Chivkeeb 38
38
Yudas Thiab Tamaj
1Thaum lub sijhawm ntawd Yudas tso nws cov kwvtij tseg thiab khiav mus nrog ib tug txivneej hu ua Hilas uas yog cov neeg hauv lub moos Adaulas nyob. 2Yudas tau ntsib cov Kana-as ib tug ntxhais nyob rau ntawd, tus ntxhais ntawd txiv hu ua Sua. Yudas thiaj yuav tus ntxhais ntawd ua pojniam, 3thiab nws yug tau ib tug tub rau Yudas; Yudas thiaj tis tus tub ntawd npe hu ua Aws. 4Tus pojniam ntawd rov xeebtub dua, nws yug tau ib tug tub, thiab nws tis tus tub ntawd npe hu ua Aunas. 5Nws rov yug tau ib tug tub ntxiv thiab nws tis tus tub ntawd npe hu ua Selas. Thaum yug tus tub ntawd Yudas tseem nyob hauv lub nroog Akhexis.
6Yudas yuav tau ib tug nyab npe hu ua Tamaj rau nws tus tub hlob Aws. 7Eles ua phem ua qias tsis haum tus TSWV siab, tus TSWV thiaj muab nws tua tuag lawm. 8Ces Yudas thiaj hais rau Eles tus kwv Aunas tias, “Koj ciali mus nrog koj tus niamtij uas yog koj tijlaug uas tuag lawm tus pojniam pw, thiab ua koj tes haujlwm ib yam li koj yog nws tus txiv tus kwv, kom koj tus tijlaug thiaj muaj cajces.” 9Tiamsis Aunas paub tias cov menyuam uas yuav yug los ntawd tsis yog nws li; ces thaum twg uas nws mus nrog nws tus niamtij pw, nws cia cov kab menyuam txuas rau hauv av, kom tsis txhob muaj taus menyuam rau nws tus tijlaug. 10Qhov uas nws ua li ntawd tsis haum tus TSWV siab, ces tus TSWV thiajli muab nws tua tuag lawm thiab.
11Ces Yudas thiajli hais rau Tamaj uas yog nws tus nyab tias, “Koj rovqab mus nyob tom koj txiv lub vaj lub tsev, ua pojntsuam tos mus txog thaum kuv tus tub Selas hlob tiav txiv tso.” Nws hais li ntawd rauqhov nws ntshai nyobtsam Selas raug tua ib yam li nws ob tug tijlaug thiab. Yogli ntawd, Tamaj thiaj rovqab mus nyob rau tom nws txiv tsev lawm.
12Tau ntev loo los tomqab no Yudas tus pojniam uas yog Sua tus ntxhais txawm tuag lawm. Thaum dhau caij quajntsuag lawm, Yudas thiab nws tus phoojywg hu ua Hilas uas nyob hauv lub nroog Adaulas thiaj mus saib nws cov neeg txiav plaub yaj uas nyob hauv lub nroog Tinas. 13Muaj neeg mus hais qhia rau Tamaj tias, nws txivyawg tabtom tuaj mus txiav plaub yaj rau hauv lub nroog Tinas. 14Ces Tamaj thiaj hloov nws cev khaubncaws pojntsuam uas nws niajhnub hnav, muab ntaub los npog nws lub ntsejmuag, thiab mus nyob ntawm ncaujke uas mus rau hauv lub zos Enayees, uas yog ib lub moos nyob ntawm txojkev mus rau hauv lub nroog Tinas. Nws yeej paub meej tias Yudas tus tub ntxawg Selas twb hlob tiav txiv lawm, tiamsis Yudas tseem pheej tsis txawj muab nkawd sibtxis ua txijnkawm li.
15Thaum Yudas pom Tamaj, nws xav tias Tamaj yog ib tug niamntiav, rauqhov Tamaj muab ntaub npog nws lub ntsejmuag lawm. 16Yudas thiaj mus rau ntawm Tamaj uas nyob ntawm ntug kev thiab hais tias, “Koj ciali mus, kuv yuav nrog koj pw, koj yuav nqi pestsawg?” (Yudas tsis paub tias Tamaj yog nws tus nyab.)
Tamaj thiaj teb tias, “Koj yuav muab dabtsi rau kuv?”
17Yudas teb tias, “Kuv yuav xa kuv ib tug menyuam tshis tuaj rau koj.”
Tamaj hais tias, “Ua li ntawd los tau, tiamsis koj yuav tau muab ib yam dabtsi rau kuv khaws tseg cia ua puavpheej mus txog thaum koj xa tus menyuam tshis tuaj rau kuv tso.”
18Yudas nug hais tias, “Kuv yuav tseg dabtsi rau koj khaws cia ua puavpheej?”
Tamaj teb tias, “Tseg koj lub homthawj uas dai txojhlua thiab tus pas nrig uas nyob ntawm koj txhais tes rau kuv.” Yudas thiaj muab tej ntawd rau Tamaj. Nkawd txawm mus pw uake, ces Tamaj txawm xeebtub. 19Tamaj rovqab mus tsev, muab nws daim ntaub npog ntsejmuag tshem thiab rov muab nws cev khaubncaws pojntsuam los hnav.
20Yudas tso nws tus phoojywg Hilas xa tus menyuam tshis mus txhiv tej khoom coglus ntawm tus pojniam rovqab los, tiamsis Hilas nrhiav tsis tau nws li lawm. 21Hilas nug cov txivneej uas nyob hauv lub nroog Enayees hais tias, “Tus niamntiav uas pheej tuaj nyob ntawm ntug kev no mus rau qhovtwg lawm?”
Cov txivneej ntawd teb tias, “Ntawm no yeej ibtxwm tsis muaj niamntiav.”
22Hilas rovqab mus cuag Yudas thiab hais tias, “Kuv nrhiav tsis tau tus pojniam ntawd li lawm. Cov txivneej uas nyob hauv lub zos ntawd hais tias yeej ibtxwm tsis muaj niamntiav nyob hauv lub zos ntawd li.”
23Yudas hais tias, “Cia nws yuav kuv cov khoom ntawd mus li. Peb tsis xav pub kom muaj neeg luag peb. Kuv twb muab tus menyuam tshis no rau koj coj mus them nws ntag, tiamsis koj mus nrhiav tsis tau nws lawm xwb.” 24Tau peb hlis tomqab muaj neeg mus qhia rau Yudas hais tias, “Tamaj uas yog koj tus nyab tau mus ua li tej niamntiav ua, thiab nimno nws xeebtub lawm.”
Yudas thiaj xaaj tawv qhawv tias, “Ciali coj nws tawm los thiab muab hluavtaws hlawv nws kom tuag.”
25Thaum lawv tabtom coj Tamaj tawm mus, nws thiaj tso xov mus rau nws txivyawg hais tias, “Kuv muaj menyuam los ntawm tus txivneej uas yog tus tswv ntawm cov khoom no. Koj muab ua tibzoo saib seb lub homthawj uas muaj txojhlua thiab tus pas nres no yog leejtwg li.”
26Yudas paub cov khoom ntawd thiab hais tias, “Tamaj tseem ncajncees dua kuv. Kuv tsis ua rawsli kuv tau coglus tseg rau nws, tsimnyog kuv yuavtsum muab nws txis rau kuv tus tub Selas.” Ces Yudas tsis mus nrog Tamaj pw ib zaug ntxiv li lawm.
27Thaum txog caij Tamaj yug menyuam, uaciav yog ib nkawg menyuam ntxaib nyob rau hauv nws plab. 28Thaum nws tabtom mob plab yuav yug menyuam, muaj ib tug txawm cev nws txhais tes tawm tuaj uantej, tus pojniam uas pab dawscev ntawd thiaj tuav nkaus txhais tes ntawd, thiab muab ib txoj xov paj liab los khi rau thiab hais tias, “Tus no yog tus yuav xub yug.” 29Tiamsis nws nkaum hlo nws txhais tes rovqab lawm, ces tus kwv txawm yug los uantej. Tus pojniam uas pab dawscev ntawd hais tias, “Eb, koj txeem tau licas los uantej!” Yogli ntawd, thiaj muab nws tis npe hu ua Pelej.#38:29: Pelej: Lub npe no los Henplais txhais hais tias “txeem tawm uantej los.” 30Tomqab ntawd tus tij uas txhais tes khi ib txoj xov paj liab mam yug los, thiab muab nws tis npe hu ua Xelas.#38:30: Xelas: Lub npe no hais muaj ntsis thooj li lolus Henplais uas hais tias “qabntug liabploog.”
Currently Selected:
Chivkeeb 38: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Chivkeeb 38
38
Yudas Thiab Tamaj
1Thaum lub sijhawm ntawd Yudas tso nws cov kwvtij tseg thiab khiav mus nrog ib tug txivneej hu ua Hilas uas yog cov neeg hauv lub moos Adaulas nyob. 2Yudas tau ntsib cov Kana-as ib tug ntxhais nyob rau ntawd, tus ntxhais ntawd txiv hu ua Sua. Yudas thiaj yuav tus ntxhais ntawd ua pojniam, 3thiab nws yug tau ib tug tub rau Yudas; Yudas thiaj tis tus tub ntawd npe hu ua Aws. 4Tus pojniam ntawd rov xeebtub dua, nws yug tau ib tug tub, thiab nws tis tus tub ntawd npe hu ua Aunas. 5Nws rov yug tau ib tug tub ntxiv thiab nws tis tus tub ntawd npe hu ua Selas. Thaum yug tus tub ntawd Yudas tseem nyob hauv lub nroog Akhexis.
6Yudas yuav tau ib tug nyab npe hu ua Tamaj rau nws tus tub hlob Aws. 7Eles ua phem ua qias tsis haum tus TSWV siab, tus TSWV thiaj muab nws tua tuag lawm. 8Ces Yudas thiaj hais rau Eles tus kwv Aunas tias, “Koj ciali mus nrog koj tus niamtij uas yog koj tijlaug uas tuag lawm tus pojniam pw, thiab ua koj tes haujlwm ib yam li koj yog nws tus txiv tus kwv, kom koj tus tijlaug thiaj muaj cajces.” 9Tiamsis Aunas paub tias cov menyuam uas yuav yug los ntawd tsis yog nws li; ces thaum twg uas nws mus nrog nws tus niamtij pw, nws cia cov kab menyuam txuas rau hauv av, kom tsis txhob muaj taus menyuam rau nws tus tijlaug. 10Qhov uas nws ua li ntawd tsis haum tus TSWV siab, ces tus TSWV thiajli muab nws tua tuag lawm thiab.
11Ces Yudas thiajli hais rau Tamaj uas yog nws tus nyab tias, “Koj rovqab mus nyob tom koj txiv lub vaj lub tsev, ua pojntsuam tos mus txog thaum kuv tus tub Selas hlob tiav txiv tso.” Nws hais li ntawd rauqhov nws ntshai nyobtsam Selas raug tua ib yam li nws ob tug tijlaug thiab. Yogli ntawd, Tamaj thiaj rovqab mus nyob rau tom nws txiv tsev lawm.
12Tau ntev loo los tomqab no Yudas tus pojniam uas yog Sua tus ntxhais txawm tuag lawm. Thaum dhau caij quajntsuag lawm, Yudas thiab nws tus phoojywg hu ua Hilas uas nyob hauv lub nroog Adaulas thiaj mus saib nws cov neeg txiav plaub yaj uas nyob hauv lub nroog Tinas. 13Muaj neeg mus hais qhia rau Tamaj tias, nws txivyawg tabtom tuaj mus txiav plaub yaj rau hauv lub nroog Tinas. 14Ces Tamaj thiaj hloov nws cev khaubncaws pojntsuam uas nws niajhnub hnav, muab ntaub los npog nws lub ntsejmuag, thiab mus nyob ntawm ncaujke uas mus rau hauv lub zos Enayees, uas yog ib lub moos nyob ntawm txojkev mus rau hauv lub nroog Tinas. Nws yeej paub meej tias Yudas tus tub ntxawg Selas twb hlob tiav txiv lawm, tiamsis Yudas tseem pheej tsis txawj muab nkawd sibtxis ua txijnkawm li.
15Thaum Yudas pom Tamaj, nws xav tias Tamaj yog ib tug niamntiav, rauqhov Tamaj muab ntaub npog nws lub ntsejmuag lawm. 16Yudas thiaj mus rau ntawm Tamaj uas nyob ntawm ntug kev thiab hais tias, “Koj ciali mus, kuv yuav nrog koj pw, koj yuav nqi pestsawg?” (Yudas tsis paub tias Tamaj yog nws tus nyab.)
Tamaj thiaj teb tias, “Koj yuav muab dabtsi rau kuv?”
17Yudas teb tias, “Kuv yuav xa kuv ib tug menyuam tshis tuaj rau koj.”
Tamaj hais tias, “Ua li ntawd los tau, tiamsis koj yuav tau muab ib yam dabtsi rau kuv khaws tseg cia ua puavpheej mus txog thaum koj xa tus menyuam tshis tuaj rau kuv tso.”
18Yudas nug hais tias, “Kuv yuav tseg dabtsi rau koj khaws cia ua puavpheej?”
Tamaj teb tias, “Tseg koj lub homthawj uas dai txojhlua thiab tus pas nrig uas nyob ntawm koj txhais tes rau kuv.” Yudas thiaj muab tej ntawd rau Tamaj. Nkawd txawm mus pw uake, ces Tamaj txawm xeebtub. 19Tamaj rovqab mus tsev, muab nws daim ntaub npog ntsejmuag tshem thiab rov muab nws cev khaubncaws pojntsuam los hnav.
20Yudas tso nws tus phoojywg Hilas xa tus menyuam tshis mus txhiv tej khoom coglus ntawm tus pojniam rovqab los, tiamsis Hilas nrhiav tsis tau nws li lawm. 21Hilas nug cov txivneej uas nyob hauv lub nroog Enayees hais tias, “Tus niamntiav uas pheej tuaj nyob ntawm ntug kev no mus rau qhovtwg lawm?”
Cov txivneej ntawd teb tias, “Ntawm no yeej ibtxwm tsis muaj niamntiav.”
22Hilas rovqab mus cuag Yudas thiab hais tias, “Kuv nrhiav tsis tau tus pojniam ntawd li lawm. Cov txivneej uas nyob hauv lub zos ntawd hais tias yeej ibtxwm tsis muaj niamntiav nyob hauv lub zos ntawd li.”
23Yudas hais tias, “Cia nws yuav kuv cov khoom ntawd mus li. Peb tsis xav pub kom muaj neeg luag peb. Kuv twb muab tus menyuam tshis no rau koj coj mus them nws ntag, tiamsis koj mus nrhiav tsis tau nws lawm xwb.” 24Tau peb hlis tomqab muaj neeg mus qhia rau Yudas hais tias, “Tamaj uas yog koj tus nyab tau mus ua li tej niamntiav ua, thiab nimno nws xeebtub lawm.”
Yudas thiaj xaaj tawv qhawv tias, “Ciali coj nws tawm los thiab muab hluavtaws hlawv nws kom tuag.”
25Thaum lawv tabtom coj Tamaj tawm mus, nws thiaj tso xov mus rau nws txivyawg hais tias, “Kuv muaj menyuam los ntawm tus txivneej uas yog tus tswv ntawm cov khoom no. Koj muab ua tibzoo saib seb lub homthawj uas muaj txojhlua thiab tus pas nres no yog leejtwg li.”
26Yudas paub cov khoom ntawd thiab hais tias, “Tamaj tseem ncajncees dua kuv. Kuv tsis ua rawsli kuv tau coglus tseg rau nws, tsimnyog kuv yuavtsum muab nws txis rau kuv tus tub Selas.” Ces Yudas tsis mus nrog Tamaj pw ib zaug ntxiv li lawm.
27Thaum txog caij Tamaj yug menyuam, uaciav yog ib nkawg menyuam ntxaib nyob rau hauv nws plab. 28Thaum nws tabtom mob plab yuav yug menyuam, muaj ib tug txawm cev nws txhais tes tawm tuaj uantej, tus pojniam uas pab dawscev ntawd thiaj tuav nkaus txhais tes ntawd, thiab muab ib txoj xov paj liab los khi rau thiab hais tias, “Tus no yog tus yuav xub yug.” 29Tiamsis nws nkaum hlo nws txhais tes rovqab lawm, ces tus kwv txawm yug los uantej. Tus pojniam uas pab dawscev ntawd hais tias, “Eb, koj txeem tau licas los uantej!” Yogli ntawd, thiaj muab nws tis npe hu ua Pelej.#38:29: Pelej: Lub npe no los Henplais txhais hais tias “txeem tawm uantej los.” 30Tomqab ntawd tus tij uas txhais tes khi ib txoj xov paj liab mam yug los, thiab muab nws tis npe hu ua Xelas.#38:30: Xelas: Lub npe no hais muaj ntsis thooj li lolus Henplais uas hais tias “qabntug liabploog.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.