2 Timautes 2
2
Yexus Khetos Tus Tubrog Uas Ncajncees
1Yogli ntawd, kuv tus tub, koj yuavtsum muajzog khovkho los ntawm txoj hmoovhlub uas nyob hauv Yexus Khetos. 2Koj muab tej lus uas koj tau hnov kuv qhia tabmeeg ntawm ntau leej timkhawv coj mus qhia cov neeg uas koj ciasiab tau hais tias lawv yuav muaj peevxwm qhia tau tej ntawd rau lwmtus ib yam nkaus.
3Koj yuavtsum nrog peb tiv kev txomnyem zooli koj yog Yexus Khetos ib tug tubrog uas ncajncees. 4Tus tubrog uas tabtom ua haujlwm hauv tshavrog, nws tsuas xav ua rawsli nws tus thawj lub siab nyiam xwb, nws yeej yuav tsis mus ua tej pejxeem li haujlwm ib zaug li. 5Tus uas sibtw khiav, yog nws tsis ua rawsli txojcai khiav, nws yuav tsis tau txais qhov nqizog uas yog tus khiav yeej lub kausmom. 6Tus tub qoob tub loo uas nquag, tsimnyog nws yog tus xub tau noj tej qoobloo uas nws sau tau los. 7Tej lus uas kuv hais no, koj muab los ua tibzoo xav, Vajtswv yeej yuav pab kom koj totaub txhua yam huv tibsi.
8Ncontsoov Yexus Khetos tus uas tau sawv hauv qhovtuag rovqab los, uas yog Daviv li cajces. No lau, yog Txoj Moo Zoo uas kuv qhia. 9Twb yog vim kuv qhia Txoj Moo Zoo no ntag, kuv thiaj raug kev tsimtxom thiab raug luag muab saw hlau khi ib yam li tus neeg raug txim. Tiamsis yeej tsis muaj leejtwg yuav khi tau Vajtswv Txojlus. 10Vimli ntawd, kuv thiaj ua siabntev tiv txhua yam kev txomnyem pub rau cov neeg uas Vajtswv tau xaiv cia lawm, kom lawv thiajli yuav muaj kev dim txim nyob rau hauv Yexus Khetos, nrog rau tus tshwjchim uas ci ntsa-iab mus ibtxhis. 11No yog ib lolus tseeb:
“Yog peb nrog Nws tuag lawm,
peb yuav tau nrog Nws nyob uake thiab.
12Yog peb ua taus siabntev tiv,
peb yuav tau nrog Nws kav thiab.
Yog peb tsis lees paub Nws,
Nws yuav tsis lees paub peb thiab. #Math 10:33; Lukas 12:9
13Txawm yog peb tsis ncajncees,
los Nws yeej tseem ncajncees,
vim Nws yeej tsis rov dag Nws ib zaug li.”
Tus Tubtxib Uas Vajtswv Txaussiab
14Koj ncontsoov muab zaj no qhia rau cov ntseeg thiab ntuas lawv tabmeeg ntawm Vajtswv kom lawv tsis txhob sibcav sibceg txog tej nyuag lus uas sawvdaws hais. Tej ntawd yeej tsis muaj qabhau dabtsi li, tsuas yog yuav ua rau cov neeg uas mloog puastsuaj nkaus xwb. 15Koj kavtsij rausiab xyaum tiag-tiag kom koj yog ib tug uas Vajtswv txaussiab rau, kom koj yog ib tug uas tsis txajmuag rau Nws tes haujlwm, thiab yog ib tug uas yeej qhia raws nraim li Vajtswv Txojlus tseeb xwb. 16Tsis txhob siv tej lus uas hais ua-dog ua-dig thiab tej uas tsis muaj qabhau, tej ntawd tsuas muaj uas yuav ua rau neeg hajyam txav deb ntawm Vajtswv xwb. 17Tej lus uas lawv hais ntawd yuav huam loj ib yam li lub qhovtxhab uas qawj tob zujzus. Cov ntawd ib tug yog Himena-us thiab ib tug yog Filetus. 18Nkawd tau txav deb ntawm qhov tseeb lawm; nkawd thiaj qhia hais tias, qhov uas cov ntseeg sawv hauv qhovtuag rovqab los twb dhau tag lawm, ces txawm ua rau cov ntseeg ibtxhia ciali tsis ntseeg Vajtswv lawm. 19Txawm li ntawd los tus cag uas Vajtswv muab cog cia lawm yeej nyob khovkho; muaj lub homthawj nias rau ntawd hais tias, “Vajtswv paub tias lawv yog Vajtswv li,” thiab “txhua tus uas tau lees ntawm lub ncauj hais tias Vajtswv yog nws tus Tswv, tus ntawd yuavtsum tso nws tej kev phem kev qias tseg.” #Teev 6:5
20Nyob rau hauv lub tsev uas loj yeej muaj ntau yam tais-diav uas tsis yog tais nyiaj tais kub xwb tiamsis kuj muaj tej tais ntoo tais av thiab. Qeeyam tais-diav yog siv rau thaum uas muaj pluas noj tshwjxeeb, tiamsis qeeyam tais-diav tsuas yog siv rau kev noj kev haus li niajhnub txeev muaj xwb. 21Yog leejtwg muab nws tej kev phem kev qias ntxuav huv tibsi mus, tus ntawd yuav tau ua tej haujlwm uas tshwjxeeb, rauqhov nws raug muab fij thiab zoo rau Vajtswv siv heev, vim nws twb npaj txhij yuav ua tej haujlwm uas zoo lawm.
22Yogli ntawd, koj yuavtsum khiav tawm ntawm tej kev phem uas cov hluas lub siab ntshaw, es kavtsij rausiab nrhiav kev ncajncees, kev ntseeg, kev hlub, thiab kev sib raugzoo, nrog cov neeg uas muaj lub siab dawbhuv uas niajhnub thov Vajtswv. 23Tsis txhob nrog leejtwg sibcav txog tej zaj uas ruam-ruam thiab tsis muaj qabhau, rauqhov koj twb paub lawm hais tias tej ntawd yuav ua rau muaj lus sibcav sibceg xwb. 24Tus uas yog Vajtswv tus tubtxib yuavtsum tsis txhob nrog luag sibcav sibceg. Nws yuavtsum ua zoo rau txhua tus, muaj peevxwm qhia, ua tau siabntev, 25thiab ua tibzoo siv tej lus mosmuag los qhia nws cov yeejkom, rauqhov tejzaum Vajtswv kuj yuav pub rau lawv kom muaj sijhawm los tso lawv tej kev txhaum tseg thiab los paub qhov tseeb. 26Thaum ntawd lawv thiaj yuav ras thiab khiav dhau ntawm dab ntxwgnyoog lub voj hlua uas twb cuab mag lawv lawm, thiab yuam kom lawv ua rawsli nws lub siab nyiam.
Currently Selected:
2 Timautes 2: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
2 Timautes 2
2
Yexus Khetos Tus Tubrog Uas Ncajncees
1Yogli ntawd, kuv tus tub, koj yuavtsum muajzog khovkho los ntawm txoj hmoovhlub uas nyob hauv Yexus Khetos. 2Koj muab tej lus uas koj tau hnov kuv qhia tabmeeg ntawm ntau leej timkhawv coj mus qhia cov neeg uas koj ciasiab tau hais tias lawv yuav muaj peevxwm qhia tau tej ntawd rau lwmtus ib yam nkaus.
3Koj yuavtsum nrog peb tiv kev txomnyem zooli koj yog Yexus Khetos ib tug tubrog uas ncajncees. 4Tus tubrog uas tabtom ua haujlwm hauv tshavrog, nws tsuas xav ua rawsli nws tus thawj lub siab nyiam xwb, nws yeej yuav tsis mus ua tej pejxeem li haujlwm ib zaug li. 5Tus uas sibtw khiav, yog nws tsis ua rawsli txojcai khiav, nws yuav tsis tau txais qhov nqizog uas yog tus khiav yeej lub kausmom. 6Tus tub qoob tub loo uas nquag, tsimnyog nws yog tus xub tau noj tej qoobloo uas nws sau tau los. 7Tej lus uas kuv hais no, koj muab los ua tibzoo xav, Vajtswv yeej yuav pab kom koj totaub txhua yam huv tibsi.
8Ncontsoov Yexus Khetos tus uas tau sawv hauv qhovtuag rovqab los, uas yog Daviv li cajces. No lau, yog Txoj Moo Zoo uas kuv qhia. 9Twb yog vim kuv qhia Txoj Moo Zoo no ntag, kuv thiaj raug kev tsimtxom thiab raug luag muab saw hlau khi ib yam li tus neeg raug txim. Tiamsis yeej tsis muaj leejtwg yuav khi tau Vajtswv Txojlus. 10Vimli ntawd, kuv thiaj ua siabntev tiv txhua yam kev txomnyem pub rau cov neeg uas Vajtswv tau xaiv cia lawm, kom lawv thiajli yuav muaj kev dim txim nyob rau hauv Yexus Khetos, nrog rau tus tshwjchim uas ci ntsa-iab mus ibtxhis. 11No yog ib lolus tseeb:
“Yog peb nrog Nws tuag lawm,
peb yuav tau nrog Nws nyob uake thiab.
12Yog peb ua taus siabntev tiv,
peb yuav tau nrog Nws kav thiab.
Yog peb tsis lees paub Nws,
Nws yuav tsis lees paub peb thiab. #Math 10:33; Lukas 12:9
13Txawm yog peb tsis ncajncees,
los Nws yeej tseem ncajncees,
vim Nws yeej tsis rov dag Nws ib zaug li.”
Tus Tubtxib Uas Vajtswv Txaussiab
14Koj ncontsoov muab zaj no qhia rau cov ntseeg thiab ntuas lawv tabmeeg ntawm Vajtswv kom lawv tsis txhob sibcav sibceg txog tej nyuag lus uas sawvdaws hais. Tej ntawd yeej tsis muaj qabhau dabtsi li, tsuas yog yuav ua rau cov neeg uas mloog puastsuaj nkaus xwb. 15Koj kavtsij rausiab xyaum tiag-tiag kom koj yog ib tug uas Vajtswv txaussiab rau, kom koj yog ib tug uas tsis txajmuag rau Nws tes haujlwm, thiab yog ib tug uas yeej qhia raws nraim li Vajtswv Txojlus tseeb xwb. 16Tsis txhob siv tej lus uas hais ua-dog ua-dig thiab tej uas tsis muaj qabhau, tej ntawd tsuas muaj uas yuav ua rau neeg hajyam txav deb ntawm Vajtswv xwb. 17Tej lus uas lawv hais ntawd yuav huam loj ib yam li lub qhovtxhab uas qawj tob zujzus. Cov ntawd ib tug yog Himena-us thiab ib tug yog Filetus. 18Nkawd tau txav deb ntawm qhov tseeb lawm; nkawd thiaj qhia hais tias, qhov uas cov ntseeg sawv hauv qhovtuag rovqab los twb dhau tag lawm, ces txawm ua rau cov ntseeg ibtxhia ciali tsis ntseeg Vajtswv lawm. 19Txawm li ntawd los tus cag uas Vajtswv muab cog cia lawm yeej nyob khovkho; muaj lub homthawj nias rau ntawd hais tias, “Vajtswv paub tias lawv yog Vajtswv li,” thiab “txhua tus uas tau lees ntawm lub ncauj hais tias Vajtswv yog nws tus Tswv, tus ntawd yuavtsum tso nws tej kev phem kev qias tseg.” #Teev 6:5
20Nyob rau hauv lub tsev uas loj yeej muaj ntau yam tais-diav uas tsis yog tais nyiaj tais kub xwb tiamsis kuj muaj tej tais ntoo tais av thiab. Qeeyam tais-diav yog siv rau thaum uas muaj pluas noj tshwjxeeb, tiamsis qeeyam tais-diav tsuas yog siv rau kev noj kev haus li niajhnub txeev muaj xwb. 21Yog leejtwg muab nws tej kev phem kev qias ntxuav huv tibsi mus, tus ntawd yuav tau ua tej haujlwm uas tshwjxeeb, rauqhov nws raug muab fij thiab zoo rau Vajtswv siv heev, vim nws twb npaj txhij yuav ua tej haujlwm uas zoo lawm.
22Yogli ntawd, koj yuavtsum khiav tawm ntawm tej kev phem uas cov hluas lub siab ntshaw, es kavtsij rausiab nrhiav kev ncajncees, kev ntseeg, kev hlub, thiab kev sib raugzoo, nrog cov neeg uas muaj lub siab dawbhuv uas niajhnub thov Vajtswv. 23Tsis txhob nrog leejtwg sibcav txog tej zaj uas ruam-ruam thiab tsis muaj qabhau, rauqhov koj twb paub lawm hais tias tej ntawd yuav ua rau muaj lus sibcav sibceg xwb. 24Tus uas yog Vajtswv tus tubtxib yuavtsum tsis txhob nrog luag sibcav sibceg. Nws yuavtsum ua zoo rau txhua tus, muaj peevxwm qhia, ua tau siabntev, 25thiab ua tibzoo siv tej lus mosmuag los qhia nws cov yeejkom, rauqhov tejzaum Vajtswv kuj yuav pub rau lawv kom muaj sijhawm los tso lawv tej kev txhaum tseg thiab los paub qhov tseeb. 26Thaum ntawd lawv thiaj yuav ras thiab khiav dhau ntawm dab ntxwgnyoog lub voj hlua uas twb cuab mag lawv lawm, thiab yuam kom lawv ua rawsli nws lub siab nyiam.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.