Levis Kevcai 15
15
Mob Ua Paug Tsis Huv
1Tus TSWV hais rau Mauxes thiab Aloos tias, 2“Neb qhia rau cov Yixalayees hais tias, thaum ib tug txivneej twg mob ua kua paug tawm hauv nws qhov chaw xis los, mas nws cov kua paug ntawd tsis huv. 3Txawm yog cov kua paug ntawd tseem tawm lossis tu lawm los xij, nws lub cev yeej tsis huv lawm. 4Txhua lub txaj uas nws mus pw thiab txhua yam uas nws mus zaum rau saud lawm, ces tej ntawd tsis huv lawm. 5Txhua tus uas mus tuav tus mob ntawd lub txaj, 6lossis mus zaum saum tej chaw uas nws zaum lawm, tus ntawd yuavtsum muab nws cev ristsho mus ntxhua thiab da dej, mas nws tseem tsis tau huv mus txog thaum tsausntuj.
7“Yog leejtwg mus kov tus neeg mob ntawd, nws yuavtsum muab nws cev ristsho coj mus ntxhua thiab da dej, mas nws tseem tsis tau huv mus txog thaum tsausntuj. 8Yog tias tus neeg uas mob ntawd nto qaubncaug mus lo cov neeg uas twb ua kevcai ntxuav lawm ib tug twg, tus ntawd yuavtsum muab nws cev ristsho mus ntxhua thiab da dej, mas nws tseem tsis tau huv mus txog thaum tsausntuj.
9“Txhua lub eeb lossis txhua thaj chaw uas tus neeg mob ntawd mus zaum, ces lub eeb ntawd tsis huv lawm. 10Txhua tus uas mus tuav tej uas tus neeg mob ntawd mus zaum los lawm, nws yuav tsis tau huv mus txog thaum tsausntuj. 11Yog tus neeg uas mob ua paug viag ntawd mus tuav tau ib leeg twg uantej uas nws tsis tau ntxuav tes, ces tus uas raug tuav ntawd yuavtsum muab nws cev ristsho mus txhua thiab da dej, mas nws tseem tsis huv mus txog thaum tsausntuj. 12Txhua lub laujkaub av uas tus neeg mob ntawd kov lawm, yuavtsum muab tsoo povtseg, thiab txhua lub tais ntoo uas nws mus tuav lawm, yuavtsum muab ntxuav kom huv.
13“Tomqab uas tus neeg mob ntawd cov kua paug tu lawm, nws yuavtsum tos xya hnub, nws mam hle nws cev ristsho mus ntxhua thiab da cov dej ntshiab uas cug hauv havdej los, mas nws lub cev thiaj yuav huv. 14Hnub thib yim nws yuavtsum coj ob tug nquab taug lossis ob tug nquab nyeg mus rau ntawm lub qhovrooj uas yuav mus rau hauv lub Tsevntaub Sibntsib thiab muab rau tus povthawj. 15Tus povthawj hlob yuavtsum muab ib tug nquab tua fij daws txim thiab muab ib tug tua hlawv fij. Ua li no yog nws ua kevcai ntxuav tus uas mob ntawd kom huv.
16“Thaum ib tug txivneej twg cov kab menyuam ciali tawm los, nws yuavtsum da dej ntxuav thoobplaws nws lub cev, mas nws tseem tsis tau huv mus txog thaum tsausntuj. 17Txhua yam khaubncaws lossis tej ristsho tawv tsiaj uas cov kua ntawd nrog rau lawm, yuavtsum muab coj mus ntxhua, thiab tej khaubncaws ntawd yuav tsis huv mus txog thaum tsausntuj. 18Tomqab uas tus txivneej thiab tus pojniam pw uake tag lawm, nkawd yuavtsum mus da dej, thiab nkawd yuav tsis huv mus txog thaum tsausntuj.
19“Thaum ib tug pojniam twg coj khaubncaws, nws yuav tsis huv mus txog xya hnub. Leejtwg uas kov tus pojniam ntawd, tus ntawd yuav tsis huv mus txog thaum tsausntuj. 20Txhua yam uas tus pojniam ntawd zaum lossis pw rau saud thaum lub sijhawm uas nws tabtom coj khaubncaws, yam ntawd yuav tsis huv lawm. 21-23Txhua tus uas kov tus pojniam ntawd lub txaj lossis txhua yam uas nws zaum rau saud lawm, tus ntawd yuavtsum muab nws cev ristsho mus ntxhua thiab da dej, thiab nws yuav tsis huv mus txog thaum tsausntuj. 24Yog ib tug txivneej mus nrog tus pojniam uas tseem tabtom coj khaubncaws pw, tus pojniam ntawd cov ntshav uas tsis huv lo nws lawm, ces nws yuav tsis huv mus txog xya hnub; thiab txhua lub txaj uas tus txivneej ntawd pw los yuav tsis huv lawm thiab.
25“Yog tus pojniam twg nchuav cev ntau hnub uas tsis yog nws lub caij coj khaubncaws, lossis nws nchuav cev ntev dua li lub sijhawm uas nws coj khaubncaws, nws nchuav cev ntev npaum licas ces nws tsis huv ntev npaum li ntawd; ib yam li thaum nws coj khaubncaws es nws lub cev tsis huv ntawd thiab. 26Txhua lub txaj uas nws pw thiab txhua yam uas nws zaum rau saud thaum lub sijhawm uas nws tabtom coj khaubncaws puavleej tsis huv lawm. 27Yog leejtwg mus tuav tej khoom ntawd, nws yuav tsis huv, mas nws yuavtsum muab nws cev khaubncaws mus ntxhua thiab da dej; mas nws yuav tsis huv mus txog thaum tsausntuj.
28“Tomqab uas tus pojniam ntawd kev coj khaubncaws tu lawm, nws yuavtsum tos xya hnub mas nws thiajli yuav rov huv. 29Hnub thib yim, nws ciali nqa ob tug nquab taug lossis ob tug nquab nyeg mus rau tus povthawj hlob ntawm lub qhovrooj uas yuav mus rau hauv lub Tsevntaub Sibntsib. 30Tus povthawj hlob yuav tau muab ib tug nquab tua fij daws txim thiab muab ib tug tua hlawv fij. Qhov uas tus povthawj hlob ua li no, yog ua kevcai ntxuav tus pojniam ntawd kom huv.
31“Neb yuavtsum ceebtoom rau cov Yixalayees txog lawv txoj kev tsis huv, kom lawv thiaj tsis ua rau lub Tsevntaub Sibntsib uas nyob hauv lub plawv yeej tsis huv. Yog lawv ua, ces lawv yuav tuag.”
32Tej no yog tej kevcai hais txog tus txivneej uas mob los kua paug lossis nws chaw xis los kua, 33thiab tus pojniam uas coj khaubncaws lossis tus txivneej uas mus nrog tus pojniam uas tsis huv pw.
Currently Selected:
Levis Kevcai 15: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Levis Kevcai 15
15
Mob Ua Paug Tsis Huv
1Tus TSWV hais rau Mauxes thiab Aloos tias, 2“Neb qhia rau cov Yixalayees hais tias, thaum ib tug txivneej twg mob ua kua paug tawm hauv nws qhov chaw xis los, mas nws cov kua paug ntawd tsis huv. 3Txawm yog cov kua paug ntawd tseem tawm lossis tu lawm los xij, nws lub cev yeej tsis huv lawm. 4Txhua lub txaj uas nws mus pw thiab txhua yam uas nws mus zaum rau saud lawm, ces tej ntawd tsis huv lawm. 5Txhua tus uas mus tuav tus mob ntawd lub txaj, 6lossis mus zaum saum tej chaw uas nws zaum lawm, tus ntawd yuavtsum muab nws cev ristsho mus ntxhua thiab da dej, mas nws tseem tsis tau huv mus txog thaum tsausntuj.
7“Yog leejtwg mus kov tus neeg mob ntawd, nws yuavtsum muab nws cev ristsho coj mus ntxhua thiab da dej, mas nws tseem tsis tau huv mus txog thaum tsausntuj. 8Yog tias tus neeg uas mob ntawd nto qaubncaug mus lo cov neeg uas twb ua kevcai ntxuav lawm ib tug twg, tus ntawd yuavtsum muab nws cev ristsho mus ntxhua thiab da dej, mas nws tseem tsis tau huv mus txog thaum tsausntuj.
9“Txhua lub eeb lossis txhua thaj chaw uas tus neeg mob ntawd mus zaum, ces lub eeb ntawd tsis huv lawm. 10Txhua tus uas mus tuav tej uas tus neeg mob ntawd mus zaum los lawm, nws yuav tsis tau huv mus txog thaum tsausntuj. 11Yog tus neeg uas mob ua paug viag ntawd mus tuav tau ib leeg twg uantej uas nws tsis tau ntxuav tes, ces tus uas raug tuav ntawd yuavtsum muab nws cev ristsho mus txhua thiab da dej, mas nws tseem tsis huv mus txog thaum tsausntuj. 12Txhua lub laujkaub av uas tus neeg mob ntawd kov lawm, yuavtsum muab tsoo povtseg, thiab txhua lub tais ntoo uas nws mus tuav lawm, yuavtsum muab ntxuav kom huv.
13“Tomqab uas tus neeg mob ntawd cov kua paug tu lawm, nws yuavtsum tos xya hnub, nws mam hle nws cev ristsho mus ntxhua thiab da cov dej ntshiab uas cug hauv havdej los, mas nws lub cev thiaj yuav huv. 14Hnub thib yim nws yuavtsum coj ob tug nquab taug lossis ob tug nquab nyeg mus rau ntawm lub qhovrooj uas yuav mus rau hauv lub Tsevntaub Sibntsib thiab muab rau tus povthawj. 15Tus povthawj hlob yuavtsum muab ib tug nquab tua fij daws txim thiab muab ib tug tua hlawv fij. Ua li no yog nws ua kevcai ntxuav tus uas mob ntawd kom huv.
16“Thaum ib tug txivneej twg cov kab menyuam ciali tawm los, nws yuavtsum da dej ntxuav thoobplaws nws lub cev, mas nws tseem tsis tau huv mus txog thaum tsausntuj. 17Txhua yam khaubncaws lossis tej ristsho tawv tsiaj uas cov kua ntawd nrog rau lawm, yuavtsum muab coj mus ntxhua, thiab tej khaubncaws ntawd yuav tsis huv mus txog thaum tsausntuj. 18Tomqab uas tus txivneej thiab tus pojniam pw uake tag lawm, nkawd yuavtsum mus da dej, thiab nkawd yuav tsis huv mus txog thaum tsausntuj.
19“Thaum ib tug pojniam twg coj khaubncaws, nws yuav tsis huv mus txog xya hnub. Leejtwg uas kov tus pojniam ntawd, tus ntawd yuav tsis huv mus txog thaum tsausntuj. 20Txhua yam uas tus pojniam ntawd zaum lossis pw rau saud thaum lub sijhawm uas nws tabtom coj khaubncaws, yam ntawd yuav tsis huv lawm. 21-23Txhua tus uas kov tus pojniam ntawd lub txaj lossis txhua yam uas nws zaum rau saud lawm, tus ntawd yuavtsum muab nws cev ristsho mus ntxhua thiab da dej, thiab nws yuav tsis huv mus txog thaum tsausntuj. 24Yog ib tug txivneej mus nrog tus pojniam uas tseem tabtom coj khaubncaws pw, tus pojniam ntawd cov ntshav uas tsis huv lo nws lawm, ces nws yuav tsis huv mus txog xya hnub; thiab txhua lub txaj uas tus txivneej ntawd pw los yuav tsis huv lawm thiab.
25“Yog tus pojniam twg nchuav cev ntau hnub uas tsis yog nws lub caij coj khaubncaws, lossis nws nchuav cev ntev dua li lub sijhawm uas nws coj khaubncaws, nws nchuav cev ntev npaum licas ces nws tsis huv ntev npaum li ntawd; ib yam li thaum nws coj khaubncaws es nws lub cev tsis huv ntawd thiab. 26Txhua lub txaj uas nws pw thiab txhua yam uas nws zaum rau saud thaum lub sijhawm uas nws tabtom coj khaubncaws puavleej tsis huv lawm. 27Yog leejtwg mus tuav tej khoom ntawd, nws yuav tsis huv, mas nws yuavtsum muab nws cev khaubncaws mus ntxhua thiab da dej; mas nws yuav tsis huv mus txog thaum tsausntuj.
28“Tomqab uas tus pojniam ntawd kev coj khaubncaws tu lawm, nws yuavtsum tos xya hnub mas nws thiajli yuav rov huv. 29Hnub thib yim, nws ciali nqa ob tug nquab taug lossis ob tug nquab nyeg mus rau tus povthawj hlob ntawm lub qhovrooj uas yuav mus rau hauv lub Tsevntaub Sibntsib. 30Tus povthawj hlob yuav tau muab ib tug nquab tua fij daws txim thiab muab ib tug tua hlawv fij. Qhov uas tus povthawj hlob ua li no, yog ua kevcai ntxuav tus pojniam ntawd kom huv.
31“Neb yuavtsum ceebtoom rau cov Yixalayees txog lawv txoj kev tsis huv, kom lawv thiaj tsis ua rau lub Tsevntaub Sibntsib uas nyob hauv lub plawv yeej tsis huv. Yog lawv ua, ces lawv yuav tuag.”
32Tej no yog tej kevcai hais txog tus txivneej uas mob los kua paug lossis nws chaw xis los kua, 33thiab tus pojniam uas coj khaubncaws lossis tus txivneej uas mus nrog tus pojniam uas tsis huv pw.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.