Genesis 40
40
Iqmoeq 40
Yaolsai nvmav bhai daoqceevq pheel-a nail ganl
1Aq bhai nee ngal-aq, heeqphaq Phaqlaol nail sivtavq bhai khaoqanq tsiq kheel bhiq nail aqivq gaq dai khi, khaqmul nl jaq kheel bhiq nail aqivq gaq neq, Phaqlaol neema maq tsaq nail phaq nl-a nail ngel-i mail,
2aivq aqyu nvq gaq bhai neema phail lal bhiq-a nail ngaol.
3Al heel ngel-i mail, aqyu nvq gaq bhai, Yaolsai nieivq bhoel-ai thaq nail heeqphaq nail haol khe genl dev nail aqivq gaq nail ilkhaol bha jiav nail thaonq bhai, bhi nieivq bhoel ail-a nail ngaol.
4Aqyu nvq gaq, a bhai aqyanq maoq dai, bhi aol-a nail ngaol. Thaonq khe genl dev nail aqivq al gaq neq, Yaolsai bhai aqyu nvq gaq-ai bhi hel daiq-a nail ngaol.
5Teevq kivq neq, Phaqlaol bhai khaoqanq tsiq kheel bhiq nail aqivq gaq dai khi, khaqmul nl jaq kheel bhiq nail aqivq gaq neq, daoqceevq maq dul lai nail nvmav teevq gaq bhai teevq phaq, mav lee bhiq-a nail ngaol.
6Nqhao lao ma Yaolsai neq, aqyu nvq gaq jaol nail bha lai-u phao, maivphaoq niaq laq khel dai jaol nail bhai, ya moel-a nail ngaol.
7Aq-u phao, Yaolsai neq: "Yaq n n-gaol nul nvq gaq khul khi mail maivphaoq niaq laq khel dai, jaol nail-aiq" dai, nal daiq bhiq-a nail ngaol.
8Aqyu nvq gaq ge nail: "Nv nvq gaq bhai nvmav mav lee-a nail ngaol. Thail hai ngaol-aoq, nv nvq gaq bhai daoqceevq pheel lavq nail gaq maq jaol-il" dai, ge bhiq-a nail ngaol. Yaolsai ge kovq bhiq-a nail: "Nvmav nail daoqceevq neq, Miqyail taivq-ail pheel nia nail ngaol. Nul nvq gaq nail nvmav ngaq bhai ge lavq yaoq" dai, ge bhiq-a nail ngaol.
9Aq-u phao, khaoqanq tsiq kheel bhiq nail aqivq gaq ge nail: "Ngaq nail nvmav bhai neq, ngaq nail sivtavq bhai aqheeq tsilju nail aqjiav jiav nail ngaol.
10Aqheeq tsilju nail aqjiav al bhai neq lavqmeiv hail meiv covq nail ngaol. Lavqmeiv al juq nee mail aqpavq dov lal khi, teevq pov taivq-ail, aqeiv eiv lee-a nail nee ovqtavq, aqheeq gail mi lal-a nail ngaol.
11Ngal neq, Phaqlaol nail khaoqanq tsiq khi aqheeq tsilju nail aqheeq oil-a nail nee ovqtavq, khaoqanq bhai ullul nieivq bhoel khi aivq nail aqlavq bhai tsiq bhiq-a nail ngaol" dai, ge bhiq-a nail ngaol.
12Yaolsai ge bhiq-a nail: "Naoq nail nvmav nail daoqceevq neq, niail hai ngaol: Lavqmeiv hail meiv neq, hail n bhai ge nail ngaol.
13Hail n nail lavqkhoel Phaqlaol neq, naoq bhai phaiq lavq khi khaoqanq tsiq kheel bhiq nail ganl, gaoq ya nl kovq nail ngaol.
14Naol niai nee mail dov-ail khi, meeq dav lal-u phao, ngaq bhai thaq nioil peivq lavq dei-eiq. Ngaq nail ganl Phaqlaol bhai ge bhiq khi, ngaq bhai niai nee mail dov-ail kivq dai, tsao jao-ai lavq dei-eiq.
15Maldil ge haq neq, ngal neq, Heiqbhail miltsaq nail lavqkhoel bhai gaoq jaq-ai lee lavq-a nail teevq gaq ngaol. Niil aq-il iqsanl, ngal niil niai thaonq bhai, bhi nieivq bhoel heeq phaq-ail, khul teevq phaq iqsanl mail maq nl laiq-al" dai ge bhiq-a nail ngaol.
16Khaqmul nl jaq kheel bhiq nail aqivq gaq gail, aivq nail aqtsaoq al gaq nail nvmav bhai aqmeeq phao daoqceevq pheel bhiq nail bhai ya gaiq-u phao, Yaolsai bhai ge bhiq-a nail: "Ngal gail nvmav mav lee-a nail ngaol. Nvmav nail lavqkhoel bhai, khaqmul nail kavjiav hail jiav ngaq nail uqhuq-i mail thaonq thaq nail ngaol.
17Pultavq khal tavq khe kavjiav neq, Phaqlaol bhai bhi jaq nail khaqmul meeq nia phaq aol nail bhai keivq-avq juq neq, kavjiav khe khaqmul al juq bhai jaq-a nail ngaol" dai, ge bhiq-a nail ngaol.
18Yaolsai ge nail: "Naoq nail nvmav nail daoqceevq neq, niail hai ngaol: Kavjiav hail jiav neq, hail n bhai ge nail ngaol.
19Hail n nail lavqkhoel, Phaqlaol neq, naoq nail uqhuq bhai bhi dev ceiv nail ngaol. A bhai nee ngal-aq, naoq nail aqmaol neq, ilkhel bhai phee tseq gai khi, keivq-avq juq neq, naoq nail haqjoil jaq lee nail ngaol" dai, ge kovq bhiq-a nail ngaol.
20A bhai nee ngal-aq, hail n bhee lal-u phao, Phaqlaol doevq lee-a nail aqn bhai, aivq nail haol khe hel daiq phail nail aqivq aqtsu juq khul jil-a nail nee ovqtavq, aoq jaq kovqkhail khail ma deiv kha khi, hav lavq bhiq-a nail ngaol. Phaqlaol neq, aivq bhai khaoqanq bhi tsiq kheel nail aqivq gaq dai khi, khaqmul nl jaq kheel bhiq nail aqivq gaq bhai, aqyu juq nail sivtavq bhai bhi khul thaq gai-a nail ngaol.
21Phaqlaol neq, aivq bhai khaoqanq tsiq kheel nail aqivq gaq bhai, aivq nail ganl gaoq bhi nl kovq-a nail ngaol. Al heel ngel-i mail, iqmoeq-u khe-ai Phaqlaol bhai khaoqanq gaoq ya tsiq kheel bhiq-a nail ngaol.
22Thail hai ngaol-aoq, khaqmul nl jaq kheel bhiq nail aqivq gaq bhai neq, bhi heivq-a nail ngaol. Al heel ngel-i mail, Yaolsai-i mail daoqceevq pheel bhiq-a nail khe-ai, pevq lal-a nail ngaol.
23Al hai pevq lal khi ngaol-aoq, khaoqanq tsiq kheel bhiq nail aqivq gaq neq, Yaolsai bhai maq noeq moel dai, nioil peivq-ail khi jaol-a nail ngaol.
Currently Selected:
Genesis 40: aeu
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Genesis 40
40
Iqmoeq 40
Yaolsai nvmav bhai daoqceevq pheel-a nail ganl
1Aq bhai nee ngal-aq, heeqphaq Phaqlaol nail sivtavq bhai khaoqanq tsiq kheel bhiq nail aqivq gaq dai khi, khaqmul nl jaq kheel bhiq nail aqivq gaq neq, Phaqlaol neema maq tsaq nail phaq nl-a nail ngel-i mail,
2aivq aqyu nvq gaq bhai neema phail lal bhiq-a nail ngaol.
3Al heel ngel-i mail, aqyu nvq gaq bhai, Yaolsai nieivq bhoel-ai thaq nail heeqphaq nail haol khe genl dev nail aqivq gaq nail ilkhaol bha jiav nail thaonq bhai, bhi nieivq bhoel ail-a nail ngaol.
4Aqyu nvq gaq, a bhai aqyanq maoq dai, bhi aol-a nail ngaol. Thaonq khe genl dev nail aqivq al gaq neq, Yaolsai bhai aqyu nvq gaq-ai bhi hel daiq-a nail ngaol.
5Teevq kivq neq, Phaqlaol bhai khaoqanq tsiq kheel bhiq nail aqivq gaq dai khi, khaqmul nl jaq kheel bhiq nail aqivq gaq neq, daoqceevq maq dul lai nail nvmav teevq gaq bhai teevq phaq, mav lee bhiq-a nail ngaol.
6Nqhao lao ma Yaolsai neq, aqyu nvq gaq jaol nail bha lai-u phao, maivphaoq niaq laq khel dai jaol nail bhai, ya moel-a nail ngaol.
7Aq-u phao, Yaolsai neq: "Yaq n n-gaol nul nvq gaq khul khi mail maivphaoq niaq laq khel dai, jaol nail-aiq" dai, nal daiq bhiq-a nail ngaol.
8Aqyu nvq gaq ge nail: "Nv nvq gaq bhai nvmav mav lee-a nail ngaol. Thail hai ngaol-aoq, nv nvq gaq bhai daoqceevq pheel lavq nail gaq maq jaol-il" dai, ge bhiq-a nail ngaol. Yaolsai ge kovq bhiq-a nail: "Nvmav nail daoqceevq neq, Miqyail taivq-ail pheel nia nail ngaol. Nul nvq gaq nail nvmav ngaq bhai ge lavq yaoq" dai, ge bhiq-a nail ngaol.
9Aq-u phao, khaoqanq tsiq kheel bhiq nail aqivq gaq ge nail: "Ngaq nail nvmav bhai neq, ngaq nail sivtavq bhai aqheeq tsilju nail aqjiav jiav nail ngaol.
10Aqheeq tsilju nail aqjiav al bhai neq lavqmeiv hail meiv covq nail ngaol. Lavqmeiv al juq nee mail aqpavq dov lal khi, teevq pov taivq-ail, aqeiv eiv lee-a nail nee ovqtavq, aqheeq gail mi lal-a nail ngaol.
11Ngal neq, Phaqlaol nail khaoqanq tsiq khi aqheeq tsilju nail aqheeq oil-a nail nee ovqtavq, khaoqanq bhai ullul nieivq bhoel khi aivq nail aqlavq bhai tsiq bhiq-a nail ngaol" dai, ge bhiq-a nail ngaol.
12Yaolsai ge bhiq-a nail: "Naoq nail nvmav nail daoqceevq neq, niail hai ngaol: Lavqmeiv hail meiv neq, hail n bhai ge nail ngaol.
13Hail n nail lavqkhoel Phaqlaol neq, naoq bhai phaiq lavq khi khaoqanq tsiq kheel bhiq nail ganl, gaoq ya nl kovq nail ngaol.
14Naol niai nee mail dov-ail khi, meeq dav lal-u phao, ngaq bhai thaq nioil peivq lavq dei-eiq. Ngaq nail ganl Phaqlaol bhai ge bhiq khi, ngaq bhai niai nee mail dov-ail kivq dai, tsao jao-ai lavq dei-eiq.
15Maldil ge haq neq, ngal neq, Heiqbhail miltsaq nail lavqkhoel bhai gaoq jaq-ai lee lavq-a nail teevq gaq ngaol. Niil aq-il iqsanl, ngal niil niai thaonq bhai, bhi nieivq bhoel heeq phaq-ail, khul teevq phaq iqsanl mail maq nl laiq-al" dai ge bhiq-a nail ngaol.
16Khaqmul nl jaq kheel bhiq nail aqivq gaq gail, aivq nail aqtsaoq al gaq nail nvmav bhai aqmeeq phao daoqceevq pheel bhiq nail bhai ya gaiq-u phao, Yaolsai bhai ge bhiq-a nail: "Ngal gail nvmav mav lee-a nail ngaol. Nvmav nail lavqkhoel bhai, khaqmul nail kavjiav hail jiav ngaq nail uqhuq-i mail thaonq thaq nail ngaol.
17Pultavq khal tavq khe kavjiav neq, Phaqlaol bhai bhi jaq nail khaqmul meeq nia phaq aol nail bhai keivq-avq juq neq, kavjiav khe khaqmul al juq bhai jaq-a nail ngaol" dai, ge bhiq-a nail ngaol.
18Yaolsai ge nail: "Naoq nail nvmav nail daoqceevq neq, niail hai ngaol: Kavjiav hail jiav neq, hail n bhai ge nail ngaol.
19Hail n nail lavqkhoel, Phaqlaol neq, naoq nail uqhuq bhai bhi dev ceiv nail ngaol. A bhai nee ngal-aq, naoq nail aqmaol neq, ilkhel bhai phee tseq gai khi, keivq-avq juq neq, naoq nail haqjoil jaq lee nail ngaol" dai, ge kovq bhiq-a nail ngaol.
20A bhai nee ngal-aq, hail n bhee lal-u phao, Phaqlaol doevq lee-a nail aqn bhai, aivq nail haol khe hel daiq phail nail aqivq aqtsu juq khul jil-a nail nee ovqtavq, aoq jaq kovqkhail khail ma deiv kha khi, hav lavq bhiq-a nail ngaol. Phaqlaol neq, aivq bhai khaoqanq bhi tsiq kheel nail aqivq gaq dai khi, khaqmul nl jaq kheel bhiq nail aqivq gaq bhai, aqyu juq nail sivtavq bhai bhi khul thaq gai-a nail ngaol.
21Phaqlaol neq, aivq bhai khaoqanq tsiq kheel nail aqivq gaq bhai, aivq nail ganl gaoq bhi nl kovq-a nail ngaol. Al heel ngel-i mail, iqmoeq-u khe-ai Phaqlaol bhai khaoqanq gaoq ya tsiq kheel bhiq-a nail ngaol.
22Thail hai ngaol-aoq, khaqmul nl jaq kheel bhiq nail aqivq gaq bhai neq, bhi heivq-a nail ngaol. Al heel ngel-i mail, Yaolsai-i mail daoqceevq pheel bhiq-a nail khe-ai, pevq lal-a nail ngaol.
23Al hai pevq lal khi ngaol-aoq, khaoqanq tsiq kheel bhiq nail aqivq gaq neq, Yaolsai bhai maq noeq moel dai, nioil peivq-ail khi jaol-a nail ngaol.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.