Chivkeeb 44
44
Lub Khob Nyiaj Ploj Lawm
1Yauxej hais rau nws tus tubtxib uas saib nws lub tsev tias, “Koj muab nplej ntim rau hauv cov neeg no tej hnab kom ntau txaus nkaus lawv thauj mus, thiab muab lawv tej nyiaj ntsaws rov rau hauv lawv lub ncauj hnab. 2Koj muab kuv lub khob nyiaj ntsaws rau hauv tus kwvntxawg lub ncauj hnab, thiab muab nws cov nyiaj uas coj tuaj yuav nplej ntsaws rau hauv thiab.” Tus tubtxib mus ua raws nraim li Yauxej hais. 3Tagkis kajntug kiag xwb, nws txawm tso cov kwvtij cab lawv tej neesluav sawvkev rovqab mus tsev lawm.
4Lawv nyuamqhuav mus tau tsis deb ntawm ntug nroog xwb, Yauxej hais rau tus tubtxib uas saib nws lub tsev hais tias, “Koj ciali majnroos mus caum cov neeg ntawd. Thaum koj caum cuag lawv lawm, koj nug lawv hais tias, ‘Vim licas nej thiajli ua qhov phem pauj qhov zoo? 5Vim licas nej nyiag kuv tus tswv lub khob nyiaj?#44:5: Ib phau ntawv qub-qub thaum ub saum hais tias Vim licas nej nyiag kuv tus tswv lub khob nyiaj?; phau lus Henplais tsis muaj cov lus no. Lub khob ntawd yog lub uas nws siv los haus dej thiab siv los saib txog yav tomntej. Nej muaj li no mas txhaum loj heev lawm lau!’ ”
6Thaum tus tubtxib mus caum cuag lawv, nws txawm hais tej lus no rau lawv. 7Lawv teb nws hais tias, “Tus tswv, koj hais li ko, yog hais txog dabtsi? Peb yeej tsis tau ua li ko ib zaug li! 8Koj twb paub lawm hais tias tej nyiaj uas peb tshawb tau hauv peb tej hnab nplej pem tebchaws Kana-as, peb twb nqa rov tuaj rau nej huv tibsi lawm. Vim licas peb ho tseem yuav nyiag nyiaj lossis kub hauv koj tus tswv lub tsev? 9Tus tswv, yog peb cov no ib tug twg tau nyiag lub khob ntawd lawm, ces muab nws tua kom tuag, dua li ces cia peb mus ua koj qhev xwb.”
10Nws teb tias, “Ua li nej hais ko; leejtwg uas muaj lub khob nyob hauv nws yuavtsum ua kuv qhev xwb; dua li cov, yuav tsis muaj txim dabtsi thiab ciali mus tsev tau.” 11Yogli ntawd, lawv thiaj majnroos tsaws lawv tej nra rau hauv av, thiab lawv nyias daws nyias lub ncauj hnab. 12Yauxej tus tubtxib ua tibzoo tshawb, pib ntawm tus tijlaug hlob lub hnab los xaus rau ntawm tus kwvntxawg lub hnab, thiaj tshawb tau lub khob nyob hauv Npeeyamees lub hnab. 13Cov tijlaug thiaj dua rhe lawv tej tsho povtseg tusiab heev, lawv tsaws nra rau lawv tej neesluav thauj thiab rovqab mus rau tom nroog.
14Thaum Yudas thiab nws cov kwvtij rov los txog hauv Yauxej tsev, Yauxej tseem nyob hauv. Lawv txhoscaug ntua rau hauv av pe nws. 15Yauxej hais rau lawv tias, “Nej ua dabtsi li ko? Nej tsis paub tias tus neeg uas zooli kuv no txawj saib txog yav tomntej no lov?”
16Yudas teb tias, “Tus tswv, peb yuav hais tau licas rau koj? Peb yuav cam tau licas? Peb yuav ua licas hais tau tias peb tsis muaj txim? Vajtswv twb muab peb tej kev txhaum nthuav tawm lawm. Zaumno ces tsis yog tus uas luag tshawb tau koj lub khob hauv nws lub hnab thiaj ua koj qhev xwb, tiamsis tagnrho peb sawvdaws puavleej ua koj qhev.”
17Yauxej teb tias, “Tsis yog li ntawd! Kuv tsis ua li nej hais ko! Tsuas yog tus uas muab kuv lub khob lawm thiaj yuav tau ua kuv qhev xwb. Dua li cov ces nej ciali rov mus tsev thiab mus cuag nej txiv ntawm txoj kev kajsiab lug.”
Yudas Thov Kom Tso Npeeyamees
18Yudas txawm txav zog mus cuag Yauxej thiab thov hais tias, “Tus tswv, thov cia kuv nrog koj tham ob-peb los. Txawm yog koj yeej zoo ib yam li Falaus lawm los thov koj tsis txhob chim rau kuv. 19Tus tswv, koj tau nug peb hais tias, ‘Nej puas muaj txiv lossis muaj kwvtij lawm thiab?’ 20Peb tau teb koj hais tias, ‘Peb muaj ib leejtxiv, nws twb laus-laus li lawm, thiab peb tshuav ib tug kwvntxawg uas yug rau thaum peb txiv twb laus-laus lawm. Tus tub no tus tijlaug tuag lawm, thiab nws niam tshuav tibtug tub ntawd thiaj tseem ua neej nyob xwb, mas nws txiv hlub nws heev.’ 21Tus tswv, koj tau hais kom peb coj nws tuaj ntawm no, rauqhov koj xav pom nws. 22Peb tau teb rau koj hais tias tus tub ntawd txiv tso tsis taus nws tseg li, yog tias tseem tsotseg thiab ces nws txiv yeej kawg tuag xwb. 23Tiamsis koj hais tias, ‘Yog nej tsis coj nej tus kwvntxawg nrog nej tuaj, ces nej tsis txhob rov tshwm ntsejmuag rau kuv pom ib zaug li lawm.’
24“Thaum peb rovqab mus txog peb txiv, peb tau qhia tej uas koj hais ntawd huv tibsi rau nws mloog. 25Tomqab ntawd nws kom peb rov tuaj thiab yuav mentsis mov mus noj. 26Peb thiaj teb nws hais tias, ‘Peb tsis kam mus lawm, yog peb tsis coj peb tus kwvntxawg nrog peb mus, peb yuav tsis muaj cuabkav mus tshwm ntsejmuag rau tus nom nrad pom peb ntxiv lawm. Yog peb tus kwvntxawg nrog peb mus mas peb thiaj kam rov mus.’ 27Peb txiv hais rau peb tias, ‘Nej yeej paub lawm hais tias Laxees uas yog kuv tus pojniam, nws tsuas yug tau ob tug tub rau kuv xwb. 28Ob tug tub no muaj ib tug twb ncaim kuv lawm. Tsiaj nyaum twb muab nws tom thiab dua ua tej dwb daig tag lawm, txij thaum ntawd los ces kuv yeej tsis pom nws li lawm. 29Yog zaumno nej tseem coj tus no ncaim kuv mus, thiab yog tias tseem muaj xwm los raug nws thiab, ces yog laus li kuv no lawm ces ntshe kuv yuav ciali txhawm chim tuag li lau.’ ”
30Yudas hais ntxiv tias, “Tus tswv, yog kuv tsis coj tus tub no nrog kuv rovqab mus cuag kuv txiv, thaum kuv mus txog, yog nws tsis pom tus tub no nrog kuv rovqab, ces nws yeej yuav kawg tuag, vim nws muab nws txojsia cog nkaus rau nws tus tub no xwb. 31Nws tub laus heev lawm, ces nyobtsam tej kev quajntsuag uas peb ua rau nws no yuav txov nws txojsia. 32Tshaj qhov ntawd ntxiv thiab, kuv tseem tau coglus muab kuv txojsia pauv tus tub no rau kuv txiv thiab. Kuv coglus rau nws lawm, yog tias kuv tseem tsis coj tus tub no rov mus rau nws, ces kuv ua tus ris lub txim no mus tas kuv simneej. 33Tus tswv, thov koj tso tus tub no nrog nws cov tijlaug rov mus tsev, es cia kuv nrog koj nyob ua koj qhev hloov nws chaw. 34Rauqhov yog tias tus tub no tsis nrog kuv rov mus, kuv yuav ua licas muaj cuabkav rov mus cuag tau kuv txiv? Kuv tsis xav pom txoj kev puastsuaj no los raug kuv txiv li.”
Currently Selected:
Chivkeeb 44: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Chivkeeb 44
44
Lub Khob Nyiaj Ploj Lawm
1Yauxej hais rau nws tus tubtxib uas saib nws lub tsev tias, “Koj muab nplej ntim rau hauv cov neeg no tej hnab kom ntau txaus nkaus lawv thauj mus, thiab muab lawv tej nyiaj ntsaws rov rau hauv lawv lub ncauj hnab. 2Koj muab kuv lub khob nyiaj ntsaws rau hauv tus kwvntxawg lub ncauj hnab, thiab muab nws cov nyiaj uas coj tuaj yuav nplej ntsaws rau hauv thiab.” Tus tubtxib mus ua raws nraim li Yauxej hais. 3Tagkis kajntug kiag xwb, nws txawm tso cov kwvtij cab lawv tej neesluav sawvkev rovqab mus tsev lawm.
4Lawv nyuamqhuav mus tau tsis deb ntawm ntug nroog xwb, Yauxej hais rau tus tubtxib uas saib nws lub tsev hais tias, “Koj ciali majnroos mus caum cov neeg ntawd. Thaum koj caum cuag lawv lawm, koj nug lawv hais tias, ‘Vim licas nej thiajli ua qhov phem pauj qhov zoo? 5Vim licas nej nyiag kuv tus tswv lub khob nyiaj?#44:5: Ib phau ntawv qub-qub thaum ub saum hais tias Vim licas nej nyiag kuv tus tswv lub khob nyiaj?; phau lus Henplais tsis muaj cov lus no. Lub khob ntawd yog lub uas nws siv los haus dej thiab siv los saib txog yav tomntej. Nej muaj li no mas txhaum loj heev lawm lau!’ ”
6Thaum tus tubtxib mus caum cuag lawv, nws txawm hais tej lus no rau lawv. 7Lawv teb nws hais tias, “Tus tswv, koj hais li ko, yog hais txog dabtsi? Peb yeej tsis tau ua li ko ib zaug li! 8Koj twb paub lawm hais tias tej nyiaj uas peb tshawb tau hauv peb tej hnab nplej pem tebchaws Kana-as, peb twb nqa rov tuaj rau nej huv tibsi lawm. Vim licas peb ho tseem yuav nyiag nyiaj lossis kub hauv koj tus tswv lub tsev? 9Tus tswv, yog peb cov no ib tug twg tau nyiag lub khob ntawd lawm, ces muab nws tua kom tuag, dua li ces cia peb mus ua koj qhev xwb.”
10Nws teb tias, “Ua li nej hais ko; leejtwg uas muaj lub khob nyob hauv nws yuavtsum ua kuv qhev xwb; dua li cov, yuav tsis muaj txim dabtsi thiab ciali mus tsev tau.” 11Yogli ntawd, lawv thiaj majnroos tsaws lawv tej nra rau hauv av, thiab lawv nyias daws nyias lub ncauj hnab. 12Yauxej tus tubtxib ua tibzoo tshawb, pib ntawm tus tijlaug hlob lub hnab los xaus rau ntawm tus kwvntxawg lub hnab, thiaj tshawb tau lub khob nyob hauv Npeeyamees lub hnab. 13Cov tijlaug thiaj dua rhe lawv tej tsho povtseg tusiab heev, lawv tsaws nra rau lawv tej neesluav thauj thiab rovqab mus rau tom nroog.
14Thaum Yudas thiab nws cov kwvtij rov los txog hauv Yauxej tsev, Yauxej tseem nyob hauv. Lawv txhoscaug ntua rau hauv av pe nws. 15Yauxej hais rau lawv tias, “Nej ua dabtsi li ko? Nej tsis paub tias tus neeg uas zooli kuv no txawj saib txog yav tomntej no lov?”
16Yudas teb tias, “Tus tswv, peb yuav hais tau licas rau koj? Peb yuav cam tau licas? Peb yuav ua licas hais tau tias peb tsis muaj txim? Vajtswv twb muab peb tej kev txhaum nthuav tawm lawm. Zaumno ces tsis yog tus uas luag tshawb tau koj lub khob hauv nws lub hnab thiaj ua koj qhev xwb, tiamsis tagnrho peb sawvdaws puavleej ua koj qhev.”
17Yauxej teb tias, “Tsis yog li ntawd! Kuv tsis ua li nej hais ko! Tsuas yog tus uas muab kuv lub khob lawm thiaj yuav tau ua kuv qhev xwb. Dua li cov ces nej ciali rov mus tsev thiab mus cuag nej txiv ntawm txoj kev kajsiab lug.”
Yudas Thov Kom Tso Npeeyamees
18Yudas txawm txav zog mus cuag Yauxej thiab thov hais tias, “Tus tswv, thov cia kuv nrog koj tham ob-peb los. Txawm yog koj yeej zoo ib yam li Falaus lawm los thov koj tsis txhob chim rau kuv. 19Tus tswv, koj tau nug peb hais tias, ‘Nej puas muaj txiv lossis muaj kwvtij lawm thiab?’ 20Peb tau teb koj hais tias, ‘Peb muaj ib leejtxiv, nws twb laus-laus li lawm, thiab peb tshuav ib tug kwvntxawg uas yug rau thaum peb txiv twb laus-laus lawm. Tus tub no tus tijlaug tuag lawm, thiab nws niam tshuav tibtug tub ntawd thiaj tseem ua neej nyob xwb, mas nws txiv hlub nws heev.’ 21Tus tswv, koj tau hais kom peb coj nws tuaj ntawm no, rauqhov koj xav pom nws. 22Peb tau teb rau koj hais tias tus tub ntawd txiv tso tsis taus nws tseg li, yog tias tseem tsotseg thiab ces nws txiv yeej kawg tuag xwb. 23Tiamsis koj hais tias, ‘Yog nej tsis coj nej tus kwvntxawg nrog nej tuaj, ces nej tsis txhob rov tshwm ntsejmuag rau kuv pom ib zaug li lawm.’
24“Thaum peb rovqab mus txog peb txiv, peb tau qhia tej uas koj hais ntawd huv tibsi rau nws mloog. 25Tomqab ntawd nws kom peb rov tuaj thiab yuav mentsis mov mus noj. 26Peb thiaj teb nws hais tias, ‘Peb tsis kam mus lawm, yog peb tsis coj peb tus kwvntxawg nrog peb mus, peb yuav tsis muaj cuabkav mus tshwm ntsejmuag rau tus nom nrad pom peb ntxiv lawm. Yog peb tus kwvntxawg nrog peb mus mas peb thiaj kam rov mus.’ 27Peb txiv hais rau peb tias, ‘Nej yeej paub lawm hais tias Laxees uas yog kuv tus pojniam, nws tsuas yug tau ob tug tub rau kuv xwb. 28Ob tug tub no muaj ib tug twb ncaim kuv lawm. Tsiaj nyaum twb muab nws tom thiab dua ua tej dwb daig tag lawm, txij thaum ntawd los ces kuv yeej tsis pom nws li lawm. 29Yog zaumno nej tseem coj tus no ncaim kuv mus, thiab yog tias tseem muaj xwm los raug nws thiab, ces yog laus li kuv no lawm ces ntshe kuv yuav ciali txhawm chim tuag li lau.’ ”
30Yudas hais ntxiv tias, “Tus tswv, yog kuv tsis coj tus tub no nrog kuv rovqab mus cuag kuv txiv, thaum kuv mus txog, yog nws tsis pom tus tub no nrog kuv rovqab, ces nws yeej yuav kawg tuag, vim nws muab nws txojsia cog nkaus rau nws tus tub no xwb. 31Nws tub laus heev lawm, ces nyobtsam tej kev quajntsuag uas peb ua rau nws no yuav txov nws txojsia. 32Tshaj qhov ntawd ntxiv thiab, kuv tseem tau coglus muab kuv txojsia pauv tus tub no rau kuv txiv thiab. Kuv coglus rau nws lawm, yog tias kuv tseem tsis coj tus tub no rov mus rau nws, ces kuv ua tus ris lub txim no mus tas kuv simneej. 33Tus tswv, thov koj tso tus tub no nrog nws cov tijlaug rov mus tsev, es cia kuv nrog koj nyob ua koj qhev hloov nws chaw. 34Rauqhov yog tias tus tub no tsis nrog kuv rov mus, kuv yuav ua licas muaj cuabkav rov mus cuag tau kuv txiv? Kuv tsis xav pom txoj kev puastsuaj no los raug kuv txiv li.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.