Tsiqeeq 88
88
Tsiq eeq 88
Haq aoq navq dee dee-u phao, gul-a nail geeqlaoq hal daoq
Daoqsel gul nail juq nail aqivq gaq bhai bhi heeq nia nail galduq: Khaol lav nail yaqyov juq nail daoqsel. Haq nail aoq nail yanq bhai bhi gul nail daoqsel. Eil saq laq nail jeq-e pevq nail Heiq maq nail daoqsel ngaol.
1Ngaq bhai hevq kovq lavq nail
Heeqphaq Miqyail-ol
nqkivq n-gaol maqkhaiq
naoq nail sivtavq bhai ngal gul nail ngaol.
2Ngaq nail hal daoq bhai gaiq khi
tsao jao-ai lavq yaoq dai gul nail bhai
nal daiq lavq yaoq.
3Ngaq nail neema lavqkhoel bhai
haq aoq navq dee dee khi
sil heeq phaq-ail ya daq thail thaiq nail ngaol.
4Sil nail milkhaoq bhai
ail nail tsaol-aq khe-ai, dul lai khi
gaq teevq peivq ail maq aol-il.
5Sil nail tsaol-aq juq nail lavqkhoel
ngaq bhai saol-nvq bhoel-ai thaq khi
luqdaol lavqkhoel bhai
bhi heivq bhoel jel-a nail khe-ai, dul ail nial.
Al ovqtavq, naol ngaq bhai maq noeq moel dai
khaonq ha-ai thaq nail tsaol-aq khe-ai iqsanl
dul ail nial.
6Navq dee dee nail luqdaol lavqkhoel
nav tsee deel khaq duq lavqkhoel bhai
naol ngaq bhai bhi aol lavq-a nail ngaol.
7Naol neema phail nail phaq
ngaq nail kovtavq bhai
aqliq liq dee dee khi eel khaol khe-ai
tsiq thaoq tsiq tuv lal nail ngaol.
8Ngaq nail aqtsaoq juq ngaq bhai khaonq ha dai
naol nl lavq-a nail ngaol.
Aqyu juq ngaq bhai aq cavq cavq lal daiq iqsanl
naol nl-a nail ngaol.
Ngal lavqkhoel bhai thaiq lai khi
jel-ail nail gailkhaol maq daol-ail.
9Haq aoq nl khi nioil-a nail ngel-i mail
maivneev maq hel daiq geel kivq-il.
Heeqphaq Miqyail-ol
ngal naoq bhai khaq mao iqsanl gul khi
aqlavq bavq dil-ai thaq nail ngaol.
10Sil jel-a nail tsaol-aq juq nail haqbhoil
noeq-u maq dov nail phaq
naol nl bhiq khi ngaol-aoq
khul tsoiq nail-aiq.
Aqyu juq gaoq thul lal khi
naoq bhai tsiq eeq nia nail laiq.
11Naoq-i mail gaoq haq goil gaiq-a nail ganl
luqdaol lavqkhoel bhai ge gaiq kivq nail laiq.
Ya luq ya seil ail nail jaol duq lavqkhoel bhai
naol saljial ivq nail ganl ge gaiq kivq nail laiq.
12Nav tsee deel jaol duq lavqkhoel-ai
naoq-i mail nl-a nail
noeq-u maq dov nail phaq bhai
moel nia nail laiq.
Nioil peivq gil-aoq nail milkhaoq lavqkhoel
naoq-i mail nl-a nail
tsaq nail daol nail phaq bhai
heeq nia naol laiq.
13Heeqphaq Miqyail-ol
ngal naoq bhai gul nail ngaol.
Yaoq haoq yaoq-ao nee
ngal naoq bhai geeqlaoq hal nail ngaol.
14Heeqphaq Miqyail-ol
naol ngaq bhai khul khi mail
khaonq ha lavq nail-aiq.
Khul khi mail naoq nail maivphaoq
yaoq phao yaoq tsiq phaol lavq nail-aiq.
15Yaq noil ail jiav-u nee
haq nail aoq nail phaq bhai ngal ya daq khi
sil heeq phaq-ail iqsanl, ya daq-a nail ngaol.
Naoq-i mail khoeq lavq jiovq lavq-a nail phaq bhai
ngal maq daq tsaol lal-aoq nail.
16Naol neema phail nail phaq
ngaq bhai uv thaiq-ai thaq khi
naoq-i mail lav tsoiq nail phaq neq
ngaq bhai lav cov nail ngaol.
17Naoq-i mail lav tsoiq nail al neq
eel jeq jeq lee nail khe-ai, teevq n n lao ail
ngaq nail kovtavq bhai kev lee khi
yaoq phao yaoq-ao nee
teevq jaoq kev lee nail ngaol.
18Ngal gaiq-a nail juq khi
ngaq nail aqtsaoq juq
ngaq bhai khaonq ha dai, naol nl khi
ngaq nail haqbhoil jail nail aqtsaoq juq neq
nav tsee deel phaq teevq-eel ngaol.
Currently Selected:
Tsiqeeq 88: aeu
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
