Levis Kevcai 2
2
Fij Tej Qoobloo
1“Thaum ib tug twg coj qoobloo uas yog ua tej lub txhuv tuaj fij rau tus TSWV, nws yuavtsum xub muab zom ua hmoov tso. Nws yuavtsum muab roj txivntoo thiab hmoov tshuaj tswqab nphoo rau saum cov hmoov nplej ntawd huv tibsi, 2thiab coj tuaj cob rau Aloos cov tub uas yog cov povthawj hlob. Ces tus povthawj hlob uas khiav haujlwm mamli yawm ib phoovtes hmoov nplej thiab roj nrog rau cov hmoov tshuaj tswqab coj mus hlawv rau saum lub thaj ua kevcai nco txog fij rau tus TSWV. Tej pa khoom noj uas muab fij no yuav tswqab ntxiag ua rau tus TSWV txaussiab. 3Tej qoobloo uas seem es fij tsis tag ntawd yog cov povthawj hlob tug; vim tej ntawd yog muab los ntawm tej uas coj tuaj fij rau tus TSWV lawm, yogli ntawd, tej qoobloo ntawd yog tej uas dawbhuv heev.
4“Yog muab tej ncuav uas cub hauv qhovtxos tuaj ua khoom fij, yuavtsum yog cov uas tsis txhob muab keeb xyaw. Yuavtsum yog muab hmoov nplej zuaj xyaw roj txivntoo puab ua tej lub ncuav tuab-tuab lossis muab zuaj puab ua tej lub nyias-nyias es xuas roj txivntoo pleev rau xwb.
5“Yog muab cov ncuav nthee hauv yias tuaj ua khoom fij, yuavtsum muab tej hmoov nplej ntawd zuaj xyaw roj txivntoo xwb, tsis txhob muab keeb xyaw. 6Ciali muab puab ua tej lub thiab muab cov roj hliv rau saud, thaum nej coj mus ua khoom fij.
7“Yog muab tej ncuav uas cub hauv laujkaub tuaj ua khoom fij, cov ncuav ntawd yuavtsum yog muab hmoov nplej thiab roj txivntoo ua xwb. 8Coj lub ncuav ntawd mus fij rau tus TSWV thiab muab cob rau tus povthawj hlob, nws mamli coj mus tso rau ntawm lub thaj. 9Tus povthawj hlob yuav muab ntais ib qho ua kev nco txog tus coj mus fij rau tus TSWV, thiab nws yuav coj mus hlawv rau saum lub thaj. Tej pa khoom noj uas muab fij no yuav tswqab ntxiag ua rau tus TSWV txaussiab. 10Tej khoom fij uas seem ntawd yog cov povthawj hlob tug; vim tej ntawd yog muab los ntawm tej uas coj tuaj fij rau tus TSWV lawm, yogli ntawd, tej qoobloo ntawd yog tej uas dawbhuv heev.
11“Tsis txhob muab tej hmoov nplej uas xyaw keeb tuaj fij rau tus TSWV; nej yuavtsum tsis txhob muab keeb lossis zib ntab hlawv fij rau tus TSWV hlo li. 12Txhua xyoo thaum nej sau qoobloo, nej yuavtsum coj nej thawj phaum qoob tuaj fij rau tus TSWV, tiamsis tsis txhob muab hlawv rau saum lub thaj ua kom tej pa tswqab ntxiag. 13Muab ntsev nphoo rau saum txhua yam qoobloo uas nej coj tuaj fij ntawd, rauqhov ntsev yog piv txog cov lus cogtseg ntawm Vajtswv thiab nej. (Nej yuavtsum nphoo ntsev rau tagnrho nej tej khoom fij huv tibsi.)
14“Thaum nej sau qoobloo thiab coj thawj phaum qoob tuaj fij rau tus TSWV, muab tej nplej ntawd kib kom nkig lossis muab tuav kom ua hmoov coj tuaj fij. 15Muab roj txivntoo hliv rau thiab muab hmoov tshuaj tswqab nphoo ntxiv rau. 16Tus povthawj hlob yuav muab feem ntawm cov nplej ntawd, cov roj, thiab cov hmoov tshuaj tswqab uas siv ua nco txog, coj mus hlawv fij ua khoom noj rau tus TSWV.
Currently Selected:
Levis Kevcai 2: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Levis Kevcai 2
2
Fij Tej Qoobloo
1“Thaum ib tug twg coj qoobloo uas yog ua tej lub txhuv tuaj fij rau tus TSWV, nws yuavtsum xub muab zom ua hmoov tso. Nws yuavtsum muab roj txivntoo thiab hmoov tshuaj tswqab nphoo rau saum cov hmoov nplej ntawd huv tibsi, 2thiab coj tuaj cob rau Aloos cov tub uas yog cov povthawj hlob. Ces tus povthawj hlob uas khiav haujlwm mamli yawm ib phoovtes hmoov nplej thiab roj nrog rau cov hmoov tshuaj tswqab coj mus hlawv rau saum lub thaj ua kevcai nco txog fij rau tus TSWV. Tej pa khoom noj uas muab fij no yuav tswqab ntxiag ua rau tus TSWV txaussiab. 3Tej qoobloo uas seem es fij tsis tag ntawd yog cov povthawj hlob tug; vim tej ntawd yog muab los ntawm tej uas coj tuaj fij rau tus TSWV lawm, yogli ntawd, tej qoobloo ntawd yog tej uas dawbhuv heev.
4“Yog muab tej ncuav uas cub hauv qhovtxos tuaj ua khoom fij, yuavtsum yog cov uas tsis txhob muab keeb xyaw. Yuavtsum yog muab hmoov nplej zuaj xyaw roj txivntoo puab ua tej lub ncuav tuab-tuab lossis muab zuaj puab ua tej lub nyias-nyias es xuas roj txivntoo pleev rau xwb.
5“Yog muab cov ncuav nthee hauv yias tuaj ua khoom fij, yuavtsum muab tej hmoov nplej ntawd zuaj xyaw roj txivntoo xwb, tsis txhob muab keeb xyaw. 6Ciali muab puab ua tej lub thiab muab cov roj hliv rau saud, thaum nej coj mus ua khoom fij.
7“Yog muab tej ncuav uas cub hauv laujkaub tuaj ua khoom fij, cov ncuav ntawd yuavtsum yog muab hmoov nplej thiab roj txivntoo ua xwb. 8Coj lub ncuav ntawd mus fij rau tus TSWV thiab muab cob rau tus povthawj hlob, nws mamli coj mus tso rau ntawm lub thaj. 9Tus povthawj hlob yuav muab ntais ib qho ua kev nco txog tus coj mus fij rau tus TSWV, thiab nws yuav coj mus hlawv rau saum lub thaj. Tej pa khoom noj uas muab fij no yuav tswqab ntxiag ua rau tus TSWV txaussiab. 10Tej khoom fij uas seem ntawd yog cov povthawj hlob tug; vim tej ntawd yog muab los ntawm tej uas coj tuaj fij rau tus TSWV lawm, yogli ntawd, tej qoobloo ntawd yog tej uas dawbhuv heev.
11“Tsis txhob muab tej hmoov nplej uas xyaw keeb tuaj fij rau tus TSWV; nej yuavtsum tsis txhob muab keeb lossis zib ntab hlawv fij rau tus TSWV hlo li. 12Txhua xyoo thaum nej sau qoobloo, nej yuavtsum coj nej thawj phaum qoob tuaj fij rau tus TSWV, tiamsis tsis txhob muab hlawv rau saum lub thaj ua kom tej pa tswqab ntxiag. 13Muab ntsev nphoo rau saum txhua yam qoobloo uas nej coj tuaj fij ntawd, rauqhov ntsev yog piv txog cov lus cogtseg ntawm Vajtswv thiab nej. (Nej yuavtsum nphoo ntsev rau tagnrho nej tej khoom fij huv tibsi.)
14“Thaum nej sau qoobloo thiab coj thawj phaum qoob tuaj fij rau tus TSWV, muab tej nplej ntawd kib kom nkig lossis muab tuav kom ua hmoov coj tuaj fij. 15Muab roj txivntoo hliv rau thiab muab hmoov tshuaj tswqab nphoo ntxiv rau. 16Tus povthawj hlob yuav muab feem ntawm cov nplej ntawd, cov roj, thiab cov hmoov tshuaj tswqab uas siv ua nco txog, coj mus hlawv fij ua khoom noj rau tus TSWV.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.