Khiav Dim 2
2
Yug Mauxes
1Thaum ntawd muaj ib tug txivneej uas yog xeem Levis, rov mus yuav nws xeem ib tug ntxhais los ua pojniam, 2thiab tus pojniam ntawd yug tau ib tug tub rau nws. Thaum tus pojniam ntawd pom tias tus metub ntxim hlub heev, nws txawm muab tus metub ntawd zais tau peb lub hlis. #Teshl 7:20; Henpl 11:23 3Tiamsis thaum uas nws zais tsis tau tus metub ntawd ntxiv lawm, nws thiaj muab ib lub tawb lojkov los, thiab muab roj ntoos leem tsis pub kom dej txeem tau rau sabhauv. Nws muab tus metub ntawd tso pw rau hauv lub tawb thiab nqa mus tso rau hauv cov hav lojkov nram ntug dej. 4Tus metub ntawd tus muam thiaj sawv ibcag deb tsawv saib seb puas yuav muaj xwm dabtsi los raug rau tus metub ntawd.
5Falaus tus ntxhais mus da dej nram havdej, thaum uas nws cov ntxhais qhev ncig uasi ntawm ntug dej. Tamsim ntawd nws txawm pom ib lub tawb nyob hauv cov lojkov, ces nws thiaj kom ib tug nkauj qhe mus nqa los rau nws. 6Thaum nws muab qhib hlo saib, uaciav nws pom ib tug metub quaj-quaj nyob rau hauv, ua rau Falaus tus ntxhais hlub nws heev; nws thiaj hais tias, “Tus no yuavtsum yog cov Henplais li menyuam xwb.”
7Tus metub ntawd tus muam thiaj los hais rau Falaus tus ntxhais hais tias, “Koj puas xav kom kuv mus nrhiav ib tug pojniam Henplais tuaj tu tus metub no rau koj?”
8Falaus tus ntxhais teb tias, “Aws, thov koj ciali mus nrhiav.” Yogli ntawd, tus ntxhais ntawd thiaj mus coj tus metub ntawd leejniam tuaj. 9Falaus tus ntxhais hais rau tus pojniam ntawd tias, “Koj coj tus menyuam no mus tu rau kuv, kuv mam muab nqizog rau koj.” Yogli ntawd, nws thiaj coj tus metub ntawd los tu.
10Thaum tus menyuam ntawd lojhlob lawm, leejniam thiaj coj mus cob rau Falaus tus ntxhais, uas nws tau txais yuav tus menyuam ntawd ua nws tus tub. Falaus tus ntxhais hais tias, “Kuv muab tau tus tub no hauv dej los, yogli ntawd, kuv yuav tis nws lub npe hu ua Mauxes.”#2:10: Mauxes: Lub npe no hais muaj ntsis thooj li lolus Henplais uas hais tias “muab tawm los.” #Teshl 7:21
Mauxes Khiav Mus Rau Tebchaws Midias
11Muaj ib hnub, thaum Mauxes hlob tiav txiv lawm, nws txawm mus ncig saib nws haivneeg, uas yog cov Henplais; nws pom lawv raug quabyuam ua haujlwm hnyav kawg li. Nws pom ib tug txivneej Iziv muab ib tug Henplais uas yog Mauxes haivneeg ntaus. #Henpl 11:24 12Mauxes txawm xam ncig pes leeg, thiab pom tias tsis muaj leejtwg pom, ces nws txawm muab tus neeg Iziv ntawd tua thiab muab coj mus zais rau hauv cov xuabzeb lawm. 13Hnub tomqab Mauxes rov tawm mus thiab pom ob tug txivneej Henplais tabtom sibntaus. Mauxes hais rau tus uas ua txhaum tias, “Uacas koj lam ntaus koj haivneeg Henplais?”
14Tus txivneej ntawd teb tias, “Leejtwg tsa koj ua tus kav thiab txiavtxim rau wb? Koj yuav muab kuv tua ib yam li koj tua tus neeg Iziv ntawd thiab lov?” Ces Mauxes ntshai heev thiab nws xav tias, “Muaj neeg paub txog zaj uas kuv ua tag los lawm lau.” #Teshl 7:23-28 15Thaum Falaus hnov zaj no, nws thiaj nrhiav Mauxes tua povtseg, tiamsis Mauxes twb xub khiav mus rau tim tebchaws Midias lawm.
Muaj ib hnub, thaum Mauxes tabtom zaum ntawm ib lub qhovdej, #Teshl 7:29; Henpl 11:27 16Yethoos uas yog tus povthawj hlob hauv tebchaws Midias, xya tus ntxhais txawm tuaj ntaus dej hliv rau hauv cov dab rau lawv txiv cov yaj thiab cov tshis haus. 17Tiamsis cov neeg yug yaj muab Yethoos cov ntxhais raws khiav. Ces Mauxes thiaj mus pab lawv thiab ntaus dej rau lawv cov tsiaj haus. 18Thaum lawv rov los txog ntawm lawv txiv uas yog Le-uyees, nws nug lawv tias, “Uacas hnubno nej los tsev ntxov ualuaj?”
19Lawv teb tias, “Muaj ib tug neeg Iziv pab peb, tsis pub cov yug yaj ua phem rau peb; nws tseem ntaus dej rau peb thiab peb tej tsiaj haus thiab.”
20Yethoos nug nws cov ntxhais hais tias, “Nws nyob qhovtwg? Ua licas nej tseem muab nws tsotseg rau tom qhovdej lawm thiab? Ciali mus hu nws los nrog peb noj mov.”
21Yogli ntawd, Mauxes thiaj txiavtxim siab nrog Yethoos nyob rau hauv tebchaws Midias. Yethoos muab nws tus ntxhais Xipaulas rau Mauxes yuav, 22thiab yug tau ib tug tub rau Mauxes. Mauxes hais tias, “Kuv yog neeg txawv tebchaws nyob hauv lub tebchaws no, yogli ntawd, kuv tis kuv tus tub no lub npe hu ua Nkawsoos.”#2:22: Nkawsoos: Lub npe no hais muaj ntsis thooj li lolus Henplais uas hais tias “neeg txawv tebchaws.”
23Tau ntau xyoo tomqab no, cov Iziv tus vajntxwv tau tuag, tiamsis cov Yixalayees tseem pheej quajntsuag rau txoj kev ua qhev thiab quaj thov kev pab. Lawv tej suab quaj mus txog Vajtswv, 24Vajtswv hnov lawv tej suab quaj thiab nco txog tej lus uas Nws tau cogtseg rau Anplahas, Ixaj, thiab Yakhauj lawm. #Chiv 15:13-14 25Nws pom cov Yixalayees txoj kev ua luag qhev mas Nws hlub lawv kawg li.#2:25: hlub lawv kawg li; Ib phau ntawv qub-qub thaum ub saum hais tias qhia Nws tuskheej rau lawv.
Currently Selected:
Khiav Dim 2: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Khiav Dim 2
2
Yug Mauxes
1Thaum ntawd muaj ib tug txivneej uas yog xeem Levis, rov mus yuav nws xeem ib tug ntxhais los ua pojniam, 2thiab tus pojniam ntawd yug tau ib tug tub rau nws. Thaum tus pojniam ntawd pom tias tus metub ntxim hlub heev, nws txawm muab tus metub ntawd zais tau peb lub hlis. #Teshl 7:20; Henpl 11:23 3Tiamsis thaum uas nws zais tsis tau tus metub ntawd ntxiv lawm, nws thiaj muab ib lub tawb lojkov los, thiab muab roj ntoos leem tsis pub kom dej txeem tau rau sabhauv. Nws muab tus metub ntawd tso pw rau hauv lub tawb thiab nqa mus tso rau hauv cov hav lojkov nram ntug dej. 4Tus metub ntawd tus muam thiaj sawv ibcag deb tsawv saib seb puas yuav muaj xwm dabtsi los raug rau tus metub ntawd.
5Falaus tus ntxhais mus da dej nram havdej, thaum uas nws cov ntxhais qhev ncig uasi ntawm ntug dej. Tamsim ntawd nws txawm pom ib lub tawb nyob hauv cov lojkov, ces nws thiaj kom ib tug nkauj qhe mus nqa los rau nws. 6Thaum nws muab qhib hlo saib, uaciav nws pom ib tug metub quaj-quaj nyob rau hauv, ua rau Falaus tus ntxhais hlub nws heev; nws thiaj hais tias, “Tus no yuavtsum yog cov Henplais li menyuam xwb.”
7Tus metub ntawd tus muam thiaj los hais rau Falaus tus ntxhais hais tias, “Koj puas xav kom kuv mus nrhiav ib tug pojniam Henplais tuaj tu tus metub no rau koj?”
8Falaus tus ntxhais teb tias, “Aws, thov koj ciali mus nrhiav.” Yogli ntawd, tus ntxhais ntawd thiaj mus coj tus metub ntawd leejniam tuaj. 9Falaus tus ntxhais hais rau tus pojniam ntawd tias, “Koj coj tus menyuam no mus tu rau kuv, kuv mam muab nqizog rau koj.” Yogli ntawd, nws thiaj coj tus metub ntawd los tu.
10Thaum tus menyuam ntawd lojhlob lawm, leejniam thiaj coj mus cob rau Falaus tus ntxhais, uas nws tau txais yuav tus menyuam ntawd ua nws tus tub. Falaus tus ntxhais hais tias, “Kuv muab tau tus tub no hauv dej los, yogli ntawd, kuv yuav tis nws lub npe hu ua Mauxes.”#2:10: Mauxes: Lub npe no hais muaj ntsis thooj li lolus Henplais uas hais tias “muab tawm los.” #Teshl 7:21
Mauxes Khiav Mus Rau Tebchaws Midias
11Muaj ib hnub, thaum Mauxes hlob tiav txiv lawm, nws txawm mus ncig saib nws haivneeg, uas yog cov Henplais; nws pom lawv raug quabyuam ua haujlwm hnyav kawg li. Nws pom ib tug txivneej Iziv muab ib tug Henplais uas yog Mauxes haivneeg ntaus. #Henpl 11:24 12Mauxes txawm xam ncig pes leeg, thiab pom tias tsis muaj leejtwg pom, ces nws txawm muab tus neeg Iziv ntawd tua thiab muab coj mus zais rau hauv cov xuabzeb lawm. 13Hnub tomqab Mauxes rov tawm mus thiab pom ob tug txivneej Henplais tabtom sibntaus. Mauxes hais rau tus uas ua txhaum tias, “Uacas koj lam ntaus koj haivneeg Henplais?”
14Tus txivneej ntawd teb tias, “Leejtwg tsa koj ua tus kav thiab txiavtxim rau wb? Koj yuav muab kuv tua ib yam li koj tua tus neeg Iziv ntawd thiab lov?” Ces Mauxes ntshai heev thiab nws xav tias, “Muaj neeg paub txog zaj uas kuv ua tag los lawm lau.” #Teshl 7:23-28 15Thaum Falaus hnov zaj no, nws thiaj nrhiav Mauxes tua povtseg, tiamsis Mauxes twb xub khiav mus rau tim tebchaws Midias lawm.
Muaj ib hnub, thaum Mauxes tabtom zaum ntawm ib lub qhovdej, #Teshl 7:29; Henpl 11:27 16Yethoos uas yog tus povthawj hlob hauv tebchaws Midias, xya tus ntxhais txawm tuaj ntaus dej hliv rau hauv cov dab rau lawv txiv cov yaj thiab cov tshis haus. 17Tiamsis cov neeg yug yaj muab Yethoos cov ntxhais raws khiav. Ces Mauxes thiaj mus pab lawv thiab ntaus dej rau lawv cov tsiaj haus. 18Thaum lawv rov los txog ntawm lawv txiv uas yog Le-uyees, nws nug lawv tias, “Uacas hnubno nej los tsev ntxov ualuaj?”
19Lawv teb tias, “Muaj ib tug neeg Iziv pab peb, tsis pub cov yug yaj ua phem rau peb; nws tseem ntaus dej rau peb thiab peb tej tsiaj haus thiab.”
20Yethoos nug nws cov ntxhais hais tias, “Nws nyob qhovtwg? Ua licas nej tseem muab nws tsotseg rau tom qhovdej lawm thiab? Ciali mus hu nws los nrog peb noj mov.”
21Yogli ntawd, Mauxes thiaj txiavtxim siab nrog Yethoos nyob rau hauv tebchaws Midias. Yethoos muab nws tus ntxhais Xipaulas rau Mauxes yuav, 22thiab yug tau ib tug tub rau Mauxes. Mauxes hais tias, “Kuv yog neeg txawv tebchaws nyob hauv lub tebchaws no, yogli ntawd, kuv tis kuv tus tub no lub npe hu ua Nkawsoos.”#2:22: Nkawsoos: Lub npe no hais muaj ntsis thooj li lolus Henplais uas hais tias “neeg txawv tebchaws.”
23Tau ntau xyoo tomqab no, cov Iziv tus vajntxwv tau tuag, tiamsis cov Yixalayees tseem pheej quajntsuag rau txoj kev ua qhev thiab quaj thov kev pab. Lawv tej suab quaj mus txog Vajtswv, 24Vajtswv hnov lawv tej suab quaj thiab nco txog tej lus uas Nws tau cogtseg rau Anplahas, Ixaj, thiab Yakhauj lawm. #Chiv 15:13-14 25Nws pom cov Yixalayees txoj kev ua luag qhev mas Nws hlub lawv kawg li.#2:25: hlub lawv kawg li; Ib phau ntawv qub-qub thaum ub saum hais tias qhia Nws tuskheej rau lawv.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.