Khiav Dim 30
30
Lub Thaj Hlawv Hmoov Tshuaj Tswqab
(Khiav Dim 37:25-28)
1“Ciali muab ntoo kubtwg ua ib lub thaj hlawv hmoov tshuaj tswqab. 2Lub thaj ntawd yuavtsum muab txua ua xwmfab xwmmeem, ntev 45 xatimev thiab dav 45 xatimev, thiab siab 90 xatimev. Txua plaub tug kub koom hlo rau plaub cegkaum thaj. 3Muab tej tseem-tseem kub vuam sab saud, vuam rau plaub sab, thiab plaub tug kub huv tibsi, thiab muab ib pluaj kub ntsia npuab tus ntug thoobplaws. 4Ua plaub lub khawb kub rau lub thaj thiab muab ntsia rau ob sab hauvqab tus ntug, ib sab twg ob lub ua chaw ntxig las kwv lub thaj. 5Muab ntoo kubtwg txua ua ob tug las kwv lub thaj thiab muab kub vuam rau huv tibsi.
6“Muab lub thaj ntawd txawb rau ntawm daim ntaub uas thaiv lub Phijxab Lus Cogtseg sabnraum no. Qhov chaw ntawd yog qhov chaw uas Kuv yuav ntsib koj. 7Txhua tagkis uas Aloos tuaj tu cov teeb, nws yuavtsum hlawv hmoov tshuaj kom tswqab ntxiag rau saum lub thaj ntawd. 8Thaum yav yuav tsausntuj uas Aloos tuaj taws cov teeb, los nws yuavtsum hlawv tej hmoov tshuaj tswqab ntawd ib yam nkaus thiab. Tej hmoov tshuaj tswqab no yuavtsum hlawv fij rau tus TSWV ib tiam rau ib tiam mus li. 9Tsis txhob muab tej yam hmoov tshuaj tswqab uas tsis dawbhuv, lossis tsiaj, lossis qoobloo, hlawv rau saum lub thaj ntawd; thiab tsis pub hliv cawv txivhmab fij rau saum lub thaj ntawd. 10Aloos yuavtsum muab tej ntshav tsiaj uas tua theej txhoj, pleev lub thaj plaub tug kub ua kevcai ntxuav ib xyoos ib zaug. Ib tiam rau ib tiam, yuavtsum ua li no txhua xyoo mus li. Lub thaj no yog lub uas dawbhuv kawg nkaus rau Kuv, uas yog tus TSWV.”
Sau Se Rau Lub Tsevntaub Sibntsib
11Tus TSWV hais rau Mauxes tias, 12“Thaum koj txheeb cov Yixalayees npe, txhua tus txivneej yuavtsum them nyiaj rau Kuv ua tus nqi txhiv nws txojsia rovqab, kom thaum koj tabtom txheeb npe, lawv thiaj yuav tsis raug kev puastsuaj. 13Txhua tus uas tau muaj npe teev cia lawm yuavtsum them nyiaj kom puvntoob li uas tau kom tseg, uas yog muab luj kom hnyav ntaus nqi rawsli nomtswv kevcai. Txhua tus yuavtsum them cov nyiaj no ua khoom fij rau Kuv, uas yog tus TSWV. #Khiav 38:25-26; Math 17:24
14“Txhua tus neeg uas muaj hnubnyoog neesnkaum xyoo rov saud uas twb sau npe tag lawm, yuavtsum them nyiaj rau Kuv, uas yog tus TSWV. 15Thaum lawv them cov nyiaj txhiv lawv txojsia no, kom tus npluanuj tsis pub them tshaj, thiab tus pluag tsis pub them tsawg. 16Txais cov nyiaj uas cov pejxeem Yixalayees coj tuaj khaws tseg tau siv ua haujlwm rau hauv lub Tsevntaub Sibntsib. Cov se no yuav ua rau lawv ncontsoov tus nqi uas lawv txhiv lawv txojsia; Kuv yuav ncontsoov tsomkwm lawv.”
Lub Phiab Tooj
17Tus TSWV hais rau Mauxes tias, 18“Koj muab tooj los ua ib lub phiab thiab lub taw tiag phiab. Coj mus txawb rau kis nruabnrab ntawm lub Tsevntaub Sibntsib thiab lub thaj, thiab nqa dej los hliv rau hauv lub phiab ntawd. 19Aloos thiab nws cov tub thiaj tau cov dej ntawd ntxuav tes ntxuav taw 20uantej lawv mus hauv lub Tsevntaub Sibntsib lossis thaum lawv mus sawv fij khoom noj rau ntawm lub thaj, kom lawv thiaj tsis raug tua tuag. 21Lawv yuavtsum ncontsoov ntxuav tes thiab ntxuav taw, kom lawv thiaj yuav tsis tuag. Qhov no ua ib txoj kevcai rau lawv thiab lawv cajces yuavtsum tau coj ua ib tiam rau ib tiam mus li.”
Roj Txhawb Meejthawj
22Tus TSWV hais rau Mauxes tias, 23“Koj ciali muab cov khoom tswqab uas zoo tshajplaws: 6 kilus tshuaj tswqab maules uas ua kua, 3 kilus xinamoos tswqab, 3 kilus kabtsib tauj tswqab, 24thiab 6 kilus ntoo kubtwg (muab luj kom hnyav ntaus nqi rawsli nomtswv kevcai). Hliv 4 liv roj txivntoo ntxiv rau, 25thiab muab nyoj ua cov roj txhawb meejthawj dawbhuv, sibtov kom tsheej li cov tshuaj tswqab.
26“Muab cov roj ntawd pleev lub Tsevntaub Sibntsib thiab lub Phijxab Lus Cogtseg, 27pleev lub rooj thiab tej cuabyeej uas siv rau lub rooj, pleev tus ncej txawb teeb thiab tej cuabyeej uas siv rau tus ncej txawb teeb, lub thaj hlawv hmoov tshuaj tswqab, 28lub thaj uas hlawv tej khoom fij nrog rau tej cuabyeej uas siv rau lub thaj ntawd, thiab lub phiab tooj uas ntxuav tes ntxuav taw thiab lub taw tiag phiab. #Khiav 38:8; 30:22-28; Khiav 37:29 29Qhov uas koj ua li no yog muab tej ntawd fij kom dawbhuv, txhua tus neeg lossis txhua yam uas mus chwv lub thaj ntawd yuav ciali dhau mus ua yam dawbhuv, vim lawv chwv raug yam uas dawbhuv lawm.
30“Koj muab cov roj txhawb meejthawj hliv ywg Aloos thiab nws cov tub, thiab muab lawv tsa ua cov povthawj hlob ua Kuv haujlwm. 31Koj hais rau cov pejxeem Yixalayees tias, ‘Nej yuavtsum siv cov roj txhawb meejthawj uas dawbhuv no rau kev ua Kuv li haujlwm ib tiam rau ib tiam mus li. 32Tsis txhob muab cov roj no hliv rau tej tus neeg uas tsis raug tsa, thiab tsis txhob siv tus qauv no mus ua dua lwm cov roj uas zooli cov no. Cov no yog roj dawbhuv, mas koj yuavtsum suav hais tias nws yog roj dawbhuv. 33Yog leejtwg lam siv tus qauv no mus ua dua ib co roj uas zooli cov no lossis muab cov no mus hliv rau tus neeg uas tsis yog povthawj hlob, tus ntawd yuav raug rho tawm hauv Kuv haivneeg mus.’ ”
Tej Hmoov Tshuaj Tswqab
34Tus TSWV hais rau Mauxes tias, “Koj ciali muab cov tseem roj ntoo tswqab no ib yam mentsis los: xatates, aunikas, nkanpanoos thiab cov tseem roj ntoo tswqab ntxiag, muab luj kom hnyav sibnpaug zos. 35Coj mus zom uake ua ib co hmoov tshuaj tswqab; muab ntsev ntxiv rau kom sibtov zoo thiab dawbhuv. 36Muab zom kom ua hmoov mos-mos, thiab nqa mus cia rau hauv lub Tsevntaub Sibntsib, thiab muab nphoo rau ntawm hauvntej lub Phijxab Lus Cogtseg. Nej yuavtsum suav hais tias cov hmoov tshuaj tswqab no yog yam uas dawbhuv heev. 37Tsis txhob siv tus qauv no mus ua ib co hmoov tshuaj tswqab rau nej siv. Nej yuavtsum suav hais tias cov hmoov tshuaj tswqab no yog yam uas dawbhuv rau tus TSWV. 38Yog leejtwg tseem ua dua ib co hmoov tshuaj tswqab zooli no los siv, tus ntawd yuav raug rho tawm hauv Kuv haivneeg mus.”
Currently Selected:
Khiav Dim 30: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Khiav Dim 30
30
Lub Thaj Hlawv Hmoov Tshuaj Tswqab
(Khiav Dim 37:25-28)
1“Ciali muab ntoo kubtwg ua ib lub thaj hlawv hmoov tshuaj tswqab. 2Lub thaj ntawd yuavtsum muab txua ua xwmfab xwmmeem, ntev 45 xatimev thiab dav 45 xatimev, thiab siab 90 xatimev. Txua plaub tug kub koom hlo rau plaub cegkaum thaj. 3Muab tej tseem-tseem kub vuam sab saud, vuam rau plaub sab, thiab plaub tug kub huv tibsi, thiab muab ib pluaj kub ntsia npuab tus ntug thoobplaws. 4Ua plaub lub khawb kub rau lub thaj thiab muab ntsia rau ob sab hauvqab tus ntug, ib sab twg ob lub ua chaw ntxig las kwv lub thaj. 5Muab ntoo kubtwg txua ua ob tug las kwv lub thaj thiab muab kub vuam rau huv tibsi.
6“Muab lub thaj ntawd txawb rau ntawm daim ntaub uas thaiv lub Phijxab Lus Cogtseg sabnraum no. Qhov chaw ntawd yog qhov chaw uas Kuv yuav ntsib koj. 7Txhua tagkis uas Aloos tuaj tu cov teeb, nws yuavtsum hlawv hmoov tshuaj kom tswqab ntxiag rau saum lub thaj ntawd. 8Thaum yav yuav tsausntuj uas Aloos tuaj taws cov teeb, los nws yuavtsum hlawv tej hmoov tshuaj tswqab ntawd ib yam nkaus thiab. Tej hmoov tshuaj tswqab no yuavtsum hlawv fij rau tus TSWV ib tiam rau ib tiam mus li. 9Tsis txhob muab tej yam hmoov tshuaj tswqab uas tsis dawbhuv, lossis tsiaj, lossis qoobloo, hlawv rau saum lub thaj ntawd; thiab tsis pub hliv cawv txivhmab fij rau saum lub thaj ntawd. 10Aloos yuavtsum muab tej ntshav tsiaj uas tua theej txhoj, pleev lub thaj plaub tug kub ua kevcai ntxuav ib xyoos ib zaug. Ib tiam rau ib tiam, yuavtsum ua li no txhua xyoo mus li. Lub thaj no yog lub uas dawbhuv kawg nkaus rau Kuv, uas yog tus TSWV.”
Sau Se Rau Lub Tsevntaub Sibntsib
11Tus TSWV hais rau Mauxes tias, 12“Thaum koj txheeb cov Yixalayees npe, txhua tus txivneej yuavtsum them nyiaj rau Kuv ua tus nqi txhiv nws txojsia rovqab, kom thaum koj tabtom txheeb npe, lawv thiaj yuav tsis raug kev puastsuaj. 13Txhua tus uas tau muaj npe teev cia lawm yuavtsum them nyiaj kom puvntoob li uas tau kom tseg, uas yog muab luj kom hnyav ntaus nqi rawsli nomtswv kevcai. Txhua tus yuavtsum them cov nyiaj no ua khoom fij rau Kuv, uas yog tus TSWV. #Khiav 38:25-26; Math 17:24
14“Txhua tus neeg uas muaj hnubnyoog neesnkaum xyoo rov saud uas twb sau npe tag lawm, yuavtsum them nyiaj rau Kuv, uas yog tus TSWV. 15Thaum lawv them cov nyiaj txhiv lawv txojsia no, kom tus npluanuj tsis pub them tshaj, thiab tus pluag tsis pub them tsawg. 16Txais cov nyiaj uas cov pejxeem Yixalayees coj tuaj khaws tseg tau siv ua haujlwm rau hauv lub Tsevntaub Sibntsib. Cov se no yuav ua rau lawv ncontsoov tus nqi uas lawv txhiv lawv txojsia; Kuv yuav ncontsoov tsomkwm lawv.”
Lub Phiab Tooj
17Tus TSWV hais rau Mauxes tias, 18“Koj muab tooj los ua ib lub phiab thiab lub taw tiag phiab. Coj mus txawb rau kis nruabnrab ntawm lub Tsevntaub Sibntsib thiab lub thaj, thiab nqa dej los hliv rau hauv lub phiab ntawd. 19Aloos thiab nws cov tub thiaj tau cov dej ntawd ntxuav tes ntxuav taw 20uantej lawv mus hauv lub Tsevntaub Sibntsib lossis thaum lawv mus sawv fij khoom noj rau ntawm lub thaj, kom lawv thiaj tsis raug tua tuag. 21Lawv yuavtsum ncontsoov ntxuav tes thiab ntxuav taw, kom lawv thiaj yuav tsis tuag. Qhov no ua ib txoj kevcai rau lawv thiab lawv cajces yuavtsum tau coj ua ib tiam rau ib tiam mus li.”
Roj Txhawb Meejthawj
22Tus TSWV hais rau Mauxes tias, 23“Koj ciali muab cov khoom tswqab uas zoo tshajplaws: 6 kilus tshuaj tswqab maules uas ua kua, 3 kilus xinamoos tswqab, 3 kilus kabtsib tauj tswqab, 24thiab 6 kilus ntoo kubtwg (muab luj kom hnyav ntaus nqi rawsli nomtswv kevcai). Hliv 4 liv roj txivntoo ntxiv rau, 25thiab muab nyoj ua cov roj txhawb meejthawj dawbhuv, sibtov kom tsheej li cov tshuaj tswqab.
26“Muab cov roj ntawd pleev lub Tsevntaub Sibntsib thiab lub Phijxab Lus Cogtseg, 27pleev lub rooj thiab tej cuabyeej uas siv rau lub rooj, pleev tus ncej txawb teeb thiab tej cuabyeej uas siv rau tus ncej txawb teeb, lub thaj hlawv hmoov tshuaj tswqab, 28lub thaj uas hlawv tej khoom fij nrog rau tej cuabyeej uas siv rau lub thaj ntawd, thiab lub phiab tooj uas ntxuav tes ntxuav taw thiab lub taw tiag phiab. #Khiav 38:8; 30:22-28; Khiav 37:29 29Qhov uas koj ua li no yog muab tej ntawd fij kom dawbhuv, txhua tus neeg lossis txhua yam uas mus chwv lub thaj ntawd yuav ciali dhau mus ua yam dawbhuv, vim lawv chwv raug yam uas dawbhuv lawm.
30“Koj muab cov roj txhawb meejthawj hliv ywg Aloos thiab nws cov tub, thiab muab lawv tsa ua cov povthawj hlob ua Kuv haujlwm. 31Koj hais rau cov pejxeem Yixalayees tias, ‘Nej yuavtsum siv cov roj txhawb meejthawj uas dawbhuv no rau kev ua Kuv li haujlwm ib tiam rau ib tiam mus li. 32Tsis txhob muab cov roj no hliv rau tej tus neeg uas tsis raug tsa, thiab tsis txhob siv tus qauv no mus ua dua lwm cov roj uas zooli cov no. Cov no yog roj dawbhuv, mas koj yuavtsum suav hais tias nws yog roj dawbhuv. 33Yog leejtwg lam siv tus qauv no mus ua dua ib co roj uas zooli cov no lossis muab cov no mus hliv rau tus neeg uas tsis yog povthawj hlob, tus ntawd yuav raug rho tawm hauv Kuv haivneeg mus.’ ”
Tej Hmoov Tshuaj Tswqab
34Tus TSWV hais rau Mauxes tias, “Koj ciali muab cov tseem roj ntoo tswqab no ib yam mentsis los: xatates, aunikas, nkanpanoos thiab cov tseem roj ntoo tswqab ntxiag, muab luj kom hnyav sibnpaug zos. 35Coj mus zom uake ua ib co hmoov tshuaj tswqab; muab ntsev ntxiv rau kom sibtov zoo thiab dawbhuv. 36Muab zom kom ua hmoov mos-mos, thiab nqa mus cia rau hauv lub Tsevntaub Sibntsib, thiab muab nphoo rau ntawm hauvntej lub Phijxab Lus Cogtseg. Nej yuavtsum suav hais tias cov hmoov tshuaj tswqab no yog yam uas dawbhuv heev. 37Tsis txhob siv tus qauv no mus ua ib co hmoov tshuaj tswqab rau nej siv. Nej yuavtsum suav hais tias cov hmoov tshuaj tswqab no yog yam uas dawbhuv rau tus TSWV. 38Yog leejtwg tseem ua dua ib co hmoov tshuaj tswqab zooli no los siv, tus ntawd yuav raug rho tawm hauv Kuv haivneeg mus.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.