Tes Haujlwm 23
23
1Paulus tsa qhovmuag saib cov thawjcoj hauv Koomhaum qibsiab thiab hais tias, “Cov kwvtij, kuv lub siab yeej paub meej-meej tias kuv ua kuv lub neej zoo licas tabmeeg Vajtswv los txog niajhnub no.” 2Tus Tuam Povthawj Hlob Ananias txawm hais rau cov neeg uas sawv ze ntawm Paulus kom ntaus Paulus qhovncauj. 3Paulus hais rau Ananias hais tias, “Vajtswv yeej yuav ntaus koj lau, tus niag neeg uas uatxuj muab hmoovsib los pleev rau phabntsa kom dawb! Koj tuaj zaum ntawm ko txiavtxim rau kuv rawsli txoj Kevcai, tiamsis qhov uas koj kom lawv ntaus kuv ntawd, koj twb ua txhaum txoj Kevcai lawm los sav!” #Math 23:27-28
4Cov neeg uas sawv ze Paulus hais rau Paulus hais tias, “Koj tseem yuav txobthuam Vajtswv tus Tuam Povthawj Hlob thiab lov?”
5Paulus teb lawv hais tias, “Cov kwvtij, kuv tsis paub tias nws yog tus Tuam Povthawj Hlob, rauqhov Vajtswv Txojlus sau tseg hais tias, ‘Nej tsis txhob haislus phem rau tus uas saib nej.’ ” #Khiav 22:28
6Thaum Paulus pom tias, cov neeg uas tuaj sablaj ntawd muaj ibtxhia yog cov Xadukais thiab ibtxhia yog cov Falixais, ces Paulus txawm hais nrov-nrov rau cov thawjcoj hauv Koomhaum qibsiab tias, “Cov kwvtij, kuv yog ib tug Falixais, yog cov Falixais ib tug tub. Qhov uas kuv raug nej coj tuaj txiavtxim ntawm no twb yog vim kuv ciasiab hais tias cov neeg uas tuag lawm yuav sawv rov los muaj txojsia!” #Teshl 26:4; Filipi 3:5
7Thaum Paulus hais li ntawd tag, cov Falixais thiab cov Xadukais txawm pib sibcav, ces lawv ciali faib ua ob pab. ( 8Rau qhov cov Xadukais hais tias yeej tsis muaj kev sawv hauv qhovtuag rovqab los, tsis muaj timtswv ceebtsheej thiab tsis muaj ntsujplig; tiamsis cov Falixais ntseeg tias peb yam ntawd yeej muaj huv tibsi.) #Math 22:23; Malak 12:18; Lukas 20:27 9Sawvdaws yimhuab sibcav nrov dua qub ntxiv, ces cov xibhwb uas qhia Kevcai uas yog cov Falixais pab, muaj qeeleej txawm sawvtsees thiab tawmtsam hnyav heev hais tias, “Peb tsis pom tus txivneej no ua ib qhov txhaum li! Tejzaum yeej yog ib tug ntsujplig lossis ib tug timtswv ceebtsheej los hais rau nws tiag!”
10Sawvdaws sibcav muajceem heev, ua rau tus thawj tubrog pawg txhiab ntshai nyobtsam lawv muab Paulus chua ntuag ua ob-peb ceg, nws thiaj kom nws cov tubrog nqis mus thiab coj Paulus tawm hauv cov neeg ntawd mus rau hauv lub yeej.
11Hmo ntawd tus Tswv los sawv ntawm Paulus ib sab thiab hais tias, “Koj tsis txhob ntshai! Koj tau ua timkhawv txog Kuv nyob hauv lub nroog Yeluxalees no licas, koj yuavtsum ua ib yam li ntawd rau tim lub nroog Loos thiab.”
Cov Yudais Tuavhauv Yuav Tua Paulus
12Thaum kajntug ib cov Yudais txawm tuaj sablaj tuavhauv uake. Lawv coglus hais tias lawv yuav tsis noj tsis haus ib yam dabtsi mus txog thaum lawv tua tau Paulus tso. 13Cov uas tuaj tuavhauv uake ntawd muaj plaubcaug tawm leej. 14Ces lawv txawm mus cuag cov thawj povthawj hlob thiab cov txwjlaug, lawv hais tias, “Peb tau coglus khovkho lawm hais tias peb yuav tsis noj tsis haus ib yam dabtsi mus txog thaum peb tua tau Paulus tso. 15Yogli ntawd, nej thiab cov thawjcoj hauv Koomhaum qibsiab ciali txib neeg mus hais rau cov neeg Loos tus thawj tubrog pawg txhiab kom coj Paulus tuaj cuag nej. Nej uatxuj ua li nej xav taug Paulus zaj kom meej dua qub ntxiv. Tiamsis peb yuav npaj kom txhij muab nws tua povtseg uantej nws tuaj txog ntawm no.”
16Tiamsis Paulus tus muam tus tub txawm hnov txog lawv txoj kev tuavhauv no, yogli ntawd nws thiaj mus rau hauv lub yeej thiab qhia rau Paulus paub. 17Paulus txawm hu ib tug thawj tubrog pawg pua los cuag nws thiab hais tias, “Thov koj coj tus tub hluas no mus cuag tus thawj tubrog pawg txhiab, nws muaj lus yuav hais rau tus thawj tubrog ntawd mloog.” 18Tus thawj tubrog pawg pua txawm coj tus tub hluas ntawd mus cuag tus thawj tubrog pawg txhiab thiab hais tias, “Tus Paulus uas raug txim ntawd tau hu kuv thiab thov kom kuv coj tus tub hluas no tuaj cuag koj, rauqhov nws muaj lus yuav hais rau koj mloog.”
19Tus thawj tubrog pawg txhiab tuav tus tub hluas ntawd tes coj mus rau ibcag thiab nug hais tias, “Koj muaj lus dabtsi yuav hais rau kuv?”
20Nws teb tias, “Ibtxhia Yudais twb sablaj haum lawm hais tias, tagkis lawv yuav tuaj thov koj coj Paulus mus cuag cov thawjcoj hauv Koomhaum qibsiab, lawv yuav uatxuj hais tias cov thawjcoj hauv Koomhaum qibsiab xav taug Paulus zaj kom meej dua qub ntxiv. 21Tiamsis koj tsis txhob mloog lawv hais, rauqhov muaj plaubcaug tawm leej twb mus nkaum thiab tos kev yuav tua Paulus lawm. Lawv tau coglus tseg lawm hais tias lawv yuav tsis noj tsis haus ib yam dabtsi mus txog thaum lawv tua tau Paulus tso. Lawv twb npaj txhij lawm, lawv tsuas yog tos seb koj yuav hais licas xwb.”
22Tus thawj tubrog pawg txhiab txawm hais tias, “Koj tsis txhob qhia rau leejtwg paub tias koj twb tuaj qhia tej no rau kuv lawm.” Ces nws txawm tso tus hluas ntawd mus lawm.
Xa Paulus Mus Cuag Tus Tswvxeev Felis
23Tus thawj tubrog pawg txhiab hu nws ob tug thawj tubrog pawg pua los cuag nws thiab hais tias, “Neb ciali mus txhij 200 leej tubrog, txhij cov tubrog caij nees 70 leej, thiab cov tubrog nkaug hmuv 200 leej, thaum cuaj teev tsausntuj, nej ciali sawvkev mus rau pem lub nroog Xixaleyas. 24Nej npaj tus puav nees rau Paulus caij thiab ua tibzoo xa nws mus kom txog tus tswvxeev Felis.”
25Ces tus thawj tubrog pawg txhiab tau sau ib tsab ntawv hais li no:
26“Hawm txog tus Tswvxeev Felis, kuv yog Khaudius Lixias. 27Cov Yudais tau ntes tus txivneej no thiab yuav muab nws tua povtseg. Kuv hnov tias nws yog pejxeem Loos, kuv thiaj coj kuv cov tubrog mus cawm nws. 28Kuv xav paub seb tej uas lawv kom nws ntawd yog dabtsi, kuv thiaj coj nws mus cuag cov thawjcoj huv Koomhaum qibsiab. 29Kuv pom tias nws yeej tsis tau ua ib yam dabtsi uas yuav tsimnyog raug tuag lossis raug kaw rau hauv tsev lojcuj; tej uas lawv kom nws ntawd yog hais txog lawv txoj kevcai xwb. 30Thaum kuv hnov tias muaj cov tuavhauv yuav muab nws tua povtseg, kuv thiaj xa kiag nws tuaj cuag koj. Kuv tau hais rau cov neeg uas kom nws hais tias kom lawv coj lawv tej lus tsis txaussiab ntawd tuaj hais timntsej timmuag ntawm koj.”
31Cov tubrog ntawd tau ua rawsli tus thawj tubrog pawg txhiab hais. Hmo ntawd lawv coj Paulus mus txog ntua pem lub nroog Aatipatis. 32Hnub tomqab cov tubrog uas mus kotaw, lawv txawm rovqab mus rau nram lawv lub yeej lawm, tsuas tseg cov tubrog uas caij nees nrog Paulus mus ntxiv lawm xwb. 33Thaum lawv mus txog hauv lub nroog Xixaleyas lawm, lawv thiaj xa tsab ntawv thiab muab Paulus mus cob rau tus Tswvxeev. 34Thaum tus Tswvxeev nyeem tsab ntawv ntawd tag, nws thiaj nug Paulus seb Paulus tuaj lub tebchaws twg tuaj. Thaum tus Tswvxeev paub tias Paulus tuaj pem tebchaws Kilikias tuaj, 35nws thiaj hais tias, “Tos cov neeg uas kom koj tuaj txog tso, kuv mamli mloog koj hais.” Ces nws hais kom cov tubrog zov Paulus zoo-zoo nyob rau hauv vajntxwv Helauj lub loog.
Currently Selected:
Tes Haujlwm 23: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Tes Haujlwm 23
23
1Paulus tsa qhovmuag saib cov thawjcoj hauv Koomhaum qibsiab thiab hais tias, “Cov kwvtij, kuv lub siab yeej paub meej-meej tias kuv ua kuv lub neej zoo licas tabmeeg Vajtswv los txog niajhnub no.” 2Tus Tuam Povthawj Hlob Ananias txawm hais rau cov neeg uas sawv ze ntawm Paulus kom ntaus Paulus qhovncauj. 3Paulus hais rau Ananias hais tias, “Vajtswv yeej yuav ntaus koj lau, tus niag neeg uas uatxuj muab hmoovsib los pleev rau phabntsa kom dawb! Koj tuaj zaum ntawm ko txiavtxim rau kuv rawsli txoj Kevcai, tiamsis qhov uas koj kom lawv ntaus kuv ntawd, koj twb ua txhaum txoj Kevcai lawm los sav!” #Math 23:27-28
4Cov neeg uas sawv ze Paulus hais rau Paulus hais tias, “Koj tseem yuav txobthuam Vajtswv tus Tuam Povthawj Hlob thiab lov?”
5Paulus teb lawv hais tias, “Cov kwvtij, kuv tsis paub tias nws yog tus Tuam Povthawj Hlob, rauqhov Vajtswv Txojlus sau tseg hais tias, ‘Nej tsis txhob haislus phem rau tus uas saib nej.’ ” #Khiav 22:28
6Thaum Paulus pom tias, cov neeg uas tuaj sablaj ntawd muaj ibtxhia yog cov Xadukais thiab ibtxhia yog cov Falixais, ces Paulus txawm hais nrov-nrov rau cov thawjcoj hauv Koomhaum qibsiab tias, “Cov kwvtij, kuv yog ib tug Falixais, yog cov Falixais ib tug tub. Qhov uas kuv raug nej coj tuaj txiavtxim ntawm no twb yog vim kuv ciasiab hais tias cov neeg uas tuag lawm yuav sawv rov los muaj txojsia!” #Teshl 26:4; Filipi 3:5
7Thaum Paulus hais li ntawd tag, cov Falixais thiab cov Xadukais txawm pib sibcav, ces lawv ciali faib ua ob pab. ( 8Rau qhov cov Xadukais hais tias yeej tsis muaj kev sawv hauv qhovtuag rovqab los, tsis muaj timtswv ceebtsheej thiab tsis muaj ntsujplig; tiamsis cov Falixais ntseeg tias peb yam ntawd yeej muaj huv tibsi.) #Math 22:23; Malak 12:18; Lukas 20:27 9Sawvdaws yimhuab sibcav nrov dua qub ntxiv, ces cov xibhwb uas qhia Kevcai uas yog cov Falixais pab, muaj qeeleej txawm sawvtsees thiab tawmtsam hnyav heev hais tias, “Peb tsis pom tus txivneej no ua ib qhov txhaum li! Tejzaum yeej yog ib tug ntsujplig lossis ib tug timtswv ceebtsheej los hais rau nws tiag!”
10Sawvdaws sibcav muajceem heev, ua rau tus thawj tubrog pawg txhiab ntshai nyobtsam lawv muab Paulus chua ntuag ua ob-peb ceg, nws thiaj kom nws cov tubrog nqis mus thiab coj Paulus tawm hauv cov neeg ntawd mus rau hauv lub yeej.
11Hmo ntawd tus Tswv los sawv ntawm Paulus ib sab thiab hais tias, “Koj tsis txhob ntshai! Koj tau ua timkhawv txog Kuv nyob hauv lub nroog Yeluxalees no licas, koj yuavtsum ua ib yam li ntawd rau tim lub nroog Loos thiab.”
Cov Yudais Tuavhauv Yuav Tua Paulus
12Thaum kajntug ib cov Yudais txawm tuaj sablaj tuavhauv uake. Lawv coglus hais tias lawv yuav tsis noj tsis haus ib yam dabtsi mus txog thaum lawv tua tau Paulus tso. 13Cov uas tuaj tuavhauv uake ntawd muaj plaubcaug tawm leej. 14Ces lawv txawm mus cuag cov thawj povthawj hlob thiab cov txwjlaug, lawv hais tias, “Peb tau coglus khovkho lawm hais tias peb yuav tsis noj tsis haus ib yam dabtsi mus txog thaum peb tua tau Paulus tso. 15Yogli ntawd, nej thiab cov thawjcoj hauv Koomhaum qibsiab ciali txib neeg mus hais rau cov neeg Loos tus thawj tubrog pawg txhiab kom coj Paulus tuaj cuag nej. Nej uatxuj ua li nej xav taug Paulus zaj kom meej dua qub ntxiv. Tiamsis peb yuav npaj kom txhij muab nws tua povtseg uantej nws tuaj txog ntawm no.”
16Tiamsis Paulus tus muam tus tub txawm hnov txog lawv txoj kev tuavhauv no, yogli ntawd nws thiaj mus rau hauv lub yeej thiab qhia rau Paulus paub. 17Paulus txawm hu ib tug thawj tubrog pawg pua los cuag nws thiab hais tias, “Thov koj coj tus tub hluas no mus cuag tus thawj tubrog pawg txhiab, nws muaj lus yuav hais rau tus thawj tubrog ntawd mloog.” 18Tus thawj tubrog pawg pua txawm coj tus tub hluas ntawd mus cuag tus thawj tubrog pawg txhiab thiab hais tias, “Tus Paulus uas raug txim ntawd tau hu kuv thiab thov kom kuv coj tus tub hluas no tuaj cuag koj, rauqhov nws muaj lus yuav hais rau koj mloog.”
19Tus thawj tubrog pawg txhiab tuav tus tub hluas ntawd tes coj mus rau ibcag thiab nug hais tias, “Koj muaj lus dabtsi yuav hais rau kuv?”
20Nws teb tias, “Ibtxhia Yudais twb sablaj haum lawm hais tias, tagkis lawv yuav tuaj thov koj coj Paulus mus cuag cov thawjcoj hauv Koomhaum qibsiab, lawv yuav uatxuj hais tias cov thawjcoj hauv Koomhaum qibsiab xav taug Paulus zaj kom meej dua qub ntxiv. 21Tiamsis koj tsis txhob mloog lawv hais, rauqhov muaj plaubcaug tawm leej twb mus nkaum thiab tos kev yuav tua Paulus lawm. Lawv tau coglus tseg lawm hais tias lawv yuav tsis noj tsis haus ib yam dabtsi mus txog thaum lawv tua tau Paulus tso. Lawv twb npaj txhij lawm, lawv tsuas yog tos seb koj yuav hais licas xwb.”
22Tus thawj tubrog pawg txhiab txawm hais tias, “Koj tsis txhob qhia rau leejtwg paub tias koj twb tuaj qhia tej no rau kuv lawm.” Ces nws txawm tso tus hluas ntawd mus lawm.
Xa Paulus Mus Cuag Tus Tswvxeev Felis
23Tus thawj tubrog pawg txhiab hu nws ob tug thawj tubrog pawg pua los cuag nws thiab hais tias, “Neb ciali mus txhij 200 leej tubrog, txhij cov tubrog caij nees 70 leej, thiab cov tubrog nkaug hmuv 200 leej, thaum cuaj teev tsausntuj, nej ciali sawvkev mus rau pem lub nroog Xixaleyas. 24Nej npaj tus puav nees rau Paulus caij thiab ua tibzoo xa nws mus kom txog tus tswvxeev Felis.”
25Ces tus thawj tubrog pawg txhiab tau sau ib tsab ntawv hais li no:
26“Hawm txog tus Tswvxeev Felis, kuv yog Khaudius Lixias. 27Cov Yudais tau ntes tus txivneej no thiab yuav muab nws tua povtseg. Kuv hnov tias nws yog pejxeem Loos, kuv thiaj coj kuv cov tubrog mus cawm nws. 28Kuv xav paub seb tej uas lawv kom nws ntawd yog dabtsi, kuv thiaj coj nws mus cuag cov thawjcoj huv Koomhaum qibsiab. 29Kuv pom tias nws yeej tsis tau ua ib yam dabtsi uas yuav tsimnyog raug tuag lossis raug kaw rau hauv tsev lojcuj; tej uas lawv kom nws ntawd yog hais txog lawv txoj kevcai xwb. 30Thaum kuv hnov tias muaj cov tuavhauv yuav muab nws tua povtseg, kuv thiaj xa kiag nws tuaj cuag koj. Kuv tau hais rau cov neeg uas kom nws hais tias kom lawv coj lawv tej lus tsis txaussiab ntawd tuaj hais timntsej timmuag ntawm koj.”
31Cov tubrog ntawd tau ua rawsli tus thawj tubrog pawg txhiab hais. Hmo ntawd lawv coj Paulus mus txog ntua pem lub nroog Aatipatis. 32Hnub tomqab cov tubrog uas mus kotaw, lawv txawm rovqab mus rau nram lawv lub yeej lawm, tsuas tseg cov tubrog uas caij nees nrog Paulus mus ntxiv lawm xwb. 33Thaum lawv mus txog hauv lub nroog Xixaleyas lawm, lawv thiaj xa tsab ntawv thiab muab Paulus mus cob rau tus Tswvxeev. 34Thaum tus Tswvxeev nyeem tsab ntawv ntawd tag, nws thiaj nug Paulus seb Paulus tuaj lub tebchaws twg tuaj. Thaum tus Tswvxeev paub tias Paulus tuaj pem tebchaws Kilikias tuaj, 35nws thiaj hais tias, “Tos cov neeg uas kom koj tuaj txog tso, kuv mamli mloog koj hais.” Ces nws hais kom cov tubrog zov Paulus zoo-zoo nyob rau hauv vajntxwv Helauj lub loog.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.