Zabur 76

Hodáay démá kay óshtáta kant?

Pa sázger o washáwázáni sálárá. Gón simmi sázán. Asápay zabur. Sawté.

1 Yahudiahá Hodá zánag o pajjáh áraga bit,

Esráilá áiay nám mazan ent.

2Áiay tambu Shalimá#76:2 Shalim hamá Urshalim ent. ent o

menendjáh, Sahyuná.

3Ásgwárén tiri hamódá próshtant,

zahm o espar ham, ke jangi seláh ant. Ósht...

4Taw drapshán ay o

shawkat o shánet, cha á kóhestagán zébáter ent ke shekárá porr ant.

5Delér áwár janag butant,

wati goddhi wábá ant,

cha jangáwarán yakké ham namant

ke dasté besorénit.

6Oo Ákubay Hodá! Cha tai neherrán,

áyáni arrábah o aspán sar pa markay wábá dát.

7Taw bákamál ay,

wahdé hezhma geray, kay tai démá óshtáta kant?

8-9Taw cha ásmáná dádrasia kanay o

wahdé taw, oo Hodá, pa dadrasiá jáha janay

ke zeminay sajjahén setam distagénán neját bedayay,

zemin cha torsá chopp o bétawára bit. Ósht...

10Pa ensáná tai hezhm ham tai satáay sawaba bit o

pasht kaptagén hezhmá taw wati lánká banday.

11Gón wati Hodáwandén Hodáyá kawl bekanét o wati zobánay sará bóshtét,

á sajjahén ke kerr o gwarán ant

pa hamáiá théki byárant ke bákamál ent.

12Á hákemáni gorurána próshit,

zeminay bádsháh cha áiá torsant.

Currently Selected:

Zabur 76: HPKB

Highlight

Copy

Compare

Want to have your highlights saved across all your devices? Sign up or sign in

Learn More About Hodáay Pákén Ketáb, Balochi zobáná