Mathais 13
13
Zaj Lus Pivtxwv Hais Txog Tus Tseb Nplej
(Malakaus 4:1-9; Lukas 8:4-8)
1Tibhnub ntawd Yexus txawm tawm hauv tsev mus zaum nram ntug hiavtxwv. 2Cov neeg uas tuaj nyob puagncig Nws ntawd coob heev, Nws thiaj nce mus nyob hauv ib lub nkoj; thiab cia cov neeg coob-coob ntawd sawv ntawm ntug dej. #Lukas 5:1-3 3Yexus ua lus pivtxwv qhia ntau zaj rau lawv mloog.
“Muaj ib tug txivneej nqa noob nplej mus tseb. 4Thaum nws tseb cov noob nplej rau hauv daim teb, muaj qee lub poob rau hauv txojkev, ces noog txawm ya los khaws noj lawm. 5Muaj qee lub poob rau ntawm thaj av uas muaj pobzeb ntau tiamsis av tsawg. Cov noob ntawd tuaj kaus sai-sai, rauqhov av tsis tob. 6Thaum lub hnub tawm tuaj, tshav kub, ua rau cov yub nplej ciali qhuav lawm, vim cov cag ntsia av tsis tob. 7Muaj qee lub poob rau hauvqab tsob pos, ces cov pos thiaj hlob tuaj laum cov nplej. 8Tiamsis muaj qee lub poob rau ntawm qhov av zoo, cov ntawd txhawv taus. Qee hnab txi tau 100 npaug, qee hnab 60 npaug, thiab qee hnab 30 npaug.”
9Yexus xaus lus hais tias, “Yog leejtwg muaj pobntseg ciali mloog!”
Lub Homphiaj Ntawm Tej Lus Pivtxwv
(Malakaus 4:10-12; Lukas 8:9-10)
10Cov thwjtim los nug Yexus hais tias, “Ua licas Koj pheej ua lus pivtxwv qhia neeg xwb?”
11Yexus teb tias, “Lub tswvyim uas paub txog Vajtswv lub Ntuj Ceebtsheej uas muab zais cia lawm twb muab qhia meej rau nej paub lawm, tiamsis tsis tau muab qhia rau lawv. 12Rauqhov tus uas muaj lawm, tseem yuav muab tsub ntxiv rau nws, tiamsis tus uas tsis muaj dabtsi li, txawm yog yam nyuag me-me uas nws muaj xwb los tseem yuav muab rho tawm ntawm nws mus. #Math 25:29; Malak 4:25; Lukas 8:18; 19:26 13Qhov uas Kuv ua lus pivtxwv qhia vim rauqhov lawv saib los lawv tsis pom, lawv mloog los lawv tsis hnov thiab tsis totaub. 14Thiaj muaj rawsli Yaxayas tus xibhwb cev Vajtswv lus tej lus qhiatshwm hais tias,
“ ‘Cov neeg no yuav mloog tag mloog thiab, los yeej tsis totaub;
lawv yuav saib tag saib thiab, los yeej tsis pom, #Yaxaya 6:9-10 (LXX)
15rauqhov lawv lub siab ruam,
lawv ntsaws lawv tej pobntseg,
thiab lawv qe lawv tej qhovmuag.
Vajtswv hais tias, yog tsis ua li ntawd, lawv tej qhovmuag yuav pom,
lawv pobntseg yuav hnov,
thiab lawv lub siab yuav totaub,
ces lawv yuav tig los cuag Kuv,
thiab Kuv yuav kho kom lawv zoo.’
16“Tiamsis nej yog cov uas muaj hmoo! Nej qhovmuag los pom thiab nej pobntseg los hnov. #Lukas 10:23-24 17Kuv qhia tseeb rau nej hais tias, cov xibhwb cev Vajtswv lus thiab cov neeg ncajncees ntau leej tosntsoov xav pom tej uas nej pom los lawv twb tsis tau pom, thiab xav hnov tej uas nej hnov los lawv twb tsis tau hnov.
Yexus Txhais Zaj Lus Pivtxwv Hais Txog Tus Tseb Nplej
(Malakaus 4:13-20; Lukas 8:11-15)
18“Nej ua tibzoo mloog, nej thiaj yuav paub lub ntsiablus ntawm zaj lus pivtxwv uas hais txog tus tseb nplej: 19Cov neeg uas hnov zaj uas hais txog Vajtswv lub Ntuj Ceebtsheej tiamsis tsis totaub, ces zoo ib yam li lub noob nplej uas poob rau hauv txojkev. Dab ntxwgnyoog txawm los rho kiag txojlus uas twb muab cog rau hauv lawv lub siab mus lawm. 20Cov noob nplej uas poob rau ntawm thaj av uas muaj pobzeb ntau tiamsis av tsawg, piv txog cov neeg uas thaum lawv hnov dheev Vajtswv Txojlus, lawv txaussiab hlo txais yuav tamsim ntawd. 21Tiamsis txojlus ntawd cog cag tsis tob rau hauv lawv, lawv thiaj ntseeg ib nyuag ntu xwb. Thaum lawv raug kev txomnyem lossis kev tsimtxom vim txojlus ntawd, ces lawv txawm muab tsotseg tamsim. 22Cov noob nplej uas poob rau hauvqab tsob pos, piv txog cov uas hnov Vajtswv Txojlus, tiamsis tej kev nyuajsiab hauv lawv lub neej thiab kev ntshaw nyiaj txawm hlob tuaj laum txojlus ntawd, ua rau lawv lub neej thiaj tsis tawgpaj txitxiv. 23Tiamsis cov noob nplej uas poob rau ntawm qhov av zoo, piv txog cov uas hnov Vajtswv Txojlus es lawv txawj totaub: lawv cov ntawd ibtxhia txi tau 100 npaug, ibtxhia 60 npaug, thiab ibtxhia 30 npaug.”
Zaj Lus Pivtxwv Hais Txog Cov Txhauv
24Yexus qhia dua ib zaj lus pivtxwv rau lawv mloog hais tias: “Vajtswv lub Ntuj Ceebtsheej piv ib yam li ib tug txivneej uas nqa ib cov noob nplej zoo coj mus tseb rau hauv nws daim teb. 25Muaj ib hmos thaum sawvdaws pw tsaugzog tas lawm, txawm muaj yeebncuab coj ib cov noob txhauv tuaj tseb xyaw rau cov nplej, ces nws txawm khiav lawm. 26Thaum cov nplej lojhlob thiab pib txhawv, uaciav txawm pom muaj txhauv tuaj xyaw thiab.
27“Cov tubtxib los hais rau tus tswv tias, ‘Tus tswv, koj yeej tseb cov noob nplej zoo rau hauv koj daim teb xwb puas yog? Uacas nimno ho muaj txhauv tuaj xyaw thiab?’ 28Nws teb lawv hais tias, ‘Tej ntawd yog yeebncuab ua xwb.’ Cov tubtxib nug nws hais tias, ‘Koj puas xav kom peb mus muab cov txhauv ntawd dob povtseg?’ 29Nws teb tias, ‘Tsis txhob muab dob, nyobtsam thaum nej dob cov txhauv, ces nej yuav dob tau cov nplej thiab. 30Cia cov nplej thiab cov txhauv lojhlob uake mus txog lub caij hlais nplej, kuv mam hais kom cov tub hlais nplej xub dob cov txhauv pav ua tej tes thiab muab hlawv, tomqab ntawd lawv mam sau cov nplej los rau hauv kuv lub txhab.’ ”
Zaj Lus Pivtxwv Hais Txog Lub Noob Maxataj
(Malakaus 4:30-32; Lukas 13:18-19)
31Yexus hais dua ib zaj lus pivtxwv rau lawv mloog hais tias: “Vajtswv lub Ntuj Ceebtsheej piv ib yam li ib lub noob maxataj uas ib tug txivneej coj mus cog rau hauv nws daim teb. 32Txawm yog lub noob ntawd yog ib lub uas me dua lwmyam noob huv tibsi los, thaum nws lojhlob tuaj lawm, nws tseem loj dua txhua yam zaub huv tibsi. Nws dhau mus ua ib tsob ntoo ua rau noog los ua zes rau saum tej ceg.”
Zaj Lus Pivtxwv Hais Txog Cov Keeb
(Lukas 13:20-21)
33Yexus rov hais dua ib zaj lus pivtxwv rau lawv mloog hais tias: “Vajtswv lub Ntuj Ceebtsheej piv ib yam li cov keeb uas ib tug pojniam muab xyaw rau peb siab hmoov nplej, ces ciali ua rau cov hmoov nplej ntawd su tagnrho huv tibsi.”
Yexus Ua Lus Pivtxwv Qhia
(Malakaus 4:33-34)
34Yexus ua lus pivtxwv qhia txhua zaj no rau sawvdaws; tsis muaj ib zaj uas Nws yuav tsis ua lus pivtxwv qhia li. 35Nws ua li ntawd thiaj muaj tiav rawsli tus xibhwb cev Vajtswv lus tau qhia tseg hais tias,
“Thaum Kuv hais rau lawv, Kuv yuav ua lus pivtxwv hais xwb.
Kuv yuav qhia tej uas tsis muaj neeg paub txij thaum tsim lub ntiajteb los rau lawv mloog.” #Nnkauj 78:2
Yexus Txhais Zaj Lus Pivtxwv Uas Hais Txog Nplej Thiab Txhauv
36Yexus txawm tso cov neeg coob-coob ntawd tseg thiab mus rau hauv tsev lawm. Nws cov thwjtim los hais rau Nws tias, “Thov Koj txhais zaj lus pivtxwv uas Koj hais txog cov txhauv hauv daim teb ntawd rau peb mloog seb yog licas.”
37Yexus qhia hais tias, “Tus uas tseb cov noob nplej zoo yog Neeg Leejtub; 38daim teb yog lub ntiajteb no; cov noob nplej zoo yog cov neeg uas Vajtswv kav; cov txhauv yog cov neeg uas dab ntxwgnyoog kav. 39Thiab tus yeebncuab uas tuaj tseb cov noob txhauv ntawd yog dab ntxwgnyoog. Lub caij hlais yog lub sijhawm uas ntiajteb kawg, thiab cov tub hlais nplej yog cov timtswv ceebtsheej.
40“Cov txhauv raug muab dob mus pov hlawv licas ces lub sijhawm ntiajteb kawg yuav zoo ib yam li ntawd. 41Neeg Leejtub yuav txib Nws cov timtswv ceebtsheej mus sau cov neeg uas ua rau lwmtus ua txhaum thiab cov neeg ua phem ua qias huv tibsi tawm hauv Nws lub tebchaws mus 42thiab coj cov neeg ntawd mus pov rau hauv lub cubtawg uas cig hlob-hlob, lawv yuav quaj qw tom hniav qees qhov ntawd. 43Thaum ntawd Vajtswv cov neeg yuav ci ntsa-iab ib yam li lub hnub nyob hauv lawv Leejtxiv lub Tebchaws. Yog leejtwg muaj pobntseg, ciali mloog!
Zaj Lus Pivtxwv Hais Txog Hub Nyiaj Uas Faus Cia
44“Vajtswv lub Ntuj Ceebtsheej piv ib yam li hub nyiaj uas luag muab faus cia rau hauv ib daim teb. Muaj ib tug mus pom ces nws txawm rov muab faus dua; vim nws zoosiab kawg li, nws thiaj mus muab nws lub cuabtam muag huv tibsi thiab rov mus yuav daim teb ntawd.
Zaj Lus Pivtxwv Hais Txog Cov Hlaws
45“Thiab Vajtswv lub Ntuj Ceebtsheej piv ib yam li ib tug tubluam mus nrhiav yuav cov hlaws muaj nqi. 46Thaum nws mus nrhiav pom ib lub hlaws uas muaj nqi dua lwm lub huv tibsi lawm, nws txawm rov los muab nws lub cuabtam muag thiab mus yuav lub hlaws ntawd.
Zaj Lus Pivtxwv Hais Txog Lub Vas Cuab Ntses
47“Thiab Vajtswv lub Ntuj Ceebtsheej piv ib yam li lub vas cuab ntses uas luag muab cuab rau hauv hiavtxwv thiab mag tau txhua yam ntses. 48Thaum lub vas mag tau ntses ntau heev lawm, cov neeg cuab ntses txawm rub lub vas los rau tim ntug thiab zaum xaiv cov ntses ntawd. Lawv xaiv cov zoo ntim rau hauv tawb thiab muab cov uas tsis zoo povtseg. 49Thaum lub sijhawm ntiajteb kawg yuav zooli ntawd ntag. Cov timtswv ceebtsheej yuav los muab cov neeg phem cais tawm ntawm cov neeg ncajncees mus, 50thiab yuav muab lawv coj mus pov rau hauv lub cubtawg uas cig hlob-hlob, lawv yuav quaj qw tom hniav qees qhov ntawd.”
Tej Lus Qhia Tshiab Thiab Qub
51Yexus nug cov thwjtim hais tias, “Nej puas totaub tej no?”
Lawv teb tias, “Peb totaub.”
52Ces Yexus txawm hais rau lawv tias, “Yogli ntawd, txhua tus xibhwb qhia Kevcai uas twb kawm paub txog Vajtswv lub Ntuj Ceebtsheej lawm, lawv zoo ib yam li tus tswvtsev uas muab nws tej khoom tshiab thiab qub huv nws lub tsev ntim khoom rho tawm los.”
Cov Neeg Hauv Naxalev Tsis Txais Yuav Yexus
(Malakaus 6:1-6; Lukas 4:16-30)
53Thaum Yexus qhia cov lus pivtxwv no tag lawm, Nws txawm tawm qhov ntawd 54thiab rovqab mus rau hauv Nws lub zos. Nws mus qhuabqhia hauv lub tsev sablaj, thiab cov neeg uas hnov Nws qhia xav tsis thoob li. Lawv sibnug zomzaws hais tias, “Nws tau tej tswvyim no qhovtwg los? Uacas Nws ho ua tau tej txujci tseemceeb no? 55Nws puas yog tus uas kaw ntoo tus tub? Nws niam puas yog Malis, thiab Nws cov kwv puas yog Yakaunpaus, Yauxej, Ximoos thiab Yudas? 56Nws cov muam puavleej nyob hauv lub nroog no puas yog maj? Nws tau tej tswvyim no qhovtwg los?” 57Lawv txawm tsis lees paub Yexus.
Yexus hais rau lawv tias, “Tej neeg ob cag puavleej hwm tus xibhwb cev Vajtswv lus, tsuas yog cov neeg uas nyob hauv nws lub zos thiab nws tsev neeg thiaj tsis hwm nws xwb.” #Yauh 4:44 58Yexus tsis ua tej txujci tseemceeb ntau pestsawg nyob rau qhov ntawd, vim lawv tsis muaj kev ntseeg.
Currently Selected:
Mathais 13: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Mathais 13
13
Zaj Lus Pivtxwv Hais Txog Tus Tseb Nplej
(Malakaus 4:1-9; Lukas 8:4-8)
1Tibhnub ntawd Yexus txawm tawm hauv tsev mus zaum nram ntug hiavtxwv. 2Cov neeg uas tuaj nyob puagncig Nws ntawd coob heev, Nws thiaj nce mus nyob hauv ib lub nkoj; thiab cia cov neeg coob-coob ntawd sawv ntawm ntug dej. #Lukas 5:1-3 3Yexus ua lus pivtxwv qhia ntau zaj rau lawv mloog.
“Muaj ib tug txivneej nqa noob nplej mus tseb. 4Thaum nws tseb cov noob nplej rau hauv daim teb, muaj qee lub poob rau hauv txojkev, ces noog txawm ya los khaws noj lawm. 5Muaj qee lub poob rau ntawm thaj av uas muaj pobzeb ntau tiamsis av tsawg. Cov noob ntawd tuaj kaus sai-sai, rauqhov av tsis tob. 6Thaum lub hnub tawm tuaj, tshav kub, ua rau cov yub nplej ciali qhuav lawm, vim cov cag ntsia av tsis tob. 7Muaj qee lub poob rau hauvqab tsob pos, ces cov pos thiaj hlob tuaj laum cov nplej. 8Tiamsis muaj qee lub poob rau ntawm qhov av zoo, cov ntawd txhawv taus. Qee hnab txi tau 100 npaug, qee hnab 60 npaug, thiab qee hnab 30 npaug.”
9Yexus xaus lus hais tias, “Yog leejtwg muaj pobntseg ciali mloog!”
Lub Homphiaj Ntawm Tej Lus Pivtxwv
(Malakaus 4:10-12; Lukas 8:9-10)
10Cov thwjtim los nug Yexus hais tias, “Ua licas Koj pheej ua lus pivtxwv qhia neeg xwb?”
11Yexus teb tias, “Lub tswvyim uas paub txog Vajtswv lub Ntuj Ceebtsheej uas muab zais cia lawm twb muab qhia meej rau nej paub lawm, tiamsis tsis tau muab qhia rau lawv. 12Rauqhov tus uas muaj lawm, tseem yuav muab tsub ntxiv rau nws, tiamsis tus uas tsis muaj dabtsi li, txawm yog yam nyuag me-me uas nws muaj xwb los tseem yuav muab rho tawm ntawm nws mus. #Math 25:29; Malak 4:25; Lukas 8:18; 19:26 13Qhov uas Kuv ua lus pivtxwv qhia vim rauqhov lawv saib los lawv tsis pom, lawv mloog los lawv tsis hnov thiab tsis totaub. 14Thiaj muaj rawsli Yaxayas tus xibhwb cev Vajtswv lus tej lus qhiatshwm hais tias,
“ ‘Cov neeg no yuav mloog tag mloog thiab, los yeej tsis totaub;
lawv yuav saib tag saib thiab, los yeej tsis pom, #Yaxaya 6:9-10 (LXX)
15rauqhov lawv lub siab ruam,
lawv ntsaws lawv tej pobntseg,
thiab lawv qe lawv tej qhovmuag.
Vajtswv hais tias, yog tsis ua li ntawd, lawv tej qhovmuag yuav pom,
lawv pobntseg yuav hnov,
thiab lawv lub siab yuav totaub,
ces lawv yuav tig los cuag Kuv,
thiab Kuv yuav kho kom lawv zoo.’
16“Tiamsis nej yog cov uas muaj hmoo! Nej qhovmuag los pom thiab nej pobntseg los hnov. #Lukas 10:23-24 17Kuv qhia tseeb rau nej hais tias, cov xibhwb cev Vajtswv lus thiab cov neeg ncajncees ntau leej tosntsoov xav pom tej uas nej pom los lawv twb tsis tau pom, thiab xav hnov tej uas nej hnov los lawv twb tsis tau hnov.
Yexus Txhais Zaj Lus Pivtxwv Hais Txog Tus Tseb Nplej
(Malakaus 4:13-20; Lukas 8:11-15)
18“Nej ua tibzoo mloog, nej thiaj yuav paub lub ntsiablus ntawm zaj lus pivtxwv uas hais txog tus tseb nplej: 19Cov neeg uas hnov zaj uas hais txog Vajtswv lub Ntuj Ceebtsheej tiamsis tsis totaub, ces zoo ib yam li lub noob nplej uas poob rau hauv txojkev. Dab ntxwgnyoog txawm los rho kiag txojlus uas twb muab cog rau hauv lawv lub siab mus lawm. 20Cov noob nplej uas poob rau ntawm thaj av uas muaj pobzeb ntau tiamsis av tsawg, piv txog cov neeg uas thaum lawv hnov dheev Vajtswv Txojlus, lawv txaussiab hlo txais yuav tamsim ntawd. 21Tiamsis txojlus ntawd cog cag tsis tob rau hauv lawv, lawv thiaj ntseeg ib nyuag ntu xwb. Thaum lawv raug kev txomnyem lossis kev tsimtxom vim txojlus ntawd, ces lawv txawm muab tsotseg tamsim. 22Cov noob nplej uas poob rau hauvqab tsob pos, piv txog cov uas hnov Vajtswv Txojlus, tiamsis tej kev nyuajsiab hauv lawv lub neej thiab kev ntshaw nyiaj txawm hlob tuaj laum txojlus ntawd, ua rau lawv lub neej thiaj tsis tawgpaj txitxiv. 23Tiamsis cov noob nplej uas poob rau ntawm qhov av zoo, piv txog cov uas hnov Vajtswv Txojlus es lawv txawj totaub: lawv cov ntawd ibtxhia txi tau 100 npaug, ibtxhia 60 npaug, thiab ibtxhia 30 npaug.”
Zaj Lus Pivtxwv Hais Txog Cov Txhauv
24Yexus qhia dua ib zaj lus pivtxwv rau lawv mloog hais tias: “Vajtswv lub Ntuj Ceebtsheej piv ib yam li ib tug txivneej uas nqa ib cov noob nplej zoo coj mus tseb rau hauv nws daim teb. 25Muaj ib hmos thaum sawvdaws pw tsaugzog tas lawm, txawm muaj yeebncuab coj ib cov noob txhauv tuaj tseb xyaw rau cov nplej, ces nws txawm khiav lawm. 26Thaum cov nplej lojhlob thiab pib txhawv, uaciav txawm pom muaj txhauv tuaj xyaw thiab.
27“Cov tubtxib los hais rau tus tswv tias, ‘Tus tswv, koj yeej tseb cov noob nplej zoo rau hauv koj daim teb xwb puas yog? Uacas nimno ho muaj txhauv tuaj xyaw thiab?’ 28Nws teb lawv hais tias, ‘Tej ntawd yog yeebncuab ua xwb.’ Cov tubtxib nug nws hais tias, ‘Koj puas xav kom peb mus muab cov txhauv ntawd dob povtseg?’ 29Nws teb tias, ‘Tsis txhob muab dob, nyobtsam thaum nej dob cov txhauv, ces nej yuav dob tau cov nplej thiab. 30Cia cov nplej thiab cov txhauv lojhlob uake mus txog lub caij hlais nplej, kuv mam hais kom cov tub hlais nplej xub dob cov txhauv pav ua tej tes thiab muab hlawv, tomqab ntawd lawv mam sau cov nplej los rau hauv kuv lub txhab.’ ”
Zaj Lus Pivtxwv Hais Txog Lub Noob Maxataj
(Malakaus 4:30-32; Lukas 13:18-19)
31Yexus hais dua ib zaj lus pivtxwv rau lawv mloog hais tias: “Vajtswv lub Ntuj Ceebtsheej piv ib yam li ib lub noob maxataj uas ib tug txivneej coj mus cog rau hauv nws daim teb. 32Txawm yog lub noob ntawd yog ib lub uas me dua lwmyam noob huv tibsi los, thaum nws lojhlob tuaj lawm, nws tseem loj dua txhua yam zaub huv tibsi. Nws dhau mus ua ib tsob ntoo ua rau noog los ua zes rau saum tej ceg.”
Zaj Lus Pivtxwv Hais Txog Cov Keeb
(Lukas 13:20-21)
33Yexus rov hais dua ib zaj lus pivtxwv rau lawv mloog hais tias: “Vajtswv lub Ntuj Ceebtsheej piv ib yam li cov keeb uas ib tug pojniam muab xyaw rau peb siab hmoov nplej, ces ciali ua rau cov hmoov nplej ntawd su tagnrho huv tibsi.”
Yexus Ua Lus Pivtxwv Qhia
(Malakaus 4:33-34)
34Yexus ua lus pivtxwv qhia txhua zaj no rau sawvdaws; tsis muaj ib zaj uas Nws yuav tsis ua lus pivtxwv qhia li. 35Nws ua li ntawd thiaj muaj tiav rawsli tus xibhwb cev Vajtswv lus tau qhia tseg hais tias,
“Thaum Kuv hais rau lawv, Kuv yuav ua lus pivtxwv hais xwb.
Kuv yuav qhia tej uas tsis muaj neeg paub txij thaum tsim lub ntiajteb los rau lawv mloog.” #Nnkauj 78:2
Yexus Txhais Zaj Lus Pivtxwv Uas Hais Txog Nplej Thiab Txhauv
36Yexus txawm tso cov neeg coob-coob ntawd tseg thiab mus rau hauv tsev lawm. Nws cov thwjtim los hais rau Nws tias, “Thov Koj txhais zaj lus pivtxwv uas Koj hais txog cov txhauv hauv daim teb ntawd rau peb mloog seb yog licas.”
37Yexus qhia hais tias, “Tus uas tseb cov noob nplej zoo yog Neeg Leejtub; 38daim teb yog lub ntiajteb no; cov noob nplej zoo yog cov neeg uas Vajtswv kav; cov txhauv yog cov neeg uas dab ntxwgnyoog kav. 39Thiab tus yeebncuab uas tuaj tseb cov noob txhauv ntawd yog dab ntxwgnyoog. Lub caij hlais yog lub sijhawm uas ntiajteb kawg, thiab cov tub hlais nplej yog cov timtswv ceebtsheej.
40“Cov txhauv raug muab dob mus pov hlawv licas ces lub sijhawm ntiajteb kawg yuav zoo ib yam li ntawd. 41Neeg Leejtub yuav txib Nws cov timtswv ceebtsheej mus sau cov neeg uas ua rau lwmtus ua txhaum thiab cov neeg ua phem ua qias huv tibsi tawm hauv Nws lub tebchaws mus 42thiab coj cov neeg ntawd mus pov rau hauv lub cubtawg uas cig hlob-hlob, lawv yuav quaj qw tom hniav qees qhov ntawd. 43Thaum ntawd Vajtswv cov neeg yuav ci ntsa-iab ib yam li lub hnub nyob hauv lawv Leejtxiv lub Tebchaws. Yog leejtwg muaj pobntseg, ciali mloog!
Zaj Lus Pivtxwv Hais Txog Hub Nyiaj Uas Faus Cia
44“Vajtswv lub Ntuj Ceebtsheej piv ib yam li hub nyiaj uas luag muab faus cia rau hauv ib daim teb. Muaj ib tug mus pom ces nws txawm rov muab faus dua; vim nws zoosiab kawg li, nws thiaj mus muab nws lub cuabtam muag huv tibsi thiab rov mus yuav daim teb ntawd.
Zaj Lus Pivtxwv Hais Txog Cov Hlaws
45“Thiab Vajtswv lub Ntuj Ceebtsheej piv ib yam li ib tug tubluam mus nrhiav yuav cov hlaws muaj nqi. 46Thaum nws mus nrhiav pom ib lub hlaws uas muaj nqi dua lwm lub huv tibsi lawm, nws txawm rov los muab nws lub cuabtam muag thiab mus yuav lub hlaws ntawd.
Zaj Lus Pivtxwv Hais Txog Lub Vas Cuab Ntses
47“Thiab Vajtswv lub Ntuj Ceebtsheej piv ib yam li lub vas cuab ntses uas luag muab cuab rau hauv hiavtxwv thiab mag tau txhua yam ntses. 48Thaum lub vas mag tau ntses ntau heev lawm, cov neeg cuab ntses txawm rub lub vas los rau tim ntug thiab zaum xaiv cov ntses ntawd. Lawv xaiv cov zoo ntim rau hauv tawb thiab muab cov uas tsis zoo povtseg. 49Thaum lub sijhawm ntiajteb kawg yuav zooli ntawd ntag. Cov timtswv ceebtsheej yuav los muab cov neeg phem cais tawm ntawm cov neeg ncajncees mus, 50thiab yuav muab lawv coj mus pov rau hauv lub cubtawg uas cig hlob-hlob, lawv yuav quaj qw tom hniav qees qhov ntawd.”
Tej Lus Qhia Tshiab Thiab Qub
51Yexus nug cov thwjtim hais tias, “Nej puas totaub tej no?”
Lawv teb tias, “Peb totaub.”
52Ces Yexus txawm hais rau lawv tias, “Yogli ntawd, txhua tus xibhwb qhia Kevcai uas twb kawm paub txog Vajtswv lub Ntuj Ceebtsheej lawm, lawv zoo ib yam li tus tswvtsev uas muab nws tej khoom tshiab thiab qub huv nws lub tsev ntim khoom rho tawm los.”
Cov Neeg Hauv Naxalev Tsis Txais Yuav Yexus
(Malakaus 6:1-6; Lukas 4:16-30)
53Thaum Yexus qhia cov lus pivtxwv no tag lawm, Nws txawm tawm qhov ntawd 54thiab rovqab mus rau hauv Nws lub zos. Nws mus qhuabqhia hauv lub tsev sablaj, thiab cov neeg uas hnov Nws qhia xav tsis thoob li. Lawv sibnug zomzaws hais tias, “Nws tau tej tswvyim no qhovtwg los? Uacas Nws ho ua tau tej txujci tseemceeb no? 55Nws puas yog tus uas kaw ntoo tus tub? Nws niam puas yog Malis, thiab Nws cov kwv puas yog Yakaunpaus, Yauxej, Ximoos thiab Yudas? 56Nws cov muam puavleej nyob hauv lub nroog no puas yog maj? Nws tau tej tswvyim no qhovtwg los?” 57Lawv txawm tsis lees paub Yexus.
Yexus hais rau lawv tias, “Tej neeg ob cag puavleej hwm tus xibhwb cev Vajtswv lus, tsuas yog cov neeg uas nyob hauv nws lub zos thiab nws tsev neeg thiaj tsis hwm nws xwb.” #Yauh 4:44 58Yexus tsis ua tej txujci tseemceeb ntau pestsawg nyob rau qhov ntawd, vim lawv tsis muaj kev ntseeg.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.