Tsiqeeq 116
116
Tsiq eeq 116
Sil nail nee ya jel ail-a nail gaq Heeqphaq Miqyail bhai tsiq eeq nail ngaol
1Ngal Heeqphaq Miqyail bhai gaiq-a nail ngaol.
Khul khi mail dai ngal-aq
aivq neq, ngaq nail aqthel bhai gaiq khi
geeqlaoq hal daoq bhai iqsanl
nal daiq lavq-a nail ngaol.
2Aivq neq, ngal jaol nail phao
naq khaol tsiq phaol lavq-a nail ngel-i mail
ngal aqdoevq khal doevq-u phao kev dai
aivq bhai tsiq eeq nail ngaol.
3Sil nail neeqtsaq ngaq bhai
phee thaiq lavq khi
sil nail milkhaoq iqsanl, ngaq bhai
khoeq lavq jiovq lavq-a nail ngel-i mail
ngal haq aoq nl khi noeq haq nail ngaol.
4Aq-u phao
ngal Heeqphaq Miqyail bhai niail hai gul-a nail ngaol:
"Heeqphaq Miqyail-ol, tsao jao-ai lavq yaoq" dai
gul-a nail ngaol.
5Heeqphaq Miqyail neq
gaoq haq gaiq-a nia khi, tsaq nail daol nail ngaol.
Ngadao juq nail Miqyail neq
gaoq haq goil gaiq-a nia nail gaq ngaol.
6Heeqphaq Miqyail neq
yaqnoil khe-ai dul nail juq bhai
hel daiq phail bhiq khi
ngaq bhai gaq bhaq nail lavqkhoel nee
hevq kovq lavq-a nail ngaol.
7Ngaq nail nee ma-ol, gaq naq naq yaoq.
Heeqphaq Miqyail neq
aqmeeq phaq nl lavq nail ngaol.
8Aivq neq
ngaq nail doevqyeel bhai sil nail phaq nee maqkhaiq
ngaq nail maivneev bhai
maivbhil dov nail phaq nee maqkhaiq
ngaq nail aqkhil bhai
naoq gaoq gai aivq nail phaq nee maqkhaiq
hevq kovq lavq nail ngaol.
9Al heel ngel-i mail
ngal neq, miltsaq niil nail kovtavq bhai
aqdoevq doevq-u phao
Heeqphaq Miqyail nail sivtavq bhai
tsaoq thail thaiq nail ngaol.
10"Ngal haq aoq nl nail phaq bhai ya daq-ai nial" dai
ge khi ngaol-aoq
neema thaq tsaol-ai haq nail ngaol.
11"Tsaol-aq yaq iqsanl mail
goiqbhaoq bhaoq nail daoq ge-il" dai iqsanl
maq noeq mail ge dov gai-aivq-a nail ngaol.
12Heeqphaq Miqyail-i mail
ngaq bhai nl lavq-a nail aqmeeq phaq bhai
ngal khul phaq laol bhiq heeq.
13Ngal neq
Heeqphaq Miqyail bhai laol bhiq nail haqbhoil
aqheeq tsilju nail ullul deq nail khaoqanq bhai
nieivq thaiq khi aivq nail aqmil bhai gul nail ngaol.
14Ngal neq, Heeqphaq Miqyail bhai
saljial jaq-ai thaq nail khe-ai
aivq nail tsaol-aq juq jil lai nail sivtavq bhai
laol bhiq nail lavqkhoel nee
ngaq nail saljial bhi bhee lal nail ngaol.
15Heeqphaq Miqyail bhai
saljial ivq nail tsaol-aq teevq gaq sil nail neq
Miqyail nail haqbhoil eeq nail sunq ail nail
teevq phaq pevq nail ngaol.
16Heeqphaq Miqyail-ol, ngal neq
naoq nail yaqkav pevq nail ngaol.
Ngaq nail aqma khe-ai
ngal naoq nail yaqkav jiovq nail ngaol.
Naol neq
ngaq bhai phee thaiq-ai thaq nail phaq nee
pheel lavq-a nail ngaol.
17Ngal naoq bhai
geeqlaoq eeq nail laol bhiq nail phaq laol bhiq khi
Heeqphaq Miqyail nail aqmil bhai gul nail ngaol.
18Ngal neq, Heeqphaq Miqyail bhai
saljial jaq-ai thaq nail khe-ai
aivq nail tsaol-aq juq jil lai nail sivtavq bhai
laol bhiq nail lavqkhoel nee
ngaq nail saljial bhi bhee lal nail ngaol.
19Yeiqlulsaqlaiq meenq bhai jiav nail
naoq nail uqhuq thaoq nail ilkhaol il ma khe
khainl lavqkhoel bhai
ngal saljial al bhi bhee lal nail ngaol.
Haq leiq lul yaq.
Currently Selected:
Tsiqeeq 116: aeu
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
