2 Kauleethaus 5
5
1Peb paub tias txawm yog lub tsev pheebsuab, uas yog peb lub cev hauv ntiajteb no, raug muab rhuav los xij, Vajtswv yuav ua ib lub tsev saum ntuj rau peb nyob mus ibtxhis uas tsis yog neeg txhais tes ua. 2Niajhnub no peb seevyees, ntshaw muab lub cev saum ntuj los hnav; 3zooli hnav tsoostsho kom peb thiaj tsis liabqab. 4Thaum peb tseem ua neej nyob rau hauv lub tsev pheebsuab no peb ntsaj laws vim txoj kev caijtsuj; tsis yog tias peb xav muab peb lub cev uas zooli lub tsev pheebsuab no laim ncua tseg, tiamsis yog peb xav muab lub cev saum ntuj los looj, kom txojsia thiaj yuav hloov tau lub cev uas txawj tuag. 5Vajtswv yog tus uas npaj peb rau txoj kev hloov no, thiab Nws yog tus uas pub Nws tus Ntsujplig rau peb, uas yog ua puavpheej qhia txog txhua yam uas Nws twb npaj tseg rau peb lawm.
6Vimli ntawd, peb thiaj ua neej puvnpo txoj kev ruajsiab. Peb paub tias thaum twg uas peb tseem nyob hauv lub tsev pheebsuab uas yog peb lub cev no, peb tseem nyob deb peb tus Tswv kawg li. 7Rauqhov peb ua neej rawsli kev ntseeg, tsis yog rawsli qhovmuag pom. 8Peb yeej puvnpo txoj kev ruajsiab, hais tias peb tseem yeem mus nrog peb tus Tswv nyob heev dua li peb nyob hauv lub tsev pheebsuab uas yog lub cev no. 9Yogli ntawd, txawm peb yuav nyob hauv lub cev no thiab tsis nyob lawm los xij, peb lub homphiaj ces yog peb yuav ua lub neej rawsli Vajtswv lub siab nyiam xwb. 10Rauqhov peb txhua tus yuavtsum tau mus sawv tabmeeg ntawm Khetos lub rooj txiavtxim rau Nws taug peb zaj. Peb txhua tus yuav tau txais nqizog rawsli txhua tes haujlwm uas peb tau ua thaum peb tseem ua neej nyob no, tsis hais tej uas peb ua zoo lossis ua phem. #Loos 14:1
Nrog Vajtswv Ua Phoojywg Los Ntawm Khetos
11Vim peb paub tias kev ntshai tus Tswv yog zoo licas, peb thiaj yaum sawvdaws kom tig los cuag tus Tswv. Vajtswv yeej paub txog txhua yam ntawm peb. Kuv ciasiab hais tias nyob rau hauv nej lub siab, nej yuav paub kuv zoo lawm thiab. 12Tsis yog peb rov qhuas peb rau nej dua, tiamsis peb xav kom nej muaj kev zoosiab rau peb thiab, kom nej thiaj yuav muaj peevxwm teb tau cov neeg uas nyiam luag qhuas tej uas qhovmuag pom tshaj li qhuas tej uas nyob hauv lawv nruabsiab. 13Txawm yog peb ua tau li tej neeg uas tsis meejpem, los kuj yog peb ua rau Vajtswv; txawm peb ho ua tau li tej neeg uas meejpem, los kuj yog peb ua rau nej. 14Vim Khetos txoj kev hlub kav rawv peb, rauqhov peb pom meej lawm hais tias muaj ib tug tau tuag theej sawvdaws lub txhoj, txhais tau hais tias sawvdaws puavleej koom Nws txoj kev tuag. 15Nws tuag pub rau txhua tus, kom cov uas tseem muaj sia nyob tsis txhob ua lub neej pub rau lawv tuskheej, tiamsis ua rau tus uas tau tuag thiab tau sawv hauv qhovtuag rovqab los lawm xwb.
16Txij no mus, peb yuav tsis txiavtxim rau leejtwg rawsli neeg tus qauv lawm. Txawm yog yav tas los peb tau txiavtxim li ntawd rau Khetos rawsli neeg tus qauv lawm los, peb yuav tsis ua li ntawd lawm. 17Yogli ntawd, tus uas nyob rau hauv Khetos, tus ntawd yog ib tug uas raug tsim dua tshiab; txhua yam qub twb ploj mus lawm, saib maj, txhua yam yog yam tshiab lawm xwb! 18Txhua yam no puavleej yog los ntawm Vajtswv, tus uas tau coj peb rov los nrog Nws sib raugzoo, uas yog los ntawm Khetos los, thiab Vajtswv tau muab tes haujlwm uas mus coj neeg los nrog Vajtswv sib raugzoo rau peb ua. 19Zaj uas peb qhia yogli no hais tias, Vajtswv tabtom coj txhua haivneeg rov los nrog Nws sib raugzoo, uas yog los ntawm Khetos los.#5:19: Vajtswv tabtom coj txhua haivneeg rov los nrog Nws sib raugzoo, uas yog los ntawm Khetos los; lossis Vajtswv nyob rau hauv Khetos thiab tabtom coj txhua haivneeg los ua nws li phoojywg. Vajtswv tsis muab tej uas lawv tau ua txhaum rov los rautxim rau lawv, thiab Vajtswv tau muab zaj uas mus coj neeg los nrog Vajtswv sib raugzoo rau peb qhia.
20Yogli ntawd, peb thiaj yog cov sawvcev ntawm Khetos, zoo yam li Vajtswv siv peb ua cov nquahu nej. Peb sawvcev Khetos thov nquahu nej hais tias, nej ciali rov los nrog Vajtswv sib raugzoo. 21Khetos yeej tsis muaj txim, tiamsis vim Vajtswv hlub peb heev, Nws thiaj muab peb lub txim rau Khetos ris, kom nyob rau hauv Khetos, peb thiaj yuav dhau tau mus ua neeg dawbhuv.
Currently Selected:
2 Kauleethaus 5: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
2 Kauleethaus 5
5
1Peb paub tias txawm yog lub tsev pheebsuab, uas yog peb lub cev hauv ntiajteb no, raug muab rhuav los xij, Vajtswv yuav ua ib lub tsev saum ntuj rau peb nyob mus ibtxhis uas tsis yog neeg txhais tes ua. 2Niajhnub no peb seevyees, ntshaw muab lub cev saum ntuj los hnav; 3zooli hnav tsoostsho kom peb thiaj tsis liabqab. 4Thaum peb tseem ua neej nyob rau hauv lub tsev pheebsuab no peb ntsaj laws vim txoj kev caijtsuj; tsis yog tias peb xav muab peb lub cev uas zooli lub tsev pheebsuab no laim ncua tseg, tiamsis yog peb xav muab lub cev saum ntuj los looj, kom txojsia thiaj yuav hloov tau lub cev uas txawj tuag. 5Vajtswv yog tus uas npaj peb rau txoj kev hloov no, thiab Nws yog tus uas pub Nws tus Ntsujplig rau peb, uas yog ua puavpheej qhia txog txhua yam uas Nws twb npaj tseg rau peb lawm.
6Vimli ntawd, peb thiaj ua neej puvnpo txoj kev ruajsiab. Peb paub tias thaum twg uas peb tseem nyob hauv lub tsev pheebsuab uas yog peb lub cev no, peb tseem nyob deb peb tus Tswv kawg li. 7Rauqhov peb ua neej rawsli kev ntseeg, tsis yog rawsli qhovmuag pom. 8Peb yeej puvnpo txoj kev ruajsiab, hais tias peb tseem yeem mus nrog peb tus Tswv nyob heev dua li peb nyob hauv lub tsev pheebsuab uas yog lub cev no. 9Yogli ntawd, txawm peb yuav nyob hauv lub cev no thiab tsis nyob lawm los xij, peb lub homphiaj ces yog peb yuav ua lub neej rawsli Vajtswv lub siab nyiam xwb. 10Rauqhov peb txhua tus yuavtsum tau mus sawv tabmeeg ntawm Khetos lub rooj txiavtxim rau Nws taug peb zaj. Peb txhua tus yuav tau txais nqizog rawsli txhua tes haujlwm uas peb tau ua thaum peb tseem ua neej nyob no, tsis hais tej uas peb ua zoo lossis ua phem. #Loos 14:1
Nrog Vajtswv Ua Phoojywg Los Ntawm Khetos
11Vim peb paub tias kev ntshai tus Tswv yog zoo licas, peb thiaj yaum sawvdaws kom tig los cuag tus Tswv. Vajtswv yeej paub txog txhua yam ntawm peb. Kuv ciasiab hais tias nyob rau hauv nej lub siab, nej yuav paub kuv zoo lawm thiab. 12Tsis yog peb rov qhuas peb rau nej dua, tiamsis peb xav kom nej muaj kev zoosiab rau peb thiab, kom nej thiaj yuav muaj peevxwm teb tau cov neeg uas nyiam luag qhuas tej uas qhovmuag pom tshaj li qhuas tej uas nyob hauv lawv nruabsiab. 13Txawm yog peb ua tau li tej neeg uas tsis meejpem, los kuj yog peb ua rau Vajtswv; txawm peb ho ua tau li tej neeg uas meejpem, los kuj yog peb ua rau nej. 14Vim Khetos txoj kev hlub kav rawv peb, rauqhov peb pom meej lawm hais tias muaj ib tug tau tuag theej sawvdaws lub txhoj, txhais tau hais tias sawvdaws puavleej koom Nws txoj kev tuag. 15Nws tuag pub rau txhua tus, kom cov uas tseem muaj sia nyob tsis txhob ua lub neej pub rau lawv tuskheej, tiamsis ua rau tus uas tau tuag thiab tau sawv hauv qhovtuag rovqab los lawm xwb.
16Txij no mus, peb yuav tsis txiavtxim rau leejtwg rawsli neeg tus qauv lawm. Txawm yog yav tas los peb tau txiavtxim li ntawd rau Khetos rawsli neeg tus qauv lawm los, peb yuav tsis ua li ntawd lawm. 17Yogli ntawd, tus uas nyob rau hauv Khetos, tus ntawd yog ib tug uas raug tsim dua tshiab; txhua yam qub twb ploj mus lawm, saib maj, txhua yam yog yam tshiab lawm xwb! 18Txhua yam no puavleej yog los ntawm Vajtswv, tus uas tau coj peb rov los nrog Nws sib raugzoo, uas yog los ntawm Khetos los, thiab Vajtswv tau muab tes haujlwm uas mus coj neeg los nrog Vajtswv sib raugzoo rau peb ua. 19Zaj uas peb qhia yogli no hais tias, Vajtswv tabtom coj txhua haivneeg rov los nrog Nws sib raugzoo, uas yog los ntawm Khetos los.#5:19: Vajtswv tabtom coj txhua haivneeg rov los nrog Nws sib raugzoo, uas yog los ntawm Khetos los; lossis Vajtswv nyob rau hauv Khetos thiab tabtom coj txhua haivneeg los ua nws li phoojywg. Vajtswv tsis muab tej uas lawv tau ua txhaum rov los rautxim rau lawv, thiab Vajtswv tau muab zaj uas mus coj neeg los nrog Vajtswv sib raugzoo rau peb qhia.
20Yogli ntawd, peb thiaj yog cov sawvcev ntawm Khetos, zoo yam li Vajtswv siv peb ua cov nquahu nej. Peb sawvcev Khetos thov nquahu nej hais tias, nej ciali rov los nrog Vajtswv sib raugzoo. 21Khetos yeej tsis muaj txim, tiamsis vim Vajtswv hlub peb heev, Nws thiaj muab peb lub txim rau Khetos ris, kom nyob rau hauv Khetos, peb thiaj yuav dhau tau mus ua neeg dawbhuv.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.