1 Kauleethaus 4
4
Khetos Cov Timthawj
1Tsimnyog nej yuav tau hwm hais tias peb yog Yexus Khetos cov tubtxib thiab yog cov uas ceev Vajtswv tej lus tseeb uas tsis muaj neeg paub. 2Tshaj qhov ntawd thiab, cov uas raug tsa los ua tubtxib, lawv yuavtsum yog ib cov uas luag pom tias yog neeg ncajncees. 3Txawm yog nej lossis lwmtus yuav txiavtxim rau kuv los xij, tej ntawd kuv tsis xav licas. Kuv kiag los kuv twb tsis txiavtxim rau kuv thiab. 4Kuv yeej paub tseeb hais tias kuv tsis tau ua txhaum, tiamsis qhov ntawd tsis tau qhia hais tias kuv tsis muaj txim. Tus Tswv yog tus uas yuav txiavtxim rau kuv.
5Yogli ntawd, nej tsis txhob txiavtxim rau leejtwg uantej lub sijhawm uas tau teem cia lawm; tos mus txog Hnub uas tus Tswv rov los tso. Nws yuav muab tej uas neeg ua zais nkoos hauv qhov tsausntuj los nthuav rau nraum qhov pomkev thiab yuav muab tej uas neeg lub siab ntshaw los nthuav qhia rau sawvdaws paub. Thaum ntawd, txhua tus yuav tau txais kev qhuas los ntawm Vajtswv rawsli uas tsimnyog.
6Cov kwvtij, qhov uas kuv muab Apaulaus thiab kuv zaj coj los piav rau nej, twb yog kuv xav muab wb los ua yamntxwv rau nej xyaum, kom nej paub lub ntsiab ntawm lolus uas hais tias, “Tsis txhob ua dhau qhov uas tau sau tseg lawm.” Nej tsis txhob qhuas tus no thiab thuam tus tod. 7Leejtwg ua rau koj zoo dua lwmtus huv tibsi? Txhua yam uas koj muaj tsis yog Vajtswv muab rau koj lov? Yogli ntawd, uacas koj tseem khav cuag li uas tej ntawd tsis yog Vajtswv muab pub rau koj?
8Nej twb muaj txhua yam uas nej ntshaw lawm lov? Nej twb dhau mus ua neeg npluanuj lawm puas yog? Nej twb dhau mus ua vajntxwv lawm, tseg peb tsis tau ua lov? Kuv xav tias kheevlam nej yog vajntxwv tiag, kom peb thiaj tau nrog nej ua vajntxwv thiab! 9Kuv pom tias Vajtswv muab peb cov uas yog timthawj tso tuaj tom tw kawg nkaus, zoo ib yam li cov neeg raug lub txim tuag sawv tabmeeg tej neeg coob-coob, thiab ua yeebyam rau lub ntiajteb no, rau cov timtswv, thiab rau neeg saib.
10Peb yeej ua neeg ruam pub rau Khetos, tiamsis nej yog neeg ntse nyob rau hauv Khetos. Peb tsis muajzog, tiamsis nej muajzog. Nej raug luag hwm, tiamsis peb raug luag thuam. 11Txawm yog lub sijhawm tamsim no kiag los peb tseem tshaib tseem nqhis, peb hnav tej tsoostsho uas qub thiab ntuag, peb raug luag ntaus, peb tsis muaj tsev nrog luag nyob, 12peb siv zog khwv heev los ntawm peb ob txhais tes. Thaum luag foom phem rau peb, peb thov Vajtswv foom koobhmoov zoo rau luag; thaum luag tsimtxom peb, peb ua siabntev nyiaj; #Teshl 18:3 13thaum luag txobthuam peb, peb ua tibzoo teb luag. Peb zooli tej khoom liamsim uas neeg ntiajteb muab povtseg, peb zooli tej khoom seem rau neeg ntiajteb los txog niajhnub no!
14Kuv sau tsab ntawv no tuaj rau nej tsis yog kuv xav ua kom nej txajmuag, tiamsis kuv sau tuaj ntuas nej ib yam li kuv cov menyuam uas kuv hlub. 15Txawm yog yuav muaj 10,000 leej ua cov saib nej nyob rau hauv Khetos, los nej tsuas muaj tib leejtxiv xwb. Rauqhov nyob rau hauv nej lub neej uas koom nrog Yexus Khetos ces kuv tau dhau los ua nej txiv vim kuv yog tus coj Txoj Moo Zoo tuaj rau nej. 16Yogli ntawd, kuv thov kom nej xyaum ua rawsli kuv ua. #1Klt 11:1; Filipi 3:17 17Twb yog vimli no kuv thiaj txib Timautes uas yog kuv tus tub uas kuv hlub thiab yog ib tug tub uas ncajncees rau tus Tswv tuaj qhia nej. Nws yuav qhia kom nej ncontsoov txog kuv txoj kev ua neej nyob rau hauv Yexus Khetos, raws nraim li tej kuv qhia rau txhua pawg ntseeg uas nyob txhua qhov.
18Nej qeeleej ciali xyaum khavtheeb, vim nej xav tias kuv yuav tsis tuaj saib nej lawm. 19Tiamsis yog tus Tswv pomzoo, tsis ntev saum no kuv yuav tuaj saib nej; thaum ntawd kuv yuav paub tias lub hwjchim uas cov neeg khavtheeb ntawd muaj yog dabtsi, tsis yog paub txog tej lus uas lawv hais nkaus xwb. 20Rauqhov Vajtswv lub Tebchaws tsis yog yam uas neeg lub ncauj hais tiamsis yog hwjchim. 21Nej nyiam licas? Yuav cia kuv nqa nplawm tuaj cuag nej, lossis yuav cia kuv nqa txoj kev hlub thiab lub siab mosmuag tuaj cuag nej?
Currently Selected:
1 Kauleethaus 4: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
1 Kauleethaus 4
4
Khetos Cov Timthawj
1Tsimnyog nej yuav tau hwm hais tias peb yog Yexus Khetos cov tubtxib thiab yog cov uas ceev Vajtswv tej lus tseeb uas tsis muaj neeg paub. 2Tshaj qhov ntawd thiab, cov uas raug tsa los ua tubtxib, lawv yuavtsum yog ib cov uas luag pom tias yog neeg ncajncees. 3Txawm yog nej lossis lwmtus yuav txiavtxim rau kuv los xij, tej ntawd kuv tsis xav licas. Kuv kiag los kuv twb tsis txiavtxim rau kuv thiab. 4Kuv yeej paub tseeb hais tias kuv tsis tau ua txhaum, tiamsis qhov ntawd tsis tau qhia hais tias kuv tsis muaj txim. Tus Tswv yog tus uas yuav txiavtxim rau kuv.
5Yogli ntawd, nej tsis txhob txiavtxim rau leejtwg uantej lub sijhawm uas tau teem cia lawm; tos mus txog Hnub uas tus Tswv rov los tso. Nws yuav muab tej uas neeg ua zais nkoos hauv qhov tsausntuj los nthuav rau nraum qhov pomkev thiab yuav muab tej uas neeg lub siab ntshaw los nthuav qhia rau sawvdaws paub. Thaum ntawd, txhua tus yuav tau txais kev qhuas los ntawm Vajtswv rawsli uas tsimnyog.
6Cov kwvtij, qhov uas kuv muab Apaulaus thiab kuv zaj coj los piav rau nej, twb yog kuv xav muab wb los ua yamntxwv rau nej xyaum, kom nej paub lub ntsiab ntawm lolus uas hais tias, “Tsis txhob ua dhau qhov uas tau sau tseg lawm.” Nej tsis txhob qhuas tus no thiab thuam tus tod. 7Leejtwg ua rau koj zoo dua lwmtus huv tibsi? Txhua yam uas koj muaj tsis yog Vajtswv muab rau koj lov? Yogli ntawd, uacas koj tseem khav cuag li uas tej ntawd tsis yog Vajtswv muab pub rau koj?
8Nej twb muaj txhua yam uas nej ntshaw lawm lov? Nej twb dhau mus ua neeg npluanuj lawm puas yog? Nej twb dhau mus ua vajntxwv lawm, tseg peb tsis tau ua lov? Kuv xav tias kheevlam nej yog vajntxwv tiag, kom peb thiaj tau nrog nej ua vajntxwv thiab! 9Kuv pom tias Vajtswv muab peb cov uas yog timthawj tso tuaj tom tw kawg nkaus, zoo ib yam li cov neeg raug lub txim tuag sawv tabmeeg tej neeg coob-coob, thiab ua yeebyam rau lub ntiajteb no, rau cov timtswv, thiab rau neeg saib.
10Peb yeej ua neeg ruam pub rau Khetos, tiamsis nej yog neeg ntse nyob rau hauv Khetos. Peb tsis muajzog, tiamsis nej muajzog. Nej raug luag hwm, tiamsis peb raug luag thuam. 11Txawm yog lub sijhawm tamsim no kiag los peb tseem tshaib tseem nqhis, peb hnav tej tsoostsho uas qub thiab ntuag, peb raug luag ntaus, peb tsis muaj tsev nrog luag nyob, 12peb siv zog khwv heev los ntawm peb ob txhais tes. Thaum luag foom phem rau peb, peb thov Vajtswv foom koobhmoov zoo rau luag; thaum luag tsimtxom peb, peb ua siabntev nyiaj; #Teshl 18:3 13thaum luag txobthuam peb, peb ua tibzoo teb luag. Peb zooli tej khoom liamsim uas neeg ntiajteb muab povtseg, peb zooli tej khoom seem rau neeg ntiajteb los txog niajhnub no!
14Kuv sau tsab ntawv no tuaj rau nej tsis yog kuv xav ua kom nej txajmuag, tiamsis kuv sau tuaj ntuas nej ib yam li kuv cov menyuam uas kuv hlub. 15Txawm yog yuav muaj 10,000 leej ua cov saib nej nyob rau hauv Khetos, los nej tsuas muaj tib leejtxiv xwb. Rauqhov nyob rau hauv nej lub neej uas koom nrog Yexus Khetos ces kuv tau dhau los ua nej txiv vim kuv yog tus coj Txoj Moo Zoo tuaj rau nej. 16Yogli ntawd, kuv thov kom nej xyaum ua rawsli kuv ua. #1Klt 11:1; Filipi 3:17 17Twb yog vimli no kuv thiaj txib Timautes uas yog kuv tus tub uas kuv hlub thiab yog ib tug tub uas ncajncees rau tus Tswv tuaj qhia nej. Nws yuav qhia kom nej ncontsoov txog kuv txoj kev ua neej nyob rau hauv Yexus Khetos, raws nraim li tej kuv qhia rau txhua pawg ntseeg uas nyob txhua qhov.
18Nej qeeleej ciali xyaum khavtheeb, vim nej xav tias kuv yuav tsis tuaj saib nej lawm. 19Tiamsis yog tus Tswv pomzoo, tsis ntev saum no kuv yuav tuaj saib nej; thaum ntawd kuv yuav paub tias lub hwjchim uas cov neeg khavtheeb ntawd muaj yog dabtsi, tsis yog paub txog tej lus uas lawv hais nkaus xwb. 20Rauqhov Vajtswv lub Tebchaws tsis yog yam uas neeg lub ncauj hais tiamsis yog hwjchim. 21Nej nyiam licas? Yuav cia kuv nqa nplawm tuaj cuag nej, lossis yuav cia kuv nqa txoj kev hlub thiab lub siab mosmuag tuaj cuag nej?
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.