Romanos 1
1
So Pablo ÿamaxa aso lede so 'amqajnataxanaxaicpi mayi netaña yi Roma
1Aÿim Pablo, aÿim l-latac so Jesucristo. Ñi Dios aÿim iÿaxana, qataq aÿim iÿotauga da ÿauo'o aÿim lamaxashic, da yaqto' sa'axat da l'aqtac mayi chigaqaigui da nca'alaxa.
2Ñi Dios ÿan co'ollaxa de'eda l'aqtac, ÿachigoxotchigui naq'en so l'aqtaxanaxanecpi da ÿilyiñi naq'en naua qui'itte' l'aqtaqa ñimayi. 3Dam n'aqtac mayi i'axat da llic so qadataxala' Jesucristo som llalec ñi Dios. Qaq dam yi'oqchigui lañoxoc somayi, qalaxayi chigoxoguet so nta'a l'enaxat David. 4Qalaxayi chigoqchigui so Espíritu Santo co'ollaq i'axat da somayi llalec ñi Dios qataq 'añaxaic co'ollaq ñi Dios nca'aleeguesop naq'en da nleuaxa. 5Qaq nachi chigoqchigui so Jesucristo da ñi Dios qomi' nqouagueque da qomi' ÿanaguilo da qomi' lamaxa'shi, da yaqto' so'onataxanqot somayi, yaqto' 'enauac na ÿotta'a't shiÿaxauapi ishit da huo'o ca da'amqajnataxan qataq ÿalaq. 6Qaq namayipi nataq'en qaualliquiitaigui da qami' iÿaxanalo ñi Dios, da yaqto' qami' lalamqa'te naq'en so Jesucristo.
7Qaq 'enauac qami' mayi qoñiitaña na la ciudad Roma, qami' samaxalo ana ÿide. Qami' mayi qami' lauotaqa'te ñi Dios qataq qami' iÿaxanalo, da yaqto' qami' qanañañiÿot ñimayi. Qaq qauacoñiiguet qome da nqouagaxanaqtaic qataq da nlagaxayic mayi chigoqo'ot ñi qadta'a Dios qataq so qadataxala' Jesucristo.
So Pablo huotaique da namaqtega yi Roma
8Qaq aÿim sa'auaxaachiguiñi da sachigoxotchigui so Jesucristo da sanot da ñi'achiquiaxac ñi ita'a Dios souaxat da qoñiita 'enauac, cha'ayi 'enauaque na laÿil qan'aqtaxaatapigui da qadpi'iÿaxaqui. 9Qaq ñim Dios mayi so'onataxaatacot ñim semattot da iquiyaqteÿaxac da sa'axattac dam n'aqtaguec so llalec, ñimayi aÿim ÿaÿateeta da sa ishit da qami' secoua'aisalo da ivita da ñoqouagaxaueetac. 10Qaq sa i'atai' da seÿaxaatacot ñi Dios da maichi chigoqchigui ñimayi da ishit da aÿim ÿanem ca na'a'q da ishit da qami' ñamaqtegalo. 11Cha'ayi ñishitaique da qami' ñauaneto, qataq da qami' setauanque cam chigoqo'ot so Espíritu Santo, yaqto' ÿataqta qami' 'añaxaiqa. 12Qaq yaqto' ñi 'oonolec da shinaqta ishit da i'añaqchit ca lÿa da idolec de'eda npi'iÿaxac mayi qami' hueto'oto nataq'en aÿim.
13Qami' ÿaqaÿa't, sauotaique da qami' qauaÿajñiita da aÿim ÿataqta qalota da ñishitaique da qami' ñoqo'onalo da yaqto' qami' ñauaneto. Qalaxayi chochi ivitta'a nagui da saxanaxa da sañoxot. Sauotaiquecnaxa da qami' saÿalo, da yaqto' qalota ca ÿaueguec da qoñiita da da'amqajnataxan, 'eeta'am da shiitec naua lÿa't 'ale'u. 14Cha'ayi huo'o da ñi'aqtac da sa'aqtaxanem 'enauac na shiÿaxauapi, nai'ctaxa cam ÿaÿaten da naÿamaxataxac, huo'otaq cam sa ishit da naÿamaxatapec, qataq nam ÿaÿaten ana nede, huo'otaq cam sa ÿaÿaten ana nede. 15Qaq ÿoqo'oyi aÿim ÿataqta huo'o da iyaxa da nataq'en qami' sa'aqtaxanema de'eda nca'alaxa 'enauac da qoñiita mayi qoñiitaña na Roma.
Da l'añaxac dam no'on qad'axaÿaxac
16Cha'ayi aÿim sa ishit da yicoqtapeguelec da no'on qad'axaÿaxac, cha'ayi damayi l'añaxac ñi Dios mayi ishit da nca'alaxateec 'enauac cam i'amaqten. Hua'auchiguiñi na judiopi da qanca'alaxateec. Ime, qataq jec na saq judío l'ecpi. 17Cha'ayi de'eda no'on qad'axaÿaxac, damayi ishit da qomi' ÿachaxaatalo da lataxac da ñi Dios ishit da qomi' ÿaÿamaxadeete'. Qaq damayi 'eeta': nachicata cam huo'o ca lpi'iÿaxac da da'amqajnataxan. Qaq 'eda da 'enapec naua ñiyigui'shi l'aqtaqa ñi Dios, da 'eeta': “Cam ÿaÿamaxadeeta ñi Dios, ca mayi da nachaalataxac ÿachigoxotchigui da lpi'iÿaxac.”
Da lasouaxashit na shiÿaxauapi
18Qaq ÿoqo'oyi qomi' selaqa'a da lchic da lta'adaic layiloxo ñi Dios mayi ÿachigoxottot naq'en na piguem, da namaxa 'enauac na shiÿaxauapi mayi ca'ai ñimayi qataq qauemaicpi, da ÿauo'o ca nhuaxanaguec, souaxat de'eda i'ottac qauem mayi sa ishit da ÿashinem naq'en ca lÿa da ÿauatton da 'eesa lataxac. 19Namayipi ÿataqta ÿaÿateeta mque' da 'eetec da lataxac da qaÿauatton ñi Dios, cha'ayi ñimayi ÿataqta nachaxaata namayipi. 20Cha'ayi dam saq cha'a lataxac ñi Dios ishit da chigoqchigui nam l'onatacpi ñimayi da ishit da qaila'a. Qaq ishit da ÿataqta qaÿauattoota da ñimayi nachiñi ñi imattalecna qataq da ñimayi nachi 'eetai' da 'añaxaic, chigoqchiguiña co'ollaq ñimayi i'ot ana 'alhua. Qaq ÿoqo'oyi namayipi sa ishit da saqca ca lasouaxashit. 21Qaq namayipi nai'ctaxa da ÿauatton ñi Dios, qalaxayi sa ishit da ÿamata'ac da nachiñi ñi lta'a, qataq sa ishit da ÿanot da n'achiquiaxac. Chaqdata da namayipi iuennatapega nam qaica ca naigui, qataq da lquiyaqteÿaxac ÿataqta 'ico' huetaigui na napalaxa. 22Qaq nai'ctaxa namayipi da 'eetega da ÿajnaxanaxaicpi, qamaq qaica ca ÿaÿajnapec. 23Cha'ayi namayipi ÿaxaañi da natamnot ñi Dios mayi sa ishit da ileu. Chaqdata da natamnot na lqui'ipi nam shiÿaxauapi mayi ishit da ileu, qataq ivida'a nam lqui'ipi na maÿopi, n'adaxanaqpi qataq nam shiguiÿacpi. 24Qaq ÿoqo'oyi ñi Dios nachi ÿaxaneec namayipi da maichi queguelo nam maichi lhuennataxaco mayi ishit da deshipaxanaqtaxa'n. Huaña, nachi namayipi ñi 'oonolec maichi i'otec ca lÿa cam ishit da i'ot da n'aloxo, 25cha'ayi souaxat da sa ishit da qai'amaqten dam 'eesa lataxac mayi chigoqo'ot ñi Dios, chaqdata dam shipegaxanaxac. Huaña, nachi qaÿi'oxoden qataq qanatamnot nam l'onatacpi ñimayi. Qaq ñimayi sa ishit da qanatamnot ñim ÿataqta 'itchiguiñi da ishit da chochaq tateec da ñi'oxonnataguec. Aja', nachi 'eetec.
26Qaq ÿoqo'oyi ñi Dios ÿauaqta'a namayipi da i'ot nam maichi 'eetapeguecpi mayi ÿataqta qai'aguelec. Cha'ayi na 'alpi qalaq ivida'a da ÿalat da maichi lataxac da i'ot cam sa ishit da natenguet da lataxac. 27Qataq ivida'a nataq'en na ÿallippi ÿalat da lataxac da huadonguet aca 'alo, nachi ñi 'oonolec maichi dapaqtega ca 'eeta'am lÿa. Na ÿallippi nataq'en ñi 'oonolec i'otec ca lÿa cam ÿataqta i'ot da n'aloxo. Nachi ÿataqta nque'etaxangui da nhuaxanaguec da maichi lalamaxat l'oquiaxac, souaxat da i'ot da sa ÿaÿamaxañi.
28Qaq cha'ayi namayipi mashi ÿaxaneec da nauattonaguec ñi Dios, nachi ñimayi ca'ai namayipi, da yaqto' i'o't naua qauema lhuennataxaco, qataq da i'ot cam sa ishit da lataxac. 29Nachi namayipi ÿataqta nlaqchigui 'enauac na ñi'itaxaloxosat, quishiguetaxac, qauemsat, qataq da qanmitta'ai añi plata, qataq na sa ÿaÿamaxañisat. Namayipi quiÿaxanaqtaqaicpi, laataxanaxaicpi, loquiaxaicpi, tenataxanaxaicpi, qauemaicpi, qataq n'aqtaqa l'o'pi. 30Qataq sa iyacnapec ca lÿa da detaxaÿa, sa ÿauotec ñi Dios, nogoqtaxanaxaicpi, n'amqajnaxaicpi, ñi'oxonnaxaicpi. Namayipi chigaqpigui na qauempi, sa ishit da ÿalaxalguete caua lta'al, 31qaica ca ÿaÿajnapec, sa ishit da ipaguelguete naua l'aqtaqa, sa ishit da huo'o ca ÿauotec, sa ÿaÿaten da ichoxoden ca lasouaxashit ca lÿa, sa ishit da doqouagaxanaqta. 32Namayipi ÿaÿateeta nam damaxasoxoolecpi ñi Dios, qataq ÿaÿateeta da ca i'ottac ne'enapi qalaq ca mayi netagui da qaÿauo'o ca nalaataguec. Qalaxayi namayipi ñaqaiyita queto'ot da i'ottac nam qauemsat, qataq ivida'a da ÿataqta ÿaÿamaxadeeta da ilota'a ca lÿa da i'ottac namayipi.
Currently Selected:
Romanos 1: TBSNT
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Toba Qom, Dios Nvita Na Shiỹaxauapi © Sociedades Bíblicas Unidas, 1981.
Romanos 1
1
So Pablo ÿamaxa aso lede so 'amqajnataxanaxaicpi mayi netaña yi Roma
1Aÿim Pablo, aÿim l-latac so Jesucristo. Ñi Dios aÿim iÿaxana, qataq aÿim iÿotauga da ÿauo'o aÿim lamaxashic, da yaqto' sa'axat da l'aqtac mayi chigaqaigui da nca'alaxa.
2Ñi Dios ÿan co'ollaxa de'eda l'aqtac, ÿachigoxotchigui naq'en so l'aqtaxanaxanecpi da ÿilyiñi naq'en naua qui'itte' l'aqtaqa ñimayi. 3Dam n'aqtac mayi i'axat da llic so qadataxala' Jesucristo som llalec ñi Dios. Qaq dam yi'oqchigui lañoxoc somayi, qalaxayi chigoxoguet so nta'a l'enaxat David. 4Qalaxayi chigoqchigui so Espíritu Santo co'ollaq i'axat da somayi llalec ñi Dios qataq 'añaxaic co'ollaq ñi Dios nca'aleeguesop naq'en da nleuaxa. 5Qaq nachi chigoqchigui so Jesucristo da ñi Dios qomi' nqouagueque da qomi' ÿanaguilo da qomi' lamaxa'shi, da yaqto' so'onataxanqot somayi, yaqto' 'enauac na ÿotta'a't shiÿaxauapi ishit da huo'o ca da'amqajnataxan qataq ÿalaq. 6Qaq namayipi nataq'en qaualliquiitaigui da qami' iÿaxanalo ñi Dios, da yaqto' qami' lalamqa'te naq'en so Jesucristo.
7Qaq 'enauac qami' mayi qoñiitaña na la ciudad Roma, qami' samaxalo ana ÿide. Qami' mayi qami' lauotaqa'te ñi Dios qataq qami' iÿaxanalo, da yaqto' qami' qanañañiÿot ñimayi. Qaq qauacoñiiguet qome da nqouagaxanaqtaic qataq da nlagaxayic mayi chigoqo'ot ñi qadta'a Dios qataq so qadataxala' Jesucristo.
So Pablo huotaique da namaqtega yi Roma
8Qaq aÿim sa'auaxaachiguiñi da sachigoxotchigui so Jesucristo da sanot da ñi'achiquiaxac ñi ita'a Dios souaxat da qoñiita 'enauac, cha'ayi 'enauaque na laÿil qan'aqtaxaatapigui da qadpi'iÿaxaqui. 9Qaq ñim Dios mayi so'onataxaatacot ñim semattot da iquiyaqteÿaxac da sa'axattac dam n'aqtaguec so llalec, ñimayi aÿim ÿaÿateeta da sa ishit da qami' secoua'aisalo da ivita da ñoqouagaxaueetac. 10Qaq sa i'atai' da seÿaxaatacot ñi Dios da maichi chigoqchigui ñimayi da ishit da aÿim ÿanem ca na'a'q da ishit da qami' ñamaqtegalo. 11Cha'ayi ñishitaique da qami' ñauaneto, qataq da qami' setauanque cam chigoqo'ot so Espíritu Santo, yaqto' ÿataqta qami' 'añaxaiqa. 12Qaq yaqto' ñi 'oonolec da shinaqta ishit da i'añaqchit ca lÿa da idolec de'eda npi'iÿaxac mayi qami' hueto'oto nataq'en aÿim.
13Qami' ÿaqaÿa't, sauotaique da qami' qauaÿajñiita da aÿim ÿataqta qalota da ñishitaique da qami' ñoqo'onalo da yaqto' qami' ñauaneto. Qalaxayi chochi ivitta'a nagui da saxanaxa da sañoxot. Sauotaiquecnaxa da qami' saÿalo, da yaqto' qalota ca ÿaueguec da qoñiita da da'amqajnataxan, 'eeta'am da shiitec naua lÿa't 'ale'u. 14Cha'ayi huo'o da ñi'aqtac da sa'aqtaxanem 'enauac na shiÿaxauapi, nai'ctaxa cam ÿaÿaten da naÿamaxataxac, huo'otaq cam sa ishit da naÿamaxatapec, qataq nam ÿaÿaten ana nede, huo'otaq cam sa ÿaÿaten ana nede. 15Qaq ÿoqo'oyi aÿim ÿataqta huo'o da iyaxa da nataq'en qami' sa'aqtaxanema de'eda nca'alaxa 'enauac da qoñiita mayi qoñiitaña na Roma.
Da l'añaxac dam no'on qad'axaÿaxac
16Cha'ayi aÿim sa ishit da yicoqtapeguelec da no'on qad'axaÿaxac, cha'ayi damayi l'añaxac ñi Dios mayi ishit da nca'alaxateec 'enauac cam i'amaqten. Hua'auchiguiñi na judiopi da qanca'alaxateec. Ime, qataq jec na saq judío l'ecpi. 17Cha'ayi de'eda no'on qad'axaÿaxac, damayi ishit da qomi' ÿachaxaatalo da lataxac da ñi Dios ishit da qomi' ÿaÿamaxadeete'. Qaq damayi 'eeta': nachicata cam huo'o ca lpi'iÿaxac da da'amqajnataxan. Qaq 'eda da 'enapec naua ñiyigui'shi l'aqtaqa ñi Dios, da 'eeta': “Cam ÿaÿamaxadeeta ñi Dios, ca mayi da nachaalataxac ÿachigoxotchigui da lpi'iÿaxac.”
Da lasouaxashit na shiÿaxauapi
18Qaq ÿoqo'oyi qomi' selaqa'a da lchic da lta'adaic layiloxo ñi Dios mayi ÿachigoxottot naq'en na piguem, da namaxa 'enauac na shiÿaxauapi mayi ca'ai ñimayi qataq qauemaicpi, da ÿauo'o ca nhuaxanaguec, souaxat de'eda i'ottac qauem mayi sa ishit da ÿashinem naq'en ca lÿa da ÿauatton da 'eesa lataxac. 19Namayipi ÿataqta ÿaÿateeta mque' da 'eetec da lataxac da qaÿauatton ñi Dios, cha'ayi ñimayi ÿataqta nachaxaata namayipi. 20Cha'ayi dam saq cha'a lataxac ñi Dios ishit da chigoqchigui nam l'onatacpi ñimayi da ishit da qaila'a. Qaq ishit da ÿataqta qaÿauattoota da ñimayi nachiñi ñi imattalecna qataq da ñimayi nachi 'eetai' da 'añaxaic, chigoqchiguiña co'ollaq ñimayi i'ot ana 'alhua. Qaq ÿoqo'oyi namayipi sa ishit da saqca ca lasouaxashit. 21Qaq namayipi nai'ctaxa da ÿauatton ñi Dios, qalaxayi sa ishit da ÿamata'ac da nachiñi ñi lta'a, qataq sa ishit da ÿanot da n'achiquiaxac. Chaqdata da namayipi iuennatapega nam qaica ca naigui, qataq da lquiyaqteÿaxac ÿataqta 'ico' huetaigui na napalaxa. 22Qaq nai'ctaxa namayipi da 'eetega da ÿajnaxanaxaicpi, qamaq qaica ca ÿaÿajnapec. 23Cha'ayi namayipi ÿaxaañi da natamnot ñi Dios mayi sa ishit da ileu. Chaqdata da natamnot na lqui'ipi nam shiÿaxauapi mayi ishit da ileu, qataq ivida'a nam lqui'ipi na maÿopi, n'adaxanaqpi qataq nam shiguiÿacpi. 24Qaq ÿoqo'oyi ñi Dios nachi ÿaxaneec namayipi da maichi queguelo nam maichi lhuennataxaco mayi ishit da deshipaxanaqtaxa'n. Huaña, nachi namayipi ñi 'oonolec maichi i'otec ca lÿa cam ishit da i'ot da n'aloxo, 25cha'ayi souaxat da sa ishit da qai'amaqten dam 'eesa lataxac mayi chigoqo'ot ñi Dios, chaqdata dam shipegaxanaxac. Huaña, nachi qaÿi'oxoden qataq qanatamnot nam l'onatacpi ñimayi. Qaq ñimayi sa ishit da qanatamnot ñim ÿataqta 'itchiguiñi da ishit da chochaq tateec da ñi'oxonnataguec. Aja', nachi 'eetec.
26Qaq ÿoqo'oyi ñi Dios ÿauaqta'a namayipi da i'ot nam maichi 'eetapeguecpi mayi ÿataqta qai'aguelec. Cha'ayi na 'alpi qalaq ivida'a da ÿalat da maichi lataxac da i'ot cam sa ishit da natenguet da lataxac. 27Qataq ivida'a nataq'en na ÿallippi ÿalat da lataxac da huadonguet aca 'alo, nachi ñi 'oonolec maichi dapaqtega ca 'eeta'am lÿa. Na ÿallippi nataq'en ñi 'oonolec i'otec ca lÿa cam ÿataqta i'ot da n'aloxo. Nachi ÿataqta nque'etaxangui da nhuaxanaguec da maichi lalamaxat l'oquiaxac, souaxat da i'ot da sa ÿaÿamaxañi.
28Qaq cha'ayi namayipi mashi ÿaxaneec da nauattonaguec ñi Dios, nachi ñimayi ca'ai namayipi, da yaqto' i'o't naua qauema lhuennataxaco, qataq da i'ot cam sa ishit da lataxac. 29Nachi namayipi ÿataqta nlaqchigui 'enauac na ñi'itaxaloxosat, quishiguetaxac, qauemsat, qataq da qanmitta'ai añi plata, qataq na sa ÿaÿamaxañisat. Namayipi quiÿaxanaqtaqaicpi, laataxanaxaicpi, loquiaxaicpi, tenataxanaxaicpi, qauemaicpi, qataq n'aqtaqa l'o'pi. 30Qataq sa iyacnapec ca lÿa da detaxaÿa, sa ÿauotec ñi Dios, nogoqtaxanaxaicpi, n'amqajnaxaicpi, ñi'oxonnaxaicpi. Namayipi chigaqpigui na qauempi, sa ishit da ÿalaxalguete caua lta'al, 31qaica ca ÿaÿajnapec, sa ishit da ipaguelguete naua l'aqtaqa, sa ishit da huo'o ca ÿauotec, sa ÿaÿaten da ichoxoden ca lasouaxashit ca lÿa, sa ishit da doqouagaxanaqta. 32Namayipi ÿaÿateeta nam damaxasoxoolecpi ñi Dios, qataq ÿaÿateeta da ca i'ottac ne'enapi qalaq ca mayi netagui da qaÿauo'o ca nalaataguec. Qalaxayi namayipi ñaqaiyita queto'ot da i'ottac nam qauemsat, qataq ivida'a da ÿataqta ÿaÿamaxadeeta da ilota'a ca lÿa da i'ottac namayipi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Toba Qom, Dios Nvita Na Shiỹaxauapi © Sociedades Bíblicas Unidas, 1981.