1 Timautes 3
3
Cov Thawjcoj Hauv Pawg Ntseeg
1Ntawm no yog ib lolus tseeb: Yog leejtwg npajsiab xav los ua ib tug thawjcoj hauv pawg ntseeg, kuj yog nws xav ua tes haujlwm uas zoo kawg nkaus. 2Tus thawjcoj ntawd yuavtsum yog ib tug uas tsis muaj leejtwg thuam tau; nws muaj tibtug pojniam xwb,#3:2: muaj tibtug pojniam xwb; lossis tsuas yuav pojniam tibzaug xwb. nws xyuamxim, nws tswj tau nws tuskheej, nws txaus hwm, nws nyiam qhua, nws muaj peevxwm qhia, #Titus 1:6-9 3nws tsis yog neeg quavcawv, tsis yog neeg nrujtsiv tiamsis yog neeg mosmuag, tsis nyiam sibcav sibceg, tsis ntshaw nyiajtxiag. 4Nws yuavtsum muaj peevxwm tswjhwm tau nws tsev neeg rau qhov zoo, thiab txawj qhia nws tej menyuam kom lawv txawj mloog nws lus thiab txawj hwm nws. 5Rauqhov hais tias, yog nws twb tsis paub tswj nws tsev neeg, es nws yuav ua licas saib tau Vajtswv pawg ntseeg?
6Nws yuavtsum tsis txhob yog ib tug uas nyuamqhuav los ntseeg tshiab, kom nws thiajli tsis khavtheeb thiab tsis ua rau nws raug txim ib yam li dab ntxwgnyoog. 7Nws yuavtsum yog ib tug uas cov tsis ntseeg Vajtswv los puavleej hwm thiab, kom nws thiaj yuav tsis poob ntsejmuag thiab tsis mag dab ntxwgnyoog lub voj hlua.
Cov Ncignum Hauv Pawg Ntseeg
8Cov ncignum hauv pawg ntseeg los tibyam nkaus thiab, lawv yuavtsum muaj tus cwjpwm zoo uas txaus hwm, tsis ntau ncauj, tsis quavcawv, lossis ua tsis ncaj txog phab nyiajtxiag. 9Lawv yuavtsum tuav qhov tseeb ntawm txoj kev ntseeg uas Vajtswv tau muab qhia rau sawvdaws lawm kom ruaj-khov thiab kom meej nplhiav. 10Yuavtsum muab lawv sim uantej tso, dhau ntawd yog tsis muaj leejtwg thuam tau lawv lawm, mam tsa lawv ua haujlwm.
11Lawv cov pojniam#3:11: Lawv cov pojniam; Cov niam ncignum. los tibyam nkaus thiab, lawv yuavtsum yog ib cov pojniam uas muaj tus cwjpwm zoo uas txaus hwm, tsis nyiam taugxaiv tiamsis xyuamxim, thiab ncajncees rau txhua yam uas lawv ua.
12Tus ncignum hauv pawg ntseeg yuavtsum yog tus uas muaj tibtug pojniam#3:12: muaj tibtug pojniam; lossis tsuas yuav pojniam tibzaug xwb. xwb, thiab yuavtsum muaj peevxwm tswjhwm tau nws cov menyuam thiab tsev neeg rau qhov zoo. 13Cov ncignum uas lawv ua tau tes haujlwm zoo, lawv yuav tau lub koob lub npe zoo thiab yuav muaj peevxwm nyob khovkho rau hauv txoj kev ntseeg uas nyob hauv Yexus Khetos.
Vajtswv Nthuav Txog Tej Lus Qhia Uas Tseeb
14Thaum kuv sau tsab ntawv no tuaj rau koj, kuv xav tias nyaj tsis ntev no kuv yuav tau tuaj saib koj. 15Tiamsis yog kuv ho tsis tau tuaj sai, los tsab ntawv no yuav qhia rau koj paub tias tsimnyog peb yuavtsum coj licas nyob rau hauv Vajtswv tsev neeg, uas yog Vajtswv tus muaj txojsia nyob pawg ntseeg, yog tus cag thiab yog tus ncej txheem qhov tseeb. 16Peb muaj cuabkav hais tau hais tias qhov tseeb ntawm peb txoj kev ntseeg no zoo tiag-tiag li:
Vajtswv tau tshwmsim los ua neeg,
Vaj Ntsujplig#3:16: Vaj Ntsujplig; lossis thiab, sab ntsujplig, nws yog tus ncajncees. ua tau timkhawv hais tias Nws yog tus uas ncajncees,
Vajtswv cov timtswv puavleej pom Nws.
Muaj neeg qhia Nws zaj rau Lwm Haivneeg,
tej neeg uas nyob txhua qhov hauv ntiajteb no los ntseeg Nws,
thiab Vajtswv coj Nws mus saum ntuj lawm.
Currently Selected:
1 Timautes 3: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
1 Timautes 3
3
Cov Thawjcoj Hauv Pawg Ntseeg
1Ntawm no yog ib lolus tseeb: Yog leejtwg npajsiab xav los ua ib tug thawjcoj hauv pawg ntseeg, kuj yog nws xav ua tes haujlwm uas zoo kawg nkaus. 2Tus thawjcoj ntawd yuavtsum yog ib tug uas tsis muaj leejtwg thuam tau; nws muaj tibtug pojniam xwb,#3:2: muaj tibtug pojniam xwb; lossis tsuas yuav pojniam tibzaug xwb. nws xyuamxim, nws tswj tau nws tuskheej, nws txaus hwm, nws nyiam qhua, nws muaj peevxwm qhia, #Titus 1:6-9 3nws tsis yog neeg quavcawv, tsis yog neeg nrujtsiv tiamsis yog neeg mosmuag, tsis nyiam sibcav sibceg, tsis ntshaw nyiajtxiag. 4Nws yuavtsum muaj peevxwm tswjhwm tau nws tsev neeg rau qhov zoo, thiab txawj qhia nws tej menyuam kom lawv txawj mloog nws lus thiab txawj hwm nws. 5Rauqhov hais tias, yog nws twb tsis paub tswj nws tsev neeg, es nws yuav ua licas saib tau Vajtswv pawg ntseeg?
6Nws yuavtsum tsis txhob yog ib tug uas nyuamqhuav los ntseeg tshiab, kom nws thiajli tsis khavtheeb thiab tsis ua rau nws raug txim ib yam li dab ntxwgnyoog. 7Nws yuavtsum yog ib tug uas cov tsis ntseeg Vajtswv los puavleej hwm thiab, kom nws thiaj yuav tsis poob ntsejmuag thiab tsis mag dab ntxwgnyoog lub voj hlua.
Cov Ncignum Hauv Pawg Ntseeg
8Cov ncignum hauv pawg ntseeg los tibyam nkaus thiab, lawv yuavtsum muaj tus cwjpwm zoo uas txaus hwm, tsis ntau ncauj, tsis quavcawv, lossis ua tsis ncaj txog phab nyiajtxiag. 9Lawv yuavtsum tuav qhov tseeb ntawm txoj kev ntseeg uas Vajtswv tau muab qhia rau sawvdaws lawm kom ruaj-khov thiab kom meej nplhiav. 10Yuavtsum muab lawv sim uantej tso, dhau ntawd yog tsis muaj leejtwg thuam tau lawv lawm, mam tsa lawv ua haujlwm.
11Lawv cov pojniam#3:11: Lawv cov pojniam; Cov niam ncignum. los tibyam nkaus thiab, lawv yuavtsum yog ib cov pojniam uas muaj tus cwjpwm zoo uas txaus hwm, tsis nyiam taugxaiv tiamsis xyuamxim, thiab ncajncees rau txhua yam uas lawv ua.
12Tus ncignum hauv pawg ntseeg yuavtsum yog tus uas muaj tibtug pojniam#3:12: muaj tibtug pojniam; lossis tsuas yuav pojniam tibzaug xwb. xwb, thiab yuavtsum muaj peevxwm tswjhwm tau nws cov menyuam thiab tsev neeg rau qhov zoo. 13Cov ncignum uas lawv ua tau tes haujlwm zoo, lawv yuav tau lub koob lub npe zoo thiab yuav muaj peevxwm nyob khovkho rau hauv txoj kev ntseeg uas nyob hauv Yexus Khetos.
Vajtswv Nthuav Txog Tej Lus Qhia Uas Tseeb
14Thaum kuv sau tsab ntawv no tuaj rau koj, kuv xav tias nyaj tsis ntev no kuv yuav tau tuaj saib koj. 15Tiamsis yog kuv ho tsis tau tuaj sai, los tsab ntawv no yuav qhia rau koj paub tias tsimnyog peb yuavtsum coj licas nyob rau hauv Vajtswv tsev neeg, uas yog Vajtswv tus muaj txojsia nyob pawg ntseeg, yog tus cag thiab yog tus ncej txheem qhov tseeb. 16Peb muaj cuabkav hais tau hais tias qhov tseeb ntawm peb txoj kev ntseeg no zoo tiag-tiag li:
Vajtswv tau tshwmsim los ua neeg,
Vaj Ntsujplig#3:16: Vaj Ntsujplig; lossis thiab, sab ntsujplig, nws yog tus ncajncees. ua tau timkhawv hais tias Nws yog tus uas ncajncees,
Vajtswv cov timtswv puavleej pom Nws.
Muaj neeg qhia Nws zaj rau Lwm Haivneeg,
tej neeg uas nyob txhua qhov hauv ntiajteb no los ntseeg Nws,
thiab Vajtswv coj Nws mus saum ntuj lawm.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.