Khiav Dim 19
19
Cov Yixalayees Nyob Ntawm Taw Roob Xinais
1-2Cov Yixalayees tawm hauv Lefidees los txog rau ntawm tiaj suabpuam Xinais, yog hnub xiab ib, lub peb hli ntuj, tomqab uas lawv khiav hauv tebchaws Iziv los. Lawv tsa tsevntaub nyob rau ntawm taw Roob Xinais, 3thiab Mauxes nce mus cuag Vajtswv saum roob.
Tus TSWV hu saum roob tuaj rau Mauxes thiab qhia kom nws mus hais rau cov neeg Yixalayees uas yog Yakhauj tsev neeg hais tias, 4“Nej twb pom qhov uas Kuv, uas yog tus TSWV, tau ua rau cov Iziv thiab qhov uas Kuv tau nqa nej ib yam li tus dav nqa nws cov menyuam ntawm nws ob sab tis, es coj nej los cuag Kuv. 5Nimno, yog nej mloog Kuv lus thiab ua rawsli Kuv tej lus cogtseg, nej thiaj yuav yog Kuv haivneeg. Tagnrho lub ntiajteb no yeej yog Kuv li, tiamsis nej yog cov uas raug xaiv los ua Kuv haivneeg, #2Kev 4:20; 7:6; 14:2; 26:18; Titus 2:14 6nej yuav yog Kuv cov povthawj hlob, thiab yog ib haivneeg dawbhuv.” #1Pet 2:9
7Yogli ntawd, Mauxes thiaj nqis los thiab hu tagnrho cov pejxeem thiab cov thawjcoj tuaj uake, thiab piav txhua yam uas tus TSWV tau xaaj rau nws los hais rau lawv mloog. 8Ces lawv txawm thoojtxhij teb tias, “Peb yuav ua txhua yam rawsli tus TSWV tau hais ntawd.” Mauxes thiaj coj tej lus uas lawv lees ntawd mus rau tus TSWV.
9Tus TSWV hais rau Mauxes tias, “Kuv yuav los cuag koj hauv tauv huab uas tuab tsaus nti, kom cov pejxeem thiajli hnov Kuv lub suab nrog koj tham thiab thiaj yuav ntseeg koj mus li.”
Mauxes piav cov pejxeem tej lus rau tus TSWV mloog, 10ces tus TSWV hais rau Mauxes tias, “Koj mus cuag cov pejxeem thiab hais kom lawv siv hnubno thiab tagkis los ntxuav lawv kom dawbhuv rau kev pehawm Vajtswv. Lawv yuavtsum ntxhua lawv tej khaubncaws 11thiab npaj kom txhij rau hnub thib peb,#19:11: hnub thib peb; lossis nagkis. rauqhov hnub ntawd Kuv yuav los saum Roob Xinais los kom sawvdaws pom Kuv. 12Koj yuavtsum kem ciam ncig lub taw roob, kom cov pejxeem tsis txhob hla tus ciam ntawd; thiab hais kom lawv tsis txhob nce mus saum roob lossis mus ze lub taw roob. Yog leejtwg cev taw mus tsuj lub taw roob, tus ntawd yuav raug tua kom tuag; 13yuavtsum muab pobzeb txawb lossis muab hneevnti tua nws, tiamsis txwv tsis pub siv tes tua nws. Txawm yog neeg lossis tsiaj, los yuavtsum raug muab tua kom tuag. Tsuas tshwj thaum hnov lub suab raj tshuab nrov ntev loo lawm, mas cov pejxeem mam nce tau mus rau saum roob.”
14Ces Mauxes nqis saum roob los thiab muab lawv fij rau kev pehawm Vajtswv. Yogli ntawd, lawv thiajli ntxhua lawv tej khaubncaws, 15thiab Mauxes hais rau lawv tias, “Nej yuavtsum npaj kom txhij rau hnub thib peb; txij hnubno mus txog hnub thib peb ntawd, pojniam thiab tus txiv yuavtsum caiv tsis txhob pw uake.”
16Hnub thib peb thaum sawvntxov txawm muaj xob nroo thiab muaj xob laim liab pes vog, huab tsaus nti npog nkaus saum roob, thiab hnov ib lub suab raj nrov ntxhe ntws, ua rau txhua tus uas nyob hauv lub yeej ntshai ibce tsheehnyo. #Tshwm 4:5 17Mauxes coj lawv tawm hauv yeej mus ntsib Vajtswv; lawv mus sawv nres rau ntawm taw roob. 18Muaj pa ncho auv niab tsaus nti laum nkaus saum Roob Xinais, rauqhov muaj hluavtaws cig puagncig tus TSWV los rau saum roob. Tej pa ncho auv niab ib yam li ib cub hluavtaws, ua rau lub roob co qeeg nkaws. 19Lub suab raj txawm nrov ntxhe ntws heev zujzus tuaj. Mauxes haislus rau Vajtswv ces Vajtswv txawm teb Mauxes nrog lub suab xob nroo tawm tuaj.
20Tus TSWV los rau saum lub Roob Xinais thiab hu kom Mauxes mus cuag Nws rau saum roob. Mauxes thiaj nce mus 21thiab tus TSWV hais rau Mauxes tias, “Koj rovqab mus rau nram cov pejxeem thiab ceebtoom rau sawvdaws kom tsis txhob hla tus ciam tuaj saib Kuv; yog lawv tsis mloog, coob leej yuav raug tuag. 22Txawm yog cov povthawj hlob uas tuaj cuag Kuv, los lawv yuavtsum ntxuav lawv kom dawbhuv, yog lawv tsis ua li ntawd, Kuv yuav rautxim rau lawv.”
23Mauxes hais rau tus TSWV tias, “Cov pejxeem yuav tuaj tsis tau, rauqhov Koj twb xaaj rau peb sawvdaws kom kem ciam ncig lub roob, cia ua qhov chaw dawbhuv lawm.”
24Tus TSWV hais rau Mauxes tias, “Koj rovqab mus coj Aloos nrog koj tuaj, tiamsis cov povthawj hlob thiab cov pejxeem yuavtsum tsis txhob hla dhau tus ciam tuaj cuag Kuv, yog lawv tsis mloog, Kuv yuav rautxim rau lawv.” 25Ces Mauxes thiaj nqis rovqab los rau nram cov pejxeem thiab qhia tej uas tus TSWV tau hais rau nws lawm rau lawv paub.
Currently Selected:
Khiav Dim 19: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Khiav Dim 19
19
Cov Yixalayees Nyob Ntawm Taw Roob Xinais
1-2Cov Yixalayees tawm hauv Lefidees los txog rau ntawm tiaj suabpuam Xinais, yog hnub xiab ib, lub peb hli ntuj, tomqab uas lawv khiav hauv tebchaws Iziv los. Lawv tsa tsevntaub nyob rau ntawm taw Roob Xinais, 3thiab Mauxes nce mus cuag Vajtswv saum roob.
Tus TSWV hu saum roob tuaj rau Mauxes thiab qhia kom nws mus hais rau cov neeg Yixalayees uas yog Yakhauj tsev neeg hais tias, 4“Nej twb pom qhov uas Kuv, uas yog tus TSWV, tau ua rau cov Iziv thiab qhov uas Kuv tau nqa nej ib yam li tus dav nqa nws cov menyuam ntawm nws ob sab tis, es coj nej los cuag Kuv. 5Nimno, yog nej mloog Kuv lus thiab ua rawsli Kuv tej lus cogtseg, nej thiaj yuav yog Kuv haivneeg. Tagnrho lub ntiajteb no yeej yog Kuv li, tiamsis nej yog cov uas raug xaiv los ua Kuv haivneeg, #2Kev 4:20; 7:6; 14:2; 26:18; Titus 2:14 6nej yuav yog Kuv cov povthawj hlob, thiab yog ib haivneeg dawbhuv.” #1Pet 2:9
7Yogli ntawd, Mauxes thiaj nqis los thiab hu tagnrho cov pejxeem thiab cov thawjcoj tuaj uake, thiab piav txhua yam uas tus TSWV tau xaaj rau nws los hais rau lawv mloog. 8Ces lawv txawm thoojtxhij teb tias, “Peb yuav ua txhua yam rawsli tus TSWV tau hais ntawd.” Mauxes thiaj coj tej lus uas lawv lees ntawd mus rau tus TSWV.
9Tus TSWV hais rau Mauxes tias, “Kuv yuav los cuag koj hauv tauv huab uas tuab tsaus nti, kom cov pejxeem thiajli hnov Kuv lub suab nrog koj tham thiab thiaj yuav ntseeg koj mus li.”
Mauxes piav cov pejxeem tej lus rau tus TSWV mloog, 10ces tus TSWV hais rau Mauxes tias, “Koj mus cuag cov pejxeem thiab hais kom lawv siv hnubno thiab tagkis los ntxuav lawv kom dawbhuv rau kev pehawm Vajtswv. Lawv yuavtsum ntxhua lawv tej khaubncaws 11thiab npaj kom txhij rau hnub thib peb,#19:11: hnub thib peb; lossis nagkis. rauqhov hnub ntawd Kuv yuav los saum Roob Xinais los kom sawvdaws pom Kuv. 12Koj yuavtsum kem ciam ncig lub taw roob, kom cov pejxeem tsis txhob hla tus ciam ntawd; thiab hais kom lawv tsis txhob nce mus saum roob lossis mus ze lub taw roob. Yog leejtwg cev taw mus tsuj lub taw roob, tus ntawd yuav raug tua kom tuag; 13yuavtsum muab pobzeb txawb lossis muab hneevnti tua nws, tiamsis txwv tsis pub siv tes tua nws. Txawm yog neeg lossis tsiaj, los yuavtsum raug muab tua kom tuag. Tsuas tshwj thaum hnov lub suab raj tshuab nrov ntev loo lawm, mas cov pejxeem mam nce tau mus rau saum roob.”
14Ces Mauxes nqis saum roob los thiab muab lawv fij rau kev pehawm Vajtswv. Yogli ntawd, lawv thiajli ntxhua lawv tej khaubncaws, 15thiab Mauxes hais rau lawv tias, “Nej yuavtsum npaj kom txhij rau hnub thib peb; txij hnubno mus txog hnub thib peb ntawd, pojniam thiab tus txiv yuavtsum caiv tsis txhob pw uake.”
16Hnub thib peb thaum sawvntxov txawm muaj xob nroo thiab muaj xob laim liab pes vog, huab tsaus nti npog nkaus saum roob, thiab hnov ib lub suab raj nrov ntxhe ntws, ua rau txhua tus uas nyob hauv lub yeej ntshai ibce tsheehnyo. #Tshwm 4:5 17Mauxes coj lawv tawm hauv yeej mus ntsib Vajtswv; lawv mus sawv nres rau ntawm taw roob. 18Muaj pa ncho auv niab tsaus nti laum nkaus saum Roob Xinais, rauqhov muaj hluavtaws cig puagncig tus TSWV los rau saum roob. Tej pa ncho auv niab ib yam li ib cub hluavtaws, ua rau lub roob co qeeg nkaws. 19Lub suab raj txawm nrov ntxhe ntws heev zujzus tuaj. Mauxes haislus rau Vajtswv ces Vajtswv txawm teb Mauxes nrog lub suab xob nroo tawm tuaj.
20Tus TSWV los rau saum lub Roob Xinais thiab hu kom Mauxes mus cuag Nws rau saum roob. Mauxes thiaj nce mus 21thiab tus TSWV hais rau Mauxes tias, “Koj rovqab mus rau nram cov pejxeem thiab ceebtoom rau sawvdaws kom tsis txhob hla tus ciam tuaj saib Kuv; yog lawv tsis mloog, coob leej yuav raug tuag. 22Txawm yog cov povthawj hlob uas tuaj cuag Kuv, los lawv yuavtsum ntxuav lawv kom dawbhuv, yog lawv tsis ua li ntawd, Kuv yuav rautxim rau lawv.”
23Mauxes hais rau tus TSWV tias, “Cov pejxeem yuav tuaj tsis tau, rauqhov Koj twb xaaj rau peb sawvdaws kom kem ciam ncig lub roob, cia ua qhov chaw dawbhuv lawm.”
24Tus TSWV hais rau Mauxes tias, “Koj rovqab mus coj Aloos nrog koj tuaj, tiamsis cov povthawj hlob thiab cov pejxeem yuavtsum tsis txhob hla dhau tus ciam tuaj cuag Kuv, yog lawv tsis mloog, Kuv yuav rautxim rau lawv.” 25Ces Mauxes thiaj nqis rovqab los rau nram cov pejxeem thiab qhia tej uas tus TSWV tau hais rau nws lawm rau lawv paub.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.