Khiav Dim 10
10
Kooj
1Ces tus TSWV hais rau Mauxes tias, “Koj ciali mus cuag Falaus. Kuv tau ua rau Falaus thiab nws cov nomtswv kom muaj lub siab tawv, Kuv thiaj tau ua tej txujci tseemceeb no rau lawv pom 2thiab nej thiaj yuav tau piav rau nej tej menyuam thiab tej xeebleej xeebntxwv mloog hais tias thaum Kuv ua Kuv tej txujci ntawd, cov neeg Iziv poob ntsejmuag npaum licas. Nej sawvdaws thiaj yuav paub tias Kuv yog tus TSWV.”
3Mauxes thiab Aloos mus cuag Falaus thiab hais rau nws tias, “Tus TSWV, uas yog cov Henplais tus Vajtswv, hais tias, ‘Koj yuav tawv mus txog thaum twg es koj mamli txo hwjchim rau ntawm Kuv? Ciali tso Kuv haivneeg mus, lawv thiaj tau mus pehawm Kuv. 4Yog koj pheej tsis kam tso lawv mus, mas tagkis Kuv yuav tso kooj los rau koj lub tebchaws. 5Cov kooj ntawd yuav coob heev, plooj nkaus ua rau ntsia tsis pom av li. Lawv yuav noj txhua yam uas lawg ntaus tuag tsis tas, xam tagnrho tej xyoob ntoo seem nyob hauv tej teb huv tibsi. 6Cov kooj ntawd yuav ya los puvnkaus hauv koj lub loog, thiab hauv koj cov nomtswv, thiab koj cov pejxeem tej tsev. Lawv tseem yuav heev tshaj tej uas koj cov yawgkoob txeev pom los lawm.’ ” Ces Mauxes txawm tawm mus lawm.
7Falaus cov nomtswv hais rau Falaus tias, “Koj tseem yuav cia tus neeg no tsim teebmeem rau peb mus txog thaum twg? Ciali tso cov Yixalayees mus, lawv thiaj tau mus pe tus TSWV, uas yog lawv tus Vajtswv. Koj tsis pom tias lub tebchaws Iziv twb puastsuaj tag lawm lov?”
8Falaus txib neeg mus hu Mauxes thiab Aloos nkawd tuaj cuag nws, thiab nws hais rau nkawd tias, “Nej ciali mus pehawm tus TSWV, uas yog nej tus Vajtswv! Tiamsis cov uas yuav mus ntawd yog leejtwg tiag?”
9Mauxes teb tias, “Peb sawvdaws yuav mus tagnrho, xam peb tej menyuam thiab tej laus huv tibsi. Peb yuav coj peb tej tub tej ntxhais, tej yaj tej tshis, thiab tej nyuj mus huv tibsi, rauqhov peb yuav mus ua ib rooj mov noj qhuas tus TSWV.”
10Falaus teb tias, “Kuv coglus rau tus TSWV tias kuv yuav tsis pub nej coj nej tej pojniam menyuam mus! Qhov no qhia meej tias nej tabtom tuavhauv yuav ntxeevsiab. 11Tsis tau, tsis pub mus! Yog tias nej xav mus pehawm tus TSWV tiag, ces tsuas pub cov txivneej mus xwb.” Ces Falaus txawm ntiab Mauxes thiab Aloos nkawd tawm hauv nws lub loog mus.
12Tus TSWV hais rau Mauxes tias, “Koj ciali tsa tes rau saum lub tebchaws Iziv, kom kooj los rau hauv lub tebchaws Iziv no. Lawv yuav los noj txhua tsav txhua yam qoobloo uas rov hlav tuaj thiab noj tej uas lawg ntaus puastsuaj tsis tag.”
13Yogli ntawd, Mauxes thiaj muab nws tus pas nrig tsa rau saum lub tebchaws Iziv, ces tus TSWV txawm tso cua ntsawj sab hnubtuaj tuaj rau hauv lub tebchaws, ib hnub thiab ib hmos. Tagkis sawvntxov ces cua txawm ntsawj ib co kooj ya ua npoj ntws los. 14Cov kooj ntawd ya ua tsheej ntshuas los tsaws puvnkaus lub tebchaws Iziv. Zaumno yog zaum uas kooj txomfav coob tshajplaws li uas txeev pom los lossis yuav tsis pom ib zaug ntxiv li lawm. 15Tej kooj ntawd ya los tsaws plooj nkaus av, ua rau tsuas pom tsaus nti lawm xwb. Lawv los noj tej txivntoo thiab txhua yam uas lawg ntaus puastsuaj tsis tag, yeej tsis seem ib daim nyuag nplooj ntsuab nyob rau saum ntoo los yog ntawm tej nrojtsuag qhovtwg nyob hauv tebchaws Iziv li. #Tshwm 9:2-3
16Falaus txib neeg ceev heev mus hu Mauxes thiab Aloos nkawd tuaj thiab hais tias, “Kuv tau ua txhaum rau tus TSWV, uas yog nej tus Vajtswv thiab ua txhaum rau nej lawm. 17Thov zamtxim rau kuv ib zaug ntxiv thiab thov tus TSWV, uas yog nej tus Vajtswv, tshem lub txim uas yuav coj kuv mus rau txoj kev tuag tawm ntawm kuv mus.”
18Mauxes txawm tawm hauv Falaus lub loog mus thov tus TSWV. 19Ces tus TSWV txawm muab cov cua uas ntsawj sab hnubtuaj tuaj hloov kom ntsawj sab hnubpoob tuaj, ntsawj tej kooj ntawd kom mus poob tag rau hauv Hiavtxwv Liab.#10:19: Hiavtxwv Liab: Saib 13:18. Tsis pub kom seem ib tug kooj nyob rau hauv tebchaws Iziv li. 20Tiamsis tus TSWV ua rau Falaus lub siab tawv heev, tsis kam tso cov Yixalayees mus li thiab.
Kev Tsausntuj
21Vajtswv hais rau Mauxes tias, “Ciali tsa koj txhais tes rau saum ntuj, yuav tsausntuj nti thoobplaws lub tebchaws Iziv. Txoj kev tsausntuj no yuav tsaus thiab tuab txog qhov uas koj muaj cuabkav kov tau.” 22Mauxes thiaj tsa tes rau saum ntuj, ces txawm tsausntuj nti thoobplaws lub tebchaws Iziv tau peb hnub. #Nnkauj 105:28; Tshwm 16:10 23Cov neeg Iziv ib tug ntsia tsis pom ib tug li, thiab lub sijhawm ntawd yeej tsis muaj leejtwg yuav tawm tau hauv lawv tej tsev mus rau qhovtwg li. Tiamsis thajtsam uas cov Yixalayees nyob pomkev kajnrig.
24Falaus txib neeg mus hu Mauxes los cuag nws thiab hais tias, “Nej ciali mus pehawm tus TSWV; txawm yog nej yuav coj nej cov pojniam menyuam nrog nej mus los tau. Tiamsis nej tej yaj, tej tshis, thiab tej nyuj cia nyob ntawm no.”
25Mauxes teb tias, “Yogli ntawd, koj yuavtsum muab tsiaj rau peb coj mus tua hlawv fij rau tus TSWV, uas yog peb tus Vajtswv. 26Tsis tau, peb yuavtsum cab peb tej tsiaj nrog peb mus xwb; tsis pub tseg ib tug cia rau tomqab li. Peb yuavtsum xaiv tej tsiaj uas yuav tua hlawv fij rau tus TSWV, uas yog peb tus Vajtswv. Yuavtsum yog thaum peb mus txog tod lawm mas peb thiaj paub tias yuav muab tus tsiaj zoo licas los tua fij rau Nws.”
27Tus TSWV ua rau Falaus lub siab tawv, nws thiaj tsis kam tso cov Yixalayees mus. 28Falaus hais rau Mauxes tias, “Koj ciali tawm mus! Tsis txhob tuaj tshwm ntsejmuag rau kuv pom ib zaug ntxiv lawm nawb! Hnub twg yog kuv pom koj, mas koj yuavtsum tuag xwb!”
29Mauxes teb tias, “Ua li ntawd kiag! Koj los yuav tsis pom kuv lub ntsejmuag ib zaug ntxiv lawm thiab!”
Currently Selected:
Khiav Dim 10: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Khiav Dim 10
10
Kooj
1Ces tus TSWV hais rau Mauxes tias, “Koj ciali mus cuag Falaus. Kuv tau ua rau Falaus thiab nws cov nomtswv kom muaj lub siab tawv, Kuv thiaj tau ua tej txujci tseemceeb no rau lawv pom 2thiab nej thiaj yuav tau piav rau nej tej menyuam thiab tej xeebleej xeebntxwv mloog hais tias thaum Kuv ua Kuv tej txujci ntawd, cov neeg Iziv poob ntsejmuag npaum licas. Nej sawvdaws thiaj yuav paub tias Kuv yog tus TSWV.”
3Mauxes thiab Aloos mus cuag Falaus thiab hais rau nws tias, “Tus TSWV, uas yog cov Henplais tus Vajtswv, hais tias, ‘Koj yuav tawv mus txog thaum twg es koj mamli txo hwjchim rau ntawm Kuv? Ciali tso Kuv haivneeg mus, lawv thiaj tau mus pehawm Kuv. 4Yog koj pheej tsis kam tso lawv mus, mas tagkis Kuv yuav tso kooj los rau koj lub tebchaws. 5Cov kooj ntawd yuav coob heev, plooj nkaus ua rau ntsia tsis pom av li. Lawv yuav noj txhua yam uas lawg ntaus tuag tsis tas, xam tagnrho tej xyoob ntoo seem nyob hauv tej teb huv tibsi. 6Cov kooj ntawd yuav ya los puvnkaus hauv koj lub loog, thiab hauv koj cov nomtswv, thiab koj cov pejxeem tej tsev. Lawv tseem yuav heev tshaj tej uas koj cov yawgkoob txeev pom los lawm.’ ” Ces Mauxes txawm tawm mus lawm.
7Falaus cov nomtswv hais rau Falaus tias, “Koj tseem yuav cia tus neeg no tsim teebmeem rau peb mus txog thaum twg? Ciali tso cov Yixalayees mus, lawv thiaj tau mus pe tus TSWV, uas yog lawv tus Vajtswv. Koj tsis pom tias lub tebchaws Iziv twb puastsuaj tag lawm lov?”
8Falaus txib neeg mus hu Mauxes thiab Aloos nkawd tuaj cuag nws, thiab nws hais rau nkawd tias, “Nej ciali mus pehawm tus TSWV, uas yog nej tus Vajtswv! Tiamsis cov uas yuav mus ntawd yog leejtwg tiag?”
9Mauxes teb tias, “Peb sawvdaws yuav mus tagnrho, xam peb tej menyuam thiab tej laus huv tibsi. Peb yuav coj peb tej tub tej ntxhais, tej yaj tej tshis, thiab tej nyuj mus huv tibsi, rauqhov peb yuav mus ua ib rooj mov noj qhuas tus TSWV.”
10Falaus teb tias, “Kuv coglus rau tus TSWV tias kuv yuav tsis pub nej coj nej tej pojniam menyuam mus! Qhov no qhia meej tias nej tabtom tuavhauv yuav ntxeevsiab. 11Tsis tau, tsis pub mus! Yog tias nej xav mus pehawm tus TSWV tiag, ces tsuas pub cov txivneej mus xwb.” Ces Falaus txawm ntiab Mauxes thiab Aloos nkawd tawm hauv nws lub loog mus.
12Tus TSWV hais rau Mauxes tias, “Koj ciali tsa tes rau saum lub tebchaws Iziv, kom kooj los rau hauv lub tebchaws Iziv no. Lawv yuav los noj txhua tsav txhua yam qoobloo uas rov hlav tuaj thiab noj tej uas lawg ntaus puastsuaj tsis tag.”
13Yogli ntawd, Mauxes thiaj muab nws tus pas nrig tsa rau saum lub tebchaws Iziv, ces tus TSWV txawm tso cua ntsawj sab hnubtuaj tuaj rau hauv lub tebchaws, ib hnub thiab ib hmos. Tagkis sawvntxov ces cua txawm ntsawj ib co kooj ya ua npoj ntws los. 14Cov kooj ntawd ya ua tsheej ntshuas los tsaws puvnkaus lub tebchaws Iziv. Zaumno yog zaum uas kooj txomfav coob tshajplaws li uas txeev pom los lossis yuav tsis pom ib zaug ntxiv li lawm. 15Tej kooj ntawd ya los tsaws plooj nkaus av, ua rau tsuas pom tsaus nti lawm xwb. Lawv los noj tej txivntoo thiab txhua yam uas lawg ntaus puastsuaj tsis tag, yeej tsis seem ib daim nyuag nplooj ntsuab nyob rau saum ntoo los yog ntawm tej nrojtsuag qhovtwg nyob hauv tebchaws Iziv li. #Tshwm 9:2-3
16Falaus txib neeg ceev heev mus hu Mauxes thiab Aloos nkawd tuaj thiab hais tias, “Kuv tau ua txhaum rau tus TSWV, uas yog nej tus Vajtswv thiab ua txhaum rau nej lawm. 17Thov zamtxim rau kuv ib zaug ntxiv thiab thov tus TSWV, uas yog nej tus Vajtswv, tshem lub txim uas yuav coj kuv mus rau txoj kev tuag tawm ntawm kuv mus.”
18Mauxes txawm tawm hauv Falaus lub loog mus thov tus TSWV. 19Ces tus TSWV txawm muab cov cua uas ntsawj sab hnubtuaj tuaj hloov kom ntsawj sab hnubpoob tuaj, ntsawj tej kooj ntawd kom mus poob tag rau hauv Hiavtxwv Liab.#10:19: Hiavtxwv Liab: Saib 13:18. Tsis pub kom seem ib tug kooj nyob rau hauv tebchaws Iziv li. 20Tiamsis tus TSWV ua rau Falaus lub siab tawv heev, tsis kam tso cov Yixalayees mus li thiab.
Kev Tsausntuj
21Vajtswv hais rau Mauxes tias, “Ciali tsa koj txhais tes rau saum ntuj, yuav tsausntuj nti thoobplaws lub tebchaws Iziv. Txoj kev tsausntuj no yuav tsaus thiab tuab txog qhov uas koj muaj cuabkav kov tau.” 22Mauxes thiaj tsa tes rau saum ntuj, ces txawm tsausntuj nti thoobplaws lub tebchaws Iziv tau peb hnub. #Nnkauj 105:28; Tshwm 16:10 23Cov neeg Iziv ib tug ntsia tsis pom ib tug li, thiab lub sijhawm ntawd yeej tsis muaj leejtwg yuav tawm tau hauv lawv tej tsev mus rau qhovtwg li. Tiamsis thajtsam uas cov Yixalayees nyob pomkev kajnrig.
24Falaus txib neeg mus hu Mauxes los cuag nws thiab hais tias, “Nej ciali mus pehawm tus TSWV; txawm yog nej yuav coj nej cov pojniam menyuam nrog nej mus los tau. Tiamsis nej tej yaj, tej tshis, thiab tej nyuj cia nyob ntawm no.”
25Mauxes teb tias, “Yogli ntawd, koj yuavtsum muab tsiaj rau peb coj mus tua hlawv fij rau tus TSWV, uas yog peb tus Vajtswv. 26Tsis tau, peb yuavtsum cab peb tej tsiaj nrog peb mus xwb; tsis pub tseg ib tug cia rau tomqab li. Peb yuavtsum xaiv tej tsiaj uas yuav tua hlawv fij rau tus TSWV, uas yog peb tus Vajtswv. Yuavtsum yog thaum peb mus txog tod lawm mas peb thiaj paub tias yuav muab tus tsiaj zoo licas los tua fij rau Nws.”
27Tus TSWV ua rau Falaus lub siab tawv, nws thiaj tsis kam tso cov Yixalayees mus. 28Falaus hais rau Mauxes tias, “Koj ciali tawm mus! Tsis txhob tuaj tshwm ntsejmuag rau kuv pom ib zaug ntxiv lawm nawb! Hnub twg yog kuv pom koj, mas koj yuavtsum tuag xwb!”
29Mauxes teb tias, “Ua li ntawd kiag! Koj los yuav tsis pom kuv lub ntsejmuag ib zaug ntxiv lawm thiab!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.