NÁN RÓMA VɄ 14
14
Nán tóó a sə̧' moo yúú daga voolı̵́ sá
1Nán ı̵́ ka néen zó̧ó̧ 'yɛ́lı̵́lı̵́ né máa, i fȩȩwo̧ ya ú̵, a̧máa i sə̧' moo yúú moo taalı̵́ woolı̵́ sá. 2Nán tóó lá woo hȩn 'waapád, a̧máa nán ı̵́ zó̧ó̧ 'yɛ́lı̵́ woo ka ɓu̵u̵ né máa, lá woo də́ń wi' kpaggɨ kəd. 3Nán ı̵́ ka lá woo hȩn 'waapád yȩ tée, a ho̧ daga ı̵́ ka lán né yȩ hȩn leená té' sá. Nán ı̵́ ka lán woo hȩn 'waapád né yȩ, a sə̧' moo yúú nán ı̵́ ku̵u̵ lá yȩ voolı̵́ sá á̧ḿ, moo Tayɨɨ fȩȩwo̧ sı̵́ woolı̵́ ú̵. 4Mɔ́ móó nóo ma, mɔ́ sə̧' moo yúú nán ba'ad dam voolı̵́lá? Kóó a mbaa du̵u̵ na'a ba'ad woolı̵́, kóó a mbaa du̵u̵ né á̧ḿ, aga moo baa lig woo woo nɔ. A̧máa wú̵ń mbaa du̵u̵lı̵́ na'a, moo ı̵́ 'yɛ́lı̵́ Tayɨɨ wu̵ dɨ kan néélȩ́ tíddu̵.
5Nán tóó taa woo zá̧ga̧ tóó vu̵n mba daga vu̵ ú̵. Nán tóó taa woo zá̧ga̧ vu̵n man la kííd. Tée aga kóó nɔ́nná a gaa moo taalı̵́ dáń woo la ú̵. 6Nán ı̵́ ka taa moo yúú zá̧ga̧lȩ́ yȩ, taa ba bin na' ı̵́ 'yɛ́lı̵́ wu̵lı̵́. Nán ı̵́ ka lá woo hȩn 'waapád yȩ, lá woo moo bi na' ı̵́ 'yɛ́lı̵́ wu̵lı̵́, moo dȩn Tayɨɨ nag, ma lá hȩn. Nán ı̵́ ka lán woo hȩn 'waapád né yȩ kɔ́ ı̵́ yo̧go̧ moo bi na' ı̵́ 'yɛ́lı̵́ wu̵lı̵́, dȩn Tayɨɨ nag á̧ḿ. 7Nán tóó mbaan zá̧a̧d dáńná né, nán tóó aga nɔɔn dáńná né á̧ḿ. 8Aa mbaa ví zá̧a̧d tée, ba mbaa ví moo ı̵́ 'yɛ́lı̵́ Tayɨɨ woo nɔ. Tow aa nɔɔ ví tée, ba nɔɔ ví moo ı̵́ 'yɛ́lı̵́ woo nɔ á̧ḿ. Moo woo nɔ, kóó aa mbaa ví zá̧a̧dná, kóó aa nɔɔ ví ú̵ si̧', ba ví ı̵́ 'yɛ́lı̵́ Tayɨɨ woo vu̵ yu̵, 9moo Krístu nɔɔ, ma duu níḿ moo bi mbaa ı̵́ 'yɛ́lı̵́ nán nɔm voo, kan nán zá̧a̧d voo nɔ á̧ḿ.
10A̧máa ı̵́ móó máa, moo ȩn mɔ́ sə̧'ə̧d móó dam vu̵ moolá? Ɨ́ móó máa, moo ȩn mɔ́ ho̧ dam vu̵ kɔ́ ı̵́ hȩn lee wɔgɔlá? Moo ya baa ví 'waapád Tayɨɨ wú̵ń dɨd ba ví moo sə̧"ȩ́ȩ. 11Debtere o̧:
“Míi ı̵́ 'yɛ́lı̵́ Tayɨɨ, mí dɨlı̵́; nán 'waapád vú̵ń nə'əy tíŋ́ míílí̧;
nán 'waapád vú̵ń na'an zo"ı̵́.”
12Tée nán 'waapád vú̵ń hí̧i̧d Tayɨɨ ya̧g yúú hȩn kɔ́lı̵́ voo vu̵lı̵́.
Nán tóó a dɔd daga hȩn ɓı̵́ddı̵́ sá
13Moo woo nɔ ma, ba gbɔ ví moo sə̧"ȩ́ ya baa vílí. Kóó nɔ́nná a mbɔ́g moo woolı̵́ zó̧ó̧lȩ́, a kɔ́ hȩn a dɔd daga vu̵ hȩn ɓı̵́ddı̵́, tóó tée a há' vu̵ zó̧ó̧ 'yɛ́lı̵́ máa sá. 14Mí míí nán ı̵́ 'yɛ́lı̵́ baa ví Yesu woo nɔ, ma mí gaa dȩ"ȩ́ na'a hȩn kı̵́b tóó sı̵́ pɛ́lı̵́ sá̧ḿ. A̧máa nán tóó a taa hȩn tóó ba hȩn kı̵́b bii nu tée, hȩn woo tiidu̵ sı̵́ hȩn kı̵́bbú̵. 15A̧máa a̧m vi̧i̧ dam tóó zó̧ó̧ kan hȩn káḿ lá yȩlȩ́ tée, mɔ́ tú'unɔ sı̵́ zó̧ó̧ nán né á̧ḿ. Nán ı̵́ tóó Krístu ka nɔɔ moo woo yȩ, a̧m tiddu̵ moo hȩn lálı̵́ aga yɛ nɔ sá! 16I kɔ́ hȩn du̵u̵ víí a tii hȩn du̵g sá, 17moo gbaŋ waalı̵́ Tayɨɨ woo máa, za'an hȩn lálı̵́ né, kóó hȩn zɔlı̵́ á̧ḿ. A̧máa za' mbaalı̵́ kɔ́ ı̵́ Tayɨɨ ka hí̧í̧ wɔgɔ, kan to̧o̧g, kan zó̧ó̧ dȩ"ȩ́ yigid Tayɨɨ woo ka pú̵ máa á̧ḿ. 18Nán a kɔ́d Krístu ba'ad ı̵́ yo̧go̧ tée, to̧o̧d Tayɨɨ kan nánán vu̵ á̧ḿ.
19Tée ba soo ví to̧o̧g, kan hȩn a sȩn ba ví fó̧ó̧ yúú zó̧ó̧ 'yɛ́lı̵́lı̵́ máa á̧ḿ. 20I lı̵́d ba'ad Tayɨɨ woo moo hȩn lálı̵́lı̵́ sá. Hȩn lálı̵́ 'waapád vu̵ maa lálı̵́ ú̵ gínú, a̧máa nán tóó a lá hȩn, ma daga u̵u̵ wá̧á̧ hȩn ɓı̵́ddı̵́ wu̵lı̵́ tée, du̵u̵ né. 21Hȩn ka du̵u̵ máa, a̧m lá pú̵g sá, a̧m zɔ doo sá á̧ḿ, a̧m ma hȩn a kɔ́ dam u̵u̵ kɔ́ hȩn ɓı̵́d wu̵lı̵́ máa 'waapád. 22Hȩn ı̵́ aga káḿ taa moo yúú woolı̵́ máa, Tayɨɨ wu̵ gaa. Du̵u̵d nán ı̵́ ka kɔ́ hȩn, ka kin hȩn ɓı̵́d zó̧ó̧ woolı̵́ né má nɔ. 23A̧máa nán ka dɨ hȩn lálı̵́ kan faag zó̧ó̧ woolı̵́ tée, Tayɨɨ sə̧'ə̧du̵ moo sú̵'ú̵, moo lán hȩn woo kan zó̧ó̧ 'yɛ́lı̵́ né. Ba'ad 'waapád u̵u̵ kɔ́n kan zó̧ó̧ 'yɛ́lı̵́ né tée, hȩn ɓı̵́ddɨ.
Currently Selected:
NÁN RÓMA VɄ 14: DIINT
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Dii © Bible Society of Cameroon, 2001.
NÁN RÓMA VɄ 14
14
Nán tóó a sə̧' moo yúú daga voolı̵́ sá
1Nán ı̵́ ka néen zó̧ó̧ 'yɛ́lı̵́lı̵́ né máa, i fȩȩwo̧ ya ú̵, a̧máa i sə̧' moo yúú moo taalı̵́ woolı̵́ sá. 2Nán tóó lá woo hȩn 'waapád, a̧máa nán ı̵́ zó̧ó̧ 'yɛ́lı̵́ woo ka ɓu̵u̵ né máa, lá woo də́ń wi' kpaggɨ kəd. 3Nán ı̵́ ka lá woo hȩn 'waapád yȩ tée, a ho̧ daga ı̵́ ka lán né yȩ hȩn leená té' sá. Nán ı̵́ ka lán woo hȩn 'waapád né yȩ, a sə̧' moo yúú nán ı̵́ ku̵u̵ lá yȩ voolı̵́ sá á̧ḿ, moo Tayɨɨ fȩȩwo̧ sı̵́ woolı̵́ ú̵. 4Mɔ́ móó nóo ma, mɔ́ sə̧' moo yúú nán ba'ad dam voolı̵́lá? Kóó a mbaa du̵u̵ na'a ba'ad woolı̵́, kóó a mbaa du̵u̵ né á̧ḿ, aga moo baa lig woo woo nɔ. A̧máa wú̵ń mbaa du̵u̵lı̵́ na'a, moo ı̵́ 'yɛ́lı̵́ Tayɨɨ wu̵ dɨ kan néélȩ́ tíddu̵.
5Nán tóó taa woo zá̧ga̧ tóó vu̵n mba daga vu̵ ú̵. Nán tóó taa woo zá̧ga̧ vu̵n man la kííd. Tée aga kóó nɔ́nná a gaa moo taalı̵́ dáń woo la ú̵. 6Nán ı̵́ ka taa moo yúú zá̧ga̧lȩ́ yȩ, taa ba bin na' ı̵́ 'yɛ́lı̵́ wu̵lı̵́. Nán ı̵́ ka lá woo hȩn 'waapád yȩ, lá woo moo bi na' ı̵́ 'yɛ́lı̵́ wu̵lı̵́, moo dȩn Tayɨɨ nag, ma lá hȩn. Nán ı̵́ ka lán woo hȩn 'waapád né yȩ kɔ́ ı̵́ yo̧go̧ moo bi na' ı̵́ 'yɛ́lı̵́ wu̵lı̵́, dȩn Tayɨɨ nag á̧ḿ. 7Nán tóó mbaan zá̧a̧d dáńná né, nán tóó aga nɔɔn dáńná né á̧ḿ. 8Aa mbaa ví zá̧a̧d tée, ba mbaa ví moo ı̵́ 'yɛ́lı̵́ Tayɨɨ woo nɔ. Tow aa nɔɔ ví tée, ba nɔɔ ví moo ı̵́ 'yɛ́lı̵́ woo nɔ á̧ḿ. Moo woo nɔ, kóó aa mbaa ví zá̧a̧dná, kóó aa nɔɔ ví ú̵ si̧', ba ví ı̵́ 'yɛ́lı̵́ Tayɨɨ woo vu̵ yu̵, 9moo Krístu nɔɔ, ma duu níḿ moo bi mbaa ı̵́ 'yɛ́lı̵́ nán nɔm voo, kan nán zá̧a̧d voo nɔ á̧ḿ.
10A̧máa ı̵́ móó máa, moo ȩn mɔ́ sə̧'ə̧d móó dam vu̵ moolá? Ɨ́ móó máa, moo ȩn mɔ́ ho̧ dam vu̵ kɔ́ ı̵́ hȩn lee wɔgɔlá? Moo ya baa ví 'waapád Tayɨɨ wú̵ń dɨd ba ví moo sə̧"ȩ́ȩ. 11Debtere o̧:
“Míi ı̵́ 'yɛ́lı̵́ Tayɨɨ, mí dɨlı̵́; nán 'waapád vú̵ń nə'əy tíŋ́ míílí̧;
nán 'waapád vú̵ń na'an zo"ı̵́.”
12Tée nán 'waapád vú̵ń hí̧i̧d Tayɨɨ ya̧g yúú hȩn kɔ́lı̵́ voo vu̵lı̵́.
Nán tóó a dɔd daga hȩn ɓı̵́ddı̵́ sá
13Moo woo nɔ ma, ba gbɔ ví moo sə̧"ȩ́ ya baa vílí. Kóó nɔ́nná a mbɔ́g moo woolı̵́ zó̧ó̧lȩ́, a kɔ́ hȩn a dɔd daga vu̵ hȩn ɓı̵́ddı̵́, tóó tée a há' vu̵ zó̧ó̧ 'yɛ́lı̵́ máa sá. 14Mí míí nán ı̵́ 'yɛ́lı̵́ baa ví Yesu woo nɔ, ma mí gaa dȩ"ȩ́ na'a hȩn kı̵́b tóó sı̵́ pɛ́lı̵́ sá̧ḿ. A̧máa nán tóó a taa hȩn tóó ba hȩn kı̵́b bii nu tée, hȩn woo tiidu̵ sı̵́ hȩn kı̵́bbú̵. 15A̧máa a̧m vi̧i̧ dam tóó zó̧ó̧ kan hȩn káḿ lá yȩlȩ́ tée, mɔ́ tú'unɔ sı̵́ zó̧ó̧ nán né á̧ḿ. Nán ı̵́ tóó Krístu ka nɔɔ moo woo yȩ, a̧m tiddu̵ moo hȩn lálı̵́ aga yɛ nɔ sá! 16I kɔ́ hȩn du̵u̵ víí a tii hȩn du̵g sá, 17moo gbaŋ waalı̵́ Tayɨɨ woo máa, za'an hȩn lálı̵́ né, kóó hȩn zɔlı̵́ á̧ḿ. A̧máa za' mbaalı̵́ kɔ́ ı̵́ Tayɨɨ ka hí̧í̧ wɔgɔ, kan to̧o̧g, kan zó̧ó̧ dȩ"ȩ́ yigid Tayɨɨ woo ka pú̵ máa á̧ḿ. 18Nán a kɔ́d Krístu ba'ad ı̵́ yo̧go̧ tée, to̧o̧d Tayɨɨ kan nánán vu̵ á̧ḿ.
19Tée ba soo ví to̧o̧g, kan hȩn a sȩn ba ví fó̧ó̧ yúú zó̧ó̧ 'yɛ́lı̵́lı̵́ máa á̧ḿ. 20I lı̵́d ba'ad Tayɨɨ woo moo hȩn lálı̵́lı̵́ sá. Hȩn lálı̵́ 'waapád vu̵ maa lálı̵́ ú̵ gínú, a̧máa nán tóó a lá hȩn, ma daga u̵u̵ wá̧á̧ hȩn ɓı̵́ddı̵́ wu̵lı̵́ tée, du̵u̵ né. 21Hȩn ka du̵u̵ máa, a̧m lá pú̵g sá, a̧m zɔ doo sá á̧ḿ, a̧m ma hȩn a kɔ́ dam u̵u̵ kɔ́ hȩn ɓı̵́d wu̵lı̵́ máa 'waapád. 22Hȩn ı̵́ aga káḿ taa moo yúú woolı̵́ máa, Tayɨɨ wu̵ gaa. Du̵u̵d nán ı̵́ ka kɔ́ hȩn, ka kin hȩn ɓı̵́d zó̧ó̧ woolı̵́ né má nɔ. 23A̧máa nán ka dɨ hȩn lálı̵́ kan faag zó̧ó̧ woolı̵́ tée, Tayɨɨ sə̧'ə̧du̵ moo sú̵'ú̵, moo lán hȩn woo kan zó̧ó̧ 'yɛ́lı̵́ né. Ba'ad 'waapád u̵u̵ kɔ́n kan zó̧ó̧ 'yɛ́lı̵́ né tée, hȩn ɓı̵́ddɨ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Dii © Bible Society of Cameroon, 2001.