Gadiyeeda Giijasoodiga 19
19
Baulo gwanda Efeeso
1Damanda mideewa Appolo Goriinto, hean ghang'atta Baulo nea gwasik jeeda ng'eanyiida ea ghwahitta Efeeso hitta ghwanyasa hoowa ginealang'su ng'ay. 2Hean gwayeeshsha saawa, “Heappi noanyaschi Gurorooda Ghaydidi damanda oamwaseewi?” Ghwalamda saawa ak gwayeeshsha, “Manda, eara gideaba gwanda Gurorooda Ghaydit miyeayiinya.” 3Goobearsa gichcha nea gwayeeshsha, “Abeetta Ghoanyaschi gibeattiisanda uurjiin?” Geeyeeshsha, “Gibeattiisanda Yohaana.” 4Ghwalamda Baulo ak gwayeeshsha, “Yohaana ghayi goobattiisan aba gibattiisanda duukkuunooda ring'eega, ak gwayeeshsha buuneeda amwasa jea gweadu geeshteanyu, was Yeesu.” 5Hean siyiiy ng'asheesu geeppattiisan aba gheawunga Ng'uttamiida was Yeesu. 6Iiduw nea ghwayiin Baulo geattingaaschi iheenga nyaawa, gaba niishuubeesa Gurorooda Ghaydit; ghang'eat gaba niibaloola iit nuut nea gwaramoorani ng'asheega. 7Monneeda buuneessean ea damaniyyeenya.
8Gawa jeeda ghooriida sinnealshachcheewa gwarukwiida ng'asheega gheambalmeeda Aseetta nea ghabwadatka ea gwaduulu sheah samwagu, nea goobalool buuneeda nea gwasheang'dooschi aba ng'asheega sugochcheandumeeda Aseetta; 9ak mwaatkwa eahang'oonyi iheen ak ghaheawa ghamwas, ak gong'eawi Naweedida aba madeeda buuneeda, hean ghang'eat gwaheelli fiisu, ak gaweay hichpa geat nea ghwaat ginealanga, ak goobalool galagasean aba seammooda gheappa siisi suguura Dirano. 10Ng'asheesu gwasindunu ea goosha gweannyeew iyyeenya, ea ghwayiiy fuga sean bea ng'eanyiida Asiya ng'asheega Ng'uttamiida sea fuga Yahuudi ea gea Yunaani.
Baloojiga Sikkewa
11Gwasin Aseetta gwadeagooda haw aba geattinga Baulo, 12inyeessa gageanu buuneeda weasta hang'da rassa manandaannyi ak geeyeassa fuga miyeani, ak ghahaabwa geeyooning'weaka nyaawa, ak eara fuga bearji meang'eenda gwaritteawa. 13Abeeda gwanda fiisu ng'ay bea Yahuudi neaydooschi aruuttiida meangeenda munyas inyeessa gamanya rukkuunooda gheawunga Ng'uttamiida was Yeesu, appadahuukka fuga mideawa meangeenda munyas nea gwayi, “Geeyeenyi ritteaysiina siisi aba gheawunga Yeesu diitta rukwiida Baulohiin.” 14Eara balooji ispwa bea ashoohoochcheanda haw bea Yahuudi suguura Sikkewa eara saawa gwanda jeedeaba fiisu sin gadiyeaniin. 15Ghwalamda meang'nyeandeenda ak gwayeeshsha saawa, “Ghaanalli Yeesu, ak ghaanalli eara Baulo; as agooga goowoscho geabeang'a?” 16Hean gootkwealsa siidida bearji meang'nyeandeendean saawa ak ghwajoar sean, aba uurda, hean gwasalda jarooda gwaritteawa jeedeaba gheedida nea dawiiri nea sukghuraada. 17Hean geanal iitteaba ng'asheanji aba ng'eanyiida Efeeso ea ghwayiiy gil wassean was fuga Yahuudi ea fuga Yunaani; ea ghang'ut buuneeda sean muuwda; ak geekghambiit gheawunga Ng'uttamiida was Yeesu. 18Iiduw ghapka fuga saang'a numwas Aseetta ak gwaduukkuuna ring'eega aba madeeda buuneeda ea ng'asheega munyas ghayi sina. 19Nea fuga saang'a ghayi sina ng'asheega meang'nyeandumeeda ghoamughuush gittaabajeega nyaawa ak ghaghwarda aba madeeda buuneessean; gwayiida monneeda lappiyeeda sishaaha gittaabwajeegiga ak ea sagalamnyooji haradam ea damanamughuush. 20Ak aba sarean gageawiit iitta ng'asheanda Ng'uttamiida nea ghwanyas uurda muuchchi.
Deakghuyandeeda aba Efeeso
21Ng'atta ng'asheesu ghwanung' Gurorooda ghang'eat Baulo gawa nea gwasik ng'eanyiida Makkedoniya ea Akkaya ak gawa Yerusaleemu nea gwayi, “Iyaahitti hoowa, gaydawa dadaah eara Ruumi.” 22Ng'atta goojeakta fii iyyeenya was weedangaaschi nea Dimotteo gil ea Erasto, nea niny ghanyi goobiida Asiya eawoojusu ng'ay.
23Aba damandida ghoaptu deakghuyandeeda haw aba ng'asheega Naweeda. 24Aba gideaba siisi suguura Demetriyo, sina lappiya, ghayi biissa gwasna ghoorajeega sibatta Aseetta sisna lappiya bea Artemi, iissa ghwanung' ghwanyas deekshoodiga haleanjeesaang'a. 25Ghang'eat ghabwada geat, fuga gadiyeeda ea fii suuk sin gadiyeeda uurji ak gwayeeshsha, “Ea oorjooga, ghoanalli gideaba daghwardeanya gwaleabu heedeaba gadiyeani. 26Ak ghamneawa gajayiinya nea gajadeaksiina geat ng'asheega ak ea meakghusa aba Efeeso niriikghta googuulli ng'eanyiisean bea Asiya niny nighurghur fuga saang'a nea ghwayam fughareenga buuneeda nea gwayi aseechcheekiga sisna geattingean mii aseechcheeka huumwa gil. 27Mii gideaba gadiyeedeanya gwanda jeeda washta foolaweega, eara gheeda sibatta aseetta was gatmooda suguura Artemi, ak geanung' ghoaw gili mii gili, ak geegeandeawa hawundaannyi, biissa gagadoowani Asiyaayda sean ea muunda ng'eanyiida.”
28Iiy ng'asheesu geenyareesi ak geechchuur nea geeyi, “Arteemeeda Efeeso ahaw!” 29Hean ghwadaakghuyan buuneeda sean bea mujiini; ak geetkwealsa ak geeng'waay Gayo ea Aristago saawa abeeda fuga ng'eanyiida Makkedoniya nea gaba bwaranagi sea Baulo, hean geesaldeawa ea eehitta heeda sideanganna. 30Baulo niny abeeda gagasa gawa jeedeaba emeani, ak ghoadeal ginealanga. 31Ak goojeaksa Baulo fuga hees bea Asiya was fugaaschi ghayi duupchi, ak geemus nea geeyeeshsha, adiidu guwi heeda sideanganna. 32Aba damandida gaba siisi ajuur, nea mwaatkwa gabalooldunu; gwayibwak ea ghwadarda girgweageedida ea eamudeanal gidasibattiisa geat. 33Iiduw gwayi buuneeda mwaatkwa siida eadu deakghuyandeeda Iskanda gil, aba gideaba fuga Yahuudi ghwanung' gawa madeeda buuneeda. Hean gang'wachsa Iskanda buuneeda geattindaannyi, ak ghaweat geaw aba baloolda aba madeeda buuneeda. 34Sidaah gideaba niny siida Yahuudi gil, hean geechchuur ea goosha aseechcheew iyyeenya nea geeyeena, “Arteemeeda Efeeso ahaw!” 35Iiduw nea ninung' siida ng'oorshachchi ghwasiinda emeeda gwayeeshsha, “Ea headiga Efeeso, moanali gideaba mujiineeda Efeeso furiischoochcheanda gheeda sibatta aseetta bea Arteemeeda hawi, ak ea dea lagheaneeda abinna humng'eedeani? 36Ak ea manda siida jea ghwashaang' ng'asheesu, asi asiinda, ak ea adoojirjirsi sinooda ng'asheanda. 37Aba gideaba ghamneawa gooyeadu fiisu hiji nea manda ginijagwat aba jeeda gealga sibatta Aseetta nea miigoong'eawi aseetteanya was gatmooda. 38Asi Demetriyo ea fugaaschi bea gadiyeeda, iimida ng'asheanda jea goorgweaksiina siida wassean, asi gealga sirgweachcha ea fuga laja girgweaguutka gwanda; asi orgweaksiina geat aba hoowa. 39Ama mida gilnuut sajaada ogasayi, ayaada madeeda emeeda eesin. 40Aba gideaba aseasa geendi jeeda washta jea ergweakseasa aba deakghuyandeani bea ghamneaweani, ak ea manda samsiinda aba deakghuyandeeni seaniin ak geanung' ghoaw doobiiwnatta deakghuyandeani.” 41Iiduw nea niihit ng'asheesu hean ghoadaarda girgweageeda.
Currently Selected:
Gadiyeeda Giijasoodiga 19: DTGANT09
Highlight
Share
Copy
Want to have your highlights saved across all your devices? Sign up or sign in
Datooga New Testament © Bible Society of Tanzania, 2009.
Gadiyeeda Giijasoodiga 19
19
Baulo gwanda Efeeso
1Damanda mideewa Appolo Goriinto, hean ghang'atta Baulo nea gwasik jeeda ng'eanyiida ea ghwahitta Efeeso hitta ghwanyasa hoowa ginealang'su ng'ay. 2Hean gwayeeshsha saawa, “Heappi noanyaschi Gurorooda Ghaydidi damanda oamwaseewi?” Ghwalamda saawa ak gwayeeshsha, “Manda, eara gideaba gwanda Gurorooda Ghaydit miyeayiinya.” 3Goobearsa gichcha nea gwayeeshsha, “Abeetta Ghoanyaschi gibeattiisanda uurjiin?” Geeyeeshsha, “Gibeattiisanda Yohaana.” 4Ghwalamda Baulo ak gwayeeshsha, “Yohaana ghayi goobattiisan aba gibattiisanda duukkuunooda ring'eega, ak gwayeeshsha buuneeda amwasa jea gweadu geeshteanyu, was Yeesu.” 5Hean siyiiy ng'asheesu geeppattiisan aba gheawunga Ng'uttamiida was Yeesu. 6Iiduw nea ghwayiin Baulo geattingaaschi iheenga nyaawa, gaba niishuubeesa Gurorooda Ghaydit; ghang'eat gaba niibaloola iit nuut nea gwaramoorani ng'asheega. 7Monneeda buuneessean ea damaniyyeenya.
8Gawa jeeda ghooriida sinnealshachcheewa gwarukwiida ng'asheega gheambalmeeda Aseetta nea ghabwadatka ea gwaduulu sheah samwagu, nea goobalool buuneeda nea gwasheang'dooschi aba ng'asheega sugochcheandumeeda Aseetta; 9ak mwaatkwa eahang'oonyi iheen ak ghaheawa ghamwas, ak gong'eawi Naweedida aba madeeda buuneeda, hean ghang'eat gwaheelli fiisu, ak gaweay hichpa geat nea ghwaat ginealanga, ak goobalool galagasean aba seammooda gheappa siisi suguura Dirano. 10Ng'asheesu gwasindunu ea goosha gweannyeew iyyeenya, ea ghwayiiy fuga sean bea ng'eanyiida Asiya ng'asheega Ng'uttamiida sea fuga Yahuudi ea gea Yunaani.
Baloojiga Sikkewa
11Gwasin Aseetta gwadeagooda haw aba geattinga Baulo, 12inyeessa gageanu buuneeda weasta hang'da rassa manandaannyi ak geeyeassa fuga miyeani, ak ghahaabwa geeyooning'weaka nyaawa, ak eara fuga bearji meang'eenda gwaritteawa. 13Abeeda gwanda fiisu ng'ay bea Yahuudi neaydooschi aruuttiida meangeenda munyas inyeessa gamanya rukkuunooda gheawunga Ng'uttamiida was Yeesu, appadahuukka fuga mideawa meangeenda munyas nea gwayi, “Geeyeenyi ritteaysiina siisi aba gheawunga Yeesu diitta rukwiida Baulohiin.” 14Eara balooji ispwa bea ashoohoochcheanda haw bea Yahuudi suguura Sikkewa eara saawa gwanda jeedeaba fiisu sin gadiyeaniin. 15Ghwalamda meang'nyeandeenda ak gwayeeshsha saawa, “Ghaanalli Yeesu, ak ghaanalli eara Baulo; as agooga goowoscho geabeang'a?” 16Hean gootkwealsa siidida bearji meang'nyeandeendean saawa ak ghwajoar sean, aba uurda, hean gwasalda jarooda gwaritteawa jeedeaba gheedida nea dawiiri nea sukghuraada. 17Hean geanal iitteaba ng'asheanji aba ng'eanyiida Efeeso ea ghwayiiy gil wassean was fuga Yahuudi ea fuga Yunaani; ea ghang'ut buuneeda sean muuwda; ak geekghambiit gheawunga Ng'uttamiida was Yeesu. 18Iiduw ghapka fuga saang'a numwas Aseetta ak gwaduukkuuna ring'eega aba madeeda buuneeda ea ng'asheega munyas ghayi sina. 19Nea fuga saang'a ghayi sina ng'asheega meang'nyeandumeeda ghoamughuush gittaabajeega nyaawa ak ghaghwarda aba madeeda buuneessean; gwayiida monneeda lappiyeeda sishaaha gittaabwajeegiga ak ea sagalamnyooji haradam ea damanamughuush. 20Ak aba sarean gageawiit iitta ng'asheanda Ng'uttamiida nea ghwanyas uurda muuchchi.
Deakghuyandeeda aba Efeeso
21Ng'atta ng'asheesu ghwanung' Gurorooda ghang'eat Baulo gawa nea gwasik ng'eanyiida Makkedoniya ea Akkaya ak gawa Yerusaleemu nea gwayi, “Iyaahitti hoowa, gaydawa dadaah eara Ruumi.” 22Ng'atta goojeakta fii iyyeenya was weedangaaschi nea Dimotteo gil ea Erasto, nea niny ghanyi goobiida Asiya eawoojusu ng'ay.
23Aba damandida ghoaptu deakghuyandeeda haw aba ng'asheega Naweeda. 24Aba gideaba siisi suguura Demetriyo, sina lappiya, ghayi biissa gwasna ghoorajeega sibatta Aseetta sisna lappiya bea Artemi, iissa ghwanung' ghwanyas deekshoodiga haleanjeesaang'a. 25Ghang'eat ghabwada geat, fuga gadiyeeda ea fii suuk sin gadiyeeda uurji ak gwayeeshsha, “Ea oorjooga, ghoanalli gideaba daghwardeanya gwaleabu heedeaba gadiyeani. 26Ak ghamneawa gajayiinya nea gajadeaksiina geat ng'asheega ak ea meakghusa aba Efeeso niriikghta googuulli ng'eanyiisean bea Asiya niny nighurghur fuga saang'a nea ghwayam fughareenga buuneeda nea gwayi aseechcheekiga sisna geattingean mii aseechcheeka huumwa gil. 27Mii gideaba gadiyeedeanya gwanda jeeda washta foolaweega, eara gheeda sibatta aseetta was gatmooda suguura Artemi, ak geanung' ghoaw gili mii gili, ak geegeandeawa hawundaannyi, biissa gagadoowani Asiyaayda sean ea muunda ng'eanyiida.”
28Iiy ng'asheesu geenyareesi ak geechchuur nea geeyi, “Arteemeeda Efeeso ahaw!” 29Hean ghwadaakghuyan buuneeda sean bea mujiini; ak geetkwealsa ak geeng'waay Gayo ea Aristago saawa abeeda fuga ng'eanyiida Makkedoniya nea gaba bwaranagi sea Baulo, hean geesaldeawa ea eehitta heeda sideanganna. 30Baulo niny abeeda gagasa gawa jeedeaba emeani, ak ghoadeal ginealanga. 31Ak goojeaksa Baulo fuga hees bea Asiya was fugaaschi ghayi duupchi, ak geemus nea geeyeeshsha, adiidu guwi heeda sideanganna. 32Aba damandida gaba siisi ajuur, nea mwaatkwa gabalooldunu; gwayibwak ea ghwadarda girgweageedida ea eamudeanal gidasibattiisa geat. 33Iiduw gwayi buuneeda mwaatkwa siida eadu deakghuyandeeda Iskanda gil, aba gideaba fuga Yahuudi ghwanung' gawa madeeda buuneeda. Hean gang'wachsa Iskanda buuneeda geattindaannyi, ak ghaweat geaw aba baloolda aba madeeda buuneeda. 34Sidaah gideaba niny siida Yahuudi gil, hean geechchuur ea goosha aseechcheew iyyeenya nea geeyeena, “Arteemeeda Efeeso ahaw!” 35Iiduw nea ninung' siida ng'oorshachchi ghwasiinda emeeda gwayeeshsha, “Ea headiga Efeeso, moanali gideaba mujiineeda Efeeso furiischoochcheanda gheeda sibatta aseetta bea Arteemeeda hawi, ak ea dea lagheaneeda abinna humng'eedeani? 36Ak ea manda siida jea ghwashaang' ng'asheesu, asi asiinda, ak ea adoojirjirsi sinooda ng'asheanda. 37Aba gideaba ghamneawa gooyeadu fiisu hiji nea manda ginijagwat aba jeeda gealga sibatta Aseetta nea miigoong'eawi aseetteanya was gatmooda. 38Asi Demetriyo ea fugaaschi bea gadiyeeda, iimida ng'asheanda jea goorgweaksiina siida wassean, asi gealga sirgweachcha ea fuga laja girgweaguutka gwanda; asi orgweaksiina geat aba hoowa. 39Ama mida gilnuut sajaada ogasayi, ayaada madeeda emeeda eesin. 40Aba gideaba aseasa geendi jeeda washta jea ergweakseasa aba deakghuyandeani bea ghamneaweani, ak ea manda samsiinda aba deakghuyandeeni seaniin ak geanung' ghoaw doobiiwnatta deakghuyandeani.” 41Iiduw nea niihit ng'asheesu hean ghoadaarda girgweageeda.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Datooga New Testament © Bible Society of Tanzania, 2009.