Hakais 1
1
Tus TSWV Hais Kom Txhimkho Lub Tuamtsev
1Xyoo thib ob uas Huabtais Dali-us kav tebchaws Pawxias, lub rau hli ntuj hnub xiab ib, tus TSWV los hais rau Hakais uas yog tus xibhwb cev Vajtswv lus. Tus TSWV cov lus yog hais rau Xelunpanpees, uas yog Se-atiyees tus tub, uas ua tswvxeev kav lub xeev Yudas, thiab hais rau tus Tuam Povthawj Hlob Yausuas, uas yog Yehauxadas tus tub. #Exala 2:24—5:2; 6:14
2Tus TSWV uas muaj Hwjchim Loj Kawg Nkaus hais rau Hakais tias, “Cov neeg no hais tias tsis tau txog lub sijhawm uas rov txhimkho tus TSWV lub Tuamtsev.” 3Tus TSWV thiaj muab cov lus no rau Hakais uas yog tus xibhwb cev Vajtswv lus, kom mus hais rau cov tibneeg tias, 4“Kuv haivneeg, vim licas nej tau nyob rau hauv tej tsev uas zoo-zoo, tiamsis Kuv lub Tuamtsev ho pob puas tag li? 5Nej tsis pom tej xwmtxheej uas tabtom los raug nej lov? 6Nej tau cog qoob ntau, tiamsis nej sau tau tsawg heev. Nej muaj zaub-mov noj, tiamsis muaj tsis txog qhov uas ua rau nej tsau. Nej muaj cawv txivhmab haus, tiamsis muaj tsis txog qhov uas ua rau nej qaug! Nej muaj tsoostsho hnav, tiamsis muaj tsis txog qhov uas ua rau nej sov. Nej khwv tau nyiaj, tiamsis cuag li muab tej nyiaj ntawd tso rau hauv lub hnab to qab. 7Nej puas pom tias yog vim licas thiaj muaj tej xwmtxheej no los raug nej? 8Nej ciali mus pem tej roob thiab txiav ntoo rov los kho Kuv lub Tuamtsev; Kuv thiaj yuav txaussiab thiab tibneeg thiaj tuaj pehawm Kuv kom tsimnyog.
9“Nej ciasiab tias yuav sau tau qoobloo ntau, tiamsis nej sau tau tsawg kawg li. Thiab thaum nej coj tej qoobloo los tsev, Kuv muab tshuab kom ya tag.#1:9: Kuv muab tshuab kom ya tag; lossis Kuv muab ua kom lwj tag. Vim licas Kuv thiaj ua li ntawd? Rauqhov thaum Kuv lub Tuamtsev pob puas tag, nej txhua tus nyias rausiab ntso ua nyias lub tsev nkaus xwb. 10Twb yog vimli ntawd lub ntuj thiaj tsis los nag thiab lub ntiajteb thiaj txawm tsis taus qoob. 11Kuv tso ntuj qhua teb nkig los rau daim av—saum tej roob, tej teb npleg, teb txivhmab, thiab teb txiv ntoo-roj—txhua yam qoobloo uas tuaj hauv av, rau tibneeg thiab tsiajtxhu, thiab txhua yam uas nej txhais tes cog.”
Cov Neeg Mloog Tus TSWV Tej Lus Xaaj
12Ces Xelunpanpees, Yausuas, thiab tagnrho cov neeg uas raug luag ntes mus thiab tau rovqab#1:12: uas raug luag ntes mus thiab tau rovqab; lossis uas tsis raug ntes mus. tim tebchaws Npanpiloos los, tau ua rawsli tus TSWV uas yog lawv tus Vajtswv hais kom lawv ua. Lawv ntshai thiab hwm tus xibhwb cevlus Hakais, uas yog tus TSWV tus tubtxib kawg li. 13Hakais thiaj qhia tus TSWV tej lus rau cov pejxeem li no tias: “Kuv coglus rau nej tias Kuv yuav nrognraim nej.” 14Tus TSWV tshoov txhua tus lub siab kom mus kho lub Tuamtsev: Xelunpanpees, uas yog tus tswvxeev hauv Yudas; Yausuas, uas yog tus Tuam Povthawj Hlob, thiab tagnrho cov neeg uas raug luag ntes mus thiab tau rovqab los.#1:14: uas raug luag ntes mus thiab tau rovqab los; lossis uas tsis raug ntes mus. Lawv thiaj pib txhimkho tus TSWV uas yog lawv tus Vajtswv uas muaj Hwjchim Loj Kawg Nkaus lub Tuamtsev, 15thaum lub rau hli ntuj, hnubtim neesnkaum-plaub, uas yog xyoo thib ob uas Dali-us ua huabtais kav lub tebchaws.
Currently Selected:
Hakais 1: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Hakais 1
1
Tus TSWV Hais Kom Txhimkho Lub Tuamtsev
1Xyoo thib ob uas Huabtais Dali-us kav tebchaws Pawxias, lub rau hli ntuj hnub xiab ib, tus TSWV los hais rau Hakais uas yog tus xibhwb cev Vajtswv lus. Tus TSWV cov lus yog hais rau Xelunpanpees, uas yog Se-atiyees tus tub, uas ua tswvxeev kav lub xeev Yudas, thiab hais rau tus Tuam Povthawj Hlob Yausuas, uas yog Yehauxadas tus tub. #Exala 2:24—5:2; 6:14
2Tus TSWV uas muaj Hwjchim Loj Kawg Nkaus hais rau Hakais tias, “Cov neeg no hais tias tsis tau txog lub sijhawm uas rov txhimkho tus TSWV lub Tuamtsev.” 3Tus TSWV thiaj muab cov lus no rau Hakais uas yog tus xibhwb cev Vajtswv lus, kom mus hais rau cov tibneeg tias, 4“Kuv haivneeg, vim licas nej tau nyob rau hauv tej tsev uas zoo-zoo, tiamsis Kuv lub Tuamtsev ho pob puas tag li? 5Nej tsis pom tej xwmtxheej uas tabtom los raug nej lov? 6Nej tau cog qoob ntau, tiamsis nej sau tau tsawg heev. Nej muaj zaub-mov noj, tiamsis muaj tsis txog qhov uas ua rau nej tsau. Nej muaj cawv txivhmab haus, tiamsis muaj tsis txog qhov uas ua rau nej qaug! Nej muaj tsoostsho hnav, tiamsis muaj tsis txog qhov uas ua rau nej sov. Nej khwv tau nyiaj, tiamsis cuag li muab tej nyiaj ntawd tso rau hauv lub hnab to qab. 7Nej puas pom tias yog vim licas thiaj muaj tej xwmtxheej no los raug nej? 8Nej ciali mus pem tej roob thiab txiav ntoo rov los kho Kuv lub Tuamtsev; Kuv thiaj yuav txaussiab thiab tibneeg thiaj tuaj pehawm Kuv kom tsimnyog.
9“Nej ciasiab tias yuav sau tau qoobloo ntau, tiamsis nej sau tau tsawg kawg li. Thiab thaum nej coj tej qoobloo los tsev, Kuv muab tshuab kom ya tag.#1:9: Kuv muab tshuab kom ya tag; lossis Kuv muab ua kom lwj tag. Vim licas Kuv thiaj ua li ntawd? Rauqhov thaum Kuv lub Tuamtsev pob puas tag, nej txhua tus nyias rausiab ntso ua nyias lub tsev nkaus xwb. 10Twb yog vimli ntawd lub ntuj thiaj tsis los nag thiab lub ntiajteb thiaj txawm tsis taus qoob. 11Kuv tso ntuj qhua teb nkig los rau daim av—saum tej roob, tej teb npleg, teb txivhmab, thiab teb txiv ntoo-roj—txhua yam qoobloo uas tuaj hauv av, rau tibneeg thiab tsiajtxhu, thiab txhua yam uas nej txhais tes cog.”
Cov Neeg Mloog Tus TSWV Tej Lus Xaaj
12Ces Xelunpanpees, Yausuas, thiab tagnrho cov neeg uas raug luag ntes mus thiab tau rovqab#1:12: uas raug luag ntes mus thiab tau rovqab; lossis uas tsis raug ntes mus. tim tebchaws Npanpiloos los, tau ua rawsli tus TSWV uas yog lawv tus Vajtswv hais kom lawv ua. Lawv ntshai thiab hwm tus xibhwb cevlus Hakais, uas yog tus TSWV tus tubtxib kawg li. 13Hakais thiaj qhia tus TSWV tej lus rau cov pejxeem li no tias: “Kuv coglus rau nej tias Kuv yuav nrognraim nej.” 14Tus TSWV tshoov txhua tus lub siab kom mus kho lub Tuamtsev: Xelunpanpees, uas yog tus tswvxeev hauv Yudas; Yausuas, uas yog tus Tuam Povthawj Hlob, thiab tagnrho cov neeg uas raug luag ntes mus thiab tau rovqab los.#1:14: uas raug luag ntes mus thiab tau rovqab los; lossis uas tsis raug ntes mus. Lawv thiaj pib txhimkho tus TSWV uas yog lawv tus Vajtswv uas muaj Hwjchim Loj Kawg Nkaus lub Tuamtsev, 15thaum lub rau hli ntuj, hnubtim neesnkaum-plaub, uas yog xyoo thib ob uas Dali-us ua huabtais kav lub tebchaws.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.