Hanpakus 2
2
Tus TSWV Tej Lus Teb Hanpakus
1Kuv yuav nce mus rau saum kuv lub chaw tsomfaj thiab tos seb tus TSWV yuav kom kuv hais dabtsi, thiab seb Nws#2:1: Ib phau ntawv qub-qub thaum ub sau hais tias Nws; phau lus Henplais hais tias Kuv. yuav teb kuv tej lus yws licas.
2Tus TSWV teb li no rau kuv tias: “Koj ciali muab tej uas Kuv qhia rau koj no sau kom meej-meej rau ntawm tej txiag zeb, kom tus tibneeg uas khiav, los tseem nyeem tau. 3Koj ciali muab tej no sau tseg cia, rauqhov tseem tsis tau txog caij tej xwm ntawd tshwm los. Tiamsis lub sijhawm ntawd yuav los txog sai-sai, thiab tej uas Kuv qhia rau koj yuav tshwm rawsli ntawd. Txawm tias tej ntawd yuav tsis tshwm los sai-sai, los koj yuav tau ua siabntev tos; tej ntawd yuav muaj los xwb, thiab yuav tsis ncua sijhawm ntxiv li lawm. #Henpl 10:37 4Cov lus ntawd yog hais li no: ‘Cov neeg phem yuav tsis muaj sia nyob,#2:4: Nqe no sau hais tias yuav tsis muaj sia nyob; paub tsis meej tias lus Henplais yog txhais licas tiag txog qhov no. tiamsis cov neeg uas ncajncees yuav muaj sia nyob, rauqhov lawv ncajncees rau Vajtswv.’ ” #Loos 1:17; Kalat 3:11; Henpl 10:38
Cov Neeg Tsis Dawbhuv Raug Puastsuaj
5Kev muajtxiag npluanuj ntxias tau tibneeg yuamkev. Cov neeg siabhlob yeej khavtheeb thiab tsis paub so—zoo yam nkaus li txoj kev tuag uas tuag npaumtwg los tsis txaus. Twb yog vimli ntawd, lawv thiaj txeeb ib lub tebchaws dhau ib lub tebchaws los ua lawv tug. 6Txhua haivneeg uas swb lawm, yuav cem thiab saib tsis taus cov neeg uas kovyeej lawv. Lawv yuav hais tias, “Nej tau txeeb tej uas tsis yog nej tug, tiamsis nej yuav raug kev puastsuaj! Nej yuav yuam cov neeg uas tshuav nej nqi them rov rau nej kom nej npluanuj mus txog hnub twg?”
7Tiamsis tosnco xwb, cov neeg uas nej tshuav lawv nqi yuav tuaj tsib tej nqi uas nej tshuav thiab yuam kom nej them rov rau lawv. Lawv yuav tuaj ua rau nej ntshai tsheehnyo thiab yuav huab txhua yam uas nej muaj nqa huv tibsi mus! 8Nej tau mus huab ntau haivneeg li los ua nej tug, tiamsis nimno cov uas seem thiab muaj sia nyob yuav tuaj huab nej tug, vim nej tau tua neeg thiab ua limhiam tawmtsam tej neeg thoob ntiajteb thiab luag tej nroog.#2:8: tej neeg… tej nroog; lossis lub tebchaws, lub nroog, thiab cov neeg uas nyob rau hauv.
9Nej raug puastsuaj lawm lau! Nej ua rau nej lub cuab lub yig muajtxiag npluanuj los ntawm qhov uas nej mus uanruj uatsiv txhav luag tug, thiab nej npajsiab ua kom tsis txhob muaj leejtwg ua phem tau rau nej tej vaj tej tsev li! 10Tiamsis nej tej nyuag tswvyim phem ntawd, tau ua rau nej tsev neeg txajmuag kawg nkaus. Qhov uas nej muab ntau haivneeg ua puastsuaj tag ntawd, yog nej rov lob kev piamsij los rau nej xwb. 11Txawm yog tej ntsayeej pobzeb los yuav quaj qw tawmtsam nej, thiab tej qhab tse los yuav hnyos nej ntsoogqees.
12Nej raug puastsuaj lawm lau! Nej ua kev nruj kev tsiv thiab tua neeg, nej thiaj rhawv thiab tsim ntau lub nroog. 13Txhua haivneeg uas nej kovyeej, ua haujlwm nkim lawv tej zog dawb xwb, thiab txhua yam uas lawv ua ntawd puavleej raug kubhnyiab tag huv tibsi. Tus TSWV uas muaj Hwjchim Loj Kawg Nkaus yog tus uas ua tej no ntag. 14Tiamsis lub ntiajteb yuav puvnkaus txoj kev paub txog tus TSWV tus tshwjchim yam nkaus li tej dej uas teev puvnkaus hauv hiavtxwv. #Yaxaya 11:9
15Nej raug puastsuaj lawm lau! Thaum nej npautaws, nej yuam nej tej neeg zejzog haus cawv! Nej muab cawv rau lawv haus kom lawv qaug kom nej thiaj pom lawv liabqab, kom lawv poob ntsejmuag. 16Nej xav tias nej ua li ntawd nej thiaj tau ntsejmuag, tiamsis nej hajyam yuav poob ntsejmuag heev. Nej ciali los haus cawv thiab qhia nej txoj kev liabqab rau sawvdaws pom! Tus TSWV yuav muab lub khob uas yog txoj kev txiavtxim los rau nej haus, thiab nej lub koobmeej yuav hloov mus ua kev poob ntsejmuag. 17Nej muab tej ntoo pem Roob Lenpanoos ntov tag licas, nimno nej yuav raug ntov ib yam li ntawd. Nej muab tej tsiaj pem Roob Lenpanoos tua licas; nimno tej tsiaj ntawd yuav ua kom nej ntshai npaum nkaus li ntawd. Tej xwm no yuav tshwm tuaj vim nej tau tua neeg thiab ua limhiam tawmtsam tej neeg thoob ntiajteb thiab luag tej nroog.#2:17: neeg… tej nroog; lossis lub tebchaws, lub nroog, thiab cov neeg uas nyob rau hauv.
18Tej mlom ntawd muajnqis dabtsi? Nws tsuas yog yam uas neeg txhais tes puab, thiab nws yeej qhia tsis tau ib yam dabtsi li, tsuas yog dag xwb. Tus mlom ntawd puas ua tau ib yam dabtsi zoo rau tus tswv uas puab nws kom muaj kev ciasiab rau nws—nws yog ib tug nyuag vajtswv uas twb tsis txawj haislus hlo li! 19Nej raug puastsuaj lawm lau! Nej hais rau ib thooj ntoo tias, “Ciali tsim dheev!” lossis hais rau ib nyuag mlom pobzeb tias, “Ciali sawv!” Tus nyuag mlom ntawd puas qhia tau ib zaj dabtsi rau nej? Txawm yog luag xuas nyiaj xuas kub vuam tus mlom ntawd ci nplas los nws yeej tsis muaj sia li.
20Tus TSWV nyob hauv Nws lub Tuamtsev uas dawbhuv; txhua tus neeg uas nyob hauv ntiajteb no ciali nyob twjywm ntawm Nws lub xubntiag.
Currently Selected:
Hanpakus 2: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Hanpakus 2
2
Tus TSWV Tej Lus Teb Hanpakus
1Kuv yuav nce mus rau saum kuv lub chaw tsomfaj thiab tos seb tus TSWV yuav kom kuv hais dabtsi, thiab seb Nws#2:1: Ib phau ntawv qub-qub thaum ub sau hais tias Nws; phau lus Henplais hais tias Kuv. yuav teb kuv tej lus yws licas.
2Tus TSWV teb li no rau kuv tias: “Koj ciali muab tej uas Kuv qhia rau koj no sau kom meej-meej rau ntawm tej txiag zeb, kom tus tibneeg uas khiav, los tseem nyeem tau. 3Koj ciali muab tej no sau tseg cia, rauqhov tseem tsis tau txog caij tej xwm ntawd tshwm los. Tiamsis lub sijhawm ntawd yuav los txog sai-sai, thiab tej uas Kuv qhia rau koj yuav tshwm rawsli ntawd. Txawm tias tej ntawd yuav tsis tshwm los sai-sai, los koj yuav tau ua siabntev tos; tej ntawd yuav muaj los xwb, thiab yuav tsis ncua sijhawm ntxiv li lawm. #Henpl 10:37 4Cov lus ntawd yog hais li no: ‘Cov neeg phem yuav tsis muaj sia nyob,#2:4: Nqe no sau hais tias yuav tsis muaj sia nyob; paub tsis meej tias lus Henplais yog txhais licas tiag txog qhov no. tiamsis cov neeg uas ncajncees yuav muaj sia nyob, rauqhov lawv ncajncees rau Vajtswv.’ ” #Loos 1:17; Kalat 3:11; Henpl 10:38
Cov Neeg Tsis Dawbhuv Raug Puastsuaj
5Kev muajtxiag npluanuj ntxias tau tibneeg yuamkev. Cov neeg siabhlob yeej khavtheeb thiab tsis paub so—zoo yam nkaus li txoj kev tuag uas tuag npaumtwg los tsis txaus. Twb yog vimli ntawd, lawv thiaj txeeb ib lub tebchaws dhau ib lub tebchaws los ua lawv tug. 6Txhua haivneeg uas swb lawm, yuav cem thiab saib tsis taus cov neeg uas kovyeej lawv. Lawv yuav hais tias, “Nej tau txeeb tej uas tsis yog nej tug, tiamsis nej yuav raug kev puastsuaj! Nej yuav yuam cov neeg uas tshuav nej nqi them rov rau nej kom nej npluanuj mus txog hnub twg?”
7Tiamsis tosnco xwb, cov neeg uas nej tshuav lawv nqi yuav tuaj tsib tej nqi uas nej tshuav thiab yuam kom nej them rov rau lawv. Lawv yuav tuaj ua rau nej ntshai tsheehnyo thiab yuav huab txhua yam uas nej muaj nqa huv tibsi mus! 8Nej tau mus huab ntau haivneeg li los ua nej tug, tiamsis nimno cov uas seem thiab muaj sia nyob yuav tuaj huab nej tug, vim nej tau tua neeg thiab ua limhiam tawmtsam tej neeg thoob ntiajteb thiab luag tej nroog.#2:8: tej neeg… tej nroog; lossis lub tebchaws, lub nroog, thiab cov neeg uas nyob rau hauv.
9Nej raug puastsuaj lawm lau! Nej ua rau nej lub cuab lub yig muajtxiag npluanuj los ntawm qhov uas nej mus uanruj uatsiv txhav luag tug, thiab nej npajsiab ua kom tsis txhob muaj leejtwg ua phem tau rau nej tej vaj tej tsev li! 10Tiamsis nej tej nyuag tswvyim phem ntawd, tau ua rau nej tsev neeg txajmuag kawg nkaus. Qhov uas nej muab ntau haivneeg ua puastsuaj tag ntawd, yog nej rov lob kev piamsij los rau nej xwb. 11Txawm yog tej ntsayeej pobzeb los yuav quaj qw tawmtsam nej, thiab tej qhab tse los yuav hnyos nej ntsoogqees.
12Nej raug puastsuaj lawm lau! Nej ua kev nruj kev tsiv thiab tua neeg, nej thiaj rhawv thiab tsim ntau lub nroog. 13Txhua haivneeg uas nej kovyeej, ua haujlwm nkim lawv tej zog dawb xwb, thiab txhua yam uas lawv ua ntawd puavleej raug kubhnyiab tag huv tibsi. Tus TSWV uas muaj Hwjchim Loj Kawg Nkaus yog tus uas ua tej no ntag. 14Tiamsis lub ntiajteb yuav puvnkaus txoj kev paub txog tus TSWV tus tshwjchim yam nkaus li tej dej uas teev puvnkaus hauv hiavtxwv. #Yaxaya 11:9
15Nej raug puastsuaj lawm lau! Thaum nej npautaws, nej yuam nej tej neeg zejzog haus cawv! Nej muab cawv rau lawv haus kom lawv qaug kom nej thiaj pom lawv liabqab, kom lawv poob ntsejmuag. 16Nej xav tias nej ua li ntawd nej thiaj tau ntsejmuag, tiamsis nej hajyam yuav poob ntsejmuag heev. Nej ciali los haus cawv thiab qhia nej txoj kev liabqab rau sawvdaws pom! Tus TSWV yuav muab lub khob uas yog txoj kev txiavtxim los rau nej haus, thiab nej lub koobmeej yuav hloov mus ua kev poob ntsejmuag. 17Nej muab tej ntoo pem Roob Lenpanoos ntov tag licas, nimno nej yuav raug ntov ib yam li ntawd. Nej muab tej tsiaj pem Roob Lenpanoos tua licas; nimno tej tsiaj ntawd yuav ua kom nej ntshai npaum nkaus li ntawd. Tej xwm no yuav tshwm tuaj vim nej tau tua neeg thiab ua limhiam tawmtsam tej neeg thoob ntiajteb thiab luag tej nroog.#2:17: neeg… tej nroog; lossis lub tebchaws, lub nroog, thiab cov neeg uas nyob rau hauv.
18Tej mlom ntawd muajnqis dabtsi? Nws tsuas yog yam uas neeg txhais tes puab, thiab nws yeej qhia tsis tau ib yam dabtsi li, tsuas yog dag xwb. Tus mlom ntawd puas ua tau ib yam dabtsi zoo rau tus tswv uas puab nws kom muaj kev ciasiab rau nws—nws yog ib tug nyuag vajtswv uas twb tsis txawj haislus hlo li! 19Nej raug puastsuaj lawm lau! Nej hais rau ib thooj ntoo tias, “Ciali tsim dheev!” lossis hais rau ib nyuag mlom pobzeb tias, “Ciali sawv!” Tus nyuag mlom ntawd puas qhia tau ib zaj dabtsi rau nej? Txawm yog luag xuas nyiaj xuas kub vuam tus mlom ntawd ci nplas los nws yeej tsis muaj sia li.
20Tus TSWV nyob hauv Nws lub Tuamtsev uas dawbhuv; txhua tus neeg uas nyob hauv ntiajteb no ciali nyob twjywm ntawm Nws lub xubntiag.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.