Yausuas 3
3
Cov Yixalayees Hla Dej Yauladees
1Hnub tomqab thaum sawvntxov Yausuas thiab tagnrho cov Yixalayees txawm tawm hauv lub yeej ntawm Akaxias mus rau nram ntug dej Yauladees, thiab lawv tsuam yeej rau ntawd npaj yuav hla dej. 2Tomqab ntawd peb hnub, cov thawjcoj ncig mus thoobplaws lub yeej, 3thiab hais rau cov pejxeem tias, “Thaum nej pom cov povthawj hlob kwv nej tus Vajtswv lub Phijxab Lus Cogtseg, nej ciali thiaj cuab raws lawv qab. 4Vim nej tsis tau mus dua txojkev no ib zaug li, yogli ntawd, lawv yuav qhia kev rau nej mus. Tiamsis nej tsis txhob mus ze lub Phijxab Lus Cogtseg ntawd, yuavtsum mus kom nrug deb uaqab kwvlam li 1 kilus mev.”
5Yausuas hais rau cov neeg tias, “Nej yuavtsum ntxuav nej lub siab kom huv, rauqhov tagkis tus TSWV yuav ua tej txujci tseemceeb rau hauv nej.” 6Tomqab ntawd Yausuas thiaj hais kom cov povthawj hlob kwv lub Phijxab Lus Cogtseg mus ua sawvdaws ntej. Ces cov povthawj hlob txawm ua rawsli nws hais.
7Tus TSWV hais rau Yausuas tias, “Qhov uas hnubno Kuv ua yog yuav ua kom tagnrho cov Yixalayees pib hwm hais tias koj yog ib tug neeg tseemceeb, thiab lawv yuav paub tias Kuv nrognraim koj ib yam li nrog Mauxes. 8Koj hais rau cov povthawj hlob uas kwv lub Phijxab Lus Cogtseg tias, thaum lawv mus txog nram ntug dej Yauladees lawm, lawv yuavtsum mus nres hauv dej tos.”
9Yausuas hais rau cov neeg tias, “Nej ciali txav los ze ntawm no thiab mloog tej lus uas tus TSWV uas yog nej tus Vajtswv hais. 10Thaum nej tabtom mus ntawd, tus TSWV yuav ntiab cov Kana-as, cov Hitis, cov Hivis, cov Pelixes, cov Nkawkasis, cov Amaules, thiab cov Yenpus tawm ntawm nej hauvntej mus. Nej yuav paub tias tus Vajtswv uas muaj sia nyob nrognraim nej, 11thaum lawv kwv tus TSWV uas kav lub ntiajteb no lub Phijxab Lus Cogtseg hla tus dej Yauladees ua nej ntej. 12Zaumno nej ciali xaiv cov Yixalayees kaum-ob leeg txivneej, ib xeem twg tuaj ib leeg. 13Thaum cov povthawj hlob kwv tus TSWV uas kav lub ntiajteb no lub Phijxab Lus Cogtseg, muab lawv txhais kotaw tsuj kiag rau hauv dej lawm, tus dej Yauladees yuav ciali teev tsis ntws. Cov dej uas ntws ped los, yuav tauv ua ib phab.”
14-15Thaum ntawd yog lub caij sau qoobloo, dej tabtom huam loj heev.
Thaum cov neeg tawm hauv lub yeej mus hla tus dej Yauladees; cov povthawj hlob kwv lub Phijxab Lus Cogtseg mus ua sawvdaws ntej. Thaum uas cov povthawj hlob nqis kiag rau hauv tus dej, 16ces dej txawm teev tsis ntws thiab ciali tauv puv mus txog pem lub nroog Adas uas nyob ntawm Xalethas ib sab. Tus dej ntawd yav qab deg ciali nqhuab qhuav qhawv mus ti nkaus nram Hiavtxwv Tuag, ua rau cov neeg thiaj hla tau mus rau tim lub nroog Yelikaus. 17Cov povthawj hlob kwv tus TSWV lub Phijxab Lus Cogtseg mus nres hauv plawv dej Yauladees uas nqhuab lawm tos txog thaum cov neeg mus dhau rau sab tid tag huv tibsi.
Currently Selected:
Yausuas 3: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Yausuas 3
3
Cov Yixalayees Hla Dej Yauladees
1Hnub tomqab thaum sawvntxov Yausuas thiab tagnrho cov Yixalayees txawm tawm hauv lub yeej ntawm Akaxias mus rau nram ntug dej Yauladees, thiab lawv tsuam yeej rau ntawd npaj yuav hla dej. 2Tomqab ntawd peb hnub, cov thawjcoj ncig mus thoobplaws lub yeej, 3thiab hais rau cov pejxeem tias, “Thaum nej pom cov povthawj hlob kwv nej tus Vajtswv lub Phijxab Lus Cogtseg, nej ciali thiaj cuab raws lawv qab. 4Vim nej tsis tau mus dua txojkev no ib zaug li, yogli ntawd, lawv yuav qhia kev rau nej mus. Tiamsis nej tsis txhob mus ze lub Phijxab Lus Cogtseg ntawd, yuavtsum mus kom nrug deb uaqab kwvlam li 1 kilus mev.”
5Yausuas hais rau cov neeg tias, “Nej yuavtsum ntxuav nej lub siab kom huv, rauqhov tagkis tus TSWV yuav ua tej txujci tseemceeb rau hauv nej.” 6Tomqab ntawd Yausuas thiaj hais kom cov povthawj hlob kwv lub Phijxab Lus Cogtseg mus ua sawvdaws ntej. Ces cov povthawj hlob txawm ua rawsli nws hais.
7Tus TSWV hais rau Yausuas tias, “Qhov uas hnubno Kuv ua yog yuav ua kom tagnrho cov Yixalayees pib hwm hais tias koj yog ib tug neeg tseemceeb, thiab lawv yuav paub tias Kuv nrognraim koj ib yam li nrog Mauxes. 8Koj hais rau cov povthawj hlob uas kwv lub Phijxab Lus Cogtseg tias, thaum lawv mus txog nram ntug dej Yauladees lawm, lawv yuavtsum mus nres hauv dej tos.”
9Yausuas hais rau cov neeg tias, “Nej ciali txav los ze ntawm no thiab mloog tej lus uas tus TSWV uas yog nej tus Vajtswv hais. 10Thaum nej tabtom mus ntawd, tus TSWV yuav ntiab cov Kana-as, cov Hitis, cov Hivis, cov Pelixes, cov Nkawkasis, cov Amaules, thiab cov Yenpus tawm ntawm nej hauvntej mus. Nej yuav paub tias tus Vajtswv uas muaj sia nyob nrognraim nej, 11thaum lawv kwv tus TSWV uas kav lub ntiajteb no lub Phijxab Lus Cogtseg hla tus dej Yauladees ua nej ntej. 12Zaumno nej ciali xaiv cov Yixalayees kaum-ob leeg txivneej, ib xeem twg tuaj ib leeg. 13Thaum cov povthawj hlob kwv tus TSWV uas kav lub ntiajteb no lub Phijxab Lus Cogtseg, muab lawv txhais kotaw tsuj kiag rau hauv dej lawm, tus dej Yauladees yuav ciali teev tsis ntws. Cov dej uas ntws ped los, yuav tauv ua ib phab.”
14-15Thaum ntawd yog lub caij sau qoobloo, dej tabtom huam loj heev.
Thaum cov neeg tawm hauv lub yeej mus hla tus dej Yauladees; cov povthawj hlob kwv lub Phijxab Lus Cogtseg mus ua sawvdaws ntej. Thaum uas cov povthawj hlob nqis kiag rau hauv tus dej, 16ces dej txawm teev tsis ntws thiab ciali tauv puv mus txog pem lub nroog Adas uas nyob ntawm Xalethas ib sab. Tus dej ntawd yav qab deg ciali nqhuab qhuav qhawv mus ti nkaus nram Hiavtxwv Tuag, ua rau cov neeg thiaj hla tau mus rau tim lub nroog Yelikaus. 17Cov povthawj hlob kwv tus TSWV lub Phijxab Lus Cogtseg mus nres hauv plawv dej Yauladees uas nqhuab lawm tos txog thaum cov neeg mus dhau rau sab tid tag huv tibsi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.