Yohaana Ashoohooda Gittaabu
Ashoohooda Gittaabu
Giijasta miy ng'waar Yohaana gwarukuneasa gideaba Yeesu Ng'asheanda Aseetta gil ghayi hidu jeeda ng'eanyiida, “ak ghoaw siida, ak gobiida heedeanya.” Gawuurji gidarukuteayda gittaabu, Giijasi miyiin geang'waar ak abeeda ghamwas fuga assoamwa gideaba Yeesu siida ghayi siramoaran was lealnoochcheanda gil, was Balleanda Aseetta, ak abeeda aba masaweega nyaawa aba headaannyi abeeda ghwanyas buuneeda eaweega (20:31).
Iing'atta ashoohooda ahiimu ng'asheanda Aseetta mideawa eaweega leabu heeda Yeesu, ging'eetteaba Giijasi ghoahiimu ng'asheega deamdeameadi saang'a, ahiimu gideaba Yeesu siida ghayi siramoaran jea gwalealu buuneeda gil, was Balleanda Aseetta. Ng'asheesu gweadu geeshta rukkwiideayda nea ghoahiimu ng'asheega deamdeameadi. Aba meatkweani bea gittaabuun gwargu gidamwasta fuga mwaatkwa Yeesu, ak ghoaw fuga eada geashtaannyi, nea mwaatkwa ghaheawa, ak ghaheawa niny nea ghaheawa gideaba ghamwas.
Gidaghuutteaba 13-17 ghoahiimu neekkinda Yeesu ea ginealangaaschi aba damanda sing'ng'waanya, ea ng'asheagaaschi bea gidiing'ding'deayda ea gimajeekta nyaawa aba shing'adeeda singoora. Gidaghuudajeega huydean gwargu gissing'ng'waayda Yeesu, ea girgweaksiinda, ea gingoordaannyi, ea gidahiimsiinda geaw ginealangaaschi iing'atta dunnoada.
Iitta gatmooda sing'ng'waay nea gamealuul (8:1-11) geayiin jeeda muhealuutka [ ] aba gideaba ng'oruutka saang'a bea garayi ea ng'oruutka ghayi sibay eang'waar ghwanung'waada, nea mwaatkwa googuuyi sea suuk aba jeesinga ng'ooruutka nyaawa.
Yohaana gomajeek iitta goonda eaweega manda mudeanooda mida heeda Gristo, gissugu ghamneawa amaduw ghoaw ng'asheega ayi, Yeesu naweeda gil, ea huumwa, ea eaweega.
Ng'asheanda gasa ng'ullooda aba jeeda ng'asheega Yohaana iissa gagala geat ng'asheega, iissa gagala geat haleanjeeda geallaan ahiimu haleanjeeda huumwa bea gurorooda uurji beega, mukkattee, weeshinda, haghweadoochcheanda ea gisilgaaschi, ea getta msabiibu ea haghweagaaschi.
Gissijipta ng'asheega aba jeedeaba gittaboani:
Ging'eetta ng'asheega 1:1-18
Yohaaneeda abattiisachchi sea ginealanga madeeda bea Yeesu 1:19-51
Gadiyeeda sin Yeesu bea madeeda aba eeshpwara 2:1—12:50
Eawoojiga huydean aba Yerusaleemu ea geng'oojigaaschi 13:1—19:42
Dunnooda ea gidahiimdeayda geaw Ng'uttamiida 20:1-31
Ng'asheega huuydean ea gissidaakta aba Galilaaya 21:1-25
Currently Selected:
Yohaana Ashoohooda Gittaabu: DTGANT09
Highlight
Share
Copy
Want to have your highlights saved across all your devices? Sign up or sign in
Datooga New Testament © Bible Society of Tanzania, 2009.
Yohaana Ashoohooda Gittaabu
Ashoohooda Gittaabu
Giijasta miy ng'waar Yohaana gwarukuneasa gideaba Yeesu Ng'asheanda Aseetta gil ghayi hidu jeeda ng'eanyiida, “ak ghoaw siida, ak gobiida heedeanya.” Gawuurji gidarukuteayda gittaabu, Giijasi miyiin geang'waar ak abeeda ghamwas fuga assoamwa gideaba Yeesu siida ghayi siramoaran was lealnoochcheanda gil, was Balleanda Aseetta, ak abeeda aba masaweega nyaawa aba headaannyi abeeda ghwanyas buuneeda eaweega (20:31).
Iing'atta ashoohooda ahiimu ng'asheanda Aseetta mideawa eaweega leabu heeda Yeesu, ging'eetteaba Giijasi ghoahiimu ng'asheega deamdeameadi saang'a, ahiimu gideaba Yeesu siida ghayi siramoaran jea gwalealu buuneeda gil, was Balleanda Aseetta. Ng'asheesu gweadu geeshta rukkwiideayda nea ghoahiimu ng'asheega deamdeameadi. Aba meatkweani bea gittaabuun gwargu gidamwasta fuga mwaatkwa Yeesu, ak ghoaw fuga eada geashtaannyi, nea mwaatkwa ghaheawa, ak ghaheawa niny nea ghaheawa gideaba ghamwas.
Gidaghuutteaba 13-17 ghoahiimu neekkinda Yeesu ea ginealangaaschi aba damanda sing'ng'waanya, ea ng'asheagaaschi bea gidiing'ding'deayda ea gimajeekta nyaawa aba shing'adeeda singoora. Gidaghuudajeega huydean gwargu gissing'ng'waayda Yeesu, ea girgweaksiinda, ea gingoordaannyi, ea gidahiimsiinda geaw ginealangaaschi iing'atta dunnoada.
Iitta gatmooda sing'ng'waay nea gamealuul (8:1-11) geayiin jeeda muhealuutka [ ] aba gideaba ng'oruutka saang'a bea garayi ea ng'oruutka ghayi sibay eang'waar ghwanung'waada, nea mwaatkwa googuuyi sea suuk aba jeesinga ng'ooruutka nyaawa.
Yohaana gomajeek iitta goonda eaweega manda mudeanooda mida heeda Gristo, gissugu ghamneawa amaduw ghoaw ng'asheega ayi, Yeesu naweeda gil, ea huumwa, ea eaweega.
Ng'asheanda gasa ng'ullooda aba jeeda ng'asheega Yohaana iissa gagala geat ng'asheega, iissa gagala geat haleanjeeda geallaan ahiimu haleanjeeda huumwa bea gurorooda uurji beega, mukkattee, weeshinda, haghweadoochcheanda ea gisilgaaschi, ea getta msabiibu ea haghweagaaschi.
Gissijipta ng'asheega aba jeedeaba gittaboani:
Ging'eetta ng'asheega 1:1-18
Yohaaneeda abattiisachchi sea ginealanga madeeda bea Yeesu 1:19-51
Gadiyeeda sin Yeesu bea madeeda aba eeshpwara 2:1—12:50
Eawoojiga huydean aba Yerusaleemu ea geng'oojigaaschi 13:1—19:42
Dunnooda ea gidahiimdeayda geaw Ng'uttamiida 20:1-31
Ng'asheega huuydean ea gissidaakta aba Galilaaya 21:1-25
Currently Selected:
:
Highlight
Share
Copy
Want to have your highlights saved across all your devices? Sign up or sign in
Datooga New Testament © Bible Society of Tanzania, 2009.