntej no
lub roob uas ua lub Tuamtsev rau saud
yuav yog lub uas siab tshaj cov;
nws yuav sawv siab dua txhua lub povroob huv tibsi.
Ntau haivneeg yuav nchuav ntws tuaj rau lub roob ntawd,
2thiab lawv yuav hais tias,
“Peb ciali nce mus rau saum tus TSWV lub roob,#4:2: tus TSWV lub roob: Roob Xi-oos (saib Cov Lus Txhais uas teev rau tomqab).
mus rau saum cov Yixalayees tus Vajtswv lub Tuamtsev.
Nws yuav qhia peb txog tej uas Nws xav kom peb ua;
peb yuav taug tej kev uas Nws tau xaiv rau peb lawm.
Tus TSWV tej lus qhia yog tawm hauv Yeluxalees tuaj;
Nws tuaj saum Xi-oos hais rau Nws haivneeg.”
3Nws yuav txiavtxim rau txhua haivneeg
rau cov neeg uas muaj hwjchim loj, tsis hais nyob deb thiab ze.
Lawv yuav muab lawv tej ntaj los ntaus ua khais
thiab muab lawv tej hmuv ntaus ua liag.
Txhua haivneeg yuav tsis uarog ntxiv li lawm,
thiab yuav tsis npaj sibtua ntxiv li lawm. #Yaxaya 2:4; Yau 3:10
4Txhua tus yuav nyob nyabxeeb
ntawm lawv tej vaj txivhmab thiab txiv ncuavpias,
thiab yuav tsis muaj leejtwg ua rau lawv txhawj-ntshai.
Tus TSWV uas muaj Hwjchim Loj Kawg Nkaus tau coglus tseg li ntawd. #Xekhali 3:10
5Txhua haivneeg nyias yuav pe thiab yuav mloog nyias tus nyuag vajtswv lus, tiamsis peb yuav pe thiab yuav mloog tus TSWV uas yog peb tus Vajtswv lus mus ibtxhis tsis kawg.
Cov Yixalayees Yuav Tau Rov Los
6Tus TSWV hais tias, “Thaum txog lub sijhawm lawm, Kuv yuav sau tagnrho cov neeg uas Kuv tau rautxim rau, uas yog cov raug ntes coj mus ua qhev txomnyem ntsuav ntawd, rovqab los nyob uake dua. 7Lawv tau savceg thiab nyob deb ntawm lawv tej vajtse, tiamsis Kuv yuav tsa cov neeg uas seem kom pib ua dua lub neej tshiab, thiab lawv yuav dhau mus ua ib haivneeg uas khov heev. Kuv yuav nyob saum lub Roob Xi-oos kav lawv suav txij hnub ntawd mus ibtxhis li.”
8Lub nroog Yeluxalees, koj yog lub nroog uas Vajtswv zov rawv tsomkwm Nws haivneeg, ib yam li tus tswv yug yaj uas sawv saum lub chaw tsomfaj zov nws pab yaj; koj yuav rov yog lub tuamceeb nroog rau koj lub tebchaws ib zaug ntxiv li yav thaum ub. 9Vim licas koj quaj nrov ualuaj? Vim licas koj raug kev txomnyem npaum nkaus li tus pojniam uas tabtom yug menyuam? Puas yog vim koj tsis muaj vajntxwv, thiab koj cov tuavxam tuag tas lawm? 10Cov neeg uas nyob hauv Yeluxalees, nej ciali quaj ntswj pesyos thiab ntsaj#4:10: Nqe no sau hais tias ntsaj; phau lus Henplais hais tias coj tawm los. yam li tus pojniam uas tabtom yug menyuam, rauqhov nimno nej yuav tau tso nej lub nroog tseg thiab mus nyob tom tej roob mojsab. Nej yuav tau mus rau tebchaws Npanpiloos, tiamsis tus TSWV yuav cawm nej kom dim ntawm nej cov yeebncuab. 11Ntau haivneeg tau sibsau tuaj tua koj. Lawv hais tias, “Peb yuavtsum rhuav lub nroog Yeluxalees! Peb yuav pom lub nroog no raug puastsuaj lau!” 12Tiamsis tej haivneeg ntawd tsis paub tej uas tus TSWV xav. Lawv twb tsis paub tias lawv raug sau los uake yog lawv yuav raug txiavtxim ib yam li luag sau nplej los pawv cia yuav muab ntaus.
13Tus TSWV hais tias, “Cov neeg uas nyob hauv Yeluxalees 'e, nej ciali mus rautxim rau nej cov yeebncuab! Kuv yuav ua kom nej muajzog npaum li ib tug heev nyuj uas muaj txwm kub hlau thiab muaj rau tooj. Nej yuav tsuj ntau haivneeg, thiab nej yuav muab tej nyiaj uas lawv mus txeeb tau los, coj los rau Kuv, uas yog tus TSWV uas kav lub ntiajteb.”
Currently Selected:
Mikhas 4: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Mikhas 4
4
Vajtswv Kav Ntiajteb Nyabxeeb Lug
(Yaxayas 2:2-4)
1Muaj ib hnub tomntej no
lub roob uas ua lub Tuamtsev rau saud
yuav yog lub uas siab tshaj cov;
nws yuav sawv siab dua txhua lub povroob huv tibsi.
Ntau haivneeg yuav nchuav ntws tuaj rau lub roob ntawd,
2thiab lawv yuav hais tias,
“Peb ciali nce mus rau saum tus TSWV lub roob,#4:2: tus TSWV lub roob: Roob Xi-oos (saib Cov Lus Txhais uas teev rau tomqab).
mus rau saum cov Yixalayees tus Vajtswv lub Tuamtsev.
Nws yuav qhia peb txog tej uas Nws xav kom peb ua;
peb yuav taug tej kev uas Nws tau xaiv rau peb lawm.
Tus TSWV tej lus qhia yog tawm hauv Yeluxalees tuaj;
Nws tuaj saum Xi-oos hais rau Nws haivneeg.”
3Nws yuav txiavtxim rau txhua haivneeg
rau cov neeg uas muaj hwjchim loj, tsis hais nyob deb thiab ze.
Lawv yuav muab lawv tej ntaj los ntaus ua khais
thiab muab lawv tej hmuv ntaus ua liag.
Txhua haivneeg yuav tsis uarog ntxiv li lawm,
thiab yuav tsis npaj sibtua ntxiv li lawm. #Yaxaya 2:4; Yau 3:10
4Txhua tus yuav nyob nyabxeeb
ntawm lawv tej vaj txivhmab thiab txiv ncuavpias,
thiab yuav tsis muaj leejtwg ua rau lawv txhawj-ntshai.
Tus TSWV uas muaj Hwjchim Loj Kawg Nkaus tau coglus tseg li ntawd. #Xekhali 3:10
5Txhua haivneeg nyias yuav pe thiab yuav mloog nyias tus nyuag vajtswv lus, tiamsis peb yuav pe thiab yuav mloog tus TSWV uas yog peb tus Vajtswv lus mus ibtxhis tsis kawg.
Cov Yixalayees Yuav Tau Rov Los
6Tus TSWV hais tias, “Thaum txog lub sijhawm lawm, Kuv yuav sau tagnrho cov neeg uas Kuv tau rautxim rau, uas yog cov raug ntes coj mus ua qhev txomnyem ntsuav ntawd, rovqab los nyob uake dua. 7Lawv tau savceg thiab nyob deb ntawm lawv tej vajtse, tiamsis Kuv yuav tsa cov neeg uas seem kom pib ua dua lub neej tshiab, thiab lawv yuav dhau mus ua ib haivneeg uas khov heev. Kuv yuav nyob saum lub Roob Xi-oos kav lawv suav txij hnub ntawd mus ibtxhis li.”
8Lub nroog Yeluxalees, koj yog lub nroog uas Vajtswv zov rawv tsomkwm Nws haivneeg, ib yam li tus tswv yug yaj uas sawv saum lub chaw tsomfaj zov nws pab yaj; koj yuav rov yog lub tuamceeb nroog rau koj lub tebchaws ib zaug ntxiv li yav thaum ub. 9Vim licas koj quaj nrov ualuaj? Vim licas koj raug kev txomnyem npaum nkaus li tus pojniam uas tabtom yug menyuam? Puas yog vim koj tsis muaj vajntxwv, thiab koj cov tuavxam tuag tas lawm? 10Cov neeg uas nyob hauv Yeluxalees, nej ciali quaj ntswj pesyos thiab ntsaj#4:10: Nqe no sau hais tias ntsaj; phau lus Henplais hais tias coj tawm los. yam li tus pojniam uas tabtom yug menyuam, rauqhov nimno nej yuav tau tso nej lub nroog tseg thiab mus nyob tom tej roob mojsab. Nej yuav tau mus rau tebchaws Npanpiloos, tiamsis tus TSWV yuav cawm nej kom dim ntawm nej cov yeebncuab. 11Ntau haivneeg tau sibsau tuaj tua koj. Lawv hais tias, “Peb yuavtsum rhuav lub nroog Yeluxalees! Peb yuav pom lub nroog no raug puastsuaj lau!” 12Tiamsis tej haivneeg ntawd tsis paub tej uas tus TSWV xav. Lawv twb tsis paub tias lawv raug sau los uake yog lawv yuav raug txiavtxim ib yam li luag sau nplej los pawv cia yuav muab ntaus.
13Tus TSWV hais tias, “Cov neeg uas nyob hauv Yeluxalees 'e, nej ciali mus rautxim rau nej cov yeebncuab! Kuv yuav ua kom nej muajzog npaum li ib tug heev nyuj uas muaj txwm kub hlau thiab muaj rau tooj. Nej yuav tsuj ntau haivneeg, thiab nej yuav muab tej nyiaj uas lawv mus txeeb tau los, coj los rau Kuv, uas yog tus TSWV uas kav lub ntiajteb.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.