Tsiqeeq 99
99
Tsiq eeq 99
Meeq nail haol nail Heeqphaq Miqyail
1Heeqphaq Miqyail uv thaiq nail ngaol.
Tsaol-aq yaq juq aivq bhai gee sil khi
aqjuq juq dei-eiq.
Aivq neq, Kheiqlulbhinq nail kovtavq bhai
jaol deel nail ngaol.
Miltsaq luv luv dai, dao dei-eiq.
2Heeqphaq Miqyail neq
Yeiqlulsaqlaiq meenq bhai eeq nail ngaol.
Aivq neq, tsaol-aq yaq juq iqsanl bhai
uv thaiq nail ngaol.
3Jeq-e jaq-a juq iqsanl mail
eeq dee heel dee dee khi
gee sil nail lavqkhoel nee
ev heeq phaq-ail tsaq nail
aivq nail aqmil bhai tsiq eeq dei-eiq.
Aivq nail aqmil neq
meeq nail haol nail ngaol.
4Bhaq aoq eeq nail Heeqphaq-ol
naol neq, tsaq nail daol nail phaq bhai
neema tsaq khi al bhai teivq-a nail ngaol.
Naol Ilsaqleiqlav nail milkhaoq bhai
daol coev dai yalkhaq dal khi
tsaq nail daol nail phaq bhi ivq-a nail ngaol.
5Ngadao nail Heeqphaq Miqyail bhai
tsiq eeq tsiq heel yaoq.
Aivq nail aqkhil tsaoq thaq duq nail sivtavq bhai
gaol beiv khi uqhuq thaoq yaoq.
Aivq neq, meeq nail haol nail gaq pevq nail ngaol.
6Maolseiq khi mail Aqlonq neq
aivq nail philma pevq nail ngaol.
Saq meq lal iqsanl aivq nail aqmil bhai
khul nail teevq gaq pevq nail ngaol.
Aqyu juq Heeqphaq Miqyail bhai gul-u phao
aivq ge kovq bhiq-a nail ngaol.
7Aivq neq, aqyu juq bhai
nqdil ilkhel lavqkhoel nee
daoq ge tsaoq bhiq-a nail ngaol.
Aqyu juq iqsanl
aivq nail aolthaq kovqthaq khi mail
aivq-i mail bivq-ai thaq nail
aoldaoq kovqdaoq bhai
tsao the-a nail ngaol.
8Nv juq nail Heeqphaq Miqyail-ol
naol neq, naoq nail tsaol-aq juq bhai
ge kovq bhiq-a nail ngaol.
Aqyu juq bhai
oeqbal phaiq bhiq nail gaq
pevq khi ngaol-aoq
nl laiq-u phao
yalkhaq dal bhiq nail gaq iqsanl pevq nail ngaol.
9Ngadao nail Heeqphaq Miqyail bhai
tsiq eeq tsiq heel yaoq.
Aivq nail meeq nail haol nail
gaoqjaoq kovtavq bha
aivq bhai uqhuq thaoq yaoq.
Khul khi mail dai ngal-aq
ngadao nail Heeqphaq Miqyail neq
meeq nail haol nail ngaol.
Currently Selected:
Tsiqeeq 99: aeu
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
