Debtere ba'ad waa ba'ad voo nɔ 24
24
Nán Yúúda vu̵ doo Pól
1Bá' nɔ́nɔ́ ka ya̧a̧ máa, ı̵́ nii hȩn ha"ı̵́ Ananía ya̧ zu̵u̵ kan ı̵́ nii Yúúda tóó vu̵, kan ı̵́ nán sɨɨlı̵́ voo, yéé woo Tɛrtulúu. Vu̵ gaŋ dom Pól woo ya dii tíŋ́ guvɛrnə́ər woolı̵́ ɓab. 2Vu̵ bee Pól ya sú̵'ú̵, ma Tɛrtulúu pee bé' dom, o̧ moo yȩ: “Ba' naa, víi kɔ́ ma vɔ́ mbaa ká̧'a̧dná, moo gbaŋ waalı̵́ gaalı̵́ víí yɛlı̵́. Víi mbɔ́g moo 'maŋ tóó vu̵ á̧ḿ, moo u̵u̵ du̵u̵d zig yɛ nɔ. 3Hȩn 'waapád kóó nuŋ ya 'waapád yɛ, vɔ́ dȩn ví nag moo woo, ba' naa Felíg, vɔ́ duu faa dȩŋ tóó.
4“A̧máa mí hí̧í̧ bi ya̧a̧n ví sey yɛlı̵́ na'a né, a̧máa i ma' zó̧ó̧, ví kɔ́d vɔ́ zó̧ó̧ nán, ví kid vɔ́ moo waaná'. 5Vɔ́ ho̧ vóó, nán yȩ nán ya dɔnnée. Dɔn nán Yúúda vu̵ hág 'waapád. Wu̵ ı̵́ nii nán ba̧a̧né ku̵u̵ bee vu̵ nán Naazaréd yȩ voo. 6Ma hí̧í̧ bi vi̧i̧ lig hȩn ha"ı̵́ á̧ḿ, a̧máa vɔ́ ma"o̧ sı̵́ wu̵lı̵́ yɔ. [Ká vɔ́ hí̧í̧ bi mbɔ́g moo woo kɔ́ ı̵́ dooká vóó ka o̧ wɔgɔ, 7a̧máa kolonɛ́l Lizía vbiddu̵ nag vóólı̵́ kɔɔgná, 8ma duu o̧d nán kóó doowu̵ yɛ, oo yaa víílí.] Tow i vigi moo yȩ kan ya̧g víí tée, aga víń ki moo kóó doowu̵ wu̵lı̵́ yȩ, yȩ́ń woo.”
9Nán Yúúda vu̵ duu sȩn fó̧ó̧ yúú moo yȩlȩ́, vu̵ kɔ́: “Yówwa yówwa.”
Pól kpad ya̧g tíŋ́ Felíg woolı̵́
10Pig woolı̵́ máa, guvɛrnə́ər gbɔd Pól nag a moo moo la ú̵, ma Pól o̧: “Mí gaa, ví mbaa guvɛrnə́ər yúú zig yɛ woolı̵́ ve' ɓu̵u̵lı̵́ na'a sú̵'ú̵. Moo woo nɔ, mí gaa, moo káń dɨd ví o̧lȩ́ yɛ, víń gaa ú̵. 11Aga i vi tée, víń ki. Sey káń dɔg Tayɨɨ na"ȩ́ Yerúsalemmé máa, mban ná bá' wa̧nɓó' zu̵u̵ idú ní. 12Vu̵ maan vɔ́ moo fá̧né kan nán tóó lig hȩn ha"ı̵́lı̵́ né á̧ḿ, kóó mín dɔn nán tóó lig sú̵ggı̵́ nán Yúúda voolı̵́ máa pɛ́lı̵́. Kóó ya tóólı̵́ tíŋ́ kaalı̵́ máa, pɛ́lı̵́ á̧ḿ. 13Nán yɛ vú̵ń tú'un ví moo yȩ́ń tóó yúú moo ku̵u̵ doon mí wu̵lı̵́ yɛlı̵́ né á̧ḿ.
14“A̧máa, a moo ı̵́ Tayɨɨ duulí má nɔ tée, mí o̧d ví la had. Mí duu Tayɨɨ a vɔ́ yée ku̵u̵ duu má nɔ, kan hi̧naa 'maŋ ku̵u̵ moo ba mín bá̧a̧ ó̧ yɛ nɔ. Mí duu hȩn ku̵u̵ bíńda debtere Múúsa woolı̵́ máa vu̵ 'waapád, kan moo anábi voo vu̵ á̧ḿ. 15Mí mbaa laa nán ku̵u̵ kɔ́ hȩn hí̧í̧lí̧ Tayɨɨ woo, kan nán ı̵́ ku̵u̵ kɔ́n né máa, u̵u̵ níḿ nɔmmé kɔ́ ı̵́ nán yɛ ku̵u̵ dɨ laalı̵́ yȩ wɔgɔ á̧ḿ. 16Moo woo nɔ ma, mí baa sȩn fó̧ó̧, bi kɔ́ hȩn hí̧í̧lí̧ Tayɨɨ woo, bi mbaa du̵u̵lı̵́ na'a kan nánán vu̵ 'waapád á̧ḿ. 17Káń lúú Yerúsalemmé máa ve' ɓu̵u̵lı̵́ na'a wu̵ yɛ nɔ, ma nán sú̵ggı̵́ vu̵ su̵g sɨɨde pú̵n, mí pa̧ŋ dɔg pú̵ nán Yerúsalemmé yɛlı̵́ vu̵. Mí yaa moo hȩn ha"ı̵́ɨ á̧ḿ. 18Mí mbɔ́g fó̧ó̧, mí woo mam 'waa, mí laa moo hȩn ha"ı̵́, ma nán yɛ vu̵ nugun wu̵lı̵́. Mí su̵gu̵n dúú tóó vu̵ wu̵lı̵́ né, moo dámné tóó wu̵lı̵́ pɛ́lı̵́ á̧ḿ. 19A̧máa nán Yúúda tóó ku̵u̵ yaa voo diga hág Aazíilí máa, vu̵u̵ du̵u̵lı̵́. Tow oo kɔ́ń moo kan vu̵ ú̵ tée, ndíga u̵u̵ ya o̧d ví moo woo. 20Tóó tée, nán ı̵́ ku̵u̵ mbaa yɛlı̵́ máa u̵u̵ tú' hȩn ɓı̵́d káń kɔ́, ma ku̵u̵ nuŋ moo yȩ́ń woo ı̵́ nii moo sə̧"ȩ́ voolı̵́ máa. 21A̧máa, ká mí o̧d vu̵ moo dágá 'nɛ́ŋ́ wu̵lı̵́, mí lúú moo dɔg moo yúba, mí o̧: ‘Vu̵ fá̧n mí ɓəə moo, moo zó̧ó̧ 'yɛ́lı̵́ míí yúú nímní nɔm voolı̵́ɨ.’ Máa, u̵u̵ duu doon dɨ wu̵ yaa tée, mí gaa né á̧ḿ.”
22Felíg ka gaa moo kirtȩ́n du̵u̵lı̵́ na'a máa, gəd moo fá̧né sú̵u̵ gbɔ la, o̧: “Kolonɛ́l Lizía a zu̵u̵ tée, míń sə̧' moo víí yɛ 'waa.”
23Felíg ɓɛ Pól pú̵ ı̵́ nii só̧ó̧ze tóó a tu̵gu̵ ú̵, a̧máa a tú̵"u̵ sá, duu o̧ddu̵: “Nán Pól woo ku̵u̵ bi kɔ́ddu̵ ba'adɨ tée, a̧m há' vu̵ sá á̧ḿ.”
Guvɛrnə́ər Felíg vu̵ yaa kan kȩ́ȩ́ Duusíl Pól woolı̵́
24Bá' tóó pig woolı̵́ máa, Felíg vu̵ yaa kan kȩ́ȩ́ Duusíl, ká wakȩ́ȩ́ Yúúdaɨ. Vu̵ ba' la bee Pól, moo bi ki moo Pól ka baa tú' yúú zó̧ó̧ 'yɛ́lı̵́ Yesu Krístu woolı̵́ yȩ nɔ. 25A̧máa Pól ka bé'ed vu̵ moo moolȩ́ yúú hȩn hí̧í̧lí̧ Tayɨɨ woo kɔ́lı̵́lı̵́, kan moo nán u̵u̵ pı̵́ı̵́ fó̧ó̧ voo, u̵u̵ kɔ́ hȩn ɓı̵́d sá, kan moo sə̧"ȩ́ a dɨ yaalı̵́ Tayɨɨ woolı̵́ yȩ máa, dú̵ú̵ kɔ́ Felíg, ma Felíg o̧ddu̵: “A̧m laa la sı̵́ mɔ́ ó̧. Sey tóólı̵́ tée, míń duu beem.”
26Felíg ká 'yɛ́ woo zó̧ó̧, Pól ban pú̵ bi sɨɨdeɨ á̧ḿ, moo woo nɔ baa beewu̵ moo mbalı̵́ bə́' bə́'.
27Ve' idú ka ya̧a̧ máa, Poosíu Feetús ya fȩȩ guvɛrnə́ər mbaa. A̧máa Felíg ka hí̧í̧ bi to̧n kan nán Yúúda vu̵ ú̵ máa, gbɔ Pól mbaa lig púúsinalȩ́ wu̵lı̵́.
Currently Selected:
Debtere ba'ad waa ba'ad voo nɔ 24: DIINT
Highlight
Share
Copy
Want to have your highlights saved across all your devices? Sign up or sign in
Nouveau Testament en Dii © Bible Society of Cameroon, 2001.
Debtere ba'ad waa ba'ad voo nɔ 24
24
Nán Yúúda vu̵ doo Pól
1Bá' nɔ́nɔ́ ka ya̧a̧ máa, ı̵́ nii hȩn ha"ı̵́ Ananía ya̧ zu̵u̵ kan ı̵́ nii Yúúda tóó vu̵, kan ı̵́ nán sɨɨlı̵́ voo, yéé woo Tɛrtulúu. Vu̵ gaŋ dom Pól woo ya dii tíŋ́ guvɛrnə́ər woolı̵́ ɓab. 2Vu̵ bee Pól ya sú̵'ú̵, ma Tɛrtulúu pee bé' dom, o̧ moo yȩ: “Ba' naa, víi kɔ́ ma vɔ́ mbaa ká̧'a̧dná, moo gbaŋ waalı̵́ gaalı̵́ víí yɛlı̵́. Víi mbɔ́g moo 'maŋ tóó vu̵ á̧ḿ, moo u̵u̵ du̵u̵d zig yɛ nɔ. 3Hȩn 'waapád kóó nuŋ ya 'waapád yɛ, vɔ́ dȩn ví nag moo woo, ba' naa Felíg, vɔ́ duu faa dȩŋ tóó.
4“A̧máa mí hí̧í̧ bi ya̧a̧n ví sey yɛlı̵́ na'a né, a̧máa i ma' zó̧ó̧, ví kɔ́d vɔ́ zó̧ó̧ nán, ví kid vɔ́ moo waaná'. 5Vɔ́ ho̧ vóó, nán yȩ nán ya dɔnnée. Dɔn nán Yúúda vu̵ hág 'waapád. Wu̵ ı̵́ nii nán ba̧a̧né ku̵u̵ bee vu̵ nán Naazaréd yȩ voo. 6Ma hí̧í̧ bi vi̧i̧ lig hȩn ha"ı̵́ á̧ḿ, a̧máa vɔ́ ma"o̧ sı̵́ wu̵lı̵́ yɔ. [Ká vɔ́ hí̧í̧ bi mbɔ́g moo woo kɔ́ ı̵́ dooká vóó ka o̧ wɔgɔ, 7a̧máa kolonɛ́l Lizía vbiddu̵ nag vóólı̵́ kɔɔgná, 8ma duu o̧d nán kóó doowu̵ yɛ, oo yaa víílí.] Tow i vigi moo yȩ kan ya̧g víí tée, aga víń ki moo kóó doowu̵ wu̵lı̵́ yȩ, yȩ́ń woo.”
9Nán Yúúda vu̵ duu sȩn fó̧ó̧ yúú moo yȩlȩ́, vu̵ kɔ́: “Yówwa yówwa.”
Pól kpad ya̧g tíŋ́ Felíg woolı̵́
10Pig woolı̵́ máa, guvɛrnə́ər gbɔd Pól nag a moo moo la ú̵, ma Pól o̧: “Mí gaa, ví mbaa guvɛrnə́ər yúú zig yɛ woolı̵́ ve' ɓu̵u̵lı̵́ na'a sú̵'ú̵. Moo woo nɔ, mí gaa, moo káń dɨd ví o̧lȩ́ yɛ, víń gaa ú̵. 11Aga i vi tée, víń ki. Sey káń dɔg Tayɨɨ na"ȩ́ Yerúsalemmé máa, mban ná bá' wa̧nɓó' zu̵u̵ idú ní. 12Vu̵ maan vɔ́ moo fá̧né kan nán tóó lig hȩn ha"ı̵́lı̵́ né á̧ḿ, kóó mín dɔn nán tóó lig sú̵ggı̵́ nán Yúúda voolı̵́ máa pɛ́lı̵́. Kóó ya tóólı̵́ tíŋ́ kaalı̵́ máa, pɛ́lı̵́ á̧ḿ. 13Nán yɛ vú̵ń tú'un ví moo yȩ́ń tóó yúú moo ku̵u̵ doon mí wu̵lı̵́ yɛlı̵́ né á̧ḿ.
14“A̧máa, a moo ı̵́ Tayɨɨ duulí má nɔ tée, mí o̧d ví la had. Mí duu Tayɨɨ a vɔ́ yée ku̵u̵ duu má nɔ, kan hi̧naa 'maŋ ku̵u̵ moo ba mín bá̧a̧ ó̧ yɛ nɔ. Mí duu hȩn ku̵u̵ bíńda debtere Múúsa woolı̵́ máa vu̵ 'waapád, kan moo anábi voo vu̵ á̧ḿ. 15Mí mbaa laa nán ku̵u̵ kɔ́ hȩn hí̧í̧lí̧ Tayɨɨ woo, kan nán ı̵́ ku̵u̵ kɔ́n né máa, u̵u̵ níḿ nɔmmé kɔ́ ı̵́ nán yɛ ku̵u̵ dɨ laalı̵́ yȩ wɔgɔ á̧ḿ. 16Moo woo nɔ ma, mí baa sȩn fó̧ó̧, bi kɔ́ hȩn hí̧í̧lí̧ Tayɨɨ woo, bi mbaa du̵u̵lı̵́ na'a kan nánán vu̵ 'waapád á̧ḿ. 17Káń lúú Yerúsalemmé máa ve' ɓu̵u̵lı̵́ na'a wu̵ yɛ nɔ, ma nán sú̵ggı̵́ vu̵ su̵g sɨɨde pú̵n, mí pa̧ŋ dɔg pú̵ nán Yerúsalemmé yɛlı̵́ vu̵. Mí yaa moo hȩn ha"ı̵́ɨ á̧ḿ. 18Mí mbɔ́g fó̧ó̧, mí woo mam 'waa, mí laa moo hȩn ha"ı̵́, ma nán yɛ vu̵ nugun wu̵lı̵́. Mí su̵gu̵n dúú tóó vu̵ wu̵lı̵́ né, moo dámné tóó wu̵lı̵́ pɛ́lı̵́ á̧ḿ. 19A̧máa nán Yúúda tóó ku̵u̵ yaa voo diga hág Aazíilí máa, vu̵u̵ du̵u̵lı̵́. Tow oo kɔ́ń moo kan vu̵ ú̵ tée, ndíga u̵u̵ ya o̧d ví moo woo. 20Tóó tée, nán ı̵́ ku̵u̵ mbaa yɛlı̵́ máa u̵u̵ tú' hȩn ɓı̵́d káń kɔ́, ma ku̵u̵ nuŋ moo yȩ́ń woo ı̵́ nii moo sə̧"ȩ́ voolı̵́ máa. 21A̧máa, ká mí o̧d vu̵ moo dágá 'nɛ́ŋ́ wu̵lı̵́, mí lúú moo dɔg moo yúba, mí o̧: ‘Vu̵ fá̧n mí ɓəə moo, moo zó̧ó̧ 'yɛ́lı̵́ míí yúú nímní nɔm voolı̵́ɨ.’ Máa, u̵u̵ duu doon dɨ wu̵ yaa tée, mí gaa né á̧ḿ.”
22Felíg ka gaa moo kirtȩ́n du̵u̵lı̵́ na'a máa, gəd moo fá̧né sú̵u̵ gbɔ la, o̧: “Kolonɛ́l Lizía a zu̵u̵ tée, míń sə̧' moo víí yɛ 'waa.”
23Felíg ɓɛ Pól pú̵ ı̵́ nii só̧ó̧ze tóó a tu̵gu̵ ú̵, a̧máa a tú̵"u̵ sá, duu o̧ddu̵: “Nán Pól woo ku̵u̵ bi kɔ́ddu̵ ba'adɨ tée, a̧m há' vu̵ sá á̧ḿ.”
Guvɛrnə́ər Felíg vu̵ yaa kan kȩ́ȩ́ Duusíl Pól woolı̵́
24Bá' tóó pig woolı̵́ máa, Felíg vu̵ yaa kan kȩ́ȩ́ Duusíl, ká wakȩ́ȩ́ Yúúdaɨ. Vu̵ ba' la bee Pól, moo bi ki moo Pól ka baa tú' yúú zó̧ó̧ 'yɛ́lı̵́ Yesu Krístu woolı̵́ yȩ nɔ. 25A̧máa Pól ka bé'ed vu̵ moo moolȩ́ yúú hȩn hí̧í̧lí̧ Tayɨɨ woo kɔ́lı̵́lı̵́, kan moo nán u̵u̵ pı̵́ı̵́ fó̧ó̧ voo, u̵u̵ kɔ́ hȩn ɓı̵́d sá, kan moo sə̧"ȩ́ a dɨ yaalı̵́ Tayɨɨ woolı̵́ yȩ máa, dú̵ú̵ kɔ́ Felíg, ma Felíg o̧ddu̵: “A̧m laa la sı̵́ mɔ́ ó̧. Sey tóólı̵́ tée, míń duu beem.”
26Felíg ká 'yɛ́ woo zó̧ó̧, Pól ban pú̵ bi sɨɨdeɨ á̧ḿ, moo woo nɔ baa beewu̵ moo mbalı̵́ bə́' bə́'.
27Ve' idú ka ya̧a̧ máa, Poosíu Feetús ya fȩȩ guvɛrnə́ər mbaa. A̧máa Felíg ka hí̧í̧ bi to̧n kan nán Yúúda vu̵ ú̵ máa, gbɔ Pól mbaa lig púúsinalȩ́ wu̵lı̵́.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nouveau Testament en Dii © Bible Society of Cameroon, 2001.