Levis Kevcai 24
24
Tu Thiab Saib Cov Teeb
(Khiav Dim 27:20-21)
1Tus TSWV hais rau Mauxes tias, 2“Koj hais rau cov Yixalayees kom ciali nqa tej tseem roj txivntoo uas zoo tshajplaws tuaj sam rau cov teeb hauv lub Tsevntaub, kom tej teeb thiaj yuav cig pomkev lamlug mus li. 3Txhua hmo Aloos yuavtsum taws cov teeb uas nyob sabnraum daim ntaub thaiv lub Phijxab hauv Chav Dawbhuv Kawg Nkaus hauv lub Tsevntaub Sibntsib, kom cov teeb cig lamlug ib hmos kajntug. Nej yuavtsum coj txoj kevcai no ib tiam rau ib tiam mus li. 4Aloos yuavtsum tu ntshis cov teeb saum tus ncej uas muab tseem-tseem kub ua, thiab saib cov teeb kom cig lamlug tabmeeg tus TSWV mus li.
Tej Ncuav Uas Fij Rau Vajtswv
5“Muab 12 kilus hmoov nplej coj los ntse puab ua kaum-ob lub ncuav coj mus cub. #Khiav 25:30 6Muab cov ncuav ntawd teeb ua ob leej, ib leej twg rau lub, rau saum lub rooj uas muab cov tseem-tseem kub vuam, uas yog nyob rau ntawm tus TSWV hauvntej. 7Muab tej tseem hmoov tshuaj tswqab los nphoo rau saum ob leej ncuav ntawd, ib yam li muab ua khoom noj fij hloov cov ncuav ntawd chaw ua kev nco txog rau tus TSWV. 8Txhua-txhua hnub Xanpataus yuavtsum muab ncuav mus tso rau saum lub rooj tabmeeg tus TSWV. Nov yog Yixalayees tes haujlwm mus ibtxhis li. 9Cov ncuav no yog Aloos thiab nws cajces ntiagtug, lawv yuavtsum coj mus noj hauv ib chav uas dawbhuv, rauqhov nov yog ib feem dawbhuv ntawm cov khoom uas coj mus fij rau tus TSWV uas yog cov povthawj hlob ntiagtug.” #Math 12:4; Malak 2:26; Lukas 6:4
Yamntxwv Txog Kev Rautxim Uas Ncajncees
10-11Muaj ib tug txivneej, nws txiv yog neeg Iziv thiab nws niam, Selaumis, yog neeg Yixalayees, uas yog Dinplis tus ntxhais, uas los ntawm xeem Das los. Tus txivneej ntawd txawm nrog ib tug Yixalayees sibceg hauv lub yeej. Thaum nkawd tabtom sibceg, tus txivneej ntawd txawm tsawm foom tus TSWV, yogli ntawd, lawv thiajli coj nws mus cuag Mauxes, 12lawv tso neeg zov nws thiab tos seb tus TSWV yuav qhia kom lawv ua licas rau nws.
13Tus TSWV hais rau Mauxes tias, 14“Coj tus txivneej ntawd tawm hauv lub yeej mus rau nraud; kom tagnrho txhua tus uas tau hnov tus txivneej ntawd tsawm foom lawm, tsa lawv txhais tes rau saum tus txivneej ntawd taubhau ua timkhawv hais tias nws yeej yog neeg txhaum tiag, ces dhau ntawd kom cov pejxeem muab pobzeb txawb nws kom tuag. 15Qhia rau cov Yixalayees txhua tus hais tias yog leejtwg tsawm foom Vajtswv, nws yuavtsum ris lub txim ntawd 16thiab raug muab tua kom tuag. Txhua tus Yixalayees lossis txhua tus neeg txawv tebchaws uas nyob hauv tebchaws Yixalayees, yog leejtwg tsawm foom tus TSWV, ces tagnrho lub zejzog yuavtsum muab pobzeb txawb kom tus ntawd tuag mus.
17“Yog leejtwg tua neeg, yuavtsum muab tus ntawd tua kom tuag, #Khiav 21:12 18thiab yog leejtwg tua lwmtus ib tug tsiaj tuag, nws yuavtsum muab ib tug tsiaj mus pauj xwb. Lub ntsiablus mas yog muab siav pauj siav.
19“Yog leejtwg ua rau lwmtus raug mob, uas yog nws tau ua licas rau luag lawm, yuavtsum ua li ntawd rau nws. 20Txha pauj txha, qhovmuag pauj qhovmuag, thiab hniav pauj hniav. Nws tau ua rau lwmtus raug mob licas, yuavtsum ua kom nws raug mob ib yam li ntawd thiab. #Khiav 21:23-25; 2Kev 19:21; Math 5:38 21Yog leejtwg tua ib tug tsiaj tuag, nws yuavtsum them rovqab, tiamsis yog leejtwg tua ib tug neeg tuag, yuavtsum muab nws tua kom tuag. 22Txoj kevcai no muab cob rau nej txhua tus uas yog neeg Yixalayees thiab cov neeg txawv tebchaws uas nrog nej nyob, rauqhov Kuv yog tus TSWV, uas yog nej tus Vajtswv.” #Teev 15:16
23Thaum Mauxes hais li no rau cov Yixalayees tag, lawv txawm coj tus txivneej uas tsawm foom Vajtswv ntawd mus rau nraum ntug yeej thiab muab pobzeb txawb nws tuag lawm. Qhov no yog cov Yixalayees ua rawsli tus TSWV tau xaaj rau Mauxes lawm.
Currently Selected:
Levis Kevcai 24: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Levis Kevcai 24
24
Tu Thiab Saib Cov Teeb
(Khiav Dim 27:20-21)
1Tus TSWV hais rau Mauxes tias, 2“Koj hais rau cov Yixalayees kom ciali nqa tej tseem roj txivntoo uas zoo tshajplaws tuaj sam rau cov teeb hauv lub Tsevntaub, kom tej teeb thiaj yuav cig pomkev lamlug mus li. 3Txhua hmo Aloos yuavtsum taws cov teeb uas nyob sabnraum daim ntaub thaiv lub Phijxab hauv Chav Dawbhuv Kawg Nkaus hauv lub Tsevntaub Sibntsib, kom cov teeb cig lamlug ib hmos kajntug. Nej yuavtsum coj txoj kevcai no ib tiam rau ib tiam mus li. 4Aloos yuavtsum tu ntshis cov teeb saum tus ncej uas muab tseem-tseem kub ua, thiab saib cov teeb kom cig lamlug tabmeeg tus TSWV mus li.
Tej Ncuav Uas Fij Rau Vajtswv
5“Muab 12 kilus hmoov nplej coj los ntse puab ua kaum-ob lub ncuav coj mus cub. #Khiav 25:30 6Muab cov ncuav ntawd teeb ua ob leej, ib leej twg rau lub, rau saum lub rooj uas muab cov tseem-tseem kub vuam, uas yog nyob rau ntawm tus TSWV hauvntej. 7Muab tej tseem hmoov tshuaj tswqab los nphoo rau saum ob leej ncuav ntawd, ib yam li muab ua khoom noj fij hloov cov ncuav ntawd chaw ua kev nco txog rau tus TSWV. 8Txhua-txhua hnub Xanpataus yuavtsum muab ncuav mus tso rau saum lub rooj tabmeeg tus TSWV. Nov yog Yixalayees tes haujlwm mus ibtxhis li. 9Cov ncuav no yog Aloos thiab nws cajces ntiagtug, lawv yuavtsum coj mus noj hauv ib chav uas dawbhuv, rauqhov nov yog ib feem dawbhuv ntawm cov khoom uas coj mus fij rau tus TSWV uas yog cov povthawj hlob ntiagtug.” #Math 12:4; Malak 2:26; Lukas 6:4
Yamntxwv Txog Kev Rautxim Uas Ncajncees
10-11Muaj ib tug txivneej, nws txiv yog neeg Iziv thiab nws niam, Selaumis, yog neeg Yixalayees, uas yog Dinplis tus ntxhais, uas los ntawm xeem Das los. Tus txivneej ntawd txawm nrog ib tug Yixalayees sibceg hauv lub yeej. Thaum nkawd tabtom sibceg, tus txivneej ntawd txawm tsawm foom tus TSWV, yogli ntawd, lawv thiajli coj nws mus cuag Mauxes, 12lawv tso neeg zov nws thiab tos seb tus TSWV yuav qhia kom lawv ua licas rau nws.
13Tus TSWV hais rau Mauxes tias, 14“Coj tus txivneej ntawd tawm hauv lub yeej mus rau nraud; kom tagnrho txhua tus uas tau hnov tus txivneej ntawd tsawm foom lawm, tsa lawv txhais tes rau saum tus txivneej ntawd taubhau ua timkhawv hais tias nws yeej yog neeg txhaum tiag, ces dhau ntawd kom cov pejxeem muab pobzeb txawb nws kom tuag. 15Qhia rau cov Yixalayees txhua tus hais tias yog leejtwg tsawm foom Vajtswv, nws yuavtsum ris lub txim ntawd 16thiab raug muab tua kom tuag. Txhua tus Yixalayees lossis txhua tus neeg txawv tebchaws uas nyob hauv tebchaws Yixalayees, yog leejtwg tsawm foom tus TSWV, ces tagnrho lub zejzog yuavtsum muab pobzeb txawb kom tus ntawd tuag mus.
17“Yog leejtwg tua neeg, yuavtsum muab tus ntawd tua kom tuag, #Khiav 21:12 18thiab yog leejtwg tua lwmtus ib tug tsiaj tuag, nws yuavtsum muab ib tug tsiaj mus pauj xwb. Lub ntsiablus mas yog muab siav pauj siav.
19“Yog leejtwg ua rau lwmtus raug mob, uas yog nws tau ua licas rau luag lawm, yuavtsum ua li ntawd rau nws. 20Txha pauj txha, qhovmuag pauj qhovmuag, thiab hniav pauj hniav. Nws tau ua rau lwmtus raug mob licas, yuavtsum ua kom nws raug mob ib yam li ntawd thiab. #Khiav 21:23-25; 2Kev 19:21; Math 5:38 21Yog leejtwg tua ib tug tsiaj tuag, nws yuavtsum them rovqab, tiamsis yog leejtwg tua ib tug neeg tuag, yuavtsum muab nws tua kom tuag. 22Txoj kevcai no muab cob rau nej txhua tus uas yog neeg Yixalayees thiab cov neeg txawv tebchaws uas nrog nej nyob, rauqhov Kuv yog tus TSWV, uas yog nej tus Vajtswv.” #Teev 15:16
23Thaum Mauxes hais li no rau cov Yixalayees tag, lawv txawm coj tus txivneej uas tsawm foom Vajtswv ntawd mus rau nraum ntug yeej thiab muab pobzeb txawb nws tuag lawm. Qhov no yog cov Yixalayees ua rawsli tus TSWV tau xaaj rau Mauxes lawm.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.