Phaodaiq 7

Junq deeq-ai thaq nail Ilsaqleiqlav nail tsaol-aq teevq sainv liq meel-nvq liq hinl gaq nail ganl

1A bhai nee ngal-aq, milma liq phao liq khoel bhai nqtavq gaqkhoel liq gaq thul phaol nail bhai, ngal ya moel-a nail ngaol. Aqyu juq neq, miltsaq bhai maqkhaiq, iqyaq iqma bhai maqkhaiq, aqbhaol iqsanl juq bhai maqkhaiq, lilmoel maq bhi bhoe dai, milma liq phao liq khoel nail lilmoel bhai nieivq thaiq-ai thaq nail ngaol. 2Aq-u phao, nqtavq gaqkhoel yaoq gaq yaoq, nlma dovkhoeq phao nee dav lal nail bhai, ngal ya moel-a nail ngaol. Aivq neq, doevq nail Miqyail nail junq aol nail ngaol. Aivq miltsaq khi mail iqyaq iqma bhai khoeq bhiq jiovq bhiq nail bhaqaoq ya-a nail nqtavq gaqkhoel al liq gaq bhai, niail hai gul bhiq-a nail ngaol: 3“Ngadao nail Miqyail nail yaqkav juq nail neeqthel bhai aivq nail junq maq deeq gaq-u neq, miltsaq bhai maqkhaiq, iqyaq iqma bhai maqkhaiq, aqbhaol juq bhai maqkhaiq, thaq khoeq thaq jiovq bhiq haq lao” dai, ge bhiq-a nail ngaol.

4Aq-u phao, junq deeq-ai thaq nail tsaol-aq kha dai gaq jaol nail-aiq dai, ngal yaq gaiq-a nail ngaol. Ilsaqleiqlav nail jeq-e jaq-a iqsanl nail lavqkhoel, junq deeq-ai thaq nail tsaol-aq teevq sainv liq meel-nvq liq hinl gaq jaol nail ngaol.

5Yuldav nail jeq-e jaq-a

lavqkhoel khe

teevq meel-nvq nvq hinl gaq.

Lulbheiq nail jeq-e jaq-a

lavqkhoel khe

teevq meel-nvq nvq hinl gaq.

Gav nail jeq-e jaq-a

lavqkhoel khe

teevq meel-nvq nvq hinl gaq.

6Aq seiqlav nail jeq-e jaq-a

lavqkhoel khe

teevq meel-nvq nvq hinl gaq.

Naq taq lil nail jeq-e jaq-a

lavqkhoel khe

teevq meel-nvq nvq hinl gaq.

Maqnaqseiq nail jeq-e jaq-a

lavqkhoel khe

teevq meel-nvq nvq hinl gaq.

7Silmiqoq nail jeq-e jaq-a

lavqkhoel khe

teevq meel-nvq nvq hinl gaq.

Leiqbhil nail jeq-e jaq-a

lavqkhoel khe

teevq meel-nvq nvq hinl gaq.

Ilsaqkhaq nail jeq-e jaq-a

lavqkhoel khe

teevq meel-nvq nvq hinl gaq.

8Seiqbhullonq nail jeq-e jaq-a

lavqkhoel khe

teevq meel-nvq nvq hinl gaq.

Yaolsai nail jeq-e jaq-a

lavqkhoel khe

teevq meel-nvq nvq hinl gaq.

Bheinqyaqminq nail jeq-e jaq-a

lavqkhoel khe

teevq meel-nvq nvq hinl gaq.

Tsaol-aq nii dai gaq bhai junq deeq-ai thaq nail ngaol.

Phulleq deel phailkhaoq heelma doi-nq thaq nail juq nail ganl

9A bhai nee ngal-aq, ngal hel daiq gai aivq-u phao, milkhaoq yaoq khaoq yaoq-ao nee nail lavqkhoel bhai maqkhaiq, khul phaq nail jeq-e bhai maqkhaiq, jeq-e jaq-a iqsanl nail lavqkhoel bhai maqkhaiq, khul phaq nail daoq ge nail tsaol-aq juq nail lavqkhoel bhai maqkhaiq, teevq gaq iqsanl maq ge gil tsaol nail tsaol-aq munl munl ma bhai, ngal ya moel-a nail ngaol. Aqyu juq neq, phul leq deel phailkhaoq heelma doi khi, aqyu juq nail aqlavq lavqkhoel bhai neq, dal-aol lavqmeiv bavq-nvq thaq khi, doiqbev bev ma nail sivtavq bhai khi, Yaolyaq nail sivtavq bhai thul phaol-nvq thaq nail ngaol. 10Aqyu juq aqthel aqkav kav dai gul nail:

“Joiqjaq doiqbev bev ma bhai

jaol deel-nvq thaq nail

ngadao nail Miqyail khi mail,

Yaolyaq bhaq da nee,

hevq kovq nail phaq

ya-a nail ngaol” dai,

gul nail ngaol.

11Nqtavq gaqkhoel iqsanl mail, doiqbev bev ma bhai maqkhaiq, joiqmaoq mavmaoq juq bhai maqkhaiq, aqdoevq phaq liq maol bhai maqkhaiq, teevq jaoq thul phaol-nvq thaq nail ngaol. Aq-u phao, nqtavq gaqkhoel al juq, doiqbev bev ma nail sivtavq phao peevqceevq kovdoiq doiq nail lavqkhoel nee gaol beiv khi, Miqyail bhai uqhuq thaoq-a nail ngaol. 12Aqyu juq ge nail:

“Aq miq!

Geeq laoq eeq nail

phaq maqkhaiq,

seiqleiq khaoqsail maqkhaiq,

neenoeq neekha maqkhaiq,

tsiq eeq nail phaq maqkhaiq,

ev nail phaq maqkhaiq,

bhaqaoq khi mail

gaq kav nail phaq maqkhaiq,

ngadao nail Miqyail nail

kovtavq bhai nqmaq maq luv

hal yeel jiav dei-eiq.

Aq miq” dai,

ge nail ngaol.

13Aq-u phao, joiqmaoq mavmaoq nail lavqkhoel bhai aol nail teevq gaq ngaq bhai, “Phulleq dai phailkhaoq heelma doi-nq thaq nail tsaol-aq niil juq, khaq sil gaq. Aqyu juq khaq bha nee mail lal-a nail-aiq” dai, nal daiq lavq-a nail ngaol.

14Ngal neq, aivq bhai, “Heeqphaq-ol, naol heeq nia nail ngaol” dai, ge kovq bhiq-a nail ngaol. Aq-u phao, aivq ge nail: “Tsaol-aq niil juq neq, kav dee dee nail khoeq nail jiovq nail lavqkhoel nee dov lal-a nail ngaol. Aqyu juq neq, yovqgavq nail phailkhaoq heelma bhai, Yaolyaq nail aqsivq-i mail phulleq dai, tsiq haol-ai thaq nail ngaol. 15Al heel ngel-i mail, aqyu juq Miqyail nail doiqbev bev ma nail sivtavq phao jaol khi, aivq nail uqhuq thaoq nail ilkhaol il ma lavqkhoel, nqkiv n-gaol maqkhaiq, aivq nail ganl nl thail thaiq nail ngaol. Doiq bev bev ma bhai jaol deel-nvq thaq nail gaq, aqyu juq nee mail jaol khi, aqyu juq bhai hel daiq phail bhiq nail ngaol. 16Aqyu juq neq, aoq iqsanl, ulcuvq iqsanl, maq moevqlal yaoq-aol. Nltsal covq nail bhai maqkhaiq, aqlaol haquvq nail khul phaq bhai maqkhaiq, maq ya daq yaoq-aol. 17Khul khi mail dai ngal-aq neq, doiqbev bev ma nail gaoltsi bhai jaol nail Yaolyaq neq, yaol bhai lovq phail bhiq nail khe-ai, aqyu juq bhai hel daiq phail bhiq nail ngaol. Aq doevq bhi doevq lal nail ulcuvq eelbev jiav nail bhai, aqyu juq bhai hel aivq nail ngaol. Miqyail aqyu juq nail maivbhil iqsanl bhai siv bhiq nail ngaol” dai, ngaq bhai ge lavq-a nail ngaol.

Currently Selected:

Phaodaiq 7: aeu

Highlight

Copy

Compare