Gadiyeeda Giijasoodiga 21
21
Baulo gawa Yerusaleemu
1Iiduw nea gwaheelli saawa, hean geeding'di maleambooda ak geeweayi ea ehitta ng'eanyiida Gosi muchchu geeweayi ea ehitta Rode, sing'eadi hoowa geeweayi Battara. 2Sihiitti hoowa geanyaschi maleambooda jea gawa ng'eanyiida Foinikke, hean geeding'di ak geeweayi. 3Iiduw nea geang'ng'weardi geedaayi ng'eanyiida Saypras, hean geelaabi meatkweeda geattinda ghaadaam ak geeweayi Siriya, iiduw geewuschi aba ng'eanyiida Diro; aba gideaba gajeerrareeng'u dabitta mida jeedeaba maleambooni. 4Sihitti hoowa geenyasi ginealanga ak geendeayi ea ghang'atta eawooji ispwa, hean gabaloola ginealang'su uurda Gurorooda ak geeyeeshsha Baulo aduwi ng'eanyiida Yerusaleemu. 5Iiduw nea niisha askwearjoojigaasa, geeweayi bareannyeekkaasa nea ghoadoabiiweasa sean ea gadeemga nyaawa ea diibiga nyaawa, ea gooruutteawaneasa mujiini; hean sihitti ghuutta basooda geetkunyi ak geemwaaschi Aseetta nea geakghachchi geat sean. 6Hean iiduw geeheeli ak geeding'di maleambooda nea gabiikta saawa ghoah.
7Iiduw nea gwaduulean bareannyeekka aba Drowa, geeweayi ea ehitta Domayi; ak geekkeachcheewi fuga siduupcheewi ak geendeayi eaweechchaanjagi. 8Iimuchchu geeweayi Gaysariya, amasihitti geeweayi gheeh Filippo was siida rukwiida giijasta miy, niny gaba jeedeaba fughayi assispwa siloat ak geeppiidi gheannyi. 9Ak siisi ghayi gwandeawa haw ang'wan miyeasat, nea abeeda haweesu gwarukwiida ramooranga. 10Iiduw nea geeppiidi hoowa eawoojusu ng'ay, iiduw ghwahidu sibaneeda suguura Agabo leabu ng'eanyiida Yahuudi. 11Hidu heedeanya gageanda ghealooda mananda Baulo ak ghwarada geeshangaaschi ea geattingaaschi ak gwayeeshsha, “Gwayi Gurorooda Ghaydit, ‘Fuga Yahuudi mida Yerusaleemu gayghwarattunu siisi bea ghealooniin, ak geeyiin geattinga Emoojiga.’” 12Siyiinyi ng'asheesu, hean geemearmearanayi aseasa ea fukka mida hooweanjiin gideaba adagawa Yerusaleemu. 13Ghwalamda Baulo ak gwayeeshsha, “Agooga goosinnyi naaha, shookka nea googasayi ang'udanaan guroroodeanyu muuwda? Aba gideaba meakghusa gideaba geerattean, geawoschi hidaat eara enuusan aba Yerusaleemu aba gheawunga Ng'uttamiida was Yeesu Gristo.” 14Iiduw nea ghaheawa ng'asheagaasa, hean geasiindi ak geeyeenyi, “Nung'waada gwasin Ng'uttamiida gidagassiida.”
15Iing'atta gibindeaba eawoojigiga, hean gearachchi sareendeanya ak geeweayi Yerusaleemu. 16Nea geetteayyeewi ginealanga mwaatkwa bea ng'eanyiida Gaysariya ak ghwaadeasa ea ghoahiittaneasa gheeh Mnasoni was siida ng'eanyiida Saypras, ak siisi was ginealaneeda, ak ea siida jea eppiidana gheannyi.
Baulo gabareasa Yakkobo
17Sihitti Yerusaleemu, ghwadeaptaneasa muuchchi fuga siduupcheewi aba hooseaneega. 18Iimuchchu geetteayi sea Baulo ea eeweaya gheeh Yakkobo ak eara gweargwa sean gwanda hoowa. 19Hit gigeachcheeda hean gwarukuta iitta huumwa bea ng'asheega sean sissa Aseetta fuga Emoojiga aba gadiyeadaannyi. 20Siyiiy ng'asheesu, geekghambiit Aseetta. Ak geeyeeshsha niny, “Ea oorjeediyya, ghamneawa gidaahi gideaba gwanda fuga Yahuudi nyiit sagalamnyoojiga ak ghamneawa ea numwas; ak ghoang'ng'waay muuchchi ng'asheega deaweeda. 21Ak ea sinyas iittaang'u gideaba inyeessa ginaali fuga Yahuudi mida bugusta Emoojiga ghaheawa Muusa, amwaada diibiga nyaawa ghasmeahooda ak ea adaghwaat geeshta searoojiga fuga Yahuudi. 22Ghamneawa gajeesna naaha? Gajeasinyas iitta gideaba nihidu. 23Asi ghamneawa sinda gissurukuneey. Geendeawi fii ang'wan ghayi mideawa radannyeanda, 24geanda fisu ak gimmiidu geaw sea saawa ak giidaydi haleanjeeda deaschi gimmiinooda, ak ghwareakghwa iheenga nyaawa. Ak abeeda ghwanal buuneessean gideaba manda gil appadayda ng'asheega surgu appadaydaang'u duukku ang'iing'i gipteadi nea ging'ulayi deaweeda. 25Ng'asheega badaydeaba fukka was Emoojigean numwasiin, goolla eng'oorsiina barawajeanda gideaba adaghwaak giliwassean sibwara heelga aseechcheekka ng'uyyeega, ea gideaba adeali foojeanda, adeayaak bannyeega diyeayda wassean sing'ng'waay ghuutta, ak geepuut hiseadayeandumeeda.”
26Muchchu ghang'eat Baulo ak goodeayi fukkeanji ghadoweeda ak ghoammiidu geaw sea saawa ak gawa jeeda gheeda sibatta Aseetta, gwarukusa buuneeda huydeanda eaweeda gimmiinoodeabwa geat nea gaba siisi adayda haleanjeeda sisappa geadi appadahuukka nyaawa.
Baulo geang'ng'waay aba jeeda gheeda sibatta Aseetta
27Iiduw nea niriikghta goosha eawooji ispwa hean ghwadaa fuga Yahuudi leabu Asiya ak ghwadaa nea gwanda jeeda gheeda sibatta Aseetta, hean geehaak emeessean ak geeng'ng'waay, 28ak geechchuur nea geeyi, “Ea fuga Israeeli apkaani aweadeesa! Siisi nii dea ghayi aneali buuneeda aba ng'eanyiisseani ak ghwanung' gafool buuneeda deaweeda ea ng'eang'i; ak gabiissa gweadu fuga Yunaani jeeda gheeda sibatta Aseetta, ak ea nung'uda ririnnyeanda heeda ghadit.” 29Ng'asheanji geerukuna gideaba geadaah ammwadi siisi suguura Drofimo bea ng'eanyiida Efeeso, nea gwandeawa niny aba mujiini ak geeghay gideaba Baulo gweadu jeeda gheeda sibatta Aseetta.
30Hean googuuli mujiineesean nea ghwadakghuyan ea ghapka buuneessean leabu meadajeega sean ak ghabwat geat hean geeng'ng'waay Baulo ak geengiir ea eruutteawa jeeda gheeda sibatta Aseetta ak gearat ghuutta gheeda. 31Damandida duu eegassa nuustaannyiin, hean ghwanyas iidi shirikkarajeanda haw gideaba Yerusaleemu nidakghuyan. 32Gooseelu shirikkarajeanda haw aba geeshangiga lugooda shirikkara ea ashoohoodiga nyaawa ak gaweesa saawa; ang'wearda nea ghwadaa shirikkarajeanda haw ea lugoodaannyi bea shirikkara, hean geenung'waada bayiiga Baulo. 33Gaweesa shirikkarajeanda haw Baulo ak ghwang'ng'waay, ak gwayeeshsha aradana munyaloalaji iyyeenya, amahit ghoabwaarda, siida was ng'eaha, ea ginnisin. 34Buuneeda mwaatkwa mida jeedeaba emeedida goojuur nea marukuna gili nuut gwargu diitta; ea mutghwanal gichchea gwasin aba giijuureandeaba fiisu, hean gwarukusa fugaaschi gideaba ayaada Baulo ghealooniga. 35Iiduw nea sihitta ak ghoalla giding'eanda gidaghuut, geeyibwak ea ghwasar shirikkara aba gideaba niraanya emeeda; 36aba gideaba ghwaat geeshtaannyi emeetuw nea goojuur nea gwayi, “Anuusa!”
Baulo ghaweat geaw
37Damani riikghta eahhiinna Baulo ghealoonigean, hean gamus shirikkarajeanda haw nea gwayeeshsha, “Gisagasayi darukuneey ng'ashaani?” Ghwalamda ak gwayeeshsha, “Heappi ginali iitta emeeda Yunaani? 38Ang'iing'i muwosi siida ng'eanyiida Misri, heetta neekki ang'eat ng'uchcheeda ak ghwaat fii sagalamnyooji ang'wan, bea Asaasin ghwaat dareapcheeda?” 39Ghwalamda Baulo ak gwayeeshsha, “Aniini geawoschi siida Yahuudi, leabu Darso mida Gilikkiya, aniini geawoschi siida mujiineeda mii nalaat; eaniyean siksean deabalool fiisu.” 40Hean sisiksa gabalool, hean ghamiinaada Baulo aba uhuuda giding'eeda ak ghamiinda geattinda gwareekusa buuneeda ghwasiinda hean ayi saw buuneeda, hean ghoang'eat gabalool aba ghuutta Eburaniya nea gwayi:
Currently Selected:
Gadiyeeda Giijasoodiga 21: DTGANT09
Highlight
Share
Copy
Want to have your highlights saved across all your devices? Sign up or sign in
Datooga New Testament © Bible Society of Tanzania, 2009.
Gadiyeeda Giijasoodiga 21
21
Baulo gawa Yerusaleemu
1Iiduw nea gwaheelli saawa, hean geeding'di maleambooda ak geeweayi ea ehitta ng'eanyiida Gosi muchchu geeweayi ea ehitta Rode, sing'eadi hoowa geeweayi Battara. 2Sihiitti hoowa geanyaschi maleambooda jea gawa ng'eanyiida Foinikke, hean geeding'di ak geeweayi. 3Iiduw nea geang'ng'weardi geedaayi ng'eanyiida Saypras, hean geelaabi meatkweeda geattinda ghaadaam ak geeweayi Siriya, iiduw geewuschi aba ng'eanyiida Diro; aba gideaba gajeerrareeng'u dabitta mida jeedeaba maleambooni. 4Sihitti hoowa geenyasi ginealanga ak geendeayi ea ghang'atta eawooji ispwa, hean gabaloola ginealang'su uurda Gurorooda ak geeyeeshsha Baulo aduwi ng'eanyiida Yerusaleemu. 5Iiduw nea niisha askwearjoojigaasa, geeweayi bareannyeekkaasa nea ghoadoabiiweasa sean ea gadeemga nyaawa ea diibiga nyaawa, ea gooruutteawaneasa mujiini; hean sihitti ghuutta basooda geetkunyi ak geemwaaschi Aseetta nea geakghachchi geat sean. 6Hean iiduw geeheeli ak geeding'di maleambooda nea gabiikta saawa ghoah.
7Iiduw nea gwaduulean bareannyeekka aba Drowa, geeweayi ea ehitta Domayi; ak geekkeachcheewi fuga siduupcheewi ak geendeayi eaweechchaanjagi. 8Iimuchchu geeweayi Gaysariya, amasihitti geeweayi gheeh Filippo was siida rukwiida giijasta miy, niny gaba jeedeaba fughayi assispwa siloat ak geeppiidi gheannyi. 9Ak siisi ghayi gwandeawa haw ang'wan miyeasat, nea abeeda haweesu gwarukwiida ramooranga. 10Iiduw nea geeppiidi hoowa eawoojusu ng'ay, iiduw ghwahidu sibaneeda suguura Agabo leabu ng'eanyiida Yahuudi. 11Hidu heedeanya gageanda ghealooda mananda Baulo ak ghwarada geeshangaaschi ea geattingaaschi ak gwayeeshsha, “Gwayi Gurorooda Ghaydit, ‘Fuga Yahuudi mida Yerusaleemu gayghwarattunu siisi bea ghealooniin, ak geeyiin geattinga Emoojiga.’” 12Siyiinyi ng'asheesu, hean geemearmearanayi aseasa ea fukka mida hooweanjiin gideaba adagawa Yerusaleemu. 13Ghwalamda Baulo ak gwayeeshsha, “Agooga goosinnyi naaha, shookka nea googasayi ang'udanaan guroroodeanyu muuwda? Aba gideaba meakghusa gideaba geerattean, geawoschi hidaat eara enuusan aba Yerusaleemu aba gheawunga Ng'uttamiida was Yeesu Gristo.” 14Iiduw nea ghaheawa ng'asheagaasa, hean geasiindi ak geeyeenyi, “Nung'waada gwasin Ng'uttamiida gidagassiida.”
15Iing'atta gibindeaba eawoojigiga, hean gearachchi sareendeanya ak geeweayi Yerusaleemu. 16Nea geetteayyeewi ginealanga mwaatkwa bea ng'eanyiida Gaysariya ak ghwaadeasa ea ghoahiittaneasa gheeh Mnasoni was siida ng'eanyiida Saypras, ak siisi was ginealaneeda, ak ea siida jea eppiidana gheannyi.
Baulo gabareasa Yakkobo
17Sihitti Yerusaleemu, ghwadeaptaneasa muuchchi fuga siduupcheewi aba hooseaneega. 18Iimuchchu geetteayi sea Baulo ea eeweaya gheeh Yakkobo ak eara gweargwa sean gwanda hoowa. 19Hit gigeachcheeda hean gwarukuta iitta huumwa bea ng'asheega sean sissa Aseetta fuga Emoojiga aba gadiyeadaannyi. 20Siyiiy ng'asheesu, geekghambiit Aseetta. Ak geeyeeshsha niny, “Ea oorjeediyya, ghamneawa gidaahi gideaba gwanda fuga Yahuudi nyiit sagalamnyoojiga ak ghamneawa ea numwas; ak ghoang'ng'waay muuchchi ng'asheega deaweeda. 21Ak ea sinyas iittaang'u gideaba inyeessa ginaali fuga Yahuudi mida bugusta Emoojiga ghaheawa Muusa, amwaada diibiga nyaawa ghasmeahooda ak ea adaghwaat geeshta searoojiga fuga Yahuudi. 22Ghamneawa gajeesna naaha? Gajeasinyas iitta gideaba nihidu. 23Asi ghamneawa sinda gissurukuneey. Geendeawi fii ang'wan ghayi mideawa radannyeanda, 24geanda fisu ak gimmiidu geaw sea saawa ak giidaydi haleanjeeda deaschi gimmiinooda, ak ghwareakghwa iheenga nyaawa. Ak abeeda ghwanal buuneessean gideaba manda gil appadayda ng'asheega surgu appadaydaang'u duukku ang'iing'i gipteadi nea ging'ulayi deaweeda. 25Ng'asheega badaydeaba fukka was Emoojigean numwasiin, goolla eng'oorsiina barawajeanda gideaba adaghwaak giliwassean sibwara heelga aseechcheekka ng'uyyeega, ea gideaba adeali foojeanda, adeayaak bannyeega diyeayda wassean sing'ng'waay ghuutta, ak geepuut hiseadayeandumeeda.”
26Muchchu ghang'eat Baulo ak goodeayi fukkeanji ghadoweeda ak ghoammiidu geaw sea saawa ak gawa jeeda gheeda sibatta Aseetta, gwarukusa buuneeda huydeanda eaweeda gimmiinoodeabwa geat nea gaba siisi adayda haleanjeeda sisappa geadi appadahuukka nyaawa.
Baulo geang'ng'waay aba jeeda gheeda sibatta Aseetta
27Iiduw nea niriikghta goosha eawooji ispwa hean ghwadaa fuga Yahuudi leabu Asiya ak ghwadaa nea gwanda jeeda gheeda sibatta Aseetta, hean geehaak emeessean ak geeng'ng'waay, 28ak geechchuur nea geeyi, “Ea fuga Israeeli apkaani aweadeesa! Siisi nii dea ghayi aneali buuneeda aba ng'eanyiisseani ak ghwanung' gafool buuneeda deaweeda ea ng'eang'i; ak gabiissa gweadu fuga Yunaani jeeda gheeda sibatta Aseetta, ak ea nung'uda ririnnyeanda heeda ghadit.” 29Ng'asheanji geerukuna gideaba geadaah ammwadi siisi suguura Drofimo bea ng'eanyiida Efeeso, nea gwandeawa niny aba mujiini ak geeghay gideaba Baulo gweadu jeeda gheeda sibatta Aseetta.
30Hean googuuli mujiineesean nea ghwadakghuyan ea ghapka buuneessean leabu meadajeega sean ak ghabwat geat hean geeng'ng'waay Baulo ak geengiir ea eruutteawa jeeda gheeda sibatta Aseetta ak gearat ghuutta gheeda. 31Damandida duu eegassa nuustaannyiin, hean ghwanyas iidi shirikkarajeanda haw gideaba Yerusaleemu nidakghuyan. 32Gooseelu shirikkarajeanda haw aba geeshangiga lugooda shirikkara ea ashoohoodiga nyaawa ak gaweesa saawa; ang'wearda nea ghwadaa shirikkarajeanda haw ea lugoodaannyi bea shirikkara, hean geenung'waada bayiiga Baulo. 33Gaweesa shirikkarajeanda haw Baulo ak ghwang'ng'waay, ak gwayeeshsha aradana munyaloalaji iyyeenya, amahit ghoabwaarda, siida was ng'eaha, ea ginnisin. 34Buuneeda mwaatkwa mida jeedeaba emeedida goojuur nea marukuna gili nuut gwargu diitta; ea mutghwanal gichchea gwasin aba giijuureandeaba fiisu, hean gwarukusa fugaaschi gideaba ayaada Baulo ghealooniga. 35Iiduw nea sihitta ak ghoalla giding'eanda gidaghuut, geeyibwak ea ghwasar shirikkara aba gideaba niraanya emeeda; 36aba gideaba ghwaat geeshtaannyi emeetuw nea goojuur nea gwayi, “Anuusa!”
Baulo ghaweat geaw
37Damani riikghta eahhiinna Baulo ghealoonigean, hean gamus shirikkarajeanda haw nea gwayeeshsha, “Gisagasayi darukuneey ng'ashaani?” Ghwalamda ak gwayeeshsha, “Heappi ginali iitta emeeda Yunaani? 38Ang'iing'i muwosi siida ng'eanyiida Misri, heetta neekki ang'eat ng'uchcheeda ak ghwaat fii sagalamnyooji ang'wan, bea Asaasin ghwaat dareapcheeda?” 39Ghwalamda Baulo ak gwayeeshsha, “Aniini geawoschi siida Yahuudi, leabu Darso mida Gilikkiya, aniini geawoschi siida mujiineeda mii nalaat; eaniyean siksean deabalool fiisu.” 40Hean sisiksa gabalool, hean ghamiinaada Baulo aba uhuuda giding'eeda ak ghamiinda geattinda gwareekusa buuneeda ghwasiinda hean ayi saw buuneeda, hean ghoang'eat gabalool aba ghuutta Eburaniya nea gwayi:
Currently Selected:
:
Highlight
Share
Copy
Want to have your highlights saved across all your devices? Sign up or sign in
Datooga New Testament © Bible Society of Tanzania, 2009.