Yuhanná 12
12
Maryam Issáay pádán atra moshit
(Mattá 26:6–13; Markás 14:3–9)
1Cha Sargwazay Aidá shash róch pésar Issá Bayt-Anyáyá shot ke Ilázaray lóg hamódá at, hamá Ilázar ke Issáyá cha mordagán zendag kortagat. 2Áyán pa Issáyá shámé jórh kort. Martá mehmánán áp o tám kanagá at. Cha parzónagay#12:2 Parzónag, bezán soprah, kopár. saray neshtagén mardomán yakké Ilázar at. 3Nun Maryamá ném tásay kesásá#12:3 Asligén Yunáni nebeshtánka gwashit: “yakk litrá”, bezán kesás say sad gerám. Hendi sombolay#12:3 Sombol, washbóén pollé. zagr#12:3 Zagr, bezán asil, háles. o gránbaháén atr áwort, Issáay pádáni sará per rétk o gón wati mudán Issáay pádi hoshk kortant. Lógay sajjahén kondhán atray wasshén bó tálán but.
4Yahudá Eskaryuti cha Issáay moridán yakké at o hamé mard at ke randterá Issái dróhet o dozhmenáni dastá dát. Áiá gwasht: 5“Parchá é atr pa say sad dinárá#12:5 Say sad dinár kesás yakk sáléay mozz at. bahá kanag nabut o zarr garib o nézgárán dayag nabutant?” 6Áiá é habar pa bazzagén mardománi gamwáriá nagwasht, paméshká gwashti ke dozzé at. Kelitdár#12:6 Kelitdár, bezán hazánagay hesábdár o sambálók. áiay jend at o modám cha zarturagá#12:6 Zarturag, bezán hamá pélek yá turag ke zarri mána kanant. chizzé pa watia zort. 7Issáyá gwasht: “Maryamay kárá kár madár, áiá é atr pa mani kabr kanagay tayáriá ér kortagatant. 8Garib o nézgár modám shomay kerrá ant, bale man harwahd shomay kerrá naán.”
9Bázén Yahudié sahig but ke Issá hamedá ent. Mazanén rombé átk o mocch but. Tahná Issáay sawabá nayátkant, Ilázaray cháragá ham átkant ke Issáyá zendag kortagat. 10Paméshká mazanén dini péshwáyán Ilázaray koshagay shawr ham kort, 11chéá ke áiay sawabá bázén Yahudié áyáni randgiriá yalah dayag o Issáay sará imán áragá at.
Pa Issáay wasshátká
(Mattá 21:1–11; Markás 11:1–11; Luká 19:28–40)
12É dega róchá, hamá mazanén romb ke pa aidá átkagat, wahdé eshkotesh ke Issá Urshalimay ráhá ent, 13gón maccháni sarsabzén pissh o takán,#12:13 Tak, bezán macchay tarrén lotth ke pissh per enti. pa Issáay péshwáziá dar átkant. Kukkáresha kort:
“Hushiáná,#12:13 Hushiáná, bezán “márá annun berakkén”.
mobárak ent hamáiá ke Hodáwanday námá kayt.#12:13 Zabur 118:26.
Esráilay bádsháhá mobárak bát.”
14Issáyá korragén haré dar gétk o swár but, anchosh ke Hodáay Pákén Ketába gwashit: 15“Oo Sahyunay jenekk! Mators. Tai bádsháh korragén haréay poshtá neshtag o pédák ent.”#12:15 Zakaryá Nabiay Ketáb 9:9. Sahyun yakk kóhé ke Urshalimay shahray bonred é kóhay sará ér kanag butag. Sahyunay Jenekk, bezán Urshalimay mardom. 16Awalá é chizzáni máná pa moridán pakká naat, bale randá ke Issáay shán o shawkat záher but, morid yátá kaptant ke é chizz áiay bárawá nebisag butagant o mardomán ham gón áiá hamá paymá kortag. 17Wahdé Issáyá Ilázar tawár jat o cha kabrá zendagá dar kort, bázéné hamódá at. Áyán é chizzáni bárawá sháhedia dát. 18Á mazanén romb paméshká Issáay péshwáziá átk ke eshkotagatesh ke Issáyá é mójezah o ajabbatén nesháni pésh dáshtag. 19Gorhá Parisián gón yakdegará gwasht: “Bechárét, máshomá hecch kort kanagá naén, sajjahén donyá eshiay ráhá ent.”
Issá wati markay péshgóiá kant
20Hamá mardom ke aidá pa parasteshá Urshalimá átkagatant, áyáni tahá lahtén Yunáni ham mán at. 21É Yunáni Piliposay kerrá átkant. Pilipos Jalilay shahr Bayt-Saydáay mardomé at. Gón áiá gwashtesh: “Wájah! Má lóthén Issáyá begendén.” 22Pilipos shot o é habari gón Andriásá kort. Á doén shotant o Issáesh hál dát. 23Issáyá áyáni passawá gwasht: “Á wahd átkag ke Ensánay Chokkay shán o shawkat záher kanag bebit. 24Shomárá rásténa gwashán, agan gandomay dánag hákay chérá marawt o mamerit, hechbar cha yakk dánagéá géshtera nabit, bale agan bemerit, bázén dánagé pédá kant. 25Harkasá ke wati zend dóst ent, gária dant o harkas ke é jaháná cha wati zendá sara gwazit, á wati zendá rakkénit o abadmána kant. 26Agan kasé lóthit mani hezmatá bekant, gorha á lázom mani randgiriá bekant o har jáh ke mana bán, mani hezmatkár hamódá gón man góna bit. Agan kasé mani hezmatá kant, mani Pet áiá sharapdára kant.
27Annun mani del paréshán ent, man ché begwashán? Bárén begwashán: ‘Oo mani Pet! Maná cha é damán o sáhatá berakkén’? Na, habar esh ent ke mani áyagay morád o maksad hamé damán o sáhat butag. 28Oo Pet! Wati námay shán o shawkatá záher kan.” Padá tawáré cha ásmáná átk ke gwashti: “Man wati námay shán o shawkat záher kortag o angat ham záheria kanán.” 29Mardománi hamá romb ke ódá óshtátagat, gón é tawáray eshkonagá gwashtesh: “É granday tawár at.” Dega lahténá gwasht: “Préshtagéá gón eshiá habar kort.” 30Issáyá gwasht: “É tawár mani háterá nayátk, shomay háterá átk. 31Nun é jahánay dádrasiay wahd ent o jahánay sardár Shaytán dhanná dar kanaga bit. 32Wahdé man cha zeminá chest kanaga bán, sajjahén mardomán wati némagá kasshán.” 33Gón é habará Issáyá péshgói kort ke man chóna merán.
34Mardomán darráént: “Sharyat márá gwashit ke Masih tán abada mánit. Gorhá taw chóna gwashay ke Ensánay Chokk chest kanaga bit? Ensánay Chokk kay ent?” 35Issáyá gwasht: “Tahná yakk gwandhén wahdéá rozhnái gón shomá gón ent. Tán wahdé ke rozhnái gón shomá gón ent, gám janáná démá berawét. Chó mabit ke tahári shomay sará báládast bebit. Kasé ke taháriá gáma jant, nazánt kojá rawt. 36Tánke rozhn gón shomá gón ent, rozhnay sará imán byárét ke rozhnay chokk bebét.” Issáyá é habar kortant o cha áyáni kerrá shot o chér o andém but.
Yahudiáni nábáwari
37Issáyá áyáni démá bázén mójezah o ajabbatén neshánié pésh dáshtagat, bale angat áiay sará imánesh nayáwort. 38Eshayá nabiay habar hamé paymá rást o sarjam but ke áiá gwashtagat: “Oo Hodáwand! May kolaw kayá báwar kortag o Hodáwanday wák o kodrat#12:38 Asligén Yunáni nebeshtánka gwashit: “Hodáwanday dast”. pa kayá záher butag?”#12:38 Eshayá Nabiay Ketáb 53:1. 39Gorhá áyán báwar kort nakort, chéá ke Eshayáyá dega jágahé ham gwashtagat:
40 “Áyáni chammi kór o
deli seng kortagant
ke gón chammán magendant,
gón delán sarpad mabant o
dém pa man per matarrant.
Agan mani kerrá byátkénant,
man dráh kortagatant.” # 12:40 Eshayá Nabiay Ketáb 6:9 o rand.
41Eshayáyá Issáay shán o shawkat dist, paméshká áiay bárawá é habari kort. 42Angat ham Yahudiáni bázén sarókéá áiay sará imán áwort. Bale cha hamé torsá ke Parisi áyán cha kanisahá dar makanant, námesha nagept. 43Chéá ke áyán ensánay dátagén ezzat o satá cha Hodáay dátagén ezzat o satáyá dóstter at.
44Padá Issáyá gón borzén tawáréá gwasht: “Harkas ke mani sará imána kárit, tahná mani sará na, mani dém dayókay sará ham imána kárit. 45Harkas ke maná gendit, mani dém dayóká ham gendit. 46Rozhn man án o é jaháná paméshká átkagán ke harkas ke mani sará imán byárit tahárókiá mamánit. 47Bale agan kasé mani habarán beshkont o áyáni sará kár makant, angat ham man áiá mayárbára nakanán. Chéá ke man pa jahánay mayárig kanagá nayátkagán, pa jahánay rakkénagá átkagán. 48Albat pa hamá mardomá ke maná namannit o mani habarána nazurit, dádrasé hast ke áiá mayárig bekant. Hamá habar ke man kortagant, áheratay róchá áiá mayáriga kanant. 49Chéá ke man watsará habar nakortag, hamá Petá ke maná rawán dátag, áiá hokm dátag ke ché begwashán o chón habar bekanán. 50Mana zánán ke áiay hokm o parmán abadmánén zend ent. É habarán ke mana kanán, hamá habar ant ke Petá maná gwashtagant.”
Currently Selected:
Yuhanná 12: HPKB
Highlight
Share
Copy
Want to have your highlights saved across all your devices? Sign up or sign in
© 2015-2022, Wycliffe Bible Translators, Inc. and the Balochi Bible Translation Team. All rights reserved.
Yuhanná 12
12
Maryam Issáay pádán atra moshit
(Mattá 26:6–13; Markás 14:3–9)
1Cha Sargwazay Aidá shash róch pésar Issá Bayt-Anyáyá shot ke Ilázaray lóg hamódá at, hamá Ilázar ke Issáyá cha mordagán zendag kortagat. 2Áyán pa Issáyá shámé jórh kort. Martá mehmánán áp o tám kanagá at. Cha parzónagay#12:2 Parzónag, bezán soprah, kopár. saray neshtagén mardomán yakké Ilázar at. 3Nun Maryamá ném tásay kesásá#12:3 Asligén Yunáni nebeshtánka gwashit: “yakk litrá”, bezán kesás say sad gerám. Hendi sombolay#12:3 Sombol, washbóén pollé. zagr#12:3 Zagr, bezán asil, háles. o gránbaháén atr áwort, Issáay pádáni sará per rétk o gón wati mudán Issáay pádi hoshk kortant. Lógay sajjahén kondhán atray wasshén bó tálán but.
4Yahudá Eskaryuti cha Issáay moridán yakké at o hamé mard at ke randterá Issái dróhet o dozhmenáni dastá dát. Áiá gwasht: 5“Parchá é atr pa say sad dinárá#12:5 Say sad dinár kesás yakk sáléay mozz at. bahá kanag nabut o zarr garib o nézgárán dayag nabutant?” 6Áiá é habar pa bazzagén mardománi gamwáriá nagwasht, paméshká gwashti ke dozzé at. Kelitdár#12:6 Kelitdár, bezán hazánagay hesábdár o sambálók. áiay jend at o modám cha zarturagá#12:6 Zarturag, bezán hamá pélek yá turag ke zarri mána kanant. chizzé pa watia zort. 7Issáyá gwasht: “Maryamay kárá kár madár, áiá é atr pa mani kabr kanagay tayáriá ér kortagatant. 8Garib o nézgár modám shomay kerrá ant, bale man harwahd shomay kerrá naán.”
9Bázén Yahudié sahig but ke Issá hamedá ent. Mazanén rombé átk o mocch but. Tahná Issáay sawabá nayátkant, Ilázaray cháragá ham átkant ke Issáyá zendag kortagat. 10Paméshká mazanén dini péshwáyán Ilázaray koshagay shawr ham kort, 11chéá ke áiay sawabá bázén Yahudié áyáni randgiriá yalah dayag o Issáay sará imán áragá at.
Pa Issáay wasshátká
(Mattá 21:1–11; Markás 11:1–11; Luká 19:28–40)
12É dega róchá, hamá mazanén romb ke pa aidá átkagat, wahdé eshkotesh ke Issá Urshalimay ráhá ent, 13gón maccháni sarsabzén pissh o takán,#12:13 Tak, bezán macchay tarrén lotth ke pissh per enti. pa Issáay péshwáziá dar átkant. Kukkáresha kort:
“Hushiáná,#12:13 Hushiáná, bezán “márá annun berakkén”.
mobárak ent hamáiá ke Hodáwanday námá kayt.#12:13 Zabur 118:26.
Esráilay bádsháhá mobárak bát.”
14Issáyá korragén haré dar gétk o swár but, anchosh ke Hodáay Pákén Ketába gwashit: 15“Oo Sahyunay jenekk! Mators. Tai bádsháh korragén haréay poshtá neshtag o pédák ent.”#12:15 Zakaryá Nabiay Ketáb 9:9. Sahyun yakk kóhé ke Urshalimay shahray bonred é kóhay sará ér kanag butag. Sahyunay Jenekk, bezán Urshalimay mardom. 16Awalá é chizzáni máná pa moridán pakká naat, bale randá ke Issáay shán o shawkat záher but, morid yátá kaptant ke é chizz áiay bárawá nebisag butagant o mardomán ham gón áiá hamá paymá kortag. 17Wahdé Issáyá Ilázar tawár jat o cha kabrá zendagá dar kort, bázéné hamódá at. Áyán é chizzáni bárawá sháhedia dát. 18Á mazanén romb paméshká Issáay péshwáziá átk ke eshkotagatesh ke Issáyá é mójezah o ajabbatén nesháni pésh dáshtag. 19Gorhá Parisián gón yakdegará gwasht: “Bechárét, máshomá hecch kort kanagá naén, sajjahén donyá eshiay ráhá ent.”
Issá wati markay péshgóiá kant
20Hamá mardom ke aidá pa parasteshá Urshalimá átkagatant, áyáni tahá lahtén Yunáni ham mán at. 21É Yunáni Piliposay kerrá átkant. Pilipos Jalilay shahr Bayt-Saydáay mardomé at. Gón áiá gwashtesh: “Wájah! Má lóthén Issáyá begendén.” 22Pilipos shot o é habari gón Andriásá kort. Á doén shotant o Issáesh hál dát. 23Issáyá áyáni passawá gwasht: “Á wahd átkag ke Ensánay Chokkay shán o shawkat záher kanag bebit. 24Shomárá rásténa gwashán, agan gandomay dánag hákay chérá marawt o mamerit, hechbar cha yakk dánagéá géshtera nabit, bale agan bemerit, bázén dánagé pédá kant. 25Harkasá ke wati zend dóst ent, gária dant o harkas ke é jaháná cha wati zendá sara gwazit, á wati zendá rakkénit o abadmána kant. 26Agan kasé lóthit mani hezmatá bekant, gorha á lázom mani randgiriá bekant o har jáh ke mana bán, mani hezmatkár hamódá gón man góna bit. Agan kasé mani hezmatá kant, mani Pet áiá sharapdára kant.
27Annun mani del paréshán ent, man ché begwashán? Bárén begwashán: ‘Oo mani Pet! Maná cha é damán o sáhatá berakkén’? Na, habar esh ent ke mani áyagay morád o maksad hamé damán o sáhat butag. 28Oo Pet! Wati námay shán o shawkatá záher kan.” Padá tawáré cha ásmáná átk ke gwashti: “Man wati námay shán o shawkat záher kortag o angat ham záheria kanán.” 29Mardománi hamá romb ke ódá óshtátagat, gón é tawáray eshkonagá gwashtesh: “É granday tawár at.” Dega lahténá gwasht: “Préshtagéá gón eshiá habar kort.” 30Issáyá gwasht: “É tawár mani háterá nayátk, shomay háterá átk. 31Nun é jahánay dádrasiay wahd ent o jahánay sardár Shaytán dhanná dar kanaga bit. 32Wahdé man cha zeminá chest kanaga bán, sajjahén mardomán wati némagá kasshán.” 33Gón é habará Issáyá péshgói kort ke man chóna merán.
34Mardomán darráént: “Sharyat márá gwashit ke Masih tán abada mánit. Gorhá taw chóna gwashay ke Ensánay Chokk chest kanaga bit? Ensánay Chokk kay ent?” 35Issáyá gwasht: “Tahná yakk gwandhén wahdéá rozhnái gón shomá gón ent. Tán wahdé ke rozhnái gón shomá gón ent, gám janáná démá berawét. Chó mabit ke tahári shomay sará báládast bebit. Kasé ke taháriá gáma jant, nazánt kojá rawt. 36Tánke rozhn gón shomá gón ent, rozhnay sará imán byárét ke rozhnay chokk bebét.” Issáyá é habar kortant o cha áyáni kerrá shot o chér o andém but.
Yahudiáni nábáwari
37Issáyá áyáni démá bázén mójezah o ajabbatén neshánié pésh dáshtagat, bale angat áiay sará imánesh nayáwort. 38Eshayá nabiay habar hamé paymá rást o sarjam but ke áiá gwashtagat: “Oo Hodáwand! May kolaw kayá báwar kortag o Hodáwanday wák o kodrat#12:38 Asligén Yunáni nebeshtánka gwashit: “Hodáwanday dast”. pa kayá záher butag?”#12:38 Eshayá Nabiay Ketáb 53:1. 39Gorhá áyán báwar kort nakort, chéá ke Eshayáyá dega jágahé ham gwashtagat:
40 “Áyáni chammi kór o
deli seng kortagant
ke gón chammán magendant,
gón delán sarpad mabant o
dém pa man per matarrant.
Agan mani kerrá byátkénant,
man dráh kortagatant.” # 12:40 Eshayá Nabiay Ketáb 6:9 o rand.
41Eshayáyá Issáay shán o shawkat dist, paméshká áiay bárawá é habari kort. 42Angat ham Yahudiáni bázén sarókéá áiay sará imán áwort. Bale cha hamé torsá ke Parisi áyán cha kanisahá dar makanant, námesha nagept. 43Chéá ke áyán ensánay dátagén ezzat o satá cha Hodáay dátagén ezzat o satáyá dóstter at.
44Padá Issáyá gón borzén tawáréá gwasht: “Harkas ke mani sará imána kárit, tahná mani sará na, mani dém dayókay sará ham imána kárit. 45Harkas ke maná gendit, mani dém dayóká ham gendit. 46Rozhn man án o é jaháná paméshká átkagán ke harkas ke mani sará imán byárit tahárókiá mamánit. 47Bale agan kasé mani habarán beshkont o áyáni sará kár makant, angat ham man áiá mayárbára nakanán. Chéá ke man pa jahánay mayárig kanagá nayátkagán, pa jahánay rakkénagá átkagán. 48Albat pa hamá mardomá ke maná namannit o mani habarána nazurit, dádrasé hast ke áiá mayárig bekant. Hamá habar ke man kortagant, áheratay róchá áiá mayáriga kanant. 49Chéá ke man watsará habar nakortag, hamá Petá ke maná rawán dátag, áiá hokm dátag ke ché begwashán o chón habar bekanán. 50Mana zánán ke áiay hokm o parmán abadmánén zend ent. É habarán ke mana kanán, hamá habar ant ke Petá maná gwashtagant.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015-2022, Wycliffe Bible Translators, Inc. and the Balochi Bible Translation Team. All rights reserved.