1 Kauleethaus 2
2
Zaj Hais Txog Khetos Tus Uas Raug Ntsia Saum Ntoo Khaublig
1Cov kwvtij, thaum kuv tuaj saib nej, uas yog tuaj qhia Vajtswv Txojlus tseeb uas tsis muaj neeg paub#2:1: Vajtswv txojlus tseeb uas tsis muaj neeg paub; tej phau ntawv qub uas xuas tes sau, muaj tej lus timkhawv txog Vajtswv. rau nej, kuv tsis tau siv tej lus uas tob-tob lossis qhia li uas kuv yog ib tug neeg muaj kev txawjntse heev. 2Rauqhov kuv yeej txiavtxim siab lawm hais tias thaum kuv nrog nej nyob, kuv yuav tsis qhia txog lwmyam hlo li, tsuas yog qhia txog Yexus Khetos thiab qhov uas Nws tuag saum tus ntoo khaublig rau nej xwb. 3Yogli ntawd, thaum kuv tuaj nrog nej nyob, kuv kuj tsaugmuag thiab ntshai ua ibce tsheehnyo. #Teshl 18:9 4Tej lus uas kuv hais thiab tej uas kuv qhuabqhia yeej tsis yog los ntawm neeg lub tswvyim txawjntse kom xwv tau neeg lub siab, tiamsis yog tej lus uas qhia kom sawvdaws pom txog Vajtswv tus Ntsujplig lub hwjchim. 5Yogli ntawd, nej txoj kev ntseeg thiaj tsis nyob rau ntawm neeg tej kev txawjntse, tiamsis nyob rau ntawm Vajtswv lub hwjchim.
Vajtswv Lub Tswvyim
6Txawm li ntawd los kuv yeej qhia yam ntsentsuav rau cov neeg uas paubtab ntawm sab ntsujplig lawm, tiamsis tsis yog qhia li cov neeg tiam no txoj kev txawjntse lossis tej hwjchim uas kav lub ntiajteb no, vim tej hwjchim ntawd tabtom yuav ploj mus. 7Lub tswvyim uas kuv siv los qhia yog Vajtswv lub tswvyim uas tau muab zais cia thiab tsis muaj leejtwg paub; tiamsis Vajtswv twb npaj lub tswvyim ntawd tseg rau peb puag thaum uas tsis tau tsim lub ntiajteb no los lawm kom ua rau peb tau ntsejmuag. 8Cov uas kav lub ntiajteb no yeej tsis muaj ib tug paub lub tswvyim ntawd; yog lawv paub lawm, lawv yeej yuav tsis muab tus Tswv uas muaj tshwjchim ci ntsa-iab ntsia rau saum tus ntoo khaublig ib zaug li. 9Licas los xij, Vajtswv Txojlus tau sau tseg hais tias:
“Tej uas qhovmuag tsis tau pom lossis pobntseg tsis tau hnov,
tej uas neeg lub siab xav tsis txog hais tias yuav muaj,
twb yog tej uas Vajtswv npaj tseg rau cov neeg uas hlub Vajtswv ntag.” #Yaxaya 64:4
10Tiamsis#2:10: Tiamsis; tej phau ntawv qub uas xuas tes sau, muaj Vim. Vajtswv muab zaj uas Nws muab zais cia lawm los nthuav qhia rau peb paub los ntawm Nws tus Ntsujplig. Vaj Ntsujplig tshawb txhua yam, txawm yog tej uas Vajtswv muab npog cia nyob tob heev los Nws yeej paub huv tibsi. 11Yeej tsis muaj leejtwg uas yuav paub tau lwmtus lub siab li, tsuas yog nws tus ntsujplig thiaj paub nws lub siab xwb; ib yam nkaus li ntawd, tsuas yog Vajtswv tus Ntsujplig thiaj paub Vajtswv lub siab xwb. #2Kev 10:17 12Peb tsis tau txais ntiajteb tus ntsujplig; tiamsis peb tau txais tus Ntsujplig uas Vajtswv txib los, kom peb thiaj totaub txhua yam uas Vajtswv muab pub rau peb.
13Yogli ntawd, thaum peb qhia Vajtswv zaj uas yog qhov tseeb rau cov neeg uas muaj Vaj Ntsujplig#2:13: rau cov neeg uas muaj Vaj Ntsujplig; lossis rawsli tej lus uas Vaj Ntsujplig qhia. lawm, peb hais tej lus uas Vaj Ntsujplig qhia xwb, peb yeej tsis hais tej lus uas cov neeg txawjntse hais. 14Tus uas tsis muaj Vaj Ntsujplig, tus ntawd yeej txais tsis tau tej uas Vajtswv tus Ntsujplig pub, rauqhov nws yeej tsis totaub txog tej ntawd thiab nws suav hais tias tej ntawd yog kev ruam rau nws; rauqhov tej ntawd yog hais txog sab Ntsujplig. 15Tus uas muaj Vaj Ntsujplig, tus ntawd yeej paub sojntsuam txog txhua yam, tiamsis tsis muaj leejtwg ntsuas tau tus ntawd lub siab. 16Rawsli Vajtswv Txojlus hais tias:
“Leejtwg thiaj paub tus Tswv lub siab?
Leejtwg thiaj qhia tau Nws?”
Tiamsis peb yog cov muaj Khetos lub siab. #Yaxaya 40:13 (LXX)
Currently Selected:
1 Kauleethaus 2: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
1 Kauleethaus 2
2
Zaj Hais Txog Khetos Tus Uas Raug Ntsia Saum Ntoo Khaublig
1Cov kwvtij, thaum kuv tuaj saib nej, uas yog tuaj qhia Vajtswv Txojlus tseeb uas tsis muaj neeg paub#2:1: Vajtswv txojlus tseeb uas tsis muaj neeg paub; tej phau ntawv qub uas xuas tes sau, muaj tej lus timkhawv txog Vajtswv. rau nej, kuv tsis tau siv tej lus uas tob-tob lossis qhia li uas kuv yog ib tug neeg muaj kev txawjntse heev. 2Rauqhov kuv yeej txiavtxim siab lawm hais tias thaum kuv nrog nej nyob, kuv yuav tsis qhia txog lwmyam hlo li, tsuas yog qhia txog Yexus Khetos thiab qhov uas Nws tuag saum tus ntoo khaublig rau nej xwb. 3Yogli ntawd, thaum kuv tuaj nrog nej nyob, kuv kuj tsaugmuag thiab ntshai ua ibce tsheehnyo. #Teshl 18:9 4Tej lus uas kuv hais thiab tej uas kuv qhuabqhia yeej tsis yog los ntawm neeg lub tswvyim txawjntse kom xwv tau neeg lub siab, tiamsis yog tej lus uas qhia kom sawvdaws pom txog Vajtswv tus Ntsujplig lub hwjchim. 5Yogli ntawd, nej txoj kev ntseeg thiaj tsis nyob rau ntawm neeg tej kev txawjntse, tiamsis nyob rau ntawm Vajtswv lub hwjchim.
Vajtswv Lub Tswvyim
6Txawm li ntawd los kuv yeej qhia yam ntsentsuav rau cov neeg uas paubtab ntawm sab ntsujplig lawm, tiamsis tsis yog qhia li cov neeg tiam no txoj kev txawjntse lossis tej hwjchim uas kav lub ntiajteb no, vim tej hwjchim ntawd tabtom yuav ploj mus. 7Lub tswvyim uas kuv siv los qhia yog Vajtswv lub tswvyim uas tau muab zais cia thiab tsis muaj leejtwg paub; tiamsis Vajtswv twb npaj lub tswvyim ntawd tseg rau peb puag thaum uas tsis tau tsim lub ntiajteb no los lawm kom ua rau peb tau ntsejmuag. 8Cov uas kav lub ntiajteb no yeej tsis muaj ib tug paub lub tswvyim ntawd; yog lawv paub lawm, lawv yeej yuav tsis muab tus Tswv uas muaj tshwjchim ci ntsa-iab ntsia rau saum tus ntoo khaublig ib zaug li. 9Licas los xij, Vajtswv Txojlus tau sau tseg hais tias:
“Tej uas qhovmuag tsis tau pom lossis pobntseg tsis tau hnov,
tej uas neeg lub siab xav tsis txog hais tias yuav muaj,
twb yog tej uas Vajtswv npaj tseg rau cov neeg uas hlub Vajtswv ntag.” #Yaxaya 64:4
10Tiamsis#2:10: Tiamsis; tej phau ntawv qub uas xuas tes sau, muaj Vim. Vajtswv muab zaj uas Nws muab zais cia lawm los nthuav qhia rau peb paub los ntawm Nws tus Ntsujplig. Vaj Ntsujplig tshawb txhua yam, txawm yog tej uas Vajtswv muab npog cia nyob tob heev los Nws yeej paub huv tibsi. 11Yeej tsis muaj leejtwg uas yuav paub tau lwmtus lub siab li, tsuas yog nws tus ntsujplig thiaj paub nws lub siab xwb; ib yam nkaus li ntawd, tsuas yog Vajtswv tus Ntsujplig thiaj paub Vajtswv lub siab xwb. #2Kev 10:17 12Peb tsis tau txais ntiajteb tus ntsujplig; tiamsis peb tau txais tus Ntsujplig uas Vajtswv txib los, kom peb thiaj totaub txhua yam uas Vajtswv muab pub rau peb.
13Yogli ntawd, thaum peb qhia Vajtswv zaj uas yog qhov tseeb rau cov neeg uas muaj Vaj Ntsujplig#2:13: rau cov neeg uas muaj Vaj Ntsujplig; lossis rawsli tej lus uas Vaj Ntsujplig qhia. lawm, peb hais tej lus uas Vaj Ntsujplig qhia xwb, peb yeej tsis hais tej lus uas cov neeg txawjntse hais. 14Tus uas tsis muaj Vaj Ntsujplig, tus ntawd yeej txais tsis tau tej uas Vajtswv tus Ntsujplig pub, rauqhov nws yeej tsis totaub txog tej ntawd thiab nws suav hais tias tej ntawd yog kev ruam rau nws; rauqhov tej ntawd yog hais txog sab Ntsujplig. 15Tus uas muaj Vaj Ntsujplig, tus ntawd yeej paub sojntsuam txog txhua yam, tiamsis tsis muaj leejtwg ntsuas tau tus ntawd lub siab. 16Rawsli Vajtswv Txojlus hais tias:
“Leejtwg thiaj paub tus Tswv lub siab?
Leejtwg thiaj qhia tau Nws?”
Tiamsis peb yog cov muaj Khetos lub siab. #Yaxaya 40:13 (LXX)
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.